影片
黎东涌staycation，当然要揾下附近有咩野食医肚。往升荟方向行，行行下见到Hey Kitchen，有好多款式拣，包括韩式、日式、海南鸡饭等，咩都有，味道仲唔差！🐣招牌去骨海南鸡饭 $58 海南鸡饭份量足料，有齐晒三宝酱料(黑酱油膏、辣椒同姜𦴦)同汤。另外有鸡饭必备配菜酸萝卜同青瓜，食落又几fresh😇 跟餐仲有份鸡肾，都好送饭㖞！不过略嫌油饭少左啲，大食嘅话可能只系啱啱好🙃🍱韩式便当（牛肉） $46便当可自选一种肉类（五花腩/ 牛肉/ 鸡肉），今次就拣左牛肉。便当配上几款必备泡菜，有齐Kimchi、芽菜、菠菜同两大片萝卜，绝不欺场呀！主菜牛肉同洋葱一齐煮，味道甜甜地又好有牛肉味。白饭捞埋啲肉汁一齐食，好有满足感😍午市时每个餐仲包一罐汽水，平平地又一餐，算系咁啦☺️ 不过就今次等得耐少少，下次可以手机嗌定外卖自取，咁就快人一步啦😉
继续阅读
Menu 提供极多选择，由有主菜、小食到甜品都有。西式有Burger、台湾菜、韩国菜、四川菜。晚市套餐，点一个便当/主食，可以优惠价追加小食，包埋罐装汽水，二人套餐$98好抵食。以后唔想煮饭一定帮衬买外卖。铁路卤排骨便当 卤排骨好入口味，口感软稔。卤蛋做到溏心好出色！白饭软绵份量多，两个人食都够。卤肉青菜（+$20）卤肉份量不计成本，冇味精味道偏清淡好啱我口味。炸地瓜丸 （+$20）外脆内软，芋泥馅微甜，可以当饭后甜品。凉拌芝麻菠菜 $28 菠菜煮得刚好，口感爽脆，调味清淡配油炸食物能中和一下。夜市蒜香辣味大鸡排 （$30）大鸡排已切件方便食，好酥脆，炸得干身唔会觉得好油腻。芝士肉松蛋饼 （+$30）薄饼version 嘅蛋饼，冇沾酱嘅地方脆脆的，蛋饼中间有啲烟韧，下午茶食呢个份量刚好。纽约时代Burger $78 牛肉汉堡扒用料不错，目测有一吋咁厚，煎得好香。烟肉好厚切，用靓料。没有其他酱汁，简单以芝士已经好好食。$265可以一次过满足晒所有愿望，份量多够三个人食，性价比高，以后都会成日帮衬🫶🏽
继续阅读
每个星期五晚放工返到东涌都夜啦🌛，通常都会出街食，最近呢间「架势厨房」系我地嘅食堂，有齐台式/韩式/日式/川菜/Burger🌏，两口子可以拣唔同嘅菜式，弹性又抵食，吸引唔少附近居民买外卖或堂食㗎🕺🏻————————————————👅古早台味二人套餐（$98）👍🏻主食同罐装饮品各两份，分别试咗香口惹味嘅盐酥鸡香肠便当🍱，同啖啖肉嘅南部爌肉便当，配料有蔬菜同卤蛋，外食都可以营养均衡啲。如果唔想饮罐装饮品都可以半价升级其他饮品，我地每杯加$11升级，试咗石榴莫希托同芒果爆珠红茶，味道媲美手摇饮品🥤，足料够味！👅炸地瓜丸/芝士肉松蛋饼（+$20/+$30）👍🏻套餐加配，小食类同样合格🆗，地瓜丸香软甜蜜，蛋饼略带烟韧，回味台湾夜市嘅滋味👅纽约时代（$78）👍🏻肉排、烟肉、啡菇、车打芝士片、蔬菜等材料，份量之大一口当然咬唔晒🍔，一边食一边流肉汁，超满足👅香烤五花肉配生菜（$54）👉🏻五花肉同生菜份量都比得足，五花肉酱汁偏甜，加埋韩式辣酱，配住菜食嘅肉应该无咁肥吧？🤣————————————————🚩总结：平价地区食堂😆———————————————— 🌟注意：目前做紧周年庆，指定餐点88折————————————————📍 架势厨房地址：东涌迎康街6号东环地下G04号舖🗺地区：#bem东涌📥分类：#bem亚洲菜💰人均消费：#bem_51至100蚊
继续阅读
今日第一次尝试呢间野，见到有人落order叫鲁肉饭，客人只讲了鲁肉两个字就cut断个客讲野，话猪手无，好无礼貌，又唔系鲁肉无另外有客问佢点解无现金收费，个职员立即好唔耐烦禁讲无咪无啰，禁公司系无呀嘛，个阵仲要系无其他人买野，赶客一样！态度好差！之后有人想去落order都唔会主动去问要咩，个阵已经无客，佢两个职员就企系到自己倾计，个客唔叫都唔理禁另外个餐完全唔值$61，就算$30都觉得比多左个餐系冻的，上面只蛋都系冻的，个饭就黎连微温都唔到，份量又小，d饭粒痴住晒个盘，泡菜切到细粒到好夸张，完全唔值 简直系难食！以后都唔会再去呢间野任何一间分店，非常失望！
继续阅读
Feel so unbelievable how come Hainan Chicken Rice can serve with a cold chicken & cold soup (I am not ordering 手撕鸡饭) and the cold temperature is like just taken out from the refrigerator. Taste so weird and they don’t serve the sauce for the Hainan Chicken Rice. I really hope that they can move out and change a more better restaurant here.
继续阅读