影片
自从启德Airside开咗之后我都成日过去行，因为贪佢𠮶边空间够大，而且可以同宠物一齐chill。前排因为想减肥，所以朋友推荐我一齐去食树屋Tree House。呢度有好多健康餐单最出名嘅系酸总面包，仲有多元化嘅蔬菜。我哋叫咗餐厅signature嘅regular cedar sourdough ($78)，里面有牛油果、红菜头、洋葱等等，劲多馅料捞埋一齐，一啖咬落去超满足。之后叫咗一个half and half regular banyan，仲upgrade埋soup of the day (南瓜汤)同一杯就Lemonade ($148)。呢个又系超丰富，有烧过嘅矮瓜、蕃茄、好多卷心、roasted garlic hummus 等等，食落去好清新健康开胃！值得一提嘅系个南瓜汤好浓郁，我同个friend都争住饮。最后仲叫咗个甜品walnut brownie ($50)，同埋一杯热嘅ginger lemongrass ($45)，成餐饱肚之余又食得好健康下次如果keep fit都会再去帮衬。
继续阅读
Treehouse 位于启德Airside，除咗地点方便就脚之外，喺全新嘅商场餐厅理念都前卫啲。食物主打素食，既可以减少食肉对全球整体嘅碳排放，亦都可以为城市嘅食肉兽补充蔬菜纤维，改善个人健康。店内嘅环境非常舒适，座位之间松动宽敞，更加重要系大家嘅节奏都放慢，比起赶住返工，呢度嘅食客更加focus系enjoy食物，可以慢慢同朋友倾吓偈倾吓手机，甚至系坐低电脑睇吓书，有啲Cafe嘅感觉。望出外面嘅景观都非常开扬，令整个用餐体验提升。食物方面，今次试咗Cedar Salad Bowl. 有机蔬菜非常fresh，食材用左羽衣甘蓝、南瓜、牛油果、生菜等，令到平时多油多盐嘅肠胃可以休息吓，而且配合藜麦，比平时嘅salad bowl 更为饱肚～Forest burger 嘅肉系用vegan材料制成，其实真系唔使食肉，因为唔讲都唔系好分到，整得好似真肉好好食～但系过程就唔使有任何动物受伤害。加多50蚊升级埋套餐，仲有餐汤同埋饮品😋拣咗lemonade ，酸甜清新饮完唔会觉得好浆喉，止渴生津仲落左啲香茅，饮完令人更加开胃消暑！之后讲吓甜品，夏威夷朱古力曲奇用左较天然嘅原糖，好味之余亦都比其他市面上唔同食物嘅代糖等化学物更加健康。整体而言，餐厅环境舒适，落地大玻璃采光一流，如果大家都想食清淡啲少啲添加同化学物，不妨试下Treehouse~
继续阅读
趁放假想去airside hill，屋企人好钟意食素食，所以就专登揾左一间素食嘅快餐店，而呢间餐厅嘅名亦都好特别——树屋。一入到去我点咗墨西哥卷，令我惊喜嘅系，佢用咗酸种卷饼，而且非常足料，一条就够填肚。之后仲嗌咗一个杂锦蔬菜沙律盘，里面有我喜爱嘅南瓜同牛油果，味道方面还好，但系饱腹感极强。当然唔少得甜品🍰，拣左合桃黑朱古力Brownie，虽然口感偏硬，但浓厚嘅朱古力味一食落去已经充满成个口腔。饮品方面，我拣咗一杯清新嘅lemonade 🍹，搭配素食大餐，带黎好好嘅解腻效果。总体来说，呢间餐厅不仅提供健康美味嘅素食新选择，仲有舒适嘅用餐环境，系一个放松心情嘅好地方。下次再黎时，我一定会试下其他美味菜式。
继续阅读
前排去朋友启德新居house warming，由于佢系vegan嘅，所以就带左我去呢间位于Airside嘅Treehouse食饭。餐厅对于商场地下𠮶层，非常方便。装修以木系嘅风格为主，带出环保嘅感觉。可能由于比较多外国人住启德，亦都可能因为比较多外国人钟意食素嘅关系，所以餐厅嘅店员都系讲英文嘅。讲返个餐牌，虽然呢度店员嚟讲英文为主，但系餐牌系有中文嘅！呢度嘅素食选择算多，而且非常有特色。俾大家睇下个menu。以下就系我当日买咗嘅食物：Treehouse Platter：好丰富嘅一兜Platter，当中嘅蔬菜全部都好fresh好juicy，而且卖相一流。最值得一赞系Platter附上一块要好食嘅烤饼，够晒饱肚呀！蘑菇汤：碗汤嘅texture非常rich同creamy，而且香气十足。不过我自己略显太细碗，咁好味唔够喉啊！酸种卷饼：里面夹嘅蔬菜全部都好新鲜，而且调味令佢全个卷饼层次更加丰富。总结：Treehouse用餐环境非常舒适，价钱合理，值得推荐！
继续阅读
启德系昔日机场嘅旧址，今日踏足九龙区启德，呢度变成咗一个比较新嘅商场，呢度好大好宽敞，呢个商场仲可以带埋宠物一齐行，冷气好充足，优哉游哉，好舒服。行到去outdoor嘅地方，见到一间装修特色嘅小木屋，于是我哋就入去食个简简单单嘅晚餐，餐厅装修精致，以天然食材为主打，好健康，好适合注重健康嘅上班族。先嚟一份烤鸡沙律，沙律仲包含咗羽衣甘蓝同埋罗马生菜，蔬菜非常新鲜、而且爽口。烤鸡好足料，大大件，好抵食。汉堡牛扒配合酸种包，制作成非常美味嘅汉堡。汉堡扒嫩滑、琳琳地，充满鲜肉嘅香味，容易入口；酸种包软绵绵，焗到外脆内软，非常美味。饮品方面，叫咗柠檬梳打特饮，唔会太甜，酸酸地，既冰冻又解渴，好适合夏天补充水份。
继续阅读