桂花小幸 (元朗廣場)

营业中

休息中

今日收工同屋企人想食台灣菜，所以嚟元朗呢間桂花小幸。除左主食，各款小食都好吸引，而且價錢唔貴，就加配左幾款開胃小食。🍜 特濃蕃茄雞排米線番茄湯底濃郁，酸甜度偏甜，米線軟滑。雞排外皮微脆，肉質嫩滑，帶淡淡椒鹽香。🍖 酥炸排骨雞肉飯+滷水蛋炸排骨外皮金黃酥脆，肉質厚實，可配搭千島醬，更為滋味。米飯淋上醬汁，雞肉加上油蔥酥，鹹香適中。🥚 滷水蛋蛋白滷至深褐色入味，蛋黃綿密帶淡淡香料味，單吃配飯皆可。3款開胃小食：🌶️ 涼拌貓耳朵（辣）貓耳朵即是黑木耳，爽口彈牙，個人覺得不辣。🥒 手拍小黃瓜清脆度滿分！吸附了醋汁，酸爽中帶微甜，解膩效果一流。🍆 涼拌黑醋茄子茄子蒸煮後軟嫩不爛，淋上黑醋，又香又酸甜，冷食風味更顯獨特。飲品：🍫 脆脆阿華田童年回憶升級版！阿華田濃郁麥芽香，頂層鋪滿華田脆脆和奶蓋，甜度稍高，罪惡感十足🤣。🧀 芝士奶蓋白桃烏龍茶（少甜）奶蓋綿密如雲，鹹甜芝士香濃不膩。白桃烏龍茶底清淡，平衡得宜，減少罪惡感之選🤭。

今天獨自吃晚飯 😆 在元朗廣場發現這間台灣餐廳，就去試一試吧！🔸滷水蛋滷肉飯滷肉選用了半肥瘦豬肉，肉質軟嫩吃下去油脂很香！口感十分好 😍 米粒飽滿，吸收了濃郁的滷汁超好吃！還有不能缺少的滷水蛋 😋🔸上湯浸時菜湯底很鮮味相得益彰，娃娃菜的鮮甜與清爽，正好中和了滷肉飯的油膩 👍🏻🔸原盅燉湯這個湯香氣四溢，裏面有很多材料！喝上一口，讓人感受到滿滿的暖意 🥰餐廳裝修風格偏向文青風，飯後再慢慢品嚐餐飲，感覺非常不錯！

今日去咗元朗廣場嘅桂花小幸試下佢哋嘅嘢食，真係有驚喜！首先點咗個滷水蛋牛腩雞肉飯，呢個飯真係好豐富。牛腩炆得好腍，入口即化，而且滷味好濃郁，咬落充滿牛味。雞肉都好嫩滑，配上鹹香嘅滷水蛋，每一口飯都超級滋味。涼拌黑醋茄子都唔錯，茄子爽脆，黑醋嘅酸味同茄子好夾，食落好開胃，好適合夏天食。不得不提嘅就係佢哋嘅滷水牛肚台灣麵，湯頭用咗紅燒牛肉湯，味道濃厚，充滿香料嘅香氣。牛肚處理得好好，有咬口又唔韌，配埋台灣麵，一啖麵一啖湯，正到冇朋友。另外，桂花雞翼都好有特色。雞翼表皮烤得金黃香脆，咬落去仲有淡淡嘅桂花香味，好特別，令人一試難忘。飲品方面，蜜桃烏龍蘆薈好清新，烏龍茶嘅茶香加上蜜桃嘅果香，再配上爽脆嘅蘆薈粒，飲落好解渴。菊花龍眼蜜就好滋潤，菊花嘅清涼同龍眼嘅甜味融合得好好，飲完個喉嚨都舒服曬。總括嚟講，桂花小幸呢間餐廳環境唔錯，服務態度又好，最重要嘅係食物質素好高，價錢亦都好合理。下次一定會再嚟試下其他嘢食！📍桂花小幸元朗段249-251號元朗廣場G樓003 & 005號舖

今日同朋友好想食台灣地道美食、就想起這間《桂花小幸》好内都冇去過🤔、去咗係元朗廣場嘅地下店舖、整間店面環境好有台式風格、分別有兩種裝修。一面以木系裝置紅磚牆、另ー面以文清風格放滿不同書藉、以不同年代迎合每一位客人、坐得舒適😙食得開心☺️、同時都有獨立卡位、食物方面都幾好、我覺得都唔錯！紅燒惹味牛腩台灣麵 $82呢一碗台灣麵好有地道風味🤔、整碗望見都湯底色澤都唔錯、跟餐都有小食揀左滷水豆腐啖啖口感入哂味、紅燒牛肉湯底帶點微辣惹味、佢嘅牛腩夠哂大件厚度十足😯、入口啖啖肉腍嫰完全入口哂味😋、配埋台灣麵沾滿湯汁美味又好食！特濃蕃茄雞排台灣麵 $70呢一款雞排台灣麵散發香噴噴蕃茄味😙、飲到入口濃郁夠哂醒胃酸酸甜甜😋、加埋台灣麵軟綿口感都幾好食、配埋金黄香脆雞排每一件外香脆裏面肉質腍帶點口感！台式小食拼盤 $68呢一款小食拼盤係台式地道小食🤔、有炸花枝丸2粒、 桂花雞翼 2隻 、 炸餃子2粒 、地瓜薯條等、整份每一款金黄香脆外皮、各有特式又好食、尤其是桂花雞翼夠哂香脆、肉質腍嫩啖啖桂花香味😚幾好食、地瓜薯條夠哂大條外脆內香甜😋啖啖肉！蜜桃烏龍蘆薈 $30黑糖珍珠鮮奶 $34呢兩杯地道飲品台式風味、蜜

Lunch經過開元朗廣場，見到呢間台式餐廳桂花小幸，被餐廳田園風裝修風格吸引。餐廳用QR code落單，有需要嘅時候店員亦能提供協助。Lunch set包一款小吃+ 主食+飲品，另外可加錢添加小食及升級小食及飲品。🌟鹽酥雞排滷肉飯 $74鹽酥雞排調味適中，上碟仍然香脆👍🏻滷肉飯唔會太肥膩，好香口，份量好足✨椒鹽花枝丸 +$5升級 免費小食花枝丸大大粒好香脆，淡淡椒鹽味，唔會太鹹✨紫菜珍珠雲吞湯 +$16 （$28兩個小食優惠）有五粒雲吞，仲有好多蝦皮喺個湯度✨紫菜魚丸湯 +$12 （$28兩個小食優惠）魚丸爽口，紫菜份量足🌟紅燒惹味牛腩麵 $82加咗$6升級特濃蕃茄湯蕃茄湯味濃，仲有蕃茄粒同埋洋蔥粒喺個湯底，份量大，肉量足，牛腩軟腍，正！✨地瓜薯條 +$5升級 免費小食地瓜番薯上碟仍然好脆，滿口都係番薯嘅香味，外脆內軟🧋山茶花烏龍奶茶山茶烏龍與奶茶味道頗匹配，可自行選配甜度，及搭配配料🍑蜜桃烏龍多多蜜桃味及益力多味好夾，感覺清爽。加配嘅仙草份量都好足👏🏻

「桂花小幸」位於元朗廣場，環境簡潔舒適，係一個適合快速食飯嘅好地方！🐷 台式香蔥蛋餅蛋餅外皮香脆，內餡豐富，香蔥味濃郁，食落去好滿足！🐷 花生醬奶油吐司吐司烤得外脆內軟，花生醬香味濃郁，奶油滑溜，絕對係甜品控嘅最愛！桂花小幸📍 元朗廣場G樓003 &005號舖#吃貨日常 #元朗美食 #台式蛋餅 #hkfoodie #foodiehk #桂花小幸 #打卡餐廳「桂花小幸」位於元朗廣場，環境簡潔舒適，係一個適合快速食飯嘅好地方！🐷 台式香蔥蛋餅蛋餅外皮香脆，內餡豐富，香蔥味濃郁，食落去好滿足！🐷 花生醬奶油吐司吐司烤得外脆內軟，花生醬香味濃郁，奶油滑溜，絕對係甜品控嘅最愛！

商場內的台式餐廳，今天和屋企人帶着小孩一起在元朗廣場附近找吃，見到一間裝修文青風的餐廳，有有手搖飲品和台灣菜的餐廳。我們嗌了午市套餐包一杯飲品和一款小食。蕃茄牛腩蓋飯+滷水豆腐+璞玉紅茶。蕃茄牛腩蓋飯飯多，蕃茄味濃，紅茶較甜

今日一家人去到元朗廣場shopping，順便尋找餐廳食晚餐，見到「桂花小幸」門口有人等位，見到餐牌是台式料理，還有台式飲品，感覺都幾吸引，所以我哋都排隊等位試吓🤭✨紅燒牛腩飯 配肉燥飯及滷水蛋肉操好香，撈飯一流，滷水蛋略嫌太乾身，牛腩好入味不會太榎口✨台式雞肉飯，套餐配涼菜，時菜及紫菜魚丸湯呢個套餐好抵食，上枱一刻視覺上覺得好豐富另外我哋還加了肉燥$8，紫菜魚丸湯幾好飲台式雞肉幾香幾入味，涼菜亦都不錯，矮瓜微辣好開胃。✨台式麻辣鴨血另外加錢買的小食，好入味，鴨血好滑✨台式飲品正正常常，味道都唔差

自從搬咗出嚟住都比較少煲湯 知道桂花小幸有一個老火湯系列 都有啲吸引 好少台式嘢有老火湯飲 今日去元朗廣場試下我叫咗一個鹽酥雞扒飯套餐配老火湯 仲有個時菜 飲品就試下佢個黑糖珍珠奶茶加芝士奶蓋。 雞扒醃得啱啱好唔會太鹹好入味肉質都相當嫩滑 最驚喜係個老火湯 湯嘅配料好充足唔覺得加咗味精 好足料嘅感覺。老公就叫咗 鹵水雞翼滷肉飯 份量好驚喜竟然有五隻雞翼 雞翼醃得好夠淋 好入鹵水味 佢叫咗一杯黑糖薑汁茶 熱飲嚟講相當大杯而且有勁多薑片 好暖胃 性價比真係相當唔錯

今日途經元朗廣場，試下呢區出名嘅台灣小食店 ，門口好多人等位，就知道質素一定唔錯，果然沒有令我失望。❤️鹵水蛋牛腩滷肉飯這道菜的牛腩和鹵水蛋炆得非常入味，牛腩份量十足，炆到超腍，滷肉碎肥瘦搭配得恰到好處，入口滑嫩，還帶有一絲膠質感，淋在白飯上，真是絕配！❤️鹵水雞亦色澤靚，肉質嫩滑，滷到好入味。❤️紫菜魚丸湯 魚丸爽口彈牙冇腥味，紫菜湯清新好味。❤️台灣烤香腸 台灣必食小食之一，超脆口，有獨特的台灣風味。❤️椒鹽花枝丸大大粒，爽口彈牙。❤️煎餃子外皮煎得金黃酥脆，餡料豐富，裡面滿是肉汁，配埋店內提供的醋，更加好食。❤️最後叫佢哋嘅特色飲品，仙草涷奶茶，奶茶夠香滑，仲有我喜愛的仙草，滿足極了。

元朗廣場呢間台灣料理真係唔錯，環境舒適！Menu上面有唔同類型既套餐供應，最後就叫左個雞翼滷肉飯同埋台式三杯雞！雞翼煮得好入味，個滷肉飯肥瘦適中，餸飯一流，唔經唔覺會食哂成碗飯！三杯雞個雞件係炒香左，味道更佳！套餐仲會配有上湯時蔬，份量好足！ 加埋隻滷蛋更豐富呀！最後食台灣野點少得台式飲品，呢度選擇非常多，仲可以加入唔同既配料！我地就叫左香芋奶茶加珍珠同埋茉莉奶綠加奶蓋！珍珠夠煙韌，奶蓋夠香滑，yummy!

第一次去這間餐廳，也有一段時間沒有吃台灣菜，眼見餐牌的飲品選擇和食物也不少，喝杯台飲才能重拾幾分台灣味。蕃茄濃湯水餃🥟餃皮不會厚，冬菇豬肉內餡扎實，配上洋蔥鮮茄蓉煮製成的湯頭，味道要好，餃肉立刻減卻幾分肉膩感，而且一碗份量也不少，吃完很飽足。上湯浸時菜健康的娃娃菜，跟餐附送，叫餐set價錢更相宜。原盅燉湯虫草花紅棗煲豬骨清甜，下飯不錯，同樣是跟餐包括在內，不用另外叫。雞翼膀滷肉飯滷肉飯做得挺地道，肥瘦參半，飯🍚有油光，雞翼給得大方，做得入味，不會太濃，送飯剛好。滷水豆腐豆腐外面有點豆的咬口，入面保持嫩滑，量還許多。涼拌點醋茄子只有三小塊，掩得醒胃，香酸冷盤小吃，帶輕微辣，冰涼可口，鹽酥雞扒外脆內嫩，入面已有足夠調味。脆卜卜炸物剛夠二人分享，食味不俗。芝士奶蓋白桃烏龍茶 飲品面層的芝士打得幼滑，配茶飲清新，芝士控小妹我表示如果芝士可更厚更多就好了。黑糖珍珠鮮奶 珍珠煙韌，黑糖味點到即止，不會太甜，奶味不少，比較像典型台飲口味。食後感：上菜超快，適合肚餓的我們。

喺桂花小幸叫嘅外賣真係令我非常失望，完全唔符合我對你哋餐廳嘅期望！以下係我遇到嘅嚴重問題：首先，俾錯食物嘅情況實在難以接受。我清楚咁叫咗牛三寶，但送到嘅竟然係雞，完全唔係我訂嘅嘢，呢個係基本嘅服務失誤。其次，包裝極度唔實，湯洩漏晒，導致湯浸晒落啲飯度，搞到飯都完全冇得食，呢個係包裝問題，亦顯示出你哋未有妥善處理外賣包裝。更加離譜嘅係，食物嘅份量明顯不足，魯肉同湯只得一半，好似畀人食過咁，實在令人懷疑食物出品質素。此外，飲品更加係完全漏俾，成個訂單俾我嘅感覺就係隨便草草了事，完全冇顧及顧客體驗。呢單外賣實在令人無語，希望你哋可以正視問題，改善服務同處理好外賣流程🫨

台式親民店，滿滿誠意句子，令人心情輕鬆朋友最愛飲的手調飲品，店子選擇多，有奶茶，暖飲，奶蓋，選擇多樣的三寶牛肉麵牛腩多件，厚厚大件，台灣面彈牙，掛湯，紅燒牛肉湯不油，味道香濃，牛肉和牛肚都很好吃，紅燒湯底淡淡之香濃，牛肉入味，好好吃！酥雞肉飯酥炸雞扒，肉質香濃，肉汁滿滿。是日燉湯，上湯浸時菜。套餐非常棒，雞扒炸得香口，不油膩。清爽娃娃菜，上湯入味。燉湯配料多，有瘦肉，蟲草，沒有味精，燉盅熱熱，味道剛好芒果茶果茶滿滿酸香，非常清爽，解渴

食台灣菜當然唔少得桂花小幸🥰今次去左元朗分店，元朗店都係走文青風，超文青🥰朋友點了🐑古法黑草羊腩定食配上湯浸時菜 $88加$8可以叫滷肉羊腩肉質鮮嫩多汁，羊肉味幾出，個汁非常濃郁，送飯一流。個菜清脆爽口！滷肉份量唔少，又幾好食，齋食或送飯都唔錯！🐔蟲草花杞子雞湯飯 $78加$16要上湯浸時菜依個飯好岩依個天氣食，夠哂養生，杞子帶有微微既甜味，雞肉鮮嫩同好滑，湯頭十分濃郁！🧋山茶花烏龍奶茶 $24可以揀走冰❤️整體唔會好甜🤣🧋黑糖珍珠奶茶 $34朋友話都唔錯，唔太甜🤣🤣桂花小幸 (元朗廣場) (元朗)📍元朗青山公路 - 元朗段249-251號元朗廣場G樓003 & 005號舖