影片
港铁北角站 B2 出口, 步行约1分钟
继续阅读
营业时间
星期一至日
11:00 - 22:00
公众假期
11:00 - 22:00
公众假期前夕
11:00 - 22:00
以上资料只供参考，请与餐厅确认详情
咁啱系网上面见到架势厨房系一间share kitchen ，所以就决定试一下，我叫嘅餐系辣鸡扒炸虾卤肉。..首先依间餐厅嘅餐具都系用木制，十分环保。一打开个盒其实就已经闻到个炸虾系十分香，份量亦都正常够一个人食，虾肉好实净但d炸虾食落去就冇乜味。 辣鸡扒方面餐厅帮我切成6-7块。虽然叫辣鸡扒，但意外地一d辣味都冇，不过个鸡扒整体黎讲整得唔错，唔会话好鞋口或者有雪藏味。卤肉黎讲我依个餐嘅都算肥瘦均匀，唔会有太多肥肉嘅卤肉或太瘦好柴嘅卤肉，卤肉亦都比较入味。..整体黎讲10分满分会比5.5分，因为最主要嘅辣鸡扒冇辣味，同埋个虾系冇味。
继续阅读
每次送完小朋友上兴趣班，我都会去买𩠌等放学，但今日因为之后仲有工作，所以就喺附近买 外卖返屋企食。经过外卖店架势厨房，餐牌选择有唔同国家美食，可以照顾一家唔同口味就决定试一试！泡菜豆腐粉丝汤配白饭最近天气好冻，好想饮热辣辣汤，韩式泡菜汤配上嫩滑豆腐，香浓泡菜味微辣口感温和又暖胃。盐酥鸡香肠便当老公拣咗呢款便当，有佢最爱盐酥鸡，鸡肉外脆内嫩唔会太咸，配上好多肉汁既台式香肠好惹味，台式风味十足。滑蛋牛肉丼仔仔食嘅滑蛋牛肉丼饭，牛肉系肥牛，好大碗分量好足。红油猪耳猪耳好脆口，味道带微辣及不同香料味，味道丰富，系老公最爱嘅开胃菜。韩酱有骨炸鸡有三款口味，我拣咗蜜糖芥末酱，酱汁非常多， 芥末微辣又带蜜糖香甜，而炸鸡虽然淋咗但系鸡肉非常嫩滑。值得一赞系餐具都系用较环保既木匙羹及叉！
继续阅读
妹妹屋企开party🎊，见佢屋企附近开左间外卖店，决定买外卖上去食。😍架势厨房有齐台湾，韩国，日本、星马美食，自助落单好方便。❤️古早味下午茶餐好抵食😍$24起，仲配一罐汽水。🧊🥤🥢台湾香肠配生蒜$38香肠够香口，美味小食。🥢炸地瓜圆 $24炸得金黄香脆，好受欢迎。🥢芝士肉松蛋饼$28蛋饼有芝士同肉松馅好香， 饼皮烟烟靭靭。🐔海南鸡一只 $188开party岩晒，大家都争住食，个个赞。肉质好滑，连配菜既酸菜都好出色。😍
继续阅读
架势厨房 (马宝学林33) 地址: 北角马宝道33号马宝学林33地下G02B号舖=====================玩了两日xmas,今日一卡休息一下，留在家看netflix 食外卖好了，多国菜外卖店，抵食又多选择卤肉青菜 $24，食了几日大餐过xmas,一碟清清地架时菜都变得很好吃。$48古早味卤肉饭，简单又好味，卤肉个汁是甜中带豉油香，肉燥细碎有肥肉，肥肉才是肉燥重点，入口即化架脂肪油香，淋上白饭超好吃。猪肉泡菜粉丝豆腐汤 $62 有韩式辣酱同泡菜，很开胃葱味，粉丝吸晒汤。惹味塔香盐酥鸡 $28是用来加在肉燥上的，因要补充蛋白质。芝士肉松蛋饼 $48是早餐胃的人最爱，无敌好吃，qq饼皮加香甜肉松。盐酥排骨便当 $48个排骨好入味，咸香十足跟饭绝配总括来说，多款式架食物，经济实惠。
继续阅读
月头比较忙，收工后唔想仲要煮饭咁辛苦。上网喺外卖 apps 揾到呢间「架势厨房」。店铺主打环球美食，除左星洲及日韩台菜式外，甚至连火辣辣嘅四川菜都有得供应，咁多花款，真系食多几次都唔怕闷，一于买多几份番屋企同家人分享！点左个台呷晚市二人套餐、2 个日式便当，另外再加左客台湾香肠同韩风猪手。台呷晚市二人餐 ($86)，呢个 Dinner Set 包 2 款主食+指定罐装饮品。拣左古早味卤肉便当同盐酥鸡香肠便当。卤肉以五花腩切粒制成，肉粒肥瘦适中，入口软腍有香味。米饭用上珍珠米，食落粒粒分明，烟韧又有咬口。配料有青瓜、椰菜、卤蛋同咸酸菜，分量不少，配卤肉食，味道一流！盐酥鸡炸得啱啱好，外层炸粉唔会太厚，入口外脆内 Juicy，啖啖肉，好滋味。伴吃嘅香肠亦非常正，外皮烧得恰好，入口带少少焦香👍个便当得 4 片香肠当然唔够喉，好彩我醒目，另外再加点左一客台湾香肠 (+$30)。睇下烧得几靓仔，肉质软硬适中，夹埋生蒜片，少少辛辣，系正宗台湾人嘅食法。 另外呢客Q弹无骨猪手 ($68) 亦系必食推介，入口皮爽肉嫩，肉质好腍身，啖啖肉又无骨，唔使点酱汁食已经够晒入味！至于 2 个日式便当就点左日式野菜炒面 ($48) 同 日式和风牛肉丼配温泉玉子 ($48)。面条炒得好有镬气，虽然拎到返屋企先至食，但系仍然保持水准，入口爽身香滑，配埋啲洋葱同芝麻粒，多重口感，相当味美！另外个丼饭亦份量十足，牛肉细嫩又唔过韧，和风汁香浓鲜甜，再捞埋半生熟嘅温泉蛋一齐食，令味道更加甘香。
继续阅读