校長燒肉日韓料理 (西裕街)

营业中

休息中

好耐冇黎校長燒肉，又返黎試試質素有冇keep到我哋加左錢食埋魚生添，佢哋有個貼紙俾我地表示我哋可以攞魚生，好得意，魚生有三文魚，喜靈魚，吞拿魚，海蝦，最好食係三文魚夠厚夠肥美，可能因為要加錢關係，唔駛排長龍添，正土匪雞翼—好香孜然味, 但唔夠入味要自己加鹽或者七味粉椒鹽雞腎一雞腎很入味而且爽口，依個推醃製青瓜－酸辣度適中，好鍾意食仲可以瘋狂食薯格牛油粟米亦好香㗎，等牛油慢慢融，粟米吸收牛油香，正仲有大阪牛乳雪糕豆腐雪糕任食

下午88蚊加一任飲任食韓燒 肉類種類算幾多 不過係平價野同埋唔太新鮮 唔好抱太大希望 火鍋 熟食有d 壽司有d 飲品好多選擇又有啤酒 雪糕 啫喱 都係個句 88蚊算係咁 食得飽你 啱晒學生一大班人

估唔到下午五點鐘，門口都已經超級多人。燒肉選擇超多，豬頸肉、魚柳、牛肉、雞肉、叉燒、雞翼、魷魚、雞腎、雞軟骨和豬軟骨等等，都算應有盡有。調味唔錯呀，每款試一件都已經好飽。火鍋，我哋主要攞嚟滾菜同埋丸。如果怕太飽嘅話，呢個火鍋功能可以忽略。熟食比想像中多款式，試左壽司、燒賣、糯米雞、洋蔥圈。值得一提嘅係壽司款式都幾多！春卷、洋蔥圈夠脆！雪糕和啫喱杯一般。熱飲有誠意，有好多唔同嘅花茶，可以自由配搭，食完燒肉之後飲番杯茶解膩都真係一個唔錯嘅選擇。整體來說，食物選擇多，CP值幾高。大胃王必試，一定飽！

呢間野其實好出名, 因為都幾平的價錢就可以食好多種類的食物食到飽. 而且添加的速度都快, 食物質素也合格. 所以午餐時段就排隊都排死.見其實入面的員工數量都唔算少, 不過可能太多檯, 同埋個個都自掃門前雪, 唔係附近幾檯就完全唔理, 見好幾台食客舉手舉到要行去問先黑口黑臉應.食物種類非常多, 肉類每種都有三四種醃法又幾種切法, 燒烤可以邊爐可以, 熟食都有甜品也是很多的種類, 另外飲品也是非常豐富的, 所以客似雲來.

老公放假，說好的燒肉終於可以兌現喇，難得我仲可以放早添，緊係要衝過黎校長燒肉日韓料理食個早段晚市,有埋刺身都係$158，又係我地瘋狂食嘅時候😂 肚子餓到死，快快到熟食區拎野食先，款式都幾多，有壽司刺身，沙律吧，老火靚湯，炸物，小菜，仲有點心食。 燒肉方面有海鮮魚類,各類扒,羊加豬加牛，應有盡有。我地主攻肥牛同豬腩片，滿佈肥膏嘅豬腩片用黎燒，燒晒d油出黎已經好療癒，食落肉質脆卜卜又有d軟淋淋真係好正，燒時加d黑椒同鹽做調味，非常美味。紙係無限換，燶左可以自己換；紙上烤肉就冇咁易燶，烤出黎嘅肉唔會黑蚊蚊。除左燒肉我地仲拎左個湯黎烚菜同菇類，生菜好鮮嫰，而d冬菇仲好有心機地花👍👍整體食物都新鮮，而且refill都好快 三文魚刺身都算色澤鮮明呈橙紅色，每件厚身肥美，脂肪紋分佈鮮明，而且肉質堅挺。每次只可拎三片，幫老公拎埋，就要走多幾轉，但為左食，我係唔會怕辛苦嘅😏 飲品同甜品種類都有好多款，仲有雪糕櫃，雖然只係雀巢雪糕，但對於冇得食甜嘅我黎講，都已經係奢侈品。好彩飲品櫃有大量嘅無糖茶，滿足我地2口子喔～

🍽 餐廳：校長燒肉😋味道：3/5💰CP值：4/5🕴🏻服務：4/5🪴餐廳環境：3/5👀回頭率：3/5📍 地址: 校長燒肉日韓料理 (西裕街) (元朗)元朗西裕街達輝徑1號足彬大廈1樓3B號舖一次過滿足曬三個願望🐣抵食！筆者選D時段：$208+1，9:30pm後第二位半價港式餐廳，岩曬貪心既香港人～有齊燒肉、打邊爐、日式放題既餐廳，呢個價錢食齊咁多樣野都真心抵食！🔥🔥🔥食材說不上優質，但勝在款式夠多，平民化。🍣壽司款式都好多。員工會主動幫你換燒烤板。🌸有花茶自助區，幾特別～～🍤熟食都有唔少款，有天婦羅～餐廳地板都痴痴笠笠的，會痴住鞋底，環境分黎講就麻麻地….🙁

好耐冇食焼肉，今次來到呢間燒烤放題，見到佢的收費真係覺得十分抵食，一舊水鬆d,任食兩個鐘。心諗「淨食牛扒都抵返」。入到去先睇睇食物bar有咩拿，wa...款式多到冇野投訴。浄係燒烤肉類都超過30款，豬，牛，雞，腸，魚...咩都有。仲設有自取火鍋湯底供應，一邊燒烤一邊火鍋，爽yy 啦！未算，仲有剌身同壽司bar, 甜品及點心熟食bar. 點心+日本刺身+燒烤+火鍋+甜品，係咩玩法？真係要親身感受一下先知。眼前超過100款食品，何其壯觀！此刻真係要思考一下，應該點食先...記住係100蚊鬆d的價錢，簡直覺得超值。價廉物美！

我睇好似好多人去食，諗住去試下啦，book左9:30果段時候，我準時到，一開始入坐職員就同我講食到11:30，但11:00就會收食物，果下都冇乜嘢，心諗都正常丫，然後我同朋友食到10:30嗰刻，諗住出去攞多一轉食物返黎慢慢食，都費事阻人收野，點知10:30行出去，已經將啲嘢食收咗七八成，諗住個邊爐加啲湯底，連湯底都無得拎，嗰下都已經有啲燥燥地，明明話11點先收野，未夠鐘就已經收晒，都算數啦，剩返啲菜可以夾下，諗住菜都照拎啦，點知佢連個夾都收埋哂，大佬丫，有冇咁趕收工啊，都明白想準時收工嘅心態，但你哋真係咁趕住閂門，一係你就唔好搞9:30果段時段放題啦，本身啲嘢食都麻麻，但係一早收晒啲嘢唔俾你哋啲人拎，我覺得呢下真係好過份，真係唔會再有下次，都想提醒諗住去食呢段時間嘅人，真係要諗清楚先好去。

放暑假有咩好節目，梗係飲飲食食周圍逛啦！今日同阿仔入元朗探同學仔一齊玩。玩完就拉大隊去食「校長燒肉日韓料理」。未入去前先係門囗同 Marvel人物拍照打卡。坐低發現室內裝修都幾特別，又有校長室丶又有地理室。行入座位的途中發現兩邊佈滿食物，種類包羅萬有。有日式刺身丶壽司，又有火煱料丶又有韓式燒烤食材（大量唔同品種嘅肉丶雞翼丶丸丶腸仔丶菇丶魷魚.....）仲有中式熱薰丶點心丶台式炸物。最吸引的係佢嘅甜品好多樣化，細細杯可以試多好多款。絕對適合甜品控。雪糕櫃內又有雀巢雪糕杯同雪條，仲有細細粒口味不同的雪糯米糍。飲品亦算多樣化，有無糖烏龍茶/綠茶丶普通汽水丶連少見嘅菠蘿啤同韓國黑啤亦任飲。座位都算舒適，四人檯有兩個爐令大家唔會燒唔切。兩個小時內我地食咗好多想食嘅食物。尾中不足係刺身唔係好新鮮，建議少食。壽司一般般。甜品🍧🍨🍦🧁🥧同韓燒最出色。今日我們同行中有人本月生日，全單仲有八八折，真係太抵啦！我哋決定下次會再光顧。

同朋友係附近收工，佢建議不如食燒肉，喺元朗第一時間即刻諗到校長燒肉，即刻打電話去訂位啦！5點入座，價錢會相對有優惠，同朋友加錢選擇有刺身既set三文魚比想像中新鮮，夠肥美，唔會有臭味，每人限拎一次既赤蝦大大隻，都好新鮮爽口。燒肉方面，龍利柳同埋漢堡扒冇得輸，店員會幫手換紙，唔洗驚一張紙燒到尾。同場仲有好多熟食，仲有得俾你揀湯底打邊爐，一邊燒肉，一邊打邊爐， 十分寫意，今次揀左壽喜燒湯底，甜甜地，好好味。飲品方面款式超多，罐裝飲品之外，仲有啤酒，清酒，梅酒，另外仲有低糖綠茶，款式多多，任君選擇。甜品方面有阿波羅嘅雪糕雪條，除此之外仲有一啲自家製嘅杯裝甜品。呢個巨蜂提子雪條提子味十足，又唔會太甜。最後埋單每人200蚊都唔使，超抵。

校長燒肉日韓料理今晚又想燒肉，又想打邊爐，所以選擇左元朗呢間可以放題任食既校長燒肉。呢度裝修好年輕，有攀石主題既牆身裝飾，亦有超級英雄電影既鐵甲奇俠，感覺係新潮同埋年輕。 坐低之後位置寬鬆舒服，場內亦非常光猛，仲有窗邊位置，可以一路食，一路欣賞街景。 可以選擇既食材非常多，有熟食熱盤，瓜菜蔬果，壽司刺身，各式肉類，甚至甜品同飲品，都應有盡有，你諗到想食既，都一定揾得到。有部份既肉已經調味，有部份就原味切片，燒既時候再由自己調味處理。 我最喜歡燒豬腩片，不單新鮮，每片厚薄適中，自己簡單用鹽同胡椒已經足夠調味，我個人喜歡燒耐少少時間，令個豬腩片食起黎更香更脆，非常惹味。雖然晚上客人有很多，但餐廳補上食材既速度亦非常快，唔怕要同人爭，唔怕冇得食。 另外，除左燒肉，你仲可以同時打邊爐，一面燒肉，一面淥下肥牛煮下菜、粟米，其實感覺好爽。 我個人認為，呢個價錢，有咁多種選擇，仲要有一定質素，性價比真係非常高，我下次就一定會再黎。

琴日呀仔接我收工，所以早啲閃，諗住同佢食個下午茶，大約4點9左右，行到西裕街，見到校長燒肉外面排晒隊，心諗咁嘅鐘數都有人排隊，八掛一問，原來5點開始有特平放題，咁無辦法，唯有下午茶＋晚飯一次過😈環境方面：乾淨企理，座位之間唔會太迫，冷氣夠涼，每張枱都有個板燒爐同火煱電池板，可以邊燒烤邊打邊爐。😍服務方面：職員有禮貌，清枱嘅碟都清得快👍食物質素：好多選擇，有點心、熟食、已醃／未醃嘅肉都有、菜、甜品、酒水......總之好多，我仲加咗少少錢食刺身😋熟食ok, 醃肉好味，其他食材都新鮮，刺身又精神記得試一口牛同一口豚，會有驚喜😍總結：其實呢間嘅話，我覺得250一位我都唔介意，而家每位連加一都係174，真係值得試👍。

平日聽到朋友介紹校長燒肉，果然名不虛傳，選擇很多，可媲美酒店自助餐。星期四晚上大約7:15 ，不用等候，可以直接入座，場內座位都有八成滿。員工都很有禮貌，而且看他們都很主動收拾用過的碗碟。來到首先就吃刺身和壽司，壽司種類很多，外觀很吸引，新鮮味道好；旁邊就是刺身吧，每次最多可取三款，每款三片，有最大路的牡丹蝦，帶子三文魚，吞拿魚等等除了壽司，他們亦有很多冷盤選擇，又青口長腳蟹，蟹子沙律等其他沙律。蟹子沙律真係要大讚必食！然後就取飲品，這裏的花茶種類很多，可以自由搭配。我就揀選了我最喜愛的玫瑰花茶，玫瑰花的色澤都很不錯，玫瑰花香很濃郁。另外亦有飲品櫃，感覺好像去了便利店一樣，多款飲品選擇，有啤酒，亦有無酒精飲品。食過冷盤，就開始韓燒：這裏有很多肉類選擇，有牛， 豬， 雞， 鴨胸，各類型嘅骨都有！好豐富，他們的肉類質感都很好， 醃料均勻味道適中，不會太濃味。另外他們亦有不同的漿汁選擇有牛油粟米，雜菇或餃子，這些都可以放在韓燒盤上面燒，粟米有好香牛油味他們的炸品都有很多選擇，又有章魚小丸子，薯餅和葡撻，每一樣都好岩口味。鍾意熟食的話， 他們亦有椒鹽排骨、 蒸倉魚， 雞煲，炒麵，生炒骨和鹹蛋肉

💖家人之前試過，因為性價比高而大力推薦，所以今天前來一試。未到門口已經看到有一大群人等候，我還以為是旅行團帶團吃飯，原來不是😂 非常受街坊歡迎！1️⃣肉/海鮮區域💖有很多肉類和海鮮，例如單單是牛肉已經有不同的部位供選擇，其中我最喜歡肥牛，牛味香濃、半肥瘦。而且還用蒜、咖喱、韓式辣醬等醃製，更加提味。可以吃火鍋和烤肉，一次滿足兩個願望✌🏻2️⃣亞洲薈萃 💖有不同熱食，級數媲美自助餐。試了雞塊、薯條、小丸子，味道都不錯👍🏻3️⃣中式佳餚 💖竟然連點心都有，十分驚喜，我試了蔬菜餃，用料十足👍🏻 另外還有菇類蔬菜，吃肉之後可以消膩解滯。4️⃣️沙律區💖中華沙律和螺肉都很高質，奈何只有一個肚，不然的話值得encore～5️⃣壽司/刺身區💖我們升級吃有刺身的套餐，看到壽司賣相不錯，刺身包括三文魚、吞拿魚、希靈魚、海蝦等，肉質鮮美，值得加購。6️⃣雪糕💗我一個人吃了三個雪糕，真的很好吃😋 個人尤其喜歡港式奶茶味。另外還有冰鎮水果片～ 還有酒類提供，我試了梅酒，酒味非常濃郁！7️⃣飲料區 💖有罐裝、紙包飲品，還有啤酒，選擇多。 8️⃣花茶區 💖有不同花茶底料，可以自己製作，有趣，又養生。9️⃣醬料區 💖燒肉醬汁和火鍋湯底都有提供～💖用餐

因為之前幫襯咗 校長嘅大埔同埋荃灣分店性價比高 所以嚟到元朗分店幫襯 不過整體感覺性價比沒有其他兩間那麼高 呢間位於元朗大馬路步行大概十分鐘 午餐時段壽司放題呢度都係要拎貼紙去吧檯度取刺身不過只係有三文魚沒有甜蝦 呢度同其他分店一樣都有打邊爐燒烤壽司任你選擇 不過呢度嘅點心明顯沒有荃灣分店那麼豐富 呢度只有流沙包 荃灣分店有糯米雞 燒賣等等 熱食區選擇三間分店都差唔多 呢度冇雪糕機 呢度都冇咖啡機  整體嚟講三間分店元朗分店比較差 建議可以去荃灣分店 位置方便就腳