柏林餐廳 (已結業)

柏林餐廳 Pak Lam Restaurant大角咀大全街6號地下今天早餐午餐一氣過，揀間大件夾抵食既先，來到大角咀道有大把選擇，我都係果句，好坐最緊要，近大街口的這家柏林餐廳，街口就見這個大餐牌，未到中午12點，無乜人，環境清簡 見到個套餐餐牌第一時間肯定覺得抵吃，而其中的味道就要試過先知了 餐湯餐湯點的套餐都可選擇贈送餐湯或者咖啡奶茶，我當然就選擇餐湯配送比較搭配喇 白汁芝士焗龍琍飯 $42我這份係白汁芝士焗龍琍飯，汁見落稍微比較多些，感覺接近湯了，不過吃落口，味道非常 ，白汁的味道香濃可口，飯是炒飯底，都算比其他一般茶餐廳有誠意，味道認真是一流，推薦給大家嘗試 燒汁豬扒飯 $42燒身吉列雞扒飯，這碟飯同一般去餐廳食既雞扒的水準就差唔多，沒有嘗到什麼新意，就覺得呢個價位能吃到這個質數的套餐，都算得上是划算的，所以對於正常的午餐，都算是比較抵吃燒身吉列雞扒飯 $42燒汁豬扒飯，豬扒鬆脆可口配上燒汁更加入味，切開一塊塊送飯都是十分之滿意的套餐 ，如果大家想吃到平靚正既套餐，這度實在是滿意之選香滑奶茶及朱古力三個大餐，埋單$128, 認真抵食，下次再來!! ---------------

已經幫襯過好多次啦,今次終於的起心肝寫食評呢間餐廳小小一間,並唔起眼,但係原來佢D食物都唔錯,而且價錢仲好大眾化,而家出街鋸個扒閒閒地都百幾二百,呢度鐵板餐八十幾蚊有湯有包有餐有野飲,叫左安格斯牛柳,味道質素我唔敢講係非常高質,但絕對係物超所值,最值得一提係佢個跟餐沙律,蔬果大大粒,可以逐粒逐粒咬,唔會好似其他舖頭咁切到D蔬果勁細粒放一堆入口完全唔知食緊乜。所以平時夜晚諗唔到食乜都會去幫襯下!

晚餐全部都係扒餐果類 估唔到竟然有中湯揀雖想好多冬瓜係碗湯入面係咪味精唔知 不過飲落只有咸地味 無咩其他味道呢度既沙律唔係前菜 而係主菜飯/意粉/薯菜/"沙律"!?入面係青瓜 蕃茄 紅蘿蔔 菠蘿 生菜 薯仔 馬蹄好似感覺組合有啲奇怪不過沙律呢啲不嬲都可以好隨意既 豬手真係..差過自己係屋企煮果啲!味道好怪 好似有陣"縮臭"味咁係咪放太耐?存放位置有問題?定特別既烹調方式?叫左個蒜蓉汁都係怪怪的味道 好似溝左其他味落去咁呢個牛扒拼黑椒汁就正常好多普通茶餐廳質素

第1次來是吃澳洲T骨扒 , 黑椒汁味道還可以, 薯菜是薯角, 幾有薯味的 , 牛扒都不錯近肥膏和筋部幾有牛味 , 但多筋餐刀比較鈍 , 因此切起來頗吃力!第2次來是吃 set lunch , 牛扒亦都是該餐的主角 , 當然比鐵板餐的薄一點 , 細節忘記了 , 就是記得以約50元的午餐來說是有競爭力的 !第3次來吃安格斯牛柳 , $83, 黑椒汁同樣的可以 , 點了7成熟的牛柳入口不硬質地好 ,牛味沒有第1次吃的T骨扒好 , 椰菜多 , 薯角都多而且還另上一碟 , 中湯沒有加味精的 , 喝後不會渴!總體上 , 對比x登堡、x娜、x鳳那些港式扒房嘛 , 還是欠一點距离 , 但食牛扒是比較有保障的 , 至少好過一般茶記 !

大角咀有很多高質的食店, 以埃華街為主軸, 再分別伸延到中匯大全及博文奧海城, 令這地帶變成一個美食城! 所以黎到大角咀完全唔需要驚無野食, 反而你擔心唔知食邊間好才是!!!係咁多食肆下要吸引客人, 除了裝潢, 味道, 主題外, 就係價錢同份量.  而柏林正是其中一間抵食而水準唔錯的港式西餐廳, 價錢合理, 味道唔錯, 一貫港式西餐廳的大大份. 之前係因為試過LUNCH 同夜晚食扒, 覺得這水準, 這一個價錢真係難得!!!! 自己吃過很多很多間店的下午茶 - 鹵髀薯菜. 柏林令我知道原來鹵髀同薯菜可以表演得咁出色, 令人刮目相看.鹵水入晒味, 但入面雞肉又唔會因為鹵得太耐而令肉變得淋變得老, 依然嫰滑. 配上的椰菜甘筍唔係白烚, 而係有用蒜煮過, 唔止係有味, 而係好味! 最後就係個薯條係我最喜歡有薯皮的, 讚!!!奶茶就只係普普通通! 但鹵髀餐的所有已蓋過這小小的問題了!成個餐都係$30, 可以配飯/ 意粉, 現時來說真的非常經濟實惠!!!!

餐湯本來我要白湯，但佢俾左個紅湯我，錦我求其試下飲，個味道唔會話太淡剛剛好，材料也很足，蔬菜也很淋，合我口味我要凍O水，佢唔會太甜亦唔會少甜，剛剛好也是合我口味到主菜了我叫了黑椒汁牛柳配鴨胸飯，牛柳肉質剛剛好，不會太淋亦不會太硬。鴨胸好味到極口感一流，黑椒汁唔會話太辣也是合我口味，就算在風口位下吃飯，那個飯也不會很快凍最後叫多個油占多，也不會太甜還可以

假日最好的事就是可以睡到自然醒這天一起床已經十二時多肚子有點餓 很想吃飯就想到這間就腳的柏林餐廳這間餐廳位於街角雖然門面有點昏暗 但都算起眼平日回家經常都會經過 今次終於的起心肝光顧午餐大約有8款 跟餐湯及餐飲款式走大眾路線有吉列魚柳, 醬汁燒豬扒 及咖哩等等, 均可配飯, 意粉或薯菜價錢是均一的$36而我就選了芝士焗雞皇飯還加了$5配紅豆冰(假期當然要對自己好一點)五分鐘後 餐湯已送上我選的是羅宋湯味道淡了一點點 不過超足料有蘿蔔, 蔬菜 還有肉等讓人非常驚喜餐飲也隨後送上了用高身杯裝著的紅豆冰份量讓人滿意紅豆很淋 帶有陳皮味顯然不是罐頭貨色而所用的淡奶亦很有奶味絕對沒有溝水這$5絕對是值得加的!等多5分鐘 焗飯也到了份量很多 毫不吝惜雖然芝士份量不算太豐富 但吃到某些位置仍然有很濃的芝士味雞件很大塊 大約有五,六塊左右沒有用白汁蓋住白飯來欺場啊而且雞件有經過調味不會淡而無味 單靠白汁來撐場這客焗飯真讓人吃得滿意總括來說 與其付差不多的價錢到連鎖快餐店吃飯我更喜歡到這類港式茶餐廳消費除了食物煮得更用心 質量較好外還能讓人回憶起小時侯跟家人到餐廳用餐的點滴希望這些小店能一直堅持下去

是晚又是參加追思禮拜的晚上, 文迪沒有來, 只剩下我一人晚飯, 星期五晚, 是有點寂寞的, 但能夠繼續彈下去, 是恩典, 也是給別人的祝福. 就在九龍附近揀選了這裡吃個簡單的晚餐.正宗海南雞飯 $48: 5分, 先試飯, 飯粒有點硬, 但還算帶雞油香. 雞肉就有點點實, 三色醬中間一格竟然是空著的, 真奇怪. 黑豉油不再供應? 湯方面, 是典型的茶餐廳例湯, 有點點師傅的痕跡. 而那碟油菜是老了點.$48一客, 價位還算可以, 但食物水準只是一般, 普普通通的一餐吧.

一天沒吃午飯，等到午飯時間過去，才在附近找吃。既不想吃大家樂，又不想吃麥當勞，曾經幫過的食店又不想去，只想找一家較為便宜又不曾幫襯的食肆吃個飽肚的下午茶，一番尋覓之後，最終來到這間「柏林餐廳」，見這兒的下午茶餐便宜的只需 $25 ，稍貴的也只是 $27，全部都是飽肚的碟頭粉麵飯，而且已包餐飲，冷熱同價，正合乎自己的要求，於是二話不說，立刻推門入內。已是下午二時有多，陳設簡單的餐廳內竟然擠滿了客人，難道這裡真是抵食又好味，所以即使已經過了午飯時間，仍然人頭湧湧，生意滔滔？可惜，當我叫來了餐牌中的「燒汁牛仔柳飯」加「凍檸茶」做這天代替午餐的下午茶後，我便知道我錯了。這裡之所以塞滿客人，原因並不是因為它的食物味道好，只是因為它確是抵食夾大件而已。看著那只是微溫，濃稠得過份的所謂「燒汁」舖滿了那兩件以鬆肉粉醃得軟腍而無肉味的所謂「牛仔柳」，雖見這「燒汁牛仔柳飯」的份量奇多，絕對可以與正常午餐的飯量相比較，仍然不禁十分後悔為什麼不多行一點點路往附近亮賢居地下的 Hero Sandwiches 一嚐它那美味的「燒肉眼扒三文治」。那杯茶味尚算可以的「凍檸茶」，就當是失落後的一點慰藉吧！算了吧！世事就

經過條街見此鋪..再係呢度搜下..知試得過就搵左今日去試..坐低一睇34 西餐..好合理價..好耐未試過係家附近食到便宜西餐既感覺啦!試左 焗俄國牛肉飯 午餐係得呢個有焗字..所以唔諗啦!...等左3mins度黎左 忌廉湯先..尚算ok..合格嫁~之後等多3mins黎埋 凍奶茶..未飲住..因為飲左湯..之後等多5mins黎埋飯..賣相ok..汁都好多下..份量亦好適中..食埋落口唔錯..係略嫌呢個飯始終本身應該唔會好出眾所以算係咁..最後飲埋杯幾好飲既奶茶..埋單36$...其他焗飯..炒粉麵飯類都係38$ 只係無湯跟咁解...但都算唔錯係就近3字頭餐廳黎講..當然會再試...環境方面再裝修下 襯返個柏林<-酷名會更加好

舊地重遊，剛好下午茶時間，便來回味一下這 "芝士肉醬焗意粉"味道依舊，實而不華。面頭芝士味香及濃，肉醬沒有加配太多蕃茄醬調味，味道結實兼份量多，配搭意粉之份量恰到好處。唯一不足之處是意粉太"林"，不夠口感。價錢亦因通脹之關係加至 $27，但這可以理解。絕對可以再三回味~

晚上經過, 就打算去食吓, 入到去, 人很小 服務質素都好. de 員工服務好友善但係我叫咗個晚餐 - 的什仈意粉就真係好唔得. de 什仈真係唔多好. de 意粉就真係一定唔會再叫. Quality 唔得,Price又貴.特別係de 牛仈, 真係好唔得. 意粉 - 好似做了咗好久, 再番"ding"的感覺, 而且好易斷, 再加上以經斷開咗.個soup 就好一般, 無mud 特別!

其實柏林開耐好耐，以前都有間中幫襯，但今次去到除了價錢由$3X-$4X飊升到$5X外，味道和服務似乎都下降了一炒。閒閒地一個晚餐都要$48-$52。包餐包、湯、主菜、飯/意粉/薯菜/沙律、飲品隔夜包咁既味道，而且牛油抹得很少。雖然如果佢俾我自己落牛油，我會選擇走油。湯不錯，除了料多外，配料都煲得好稔。而且蕃茄味濃烈，酸酸地。家人要的炒飯，$35只跟餐飲。單論意粉，的確不太好，易斷是因為來貨不佳；過稔則是廚房之過。我只吃了一半，已感到口感難以忍受。黑椒帆立貝拼羊扒。黑椒汁味很重，很稠，為的就是要遮掩羊扒的雪味。我當然心明白，以$52在大角嘴吃一個普通西式晚餐當然不能奢求甚麼，但羊扒的雪味過重，欠缺羊味，咬下去連半點肉質的口感也沒有。肉質鬆散，全程不用刀都可以吃到這幾件羊扒。咖啡味淡，水不滾。服務算不過不失，都算勤快。但我覺得以這個價錢，可以選的食肆應該有好多，未必會再常光顧了。

那天下午5時多去食下午茶餐,25蚊包埋野飲,冷熱同價,簡簡單單食個白汁局意粉,另一個朋友叫炒飯,令我意想不到是下午茶的份量沒有少到,份量十足,就算放係午餐或晚餐也沒分別,味度以25蚊計真的很不錯,很多地方買到50蚊都未必有咁水平,熱奶茶也有驚喜,如再去開個邊,我一定會再光顧.

Lunch 同事帶我去，我地過左大角咀，去到門口，竟然要係等位，最後五人迫了四人枱，迫到茶都無位放。不過午膳時間，必要張就下！我地叫了lunch set，我個牛扒非常一般，勝在大件，兩大塊牛扒，但係林得好假下，仍不乏捧場客！餐湯可以叫佢慳返唔駛上！我最怕飲啲似水的湯，仲要係除了十數粒粟米之外乜都無！同事叫左焗海鮮意，雖然等了十分鍾有多，但焗到金黃色，又香仲好cheesy!睇得又好食，下次我到食焗嘢！$33包凍飲，係同區lunch叫貴,但以份量計到可以接受。