柴門西餐廳

营业中

休息中

呢間餐廳唔算好出名，但食物質素意外地好！香草包好食，唔會好似港式西餐咁比牛油餐包就算，仲有意大利黑醋同欖檻油點包。前菜小食都做得好有心機，唔係求其hea。三文魚同橙配沙律菜，好fresh，三文魚唔腥蕃茄湯Carbonara 漏左少少，不過都幾好味。煎豬胺係最好味，無落鬆肉粉但都好鬆軟，1d都唔會un, 好有驚喜！最後以焦糖燉蛋收尾，好似有d橙皮，一樣好食，完美收結。整體成餐體驗都幾好，service幾好，環境又好，食物當然都好，呢d好食既良心小店一定要多多支持！呢間應該係同區最好食既西餐！

今日有事要辦，要去柴灣走一轉。柴灣平時就好少去， 因為無咩地方行，今日辦完事都夠鐘食晚餐，於是就揾一揾有乜好野食啦。 咁岩得咁橋按下openrice就揾到一間西餐廳， 睇食評睇相好似唔錯， 於是就試佢一下。先喺openrice訂位，有88折優惠。由柴灣港鐵站b出口行去大約5分鐘。餐廳喺東貿廣場6樓。 餐廳地方不算大，但環境寧靜，重有個台有live band 演奏。 不過疫情關係就暫時停止。到步後，侍應好主動介紹餐牌食物比我地。 餐牌食物款式不算太多，可以避免選擇困難症的朋友。我地點左3款食物: 卡邦尼意大粉，海中蝦意粉配香蒜番茄油，精選晚餐包括: 焗蠔，南瓜餐湯，三款季節小食，煎烤加拿大天然豬鞍扒。卡邦尼意大利粉，份量十足，忌廉味濃，岩哂忌廉控。海中蝦意粉，海蝦勁大隻，好爽甜，夠彈牙，好新鮮， 無得輸。煎烤加拿大天然豬鞍扒，肉質鮮嫩，有肉味，肥瘦適中，廚師煮食時間控制一流，點埋個介辣真係好好味，呢個豬鞍扒係我暫時食過最好味一個。食到尾聲，侍應問我地d食物如何？ 我呢個食物麻煩神，真心比讚，重會推薦比朋友。雖然價錢略貴， 但食物質素完全反映哂出黎。 值得一試。

好耐無去柴門西餐廳食飯，前幾日睇FB見到今期午餐menu有煎焗法國油封鴨腿配黑醋汁，好吸引呀……決定星期六去會一會呢隻鴨腿!星期六13:30準時到達，全場滿晒，不過我地訂咗位，好彩我地一行3人，有2個已經堅決地要叫油封鴨腿， 可惜計劃趕不上變化，鴨腿已經售罄! 而menu又將會轉，意味住最少要等2個禮拜至有機會再見到鴨腿……失望我地決定叫希臘式焗龍利柳伴帶子配薯菜、 香煎加拿大天然豬鞍及煎焗阿根廷優質穀飼牛柳一如以往， 美味麵包同餐湯先上，保持水準。之後三個主菜陸續送上……1) 希臘式焗龍利柳伴帶子配薯菜 - 龍利柳魚味幾出兼無腥味，太好啦 薯菜雖然我不嬲唔太鍾意但都忍唔住食咗一半，堅好味! 帶子只得一粒所以我要珍而重之咁慢慢食。2) 香煎加拿大天然豬鞍 - 堅大件，但肉質好嫩，好好食。 豬鞍呈現小小粉紅色， 並不是未熟而係特色， 大家可以放心。3) 煎焗阿根廷優質穀飼牛柳 - 牛味出， 肉質鮮嫩， 真係要慢慢品嚐。 食咗咁多肉， 餐飲都係揀杯熱檸水好啲最後堅決要加錢order法式焦糖燉蛋和辣椒朱古力餅，完美!小小提議:1) 電話訂坐有88折2) 如果有特別想食嘅， 可以預先留定

母親節前席，預早已經訂座8點去食晚飯，但5點鐘先收到餐廳電話話full house，要取消我張訂座，仲問我會唔會等位，意思係去到睇下有無人no show先知有無位，即係有機會去到要白等😡。餐廳安排混亂，攪到臨時臨急要去book另一間

話說某日喺IG story見有朋友推薦呢間喺柴灣嘅扒房黃店，佢話呢間係佢食過最好食嘅黃店😱 講到咁誇張，緊係要快啲去試吓～價錢唔算平，但真係超高質超好食，絕對對得住佢嘅價錢，而且職員態度都超好💛 港島東嘅朋友冇理由唔試，住得遠嘅話都好值得你特登去試！記得whatsapp佢哋/openrice訂座，有88折 ‼️🔸晚市套餐$338 起/人🔸▪️小食▪️小食有3款，按季節而定，可以話係西式嘅omakase。當晚有燒菠蘿、沙律、蝦多士，看似平平無奇，但食落每樣都高於水平🤤▪️頭盤▪️·柴門焗蠔·出面有啲餐廳嘅焗蠔係勁細隻，只係志在食啲汁。但呢度嘅焗蠔都算幾大隻，配埋芝士、洋蔥、忌廉汁同煙肉，真係好好食😋·香煎鵝肝(+$58)·鵝肝煎得剛剛好，表面有啲啲脆，超級香🤤 ▪️湯▪️當日嘅湯係蕃茄湯🍅，不嬲都麻麻哋蕃茄湯，好彩呢間煮得唔太酸，算係易入口。朋友極度推薦佢哋嘅中湯，大家都可以試吓！▪️主菜▪️·香煎珍寶海虎蝦拼帶子 配 意大利燴飯(+$30)·隻蝦真係成隻碟咁大😱，唔會煎得太乾，同啲汁好夾🤤 帶子亦煮得啱啱好！Risotto真係有驚喜，未食過咁香忌廉味嘅risotto，軟硬適中超好食！！同埋啲配菜都係有用

雖然疫情持續，但仍然希望找一個地方和一家人為愛女慶祝誕生一百日。以往也曾經到柴門吃過午飯和晚餐，一問之下原來他們是有包場的服務。昨晚到達場地之後，只需稍作佈置，就能夠加添了不少開心的氛圍，而且緊張回到一個溫馨的家當中享受一頓法國菜的fine dining 🥰重點是無論有環境丶音樂丶氣氛丶服務至食物的質素也是超有水準！真係多謝柴門，令到我們一家人有一個難忘的晚上🥳菜單非常豐盛，包括柴門焗蠔拼法式煎焗鴨肝，慢煮法國油鴨髀田園沙律配芒果熱情果醬，刺身帶子配法式龍蝦湯，煎焗緬甸珍寶虎蝦拼美國熟成斧頭扒，香煎珍寶帶子拼加拿大天然豬鞍架及小杯甜點三重奏。

今日同媽咪去咗呢間位於柴灣東貿廣場既 #柴門西餐廳 ，環境幾寧靜舒服，食物又好味，可惜為食嘅我掛住食唔記得影餐廳相😅Lunch set $80-140, 有齊湯、前菜同野飲👍🏻 最鐘意啲主菜夠熱（好多拎到出嚟都凍哂）👍🏻煙三文魚意粉🍝：煙三文魚份量夠多，意粉軟硬適中又夠多汁😋魚柳薯蓉🐟：以為塊魚薄薄地，點知食落都好有口感，夠熱夠新鮮，又唔會太咸😋最衰佢lunch time得一個鐘，食完又要返工啦，下次去食晚飯慢慢嘆😆

聽一個foodie朋友推薦左好多次，今次終於黎到港島綫最篤篤嘅柴灣，梗係要黎試下呢間餐廳啦！入到去餐廳會見到好多幅精美嘅油畫，環境好cozy。是日來食午餐。前菜係沙律、南瓜湯同春捲我選了朋友推薦的油封鴨腿，呢到係經典嘅法國菜🇫🇷。無得歐遊都未有望梅止渴啦

今日放假，嚟到屋企附近嘅柴門食個靚lunch套餐已有沙律，湯同麵包，每樣少少。我點咗豬扒，朋友點咗牛柳。豬扒煮到粉嫩粉嫩，讚套餐加配咗焦糖布甸，質地似中式燉蛋，有啲失望。餐飲我轉咗做泡沫咖啡。不過不失價錢方面係柴灣區嚟講唔算平。但都滿座，係少數呢區有質素西餐。

之前都想嚟試吓架啦點知原來呢度係有落場時間所以今次特登揀晚餐時段去餐廳好貼心，係預約時間前會send個msg嚟講佢哋嘅防疫措施等食客都可以食得安心餐廳人流唔算多，環境闊落，配上純音樂，感覺舒服當晚叫咗兩個Dinner set，店員都好好，會講解下個menu叫完嘢食就一路期待緊個包因為見到枱面嘅橄欖油同醋呢個配搭加包真係無敵然後就有主廚推介嘅三款精選小食有我哋都想叫嘅蝦多士香茅味重，一解去旅行之苦🤣春卷炸得好脆好香口之後自選頭盤係4揀2我同朋友各叫咗1款再share食柴門焗蠔平時嘅焗蠔可能都係芝士，洋蔥同煙肉多但呢個有啲椰菜係度，又幾得意，同埋無咁大飽濟感蠔身都算肥美另一個頭盤煙三文魚配柳橙沙律煙三文魚有3塊，好足料，橙好甜湯方面我哋兩個都揀咗忌廉蘑菇湯夠Creamy主菜方面，我哋兩個都加咗錢轉Rib eye因為我哋兩個都係牛魔王意想不到塊扒重大過我哋兩個塊面Medium rare剛剛好牛扒肉質鮮嫩多汁，牛味重甜品Cheesecake相對上就有啲失色

好味小店店內環境好好服務態度非常好食物質素好高 睇得出好用心製作呢間餐廳個set menu都幾多野食 性價比幾高我尤其鍾意佢個飽魚 好鮮好有飽魚味中式燉湯都幾好飲份量都幾足 好抵食💖

之前屋企人帶我食間柴灣小店，今日同屋企人舊地重遊，餐牌改左，於是嗌左兩款午市套餐。同上次一樣，食物仍然高水準，無令我失望，甚至有驚喜，原來牛舌都可以腍、厚、嫩並存。職員仍然服務親切，而且餐廳好週到，上次去係常溫水，但可能考慮到呢排天氣凍，係斟熱水。除此之外，亦有進步之處，上次前菜個麵包好味還好味，唔係熱o既,，但今次係熱架，而且又軟熟。環境咁困難，問過佢地每日只有三個半鐘堂食 (1200-1530)，地理位置唔係購物區，見佢咁苦苦經營卻仍然可以高質，希望佢可以支持倒落去。即使再一般的菜式或食材，用心做都可以令人驚艷。以呢個價錢，交足功課，甚至可以話超額完成。

以為柴灣係美食沙漠，點知網上見到佢，又知道星期日休息，就趁星期六晏晝去試吓。嗌咗牛柳午餐，叫左七成熟。先上前菜，有三樣嘢：蘑菇湯（湯魷魚蘑菇味都好濃），一片麵包（酸酸o地好醒胃），仲有柴門特色沙律（有生果同埋蔬菜嘅沙律，味道好夾食材亦新鮮），已經喜出望外。主菜牛柳雖然七成熟，但係煎得好嫩，牛味都好出。同行者點左香煎珍寶大虎蝦拼帶子，蝦味香到呢⋯⋯帶子又滑又鮮甜。食完已經大滿足，又口痕點咗個辣椒朱古力餅，食完d辣有後勁由喉嚨湧返上嚟，幾特別。另外，店員親切有禮，環境舒服亦都適合傾偈。令人充滿驚喜的餐廳。💛

雖然家住港島，但就從未會想過去柴灣尋找美食。適逢今天來到附近，便在openrice訂座，有88折優惠。是日是萬聖節正日，餐廳特意在每枱放置巫師帽，又安排萬聖節化妝服務，令人感受氣氛，同時亦感受到餐廳的細心。服務上，全部侍應都很有禮貌，又會主動介紹餐點。我們有如素的朋友，雖然餐牌沒有素食，但餐廳仍然盡力安排菜式，務求大家食得盡興。是日小食是用上3款海鮮類，分別是蟹肉沙律，吞拿魚他他和蝦多士，全部都很鮮味，細細份，很精緻，作為前菜十分開胃。我覺得蟹肉沙律最為好吃，略嫌少了一點。前菜我們點了巴馬火腿配田園蜜瓜沙律，味道夠清新，火腿亦夠油香配香甜蜜瓜，是絕妙的配搭。朋友點了鴨肝，雖然我沒有享用，但擺盤很美觀，而且鴨肝亦煎封得很香脆，朋友都很滿意。餐湯可選擇應節的南瓜湯，還有中式干貝螺頭燉湯選擇。我選擇了西湯，由於加了松露油，味道更濃郁，十分香甜。主菜我們都點了牛排，因為餐廳標榜這是乾式熟成牛肉，感覺很特別，試完覺得加錢吃亦有道理。首先要講肉質非常嫩滑，燒到五成熟仍有肉汁，油脂分佈亦算均勻，惟仍然帶有少量的筋，不過已經算是近期吃過較高質的牛排。另外我們還單點一份海中蝦意粉配蒜香蕃茄油，味道較為清

係柴灣，多數人都會以為無咩好食，但其實呢度有好多野食架！大力推介柴門，佢係東貿廣場6樓，其實係地鐵站過去都唔係好遠👍🏻平日黎既好處係唔駛等位，如果驚無位可以預早訂台，仲有88折👍🏻餐廳細細，但整齊，背景有jazz聽，柔和的旋律，岩哂慢活既我地黎傾下計。佢地既午餐都有幾多選擇（素人都有岩既餐架）前菜有沙律、湯、個湯都幾有料，唔係淨水，而沙律既的生果好甜！我地兩個今次叫左牛仔柳好好味！ 出奇地好有肉汁、好嫩滑～有驚喜！ 柴灣人又多個選擇啦～