桂花小幸 (元朗廣場)

营业中

休息中

🔎桂花小幸 (元朗)開咗唔係好耐嘅台灣菜 6點零鐘已經差唔多滿座🔹麻辣紅燒腱心牛肉麵 $63可自選湯底 麵底就可選台灣麵/米線我就揀咗台灣麵同埋麻辣牛肉湯 仲有得自選大中小辣牛肉有好多片 仲要係好淋 配料又有菜同紅白蘿蔔 重點係有芫荽🤣即刻好味咗（個人偏見）原本跟餐飲品+$6-8就有 不過食得台灣野就想飲返台式飲品另外跟餐可加小食+$8一款 +$15兩款揀咗涼拌貓耳朵同埋涼拌黑醋茄子 貓耳朵啫係木耳 幾爽口 另外個茄子酸酸地又幾開胃🔹滷水豬手飯+ 原盅燉湯+上湯娃娃菜 $83豬手幾淋幾入味 娃娃菜浸住啲湯甜甜哋 燉湯味道幾好 睇到料都足 不唔就略嫌唔夠熱 熱啲會好啲🔹紫薯薏米黑糖冰仙草 $35好少見呢d配搭 成大舊黑糖冰好邪惡呀～～🔹魔力水晶可可 $28朱古力味好足 加埋咖啡味嘅水晶味道都夾 仲有d咬吓唔錯🔹夏日水漾鮮果茶 $32好多生果嘅水果茶 岩哂夏天夠清爽📍元朗青山公路249-251號元朗廣場地下3及5號舖

掛念台灣的味道，今日經過元朗廣場，發現了桂花小幸開左黎元朗，終於唔駛去到將軍澳咁遠啦。餐牌有原盅燉湯定食套餐、台南滷肉飯、台式雞肉飯、台式古早套餐、台灣小食、台灣麵食、台式飲品等等，價錢合理。台式雙拼麵（花枝丸/水餃）（$62）可以選擇米線或台灣麵，而湯底有6款湯底選擇，今日想食清淡d，我選擇了清雞湯，碗麵好大碗，入面有3粒花枝丸和兩粒水餃，我幾鐘意以到既台灣麵，夠彈牙，而且掛到大量湯汁。鹽酥雞排（$38）雞排炸得金黃酥脆，雞排肉夠厚，粉漿厚薄適中，雞排軟嫩多汁，鹹香惹味。椒鹽花枝丸（$42/5粒）花枝丸炸得香脆，夠晒好大粒，又彈牙又酥香，而且仲食到粒粒墨魚。仙草凍鮮奶+珍珠（$32）一次過滿足我仙草和珍珠口感。

元朗廣場的桂花小幸超有人氣，是年輕人和一家大小都喜歡的餐廳，一來因為沒有加一服務費，經濟實惠；二來台灣麵和湯真的好味；三來喜歡這裏的特色飲品(就在門外的水吧tea mikoo) 。今晚來到取籌，雖然全場滿座，但輪候得很快，約十分鐘便有位。使用QR code自助點餐，下單方便快捷。酥炸排骨麵$59,選了台灣麵、紅燒牛肉湯，和加$8滷水蛋一隻。湯底紅燒牛肉湯，香濃而鮮甜，味道非常好，與煙韌的台灣麵一起吃，味道超好，要吃出台灣風味，首選一定是紅燒牛肉湯！(這裏有很多湯底選擇的)酥炸排骨，即是吉列豬扒，炸得非常漂亮，外面金黃又脆脆的，裏面豬扒新鮮爽口，啖啖肉最適合食肉獸。另加的鹵水蛋，煮得非常入味，鹵水的鹹香，令人越食越開胃。台灣滷水豬肚麵$48,也是配台灣面和紅燒牛肉湯，另加$15可選2款小食。鹵水豬肚做得很不錯哦！覺得這裏的鹵水食物都是好吃的，除了夠入味，還有八角的香，炆得夠淋，煙韌口感，吃得過癮。小食涼拌貓耳朵，雖然看見有一點辣椒油，但其實一點也不辣，微微酸味，是清淡的涼拌小吃。貓耳朵對腸胃好，可以排毒養顏啊！紫菜魚丸湯，這個很推介！因為紫菜煮的湯很香，清得來又有魚丸味，非常正宗的台灣味

放工同埋屋企人出元朗食飯順便買啲寵物用品元朗廣場新開咗間台灣菜價錢大眾化值得試吓紅燒半筋半腩牛肉麵牛筋腍滑得嚟帶啲煙韌同時牛腩肉質鬆化肥瘦均勻；台灣麵可以免費轉米線而且湯底多達六款選擇真心推薦加多四蚊轉特濃蕃茄湯鹽酥雞排滷肉飯鹽酥雞排粉漿透薄香脆同時肉質保持滑嫩；升級晚市套餐仲會奉送上湯浸時蔬及原盅燉湯酥炸排骨滷肉飯酥炸排骨同樣酥脆而且肉質依然細嫩濕潤；額外加配滷水豆腐同手拍小黃瓜兩款小食滷水豬手飯定食滷水豬手膠原蛋白豐富質感彈嫩加上滷水鹹香醇和幾正；定食跟配上湯浸時蔬及白飯可以比多六蚊加配滷肉台南手工餡餅手工餡餅皮薄透光煎完帶啲焦香而且餡料飽滿肉汁豐富加埋蔬菜爽脆口感夠哂層次雜果黑糖冰仙草雜果包搭藍莓草莓以及芒果同火龍果四款而且配料仲有綠豆都幾豐富；黑糖冰沙質感細綿配搭仙草滑溜甜度適中芝士奶蓋阿華田芝士奶蓋質感順滑濃稠而且芝士味道突出配阿華田夠哂邪惡芝士奶蓋玄米茶同樣都係芝士奶蓋系列但係配搭玄米茶底整體相對淡雅清爽夏日水漾鮮果茶約五六款鮮果浸泡成嘅茶底冰涼清香同時帶有水果酸甜清爽消暑啱哂夏日天氣

A highly value for money Taiwanese meal and you don’t have to worry about breaking the bank! Minced pork and soy egg set. This came with a small cold dish platter (Garlic cucumber bits, braised eggplant and spicy black fungus), seawood soup with fishballs and a separate small bowl of veggie. Special mention for the spicy black fungus which was very appetizing. The minced pork is definitely the major highlight, the delicate balance of lean and fatty pork went really well with the rice. Beef tendo

呢日入左去元朗探朋友，我地搵左間台灣餐廳食dinner，呢間餐廳既環境唔錯，而且啲野食都幾抵食。呢度係用QR code 點餐，好方便。我地都幾肚餓，所以點左好多野食。首先點左碗麻辣紅燒腱心牛肉麵，我地點左小辣，佢呢個麻辣既湯底好惹味，台灣麵既口感好好！我地仲加左上湯浸時菜同埋滷水蛋，好豐富。另外，我地點左滷水蛋滷肉飯套餐，呢個餐仲有配埋啲小菜同埋湯，滷肉飯好惹味，夠哂地道。我地仲點左個甜品，係呢個雜果黑糖冰仙草，啲水果好甜好新鮮，正。點少得台式飲品呢！

元朗廣場新開了桂花小幸的台式餐廳，餐廳裝潢以木色系為主，綠色植物做裝飾，風格又清新又文藝，環境坐得非常舒適，完全可以放鬆食晚飯。原盅燉湯定食套餐+上湯浸時菜+原忠燉湯燉湯好足料有節瓜、紅蘿蔔、肉排，飲落好清甜，飲得出沒有添加任何味精。滷水蛋滷肉飯-份量足夠，滷肉肥瘦適中，夠入味，撈飯一流現做煎餃子-煎餃子外皮香脆，好香口，而且不硬身，豬肉餡料夠多汁台灣烤香腸-每次都會必點，皮脆肉香。蜜桃烏龍蘆薈我選擇了去冰，半甜，真的做到半甜去冰，甜度剛剛好，甘醇的烏龍茶中加入香甜的蜜桃，比例剛剛好，清醇甘甜，加上粒粒蘆薈，口感更豐富。芝士阿華田奶蓋奶蓋夠厚，夠滑，阿華田味道濃郁。

元朗美食多，今次嚟呢間喺元朗廣場嘅桂花小幸，主打台式食品，店門口亦都有個位置係專門外賣台式飲料。店裡面環境寬敞，整體內部裝修都好文青，以木色為主，牆上擺放左不同嘅精品，令等餐嘅時候有啲野睇下冇咁悶。首先上菜嘅係小食椒鹽花枝丸($42)同台灣烤香腸($28)，花枝丸係以薄粉咁炸，夠熱唔會太厚粉，食落夠味，唯美中不足係香腸冇生蒜伴碟少左份台式腸嘅感覺。之後點左紅燒半筋半腩牛肉麵($64)，配台灣麵同埋養生清燉牛肉湯，湯底夠味，有微微藥膳味而唔會太咸，麵質唔錯，唔會煮得太淋，同埋成碗麵都幾足料。至於鹽酥雞扒滷肉飯($76)，塊雞扒炸得幾好，唔會似平時街邊淨係食到嘅炸粉雞扒，食落口感算嫩滑；滷肉飯方面就略嫌可再濃味一點，不過料都夠哂餸飯。跟餐加左嘅燉湯都幾有驚喜，夠熱同唔會一陣味精感。餐飲就點左水果鮮果茶同黑糖仙草凍鮮奶，天氣熱黎飲非常清爽，呢到調製嘅飲品大部份都有得比食客揀番自己嘅喜好再揀糖度同冰之類。同埋呢間餐間都可以用佢地係系統用手機落單，非常方便，環境幾好，岩同朋友慢慢坐傾計嘅地方。

今日嚟到元朗食午餐😋😋😋唔知點解今日晏晝特別多人🙄🙄周圍都係要等位😅😅😅經過呢間桂花小幸 又突然之間好想食台灣野於是就入咗去佢呢度係電子落單 我覺得幾方便 唔使下下粉絲應嚟招呼👍🏻👍🏻👍🏻👍🏻我就叫咗個三盛紅燒牛肉麵 加咗$8要滷水豆腐另外加$6要杯凍檸茶個湯底就係紅燒牛肉湯底 個湯底都好濃味 但係又唔會太咸 食完唔會好頸渴清燉牛筋面 我轉咗做米線🍜✌🏻✌🏻✌🏻清清地幾開胃 台灣菜不嬲我覺得份量都好少 但係呢一間份量我覺得好多 最後我自己都食唔晒同埋上菜速度都好快 加上自己落單我覺得好方便

今日瞓到12點，起身有啲餓，要岀發孤獨食，反正大把時間，入元朗國搵嘢食先。係元朗廣場見到桂花小幸，有台灣麵喎，附合我孤獨食嘅條件。好，坐低睇下有咩好食先。紅燒牛三寶麵，牛筋晶凝通透，食落爽彈，牛腩炆得夠腍，肉質夠結實，唔會有一絲絲肉黏牙，牛肚都好新鮮，唔韌一咬就咬到。最重提一提個麵底，個麵食落果種煙韌口感，有啲似日本拉麵，我覺得係好好食嘅。成日都飲珍奶，今次係呢度比我搵到有木瓜鮮奶，裡面係一大份木瓜果肉，加上鮮奶滑滑嘅口感，杯飲品好冰凍，但又唔會飲到成口冰，正呀！

上次喺桂花小幸買過杯仙草飲品，味道唔錯。望下個menu,見到好多台灣小食😍今日就去左食晚飯試下～ 呢度嘅裝修好雅致，好文青👍好鍾意牆上面一啲精句🤩 先叫兩杯飲品： 仙草奶茶加椰果奶茶口感滑順，Q彈的仙草同椰果，好味😋 幸福紅豆與豆乳豆味濃，吾太甜，大口一吮，軟腍嘅紅豆，好似食緊糖水咁～ 鹵水豬肚麵啲豬肚鹵得好入味，夠腍！台灣麵好QQ，有口感～揀左清燉牛肉湯，啲湯好清香，有啲似肉骨茶嘅味道，份量不少🤩 煎餃子餃皮煎得好香，吾會太油膩。餡料肉同菜嘅比例好啱，好夾😋 椒鹽花枝丸花枝丸外皮好香脆丸內有粒粒墨魚，彈牙、嚼勁十足～ 手工饀餅饀餅皮有啲似餃子皮，但口感比餃子煙韌，有口感👍 桂花雞翼炸雞翼冇得輸，皮脆肉嫩，再蘸上特製嘅桂花糖漿，桂花清香，帶出雞翼更高層次嘅味道～ 紫薯珍珠黑糖冰仙草有紫薯、番薯、黑珍珠、椰果，上面吾係一般嘅沙冰，係黑糖味嘅沙冰，黑糖同仙草特別夾👍 食左咁多嘢再加埋甜品，真係sweet ending 😍 食到捧住個肚都係二百幾蚊，真係好抵食😍👍

今日經過元朗廣場，就入咗去呢間（ 桂花小幸）。 優美嘅名稱配上裝修得別具特色，很有書卷氣的味道。 進來打卡也不失為一個很好的去處。 坐低之後店員要求我們用Q R code 掃二維碼進行點餐.，十分鐘之內， 各分餐點又開始陸續送過嚟。 我叫了三盛紅燒牛肉麵， 三盛包括牛腩牛展及牛丸。 十分濃味的湯底 ，深沉的顏色使我食慾大增但味道偏鹹， 喜歡吃清淡食物的不太適合。 我選了台灣麵麵質偏硬， 上湯也是不錯的選擇 。飲品我選擇了香滑濃奶茶加咖啡水晶， 甜到十足。我朋友選了煲仔塔香三杯雞定食 ，定食包括了上湯浸時菜及加了滷肉。 塔香三杯雞的雞比較乾身， 比較有口感。 香蔥的味道也很強， 色彩搭配也能增加食慾 。上湯浸時菜 ，味道偏鹹 ，還配送了一個原盅燉湯， 比較淡口 ，比較健康， 適合喜歡無添加人士及追求健康的人士。 還有添加的滷肉，也是比較濃味， 可能台灣人的口味偏重。 最後飲品為仙草凍鮮奶 ，跟其他台式店的飲料味道差不多。喜歡台式食品的朋友，這間餐廳不失為一個好選擇。​

個人推介指數 7.5分 （10分為滿分) - 台式料理一向是港人的至愛之一, 而台式飲品更是成巷成市. 此台式料理店, 除了價錢大眾化, 食物質素也有相當水準, 加上提供各式各樣的台式飲料, 在炎炎夏日偷偷來到的時刻, 確是一個消暑的好去處.太久太久沒有外出和太太共進晚餐, 是晚一定要食頓豐富的晚餐.我本人除了愛吃日式料理, 台式料理加台式飲品也是我柸茶. 家裡附近有間開了不太久的台式料理, 之前有幫襯過旁邊同店的台式飲料店, 味道和價錢也相當好, 是晚就來試試他們的料理吧.我和太太也充滿期待呢, 只因太久沒外出用膳了. 這裡的裝修給人簡約舒適之感, 地方闊大, 雖然晚市要稍等一會, 員工的服務和安排也做得很好.這裡還有用APPS 點餐, 方便易用, 減少和服務員接觸的機會, 值得一試我們分別點了一個小食, 兩個主食, 三柸飲品和一個甜品, 真的是大滿足.先來的是椒鹽花枝丸太太一向是花枝九的粉絲, 這個花枝丸, 外層鬆脆, 花枝丸咬下去口感相當有彈性.加上適量的椒鹽調配, 基本上不用點醬來吃, 是首選的開胃小吃.再來是有點瘋狂的三柸飲料, 主要是我之前未飲過芝士奶蓋, 又在烏龍茶和綠茶

真係好掛住台灣，都冇咩辦法，唯有食啲台灣嘢止下癮。附近冇咩台灣嘢食，最近嘅就係呢間桂花小幸。望下個餐牌，都幾多款式。老實講啲款式仲多過台灣嘅食店，咁正唔正宗？真係要試過先知。首先我覺得佢哋都幾衛生，唔算坐得迫，值得加分。用QR code落單，suppose唔會有漏單啦。不過我落米線就嚟咗台灣麵。OK la反正兩樣嘢我都食就冇特別同侍應講要換。晚餐時段都幾多客，又多外賣，所以我都理解忙中有錯。主食價錢大概$60左右，加幾蚊可以搵小食，都唔錯。台灣嘢點可以唔食鹽酥雞，好啦就試咗鹽酥雞扒麵。我自己覺得個雞扒炸粉多咗少少，略為鹹咗啲，不過就好熱，所以好酥脆。紅燒牛肉湯，微微辣，尚可，比起台灣飲到嘅湯，老實講，差好遠。但我覺得喺香港一向都係唔知點解係飲唔到台灣嘅水準，所以喺香港嚟講呢個湯唔算差嘅，起碼唔係好肥膩嗰隻，亦都有淡淡嘅紅燒牛肉味。老公嘅牛三寶麵，三寶有牛肚、牛腩、牛筋，每樣嘢大概3～4件，份量認真OK，味道都幾好。加咗$4去換成番茄濃湯，呢個湯就真心正，真係濃郁，甜中帶酸。我就唔知台灣其實興唔興番茄濃湯。話時話，佢哋湯底選擇非常之多，總有一款啱你口味嘅。小食嘅選擇又係極之多，有少少選擇

今日去開元朗廣場個頭，見到有間新餐廳未食過，一於就試吓啦。係食台灣嘢嘅，咁我哋就叫咗個鹽酥雞扒台灣麵，另一份都係鹽酥雞扒不過配滷肉飯。覺得個面同埋個湯底都好食，比起滷肉飯更吸引。鹽酥雞扒覺得可以再鹹一啲。另外再加左啲小食跟餐加嘅小食，加$15就有兩款，我哋就要再涼拌茄子同埋手拍黃瓜。另外在要咗花枝丸同埋台灣腸。花枝丸做得好好味，台灣腸一樣，全部小食都清晒。飲品方面見到呢度有好多台灣嘅特飲，見到奶蓋即刻夠衝。一杯芝士奶蓋抹茶，令一杯就係芝士奶蓋鐵觀音。可以揀甜度同埋冰。環境都坐得舒服嘅，我哋咁啱坐沙發位，台月台之間嘅分隔都夠開。