桔梗 (已結業)

桔梗咁出名💛bookmark左好耐想黎啦。之前都係行台灣文青路線，加上rooftop可以chillax食shisha，不失為女孩們傾心事同情侶撐枱腳既地方🌛不過一直未黎試，見menu有d貴加上其他食評評價麻麻…雖然係咁，淨係餐廳立場已經好值得俾個機會佢❤️💪今晚同男朋友黎，咦？原來有新搞作，menu轉左日式食物😃懶鬼我地梗係揀2人套餐 $528，唔洗煩揀咩呀嘛💁‍♀️例牌等齊食物上枱影張全家福先🥰望落都覺得好豐富涼拌毛豆，三種小菜男朋友好鍾意食豆，一邊mit豆一邊嘆清酒就啱曬佢啦。紅黃紫色既漬物，最鍾意係黃蘿蔔，甜甜地作為開胃菜幾好。炙烤鮪魚佐芥末蛋黃醬🐟鮪魚可能融雪唔夠耐，食第一塊時有少少硬。份量幾多而且厚切👍加埋芥末蛋黃醬，味道更濃郁。想清淡d可以加少少蘿蔔蓉中和下。炸雞炸雞新鮮炸起，上枱仲係熱辣辣架🐥炸粉唔算太厚，不過油落得太多？食落油益味較重。加返檸檬汁或者點台式五味醬味道更佳。熱炒魷魚拌明太子醬🦑好鍾意食魷魚😍每片魷魚都有明太子醬，炒得平均加增咸香味👍擺盤方面，日式興放塊生菜上碟架咩？…唔知點解我覺得接受唔到😂如果換幾條沙律菜加少少柚子醋or胡麻醬就好啦🙈京葱檸檬味豬腩🐖檸檬蜜糖

我同朋友叫咗一個雙人套餐🥢熱炒魷魚拌明太子醬🦑明太子醬味道適中，唔會太鹹，魷魚都仲好有咬口，本身都驚會係乾爭爭，食落都仲juicy，係唔錯嘅伴酒菜～京蔥檸檬味噌豬腩🐷好好奇呢個組合會係點，結果都出乎意料地夾喎，酸酸甜甜嘅醬可以解膩，豬腩肉都好淋，算係成餐嘅小驚喜！炙烤鮪魚佐芥末蛋黃醬🐟吞拿魚都唔會好碎好散，可以大大啖吞落去，面頭加咗比較濃味嘅蛋黃醬同照燒汁，夾啲旁邊嘅蘿白蓉會幾match～茶漬飯🍵茶漬飯有兩款，分別係三文魚同明太子炸雞與台式五味醬🥢炸雞十分脆口，調味同炸粉輕盈啲就更好👌套餐包括一瓶清酒🥂平時唔飲開就要留意啦，因為都有啲酒勁㗎，但係相對都易入口，不錯不錯，配埋魷魚就最夾！餐廳樓底高，即使晚市滿座都唔會覺得侷促，空間感十足，同朋友傾計都好舒服👍

今次黎同朋友慶祝生日，呢個二人餐啱晒！睇中佢包一支細細支嘅清酒！🌟餐前漬物 三小碟。🌟灸烤鮪魚半生魚片佐芥末蛋黃醬開胃菜味道幾夾又唔會好大芥辣味攻鼻🌟炸雞夠乾身細細粒又juicy.🌟熱炒魷魚半明太子醬呢個超香！！下酒一流，但我覺得佢似蝦醬味多過明太子醬😂😂可能所有嘢炒魷魚都會係同一個味？🌟京蔥檸檬味噌豬腩油脂均勻夠香口🌟明太子茶漬飯三文魚茶漬飯with 糖心蛋飯既份量唔多，細細碗Mix 落d湯又唔會好乾，係夏日和風既感覺！🌟earl grey cake初時以為唔夠食，但其實食食下都好飽，再加埋呢個蛋糕真係被K.O.好香茶味， 我覺得係零甜度， 靠個醬點就會甜！

想試桔梗好耐，不過經常都大排長龍，今夜訂到枱終於可以😌來到。位於後街一棟，掛住大大個桔梗的招牌。餐廳內外好像兩個世界，樓底非常高即使滿座亦不會嘈吵😮‍💨座位之間亦有足夠的空間，是一個可以慢慢坐、慢慢傾的地方。我們點了雙人「日式二人套餐」（$528）相當豐富🍴首先不得不講隨餐附送的清酒店員推介「大吟釀🍶」易入口亦飲到清酒香醇味道😚唔覺唔覺飲晒成支推薦👍👍👍👍👍🌟送酒佳品：毛豆 溏心蛋 小前菜🌟最鮮味：「灸烤鮪魚佐芥末蛋黃醬」，好配蛋黃醬，唔多食🐟的我亦唔覺得腥🌟最香口：「京蔥檸檬味豬腩」，半肥瘦豬腩肉好惹美，加左檸檬🍋汁去左油膩感🌟最脆口：「炸雞與台式五味醬」，外層炸到香脆，裡面雞肉仲係好Juicy，入口啖啖肉，好味😋🌟最惹美：講到最喜歡就係「熱炒魷魚🦑拌明太子醬」，魷魚炒得好香，入口非常惹美，有街上燒魷魚的感覺，食完一舊又一舊套餐甜品：「伯爵茶味戚風蛋糕」好香伯爵茶味，蛋糕鬆軟🍰配埋香滑cream 食呢餐飲飽食醉大滿足😋😋😋

傳說中成日俾popo騷擾嘅餐廳🤣🤣今日終於黎試食晚餐喇！之前都吃過brunch!印象中超多人上次，要排隊排到飛起！今次晚餐反而輕鬆啲，一入就有位👍🏼👍🏼晚餐menu都幾唔同，係日式多啲！！叫咗個2人餐🤣超多野食🙈$528 加一 $581!多到食唔哂🙈基本上3個人食都夠！炸雞酸甜雞很嫩👍🏼個醬唔夠雞驚喜，唔太夠酸甜🤣雞有成5舊，以小食黎講份量十足😎明太子醬魷魚超多！！魷魚好特別!幾好食😋味噌豬腩肉有蜜糖比你點添呀！！肥腩肉唔會好騷，點蜜糖唔會太甜👍🏼one of my fav!涼拌毛豆好重蒜味！一咬就逼咗粒豆，幾好食😋好清新！仲要凍凍地！炙燒鮪魚正！！一致認同最愛小菜👍🏼👍🏼👍🏼👍🏼點wasabi加檸檬汁，超好食😋好新鮮！茶漬(三文魚/明太子)溏心蛋好鬼正！不過太大碗飯🙈🙈但味道係好食！最後仲要有甜品！係焙茶burnt cheesecake!!!小小份量🤣🤣好食😋個奶蓋好食😋佢好ig able!!影超多相🤣🤣🤣啱哂打卡！！

桔梗@旺角，係我一直想去試的餐廳👍🏻 今日終於有時間去～ 餐廳好大，好有空間感，裝修簡約清新，好舒服～ 我食過其他姊妹店Lagom，menu 完全不一樣，原來店員話佢地剛剛開始轉返跟台灣menu, 所以現在主打日式定食～ 京蔥檸蜜味噌豬腩定食 $78定食包括飯、主食、前菜、溏心蛋，賣相唔錯，幾抵食咁喎～ 豬腩幾香口，不過都真係幾肥🙈 個醬汁甜甜的，唔鋯～ 溏心蛋非常溏心😆入味👍🏻 前菜有紫蘇蕃茄，日本醃菜，我覺得紫蘇蕃茄好好味呀😋🤩炸雞與酸甜五味醬定食 $88定食有相同的配菜，主食炸雞有五件，外脆內軟，炸皮好薄👍🏻 雞肉嫩滑有肉汁😋 五味醬甜甜酸酸，唔錯👍🏻炸雞翼佐明太子芥末優格醬 $68有四隻雞翼，雞翼外皮香脆，雞翼入面有飯嘅餡料，配上明太子芥末醬真係好正呀🤩凍百利甜酒朱古力 $48淨係個樣已經好吸引😍 朱古力味同百利甜酒味幾平均，整體奶味比較重，好香好滑，正👍🏻提拉米蘇 $50勁靚呀😍 好吸引呀🤩 上面一層係好香滑嘅奶😋 同下面嘅Tiramisu好夾呀🤤真係好好味👍🏻果然冇期待錯，有時間會再去食👍🏻

又到出糧食餐好嘅時間，今次揀左每逢經過朗豪坊旁邊嘅街見到都會大堆人等位嘅呢間餐廳。平日晚上收工時間，好彩時間尚早撞到唔需要等位，目測入座率都8-9成。之前朋友食過一次係食西餐， 但原來依家Menu改左做台/日式菜。用App order左個2人餐, 套餐仲清酒送.等左大約10分鐘就已經上齊菜.炙烤鮪灸佐芥末蛋黃醬 - 先黎個前菜，吞拿魚外層輕輕燒過，粗顆嘅黑椒/醬汁/加埋少許wasabi味道都好夾冇打交作為前菜不錯幾開胃溏心蛋 / 毛豆 / 茶漬物 - 放埋一齊勁色彩繽紛😂 個人幾鍾意溏心蛋，蛋有浸泡過甜醬油，外層有淡淡淺啡色，少少甜亦夠蛋香。炸雞與五味醬 - 炸雞炸得乾身唔油，保留到肉汁，而五味汁亦係少少微甜。熱炒魷魚拌明太子醬 - 炒魷魚好香，加上明太子更增添佢嘅鹹香，送酒岩啦！京蔥檸檬味噌豬腩 - 個人鐘情就係減肥天敵豬腩肉，燒得少少焦香加返幾滴檸檬減低膩感，醬汁估計加左啲蜜糖，再一碟佐酒小菜😉明太子茶漬飯 / 鮭魚茶漬飯 - 茶漬飯味道正常，碗邊有加少少wasabi 拌勻去食。個人較偏好鮭魚口味。跟餐嘅清酒 🍶 同朋友都好鍾意飲酒，唔使另外加錢嘅情況下緊要小酙兩杯啦最後仲有甜品抹

一直都未有機會試呢間好出名嘅黃店，最近同朋友去開旺角食飯，就順便黎試下。餐廳比我想像中大，有好多位，當日我地大概7點去到都唔洗等，可以直入。本身expect都係食下啲risotto, 點知餐廳新出左個非常吸引嘅日式二人套餐（$528），包左幾款小菜、茶漬飯同埋一支清酒，最後仲有甜品食，都算係幾抵！✨炸雞與台式五味醬炸雞新鮮炸起，外皮非常香脆，有少少似麥樂雞咁，再配埋個甜甜地嘅五味醬，味道都唔錯。✨熱炒魷魚伴明太子醬魷魚以明太子醬炒熟，明太子嘅味道比起魷魚本身嘅鮮味更為突出，食落都幾淰唔會太難咬。✨京蔥檸檬味豬腩清新嘅檸檬中和左豬腩肉本身嘅油膩感，食落酸酸咪咪，非常開胃😋✨炙烤鮪魚佐芥末蛋黃醬鮪魚燒至半熟，加埋蛋黃醬一齊食，都幾好味😋除左上面幾款小食外，仲有枝豆等嘅佐酒小菜，成個晚餐感覺非常完整❤️

桔梗最近轉了Menu，決定去嘗一嘗鮮。用qr code下單，二人餐包左一支清酒，如不喝酒也可轉飲抹茶特飲。杯子是冰過的很細心。小菜三小碟與毛豆熱炒魷魚配明太子醬魷魚腍身鮮美，配上微辣明太子更是惹味。炙烤鮪魚佐芥末蛋黃醬鮪魚表面經炙烤，配上大阪燒醬及芥末蛋黃醬，很開胃。京蔥檸檬味豬腩豬腩7份肥，幸煎得乾爽，不會太油膩炸雞與台式五味醬茶漬碗配溏心蛋（三文魚）茶漬碗配溏心蛋（明太子）溏心蛋做得很好，蛋黃如啫喱。最驚喜的莫過於甜品原以為跟餐甜品太多是heahea雪米糍之類竟然有心思到出了一個焙茶口味的巴斯克芝士蛋糕味道濃郁而不膩，焙茶香味突出，出色！

終於來到桔梗食飯，因為次次都好多人唔得閒等位，今有時間可以入到去食。難得約左好姊妹食飯，我地直接叫左個2人餐，因為見佢乜都有，最緊要係有酒飲又有甜品，啱曬我地!!2人餐Menu 真係好豐富，先來1支Sake 同幾碟開胃小食， 係一啲醃製嘅脆瓜，之後就來左一碟好驚喜嘅菜式:<炙烤鮪魚佐介末蛋黃醬> 鮪魚厚道適中，4邊烤得剛好，內層好軟滑!! 下次一定會再叫~<熱炒魷魚拌明太子醬>好惹味，穫氣夠，明太子醬份量好多，可以沾生菜食< 京蔥檸檬味豬腩>雖然係豬腩，好香口但唔會好油膩，可能就係因為有檸檬< 炸雞台式五味醬>炸雞唔係平時食到嘅炸雞感覺，佢係好腍身嘅，唔係香脆嗰種，另外個5味醬係食完又想食ga<茶漬飯 配溏心蛋>有兩碗，一碗係明太子茶漬飯，另一碗係三文魚茶漬飯，用來配上面所有小菜都好夾最後今日甜品係伯爵茶cheese cake!! 係我最鍾意嘅茶系，配佢淋上面個cream好好味!!總結，呢個2人餐係物超所值，其實兩個女仔食唔晒，起碼3個女仔食，如果細食嘅4個都夠食，係咪抵先❤

桔梗換左新menu之後好似去左台灣既cafe，夜晚就係台式小酒館，有酒飲又有shisha，總之就係好chill。周末黎食個Brunch好驚喜唔算太多人，枱與枱之間夠晒闊落，又開陽，係度食飯飲野身心都舒暢晒。Day time 有定食，主菜5揀1，溏心蛋，小菜同白飯。主菜叫左每日手打蝦餅，聽個名都知新鮮，蝦餅食到粒粒爽口既蝦肉，好有誠意同埋岩減肥人士。溏心蛋烹調得剛好溏心而不會流心，食落外皮有少少滷水味，就咁食唔會過咸，配飯都一流。白飯圓圓地似珍珠米。炙烤鮪魚伴芥辣蛋黃醬，好可惜鮪魚咁岩個位有筋影響整體口感，要不然配飯餸酒都唔差，醬汁幾日式。牛肉可好餅配柚子沙律係最滿意既小食，脆而不油，入面軟綿綿既牛肉薯蓉調味適中，沙律酸酸甜甜，仲可以用生菜包住可樂餅食，會有驚喜。食完正餐，加埋個飯後鹹點bacon scone，呢隻味好特別，加左香草，唔太中意食甜品既人點呢個配杯咖啡會幾夾。Oat milk Dirty 好香滑，mango oat milk shake 又係好香濃燕麥味，口感超滑順，次次黎都點，可惜今次冇晒 berries 味。

一間知名嘅餐廳，早前朋友仔已經講想食，難得今日終於夾到時間，一齊去幫襯支持下😉今次就叫左個雙人日式套餐($528)，包括有清酒一瓶、涼拌毛豆、三種小菜、炙烤鮪魚佐芥末蛋黃醬、炸雞與台式五味醬、熱炒魷魚拌明太子醬、京蔥檸檬味豬腩、茶漬兩碗、溏心蛋、精選甜品環境好有空間感，夠廣闊坐得舒適，RELAX減壓嘅好地方😁清酒：本身同朋友好少飲清酒，職員過黎介紹清酒嘅背景資料，幾有HEART❤️隨住清酒放喺室溫嘅溫度變化，飲出黎會味道都會隨之改變，同埋可以品嘗唔同食物時再作PAIRING，幾特別😍三種小菜：前菜漬物，酸酸辣辣，夠開胃涼拌毛豆：最啱一邊傾計一邊食，不經不覺食下就食完😜熱炒魷魚拌明太子醬：熱辣辣上碟，加以明太子黎炒嘅魷魚上晒味，少少辣辣地幾惹味，唧D檸檬汁更能吊出魷魚鮮味😋炙烤鮪魚佐芥末蛋黃醬：鮪魚食壽司或者丼飯就食得多，當作小菜嘅食就比較少，外層火炙輕輕燒熟令味道更加香口，內層保持鮮嫩感，加上芥末蛋黃醬黎食又味道幾唔錯😋京蔥檸檬味豬腩：豬腩片唔算好肥膩，燒得啱啱好👍🏻本身直接食件豬腩會覺得左少少，不過當唧埋檸檬汁再點埋醬汁就中和返當中嘅鹹，令味道食落去幾惹味😋炸雞與台式五味醬：炸雞唔會太

跟友人約了係MK dinner, 朋友揀左樓底高既餐廳桔梗！餐廳樓底幾高感覺舒服！第一次黎！餐廳用QR code點餐的，放工唔想諗太多我們點了日式二人套餐！抹茶鮮奶macha latte店員介紹是用京都抺茶粉製成，幾濃既抺茶味唔會太甜。前菜枝豆味道幾清帶小小咸味，另外三款漬物，漬物是蘿蔔、酸梅及酸瓜，酸酸甜甜幾開胃呢。京蔥檸檬味噌豬腩半肥瘦豬腩肉幾肥美，有小小檸檬味道酸酸地咸咸地，葱味幾香減去了一d肥膩感，好食！烤鮪魚芥末配蛋黃醬面層烤過幾脆口，類似刺身既口感幾特別有點像吞拿魚，另外配了芥末沙律醬幾野味😋魷魚明太子醬魷魚幾鮮味同彈牙，入面有明太子，味道帶小小咸香，好快KO 灑！炸雞酸甜五味醬邪惡既炸雞，面層炸到脆卜卜，入面肉就剛剛好熟，肉幾嫩滑醬汁甜甜地帶小小酸味跟炸雞都幾夾！明太子及三文魚茶漬飯第一次食茶漬飯，口感似湯飯帶有d茶香、除了有三文魚及明太子外，配菜有蔥、紫菜及半生熟蛋，不錯！伯爵茶芝士蛋糕二人餐有一客甜品，賣相似係一個麵包，原來係cheesecake 黎，面層烤得微濃，入面是鬆軟cheese cake 茶味幾濃，整體幾好食！二人餐528$ 有前菜、小食、飲品及甜品，價錢合

一直以來都好想去超人氣Cafe<桔梗>試下，不過好多時都好多人，今晚平日晚上就好好彩，walk in去到等一陣就有位啦！好開心吖！！～之前見好多人都食西式野，今晚見餐廳Menu原來都有日式料理，而且個日式套餐仲包清酒一瓶，超心動啊!!~先來清酒一瓶，濃度同味道都係女仔接受到嘅，入口頗清而帶微甜，二人share每人都飲到三、四杯。頭盤是三種日本醃菜，味道帶酸。另外還有涼拌毛豆，都幾新鮮，感覺幾健康。<炙烤鮪魚佐芥末蛋黃醬>吞拿魚肉外面輕輕烤過，能保持住魚肉裡面的嫩滑口感，上面配有芥末蛋黃醬，夠軟夠滑，味道不錯。<京蔥檸檬味噌豬腩>輕煎的味噌豬腩肉，切得薄薄的，都有好多片，半肥瘦的肉質雖然邪惡，但微微的油脂感反而更加美味。<熱炒魷魚伴明太子醬>魷魚炒得好腍，而且明太子醬伴住一齊食，味道非常香口惹味，送茶漬飯一流。<炸雞與酸甜五味醬>炸雞炸得外面極為香脆，炸粉超薄，雞肉都好腍好嫩滑，雞肉醃得夠入味，非常好食。<茶漬飯>套餐配有茶漬飯兩碗，茶漬飯配有三文魚肉，湯底帶有魚湯味道，湯飯配上三文魚肉，令飯

知道呢間人氣食店係呢頭，今晚行過見到唔駛排隊就梗係要試下店內面積甚廣，設有上下兩層，無論樓底或空間感十足開放式水吧及廚房，另一面放滿唔同類型酒瓶，應該係有酒飲啦..........哇哈哈! 店內提供單點或套餐，唔想煩惱，就黎個雙人日式套餐 ($528)先送上清酒一瓶，係大吟釀，配上兩隻凍清酒杯， 易入口，有米香味，行到熱辣辣，有杯凍酒飲下確係舒服!  有酒當然要搵D食物送下酒，呢客熱炒魷魚拌明太子醬就及時雨加入明太子醬炒嘅魷魚，入口軟身得黎帶少少嚼口，唔會過咸，一啖一舊再呷啖清酒，爽呀!呢客炙烤鮪魚佐芥末蛋黃醬，食過類似嘅煮法係以吞拿魚入饌，今次係三文魚擔旗厚切三文魚略略炙烤過令邊位帶點硬度，略嫌醬汁多咗D，件三文魚入口係鬆軟嘅!完成海鮮類，到肉類代表出場 : 京蔥檸檬味豬腩，食前先唧少少檸檬汁豬腩肉切成薄片，肉身煎得帶點焦香，沾上甜醬汁一齊食，肉本身嘅咸香味加上甜汁又豐富左整體味道，歡喜佢帶有少少軟骨位，有嚼勁!另一代表為炸鷄與台式五味醬即叫即炸，個炸漿超級薄脆，咬入鷄肉會流出肉汁出黎，嫩滑Juicy，配上另一款嘅酸甜汁，點可能唔一舊接一舊?!茶漬兩碗，分別有三文魚及明太子，入口熱辣