栢檔極品海南雞飯

营业中

休息中

好像許多年前已聽聞，這是一家在九龍城的著名餐廳，今天在九龍灣分店首嚐，想不到，不外如是。後來查看，發現九龍城那家的名字為柏檔去骨海南雞，而這兒只是極品海南雞。但根據蘋果日報2014年3月13日的報道，其指九龍城店去年結業，選址九龍灣重新開業。就像一般茶餐廳般，進店、看餐牌、下單、店員端餐來、結帳，但座位比起茶餐 廳「卡位」更差。我最討厭這種背靠很低 的椅子，讓人坐得很不舒服，就像面試－ 要靠前仰，腰部很容易累。其實，"扮高檔" 倒不如現實點、腳踏實地，用回最原始的方桌圓椅罷了，我認為吉野家、KFC的椅子比這兒的更為舒適。海南雞飯，加$10可轉雞脾，加$5跟湯或飲料。最討厭這種加錢有雞脾的生意手法，就像加了十元就一定有雞脾，但其實不加十元也不定分不到雞脾。但現場所見，真的有富貴人家願意加十元，確保獲得雞脾，可悲。結果還是吃了普通的海南雞飯，等了五分鐘左右便來了。在"沒加十元買個安穩"下，相信我「獲分」雞背及雞槌已是僥倖。吃了兩件，才突然想起，海南雞不是應該去骨的嗎？如果帶骨的，跟街市或燒味檔 外賣飯盒有何分別呢？肉質算滑，但沒有甚麼雞不雞味、鮮不鮮美，雞皮薄薄一片，不會肥，肉質真的沒雞味

原先想去食錦,但休息一天.冇辦法啦!終於去左試這店.見到門口人山人海,心想可以一試掛.叫左:栢檔極品海南雞飯套餐,秘方滷燒豬頸肉飯套餐栢檔極品海南雞飯套餐:海南雞都算滑,但味道好淡,冇咩雞味,一定要點醬先好食,黃薑飯味道唔錯,幾香口又唔油膩,但賣相一般.秘方滷燒豬頸肉飯套餐:都唔知有咩秘方滷,燒豬頸肉燒得好唔乾身,但完全冇味.栢檔皇牌住家靚湯:似例湯,味道普通,連老黃瓜D子都放落去煲.可食而冇祈望,D名好睇唔好食.

又是四出游蕩的日子，唔覺唔覺原來成三點鐘，仍未有半粒米飯落肚，怎麼我的肚子還未餓呢? 不過點都好，總要吃點東西才行，否則弄壞了胃，就真係邊度都唔使去。在淘大，給我發現了脫胎換骨的栢檔去骨海南雞飯…怎麼栢檔去骨海南雞飯變得咁靚咁有活力呢? 印象中，九龍城和新蒲崗的栢檔只是很街坊很平實。睇佢呢度既包裝，看來店家有意向連鎖店形式進發。我唔介意佢包裝得新穎年輕，但唔該食物要跟得上，千祈唔好搞到有形無神咁。翻閱餐牌，三點幾鐘，有迷你海南雞飯供應，二十三個大洋，以針對下午茶時段。既然我未肚餓，就要份迷你的好了。份量雖然比正常午餐少，三色醬依然俾番齊，沒有因此而偷工減料。一碗小飯，面頭蓋上幾件雞，就是我要的套餐。油飯始終不太香，雞肉雖只得幾件，卻都保持嫩滑，也不會碎濕濕，雞皮自當吸引，沾上三色醬汁，都沒有太多投訴，個人最喜歡黑漆漆的甜醬油，總覺是吃海南雞的靈魂。加五塊錢，可跟飲品，是日沒喝咖啡奶茶，改要杯熱檸水，可知我仍未完全康復。沒咖啡的日子真不好受，真要快些痊癒才行。