查理布朗咖啡專門店 (已結業)

新店門面，合共2層～下面個層方便大家買外賣cake、coffee～入到去即刻會有staff招呼我地上樓～同之前舊店唔同～（以前自助揾位）今次新店張menu唔同以前，多左好多選擇～因為食左野先上去，所以只係叫左2杯野飲～塊鏡面有圖案架～😄😄😄呢個係牛奶咖啡～個咖啡好特別～雪成查理布朗個樣～（唔知會以為係朱古力😂😂😂）飲個陣時，先將少少熱既牛奶倒入去，查理布朗會續步慢慢溶化，加少少糖水落去調成自己想飲既口味～重覆以上步驟，可以享受到唔同程度既咖啡，由濃到淡，真係幾特別👍👍👍另外呢杯係玫瑰花伯爵奶茶，好香花香味～好好飲～前後去左2次我都特登點黎飲～連男朋友都鐘意話好香好好飲～😄😄😄（仲有個靚靚杯墊，即刻攞黎收藏😘）

友人生日，知道Charlie Brown Cafe 啱啱搬遷，仲有試業優惠85折，於是就揀咗呢度同朋友慶生日搬後咗一條街，感覺同以前門口嘅環境差唔多樓下係外賣部，上面係堂食部，一入門口就見到一堆精品，但係無咗精品售賣部重新裝修後新淨咗，不過地方細咗，大約係舊舖嘅一半都有幾個影相位～ （如果加多啲Snoopy 影相位就更加好 ^O^）先嚟炸洋葱圈，熱辣辣，炸份唔算厚，點埋帶啲辣嘅醬汁，好惹味～仲以為入面有啲咩托住呢堆洋葱圈，原來入面係一條炸酥皮條，全部都食得～龍蝦帶子什菌燴珍珠飯，原來唔只眼見嘅兩粒帶子，入面仲有帶子碎！香濃嘅龍蝦汁包住啲飯，大啖大啖幾好味～仲有叫咗碟「煙肉洋蔥忌廉蛋汁扁意粉」，同樣勁多汁，好「芝」味～P。S。如果碟嘢有埋Snoopy元素就更加開心～^O^好似好少地方有香蕉船食，朋友話想做吓細路仔，於是叫咗香蕉船作甜品！當佢出現大家都尖叫，外型好有驚喜！懶懶Snoppy 訓喺船度，好可愛呀！大家影咗一輪相，先開始食！估唔到入面都唔失禮，除咗香蕉，仲有有朱古力、雲呢拿同抺茶雪糕，餅乾作帆船，仲有粒粒Brownie，同埋綿花糖粒！連史奴比都食得！成個甜品好豐富，好滿足！仲以為

對搬往新地點後的Charlie Brown Cafe有點失望！首先講入店後感覺，行上餐廳的樓梯已沒有舊店般充滿peanuts公仔裝飾的開心氣氛，只是普普通通的樓梯，頭頂吊住隻Snoopy。來到二樓，販賣的精品放在櫥窗內，無得好似以前咁可以拎上手睇。 而舊店陳列櫃內的絕版精品及圖書都差不多消失了，再沒有投影機播放著peanuts卡通，party room也沒有了!入到餐廳，真係好細，大約只有舊店的1/3大(可能1/3都無)，檯是新的雲石檯，冷冰冰的感覺，襯托唔到卡通人物溫暖開心的氣氛，很懷念舊店刻有公仔的木檯。 新檯上的Charlie Brown & Snoopy公仔是laser cut sticker黐上去, 現在試業期間已經披晒口翹起晒，相信過多幾星期會甩晒！ 天花都換了和Peanuts 完全無關的吊燈，相比舊店一望上天花那些一圈圈的七彩繽紛snoopy & friends 燈，現在的更見失色~至於餐飲方面，食物選擇是多了，亦新增了套餐選擇(以前散叫為主), 而且價錢上漲價不少，飲品亦改為只有一個size 。 點餐方面由半自助改為有人serve , 點了Jumbo Hot dog(