校長燒肉日韓料理 (沙咀道) (已結業)

今日約朋友到荃灣食中日韓燒肉火題。內裹裝修簡潔時尚，清潔衛生。有設有多人數位置，可以10多人一起一邊食一邊說笑。等待燒物時可以取些熟食食物食住先，如小丸子，春卷、魚生刺生等。這裡增添了不少飲料，除了一般有嘅飲料外，增添了健康飲品，如排毒水、菊花蜜、洛神花。還有新品熱情果汁、蜜桃飲料，都幾好味。有好多肉類選擇，包你食到唔停口，燒雞翼好嫩滑，牛仔骨都幾好食。牛仔粒和豬肉片都好受歡迎。我都係愛吃火鍋，尢其是炸魚皮，特別大條又脆。煮些蔬菜食，會健康D。另外附送1盒有大蝦，牛肉片，豬肉片給你們，大廳是無得再添的。我喜愛吃蝦，我就用來韓燒和火鍋熟。即時可以食到2款口味。燒蝦香脆味美，火鍋熟就嫩滑鮮甜。甜品方面有豐富水果，西瓜好甜。自制雪糕可添加朱古力豆，已經好耐無食過啦，好味，有多款雪條任君選擇。

首先要讚既係種類非常多，不論飲品定肉類，但最大既問題係燒肉唔比油，全程非常乾，燒咩都乾到死，點食呀，如果比翻支油客人自己滴下會好好多，呢個敗筆令我唔想再幫襯，除非有改善。否則無油乾燒燒咩都唔會好吃。

校長燒肉已來到荃灣開店啦！必然要試吓啦。我好彩之前訂左位，如果到時先去到，就未必有位啦！平時已經有好多人食。假日的話，你自己想想。準時7點15分，就會安排上2樓入坐，坐位寬敞舒適。抽氣方面做得很好，沒有太大油煙味。叫得校長燒肉呢度就一定有多款牛肉選擇，如牛紐絲，牛仔骨，牛紐粒等。最好食就是牛紐粒，四面燒烤到轉色，入口溶化。牛紐絲容易燒，一陣就食得。我地在燒緊時加入黑胡椒粒，增加牛肉鮮味。仲有1盒肥牛片，應該選用高級肥牛。因每枱只有一盒。用食火鍋方法食比較好。除了牛肉之外，仲有台灣大腸，這個都是必食之選。燒肉方面真的好多選擇，總有一兩款適合你口味，記得燒的時候落D調味，如辣椒粉或胡椒粉，可增加鮮肉嘅鮮味。素菜食材都有很多種類。不愛太吃肉嘅女士，都可食餐包。甜品都相當唔錯，雪糕雪條都有好多選擇。尤其乳酪雪糕都係必食之選。

相信喜歡吃放題的人，都知道韓燒與日式燒肉是有分別的，今次日韓體驗真令人大開眼界！還未到黃金時段七時十五分，校長燒肉門前已經有一大訂了位的客人在等候，個個言談間好似都心情雀躍，使我都不禁期待起來。乘電梯後，店員迅速分配好座位，太家也急不及待四出「巡邏」了。前菜區設有沙律，讓人清新清新。也設炸物區，有薯角及小丸子等。也有熱食區，其中的辣椒膏炒蜆認真香口，也有蔥油雞等，味道不錯呢！主角當然不少得各式各樣的肉類及丸等，相當新鮮。每枱每人於黃金時段也會送一燒烤盛合。最令人驚喜的是不單能燒肉，更有一個位置作火鍋，真是十分好玩。更有多款醬料，選擇多元化。飲品種類繁多，酒類也是任飲的。設雪糕機和雪條，任君選擇。下次多約一些朋友，又再來戰鬥了！

見到荃灣開左即管去試試，一入門囗已經見到好多野食，我第一時間去左拎魚生，佢都有四五款選擇，好新鮮，尢其係帶子，肉類產品選擇都好多，但味道無乜特別，另外熟食區有個蝦多士同小丸子再加埋紫薯丸好正，夠熱夠脆，讚，飲品種類多，我好小見到任食係有熱既支裝維他奶，但呢到竟然有，感覺幾貼心，另外甜品選擇雖然唔係太多太特出，但整體黎講我覺得ok,我會再去食，因為同區呢個價錢其實已經好好，荃灣區其他放題我真係一個常客，希望呢間可以做到水準有升無跌啦！

其實不嬲都知有呢間野喺元朗一直冇食過，見開喺荃灣，加上Facebook啊x軒嘅介紹其實都有諗過會唔會係中伏，因為上次佢介紹嘅已經好伏，但係心諗冇理由爭咁遠掛不要比次機會啦！仲話有個海鮮燒肉盒送，omg都係一樣刺身只有幾款仲要好孤寒令你食到完全冇癮，不過唔緊要本身都唔新鮮所以冇所謂，只有幾款（八爪魚，三文魚，欺凌🐟，玉子，甜蝦），每人每次三款三片，但如果叫甜蝦只有一件，成件事覺得好低能，仲要真係唔新鮮，三文魚唔好食冇味道，甜蝦黑頭燒肉好老實楊屋道街市凍肉店嘅醃肉好食過佢好多，好多肉都係黑色，係雞翼正常啲，丸類冇乜選擇只有幾種，完全並唔係講個所講嘅什麼好肉，咁嘅價錢咁我都覺得合理嘅，不過好老實見到啲肉黑色就真係唔會想夾火鍋其實都係冇乜選擇有啲菜啊烏冬咁囉，見到都覺得悶盛盒笑死人呀算吧啦，幾隻死咗嘅白色🦐，牛展，切口少少嘅豬腩肉，搵個靚小小嘅盒裝住就講到好似好正咁，講真知道嘅話我寧願叫佢唔好送俾我出邊都有啦只不過係放得靚少少多咗反而仲浪費甜品好冇興趣呀忙到都嘥氣，和果子幾舊生果飲品飲品嘅種類就真係OK嘅都夠多但係我想講衛生問題影真嫲嫲，出邊嘅食物佢會放個夾喺度但係我想講幾點唔同嘅嘢都係一個夾

上手日韓燒執左, 開左呢間, 聖誕去左試下, 但頗為失望1)餐桌上無油提供, 只有換紙時掃上的數滴油, 差唔多全程都係乾燒d 肉, 令肉燒到乾+韌2)燒肉用ge 爐紙質素極差, 燒一轉已經穿, 最嚴重係焦紙屑會黏到食物上, 開頭仲以為係鑊焦, 但原來係紙屑, 想客人全程食紙??3)熟食種類少, 又唔添, 人參雞湯無參味, 同清雞湯一樣味4)整體肉ge 質素算剛剛合格, 雞扒同豬肉都唔錯, 牛差, 所謂韓式午餐肉, 質地梅爛, 極差5)甜品種類少, 而且一樣係唔見有添過, 6)可取地方: 刺身大件, 味道都唔錯, 飲品選擇多, 有個桃味ge 忌廉溝鮮奶, 同唔同酒類