桃源麵館

营业中

休息中

復活節假期,到馬灣參觀挪亞方舟,熱到飛起,走到這間獨處一角的麵館試試.........我order鹽酥雞扒飯餐,由入座落單,到order送上檯大約都係6分鐘左右,本以為咁快一定係炸定啦...心唸...死....選擇錯誤.......但碗飯都擺到面前都要........我一啖食落去,嘩! 正....雞扒外脆內嫩,肉質新鮮,炸得arm arm好.配埋肉燥汁,撈飯食一流,不過汁就少咗啲,arm arm好撈到一碗飯,仲有半隻蛋(滷水嗰隻)同1粒豆卜,少少菜同粟米粒,飲埋杯珍珠奶茶,埋單都只係$40,我個人就覺得超抵食,仲有碗例湯送.杯珍珠奶茶水準都唔係太差,係啲珍珠就少咗啲,不過跟餐加$6都可以接受,埋單時,我向她們建議如果啲肉燥汁可以再多啲就更好,個職員話原來可以加1小碟肉燥汁,不過就另收$4,今次真係錯過咗有機會到馬灣都不妨一試.

2-17-2008和女友的馬灣之旅，早上去了中環的Chippy，今晚選了這間桃源，兩間都給我們印象很好。 桃源，聽名字大概以為是一貫台式餐廳，飲什麼珍珠奶茶似。柏麗灣的食店並不多，最後選了這間小小的店，有部Plasma大電視，等晚餐時可消磨時間看看演唱會都挺不錯。 麻辣牛筋花枝丸拉麵配炸餃子($38)。等了很久少來，有點點兒餓壞我們了，所謂的麻辣完全沒有任何辛辣之感，不過味道也不錯。 西檸龍利柳意粉($45)。賣相很特別，魚柳上的那片檸檬一半是香草一半是七味粉，這樣的調味方式夠特別吧。還有插住的兩枝餅乾條，為的是做出龍蝦鬚的效果吧。雖然味道算是普通，不過有那麼好的賣相搭救。 另外叫了小食，特色炸豆腐($18)。看看餐牌還有台式炸豆腐，已經証明這間桃源食物選擇的確多吧。份量炸得很大件，這個價錢算抵食了。 眼見廚房的師傅跟侍應們有講有笑，住在這兒連工作都那麼悠閒。

午餐叫了一個日式豬骨湯肥牛拉，豬骨湯底較淡，牛肉亦無乜味，拉只是一般，反而d粟米仲有一d牛油香味。32蚊連一杯飲品，抵唔抵食就見仁見智。

見未試過呢間，朋友又話呢間唔錯，所以昨晚去了一試，叫了個二人套餐，包括以下：芝麻墨魚：其實就係日式墨魚仔，味道ok，沒有特別椒絲腐乳通菜炒雞粒：非常好味，椒絲腐乳跟通菜不嬲都係絕配，但原來加埋雞粒仲正...... 遲D我都試吓咁煮先！肉燥時菜：時菜是小棠菜，ok啦，不過俾通菜比下去了！紅酒燴牛尾：牛尾煮得很軟，差不多入口即溶，另加紅蘿蔔粒，好好味！必須一提是那兒的茉莉茶(免費的)真的很香，比跟餐的柑桔檸檬好味得多！

食物方面以鹽蘇雞最好吃，肉澡飯亦不俗．又一次外賣茄子肉澡飯，因沒有茄子，所以收平了，但店其實已加了粟米和菜代替茄子。