果子｜海南雞飯·喇沙摻摻 外賣專門店

营业中

休息中

見到屋企附近開咗間海南雞摻摻外賣店，梗係要去試下啦！店舖尊做外賣，其中一個亮點就係需要多飯或者多麵只需要簡單講聲便可，完全唔需要加錢～加$10仲可以轉雞脾，一打開飯盒見到啖啖肉，點D甜鼓油同薑蓉連埋香噴噴油飯入口，雞肉嫩滑，好滿足!豬頸肉喇沙摻摻肥瘦適中，燒得又香口，少少燶邊好吸引！配埋惹味嘅喇沙湯底，又唔會太辣，真係啱晒我!仲有豆卜索晒喇沙湯底精華，真係好好味!簡單加兩款小食，馬鈴薯炸蝦卷同沙嗲牛肉串，都係$20左右一份，真心抵食~下次屋企無煮飯又可以再去幫襯~

Weekend揸車經過呢間新開既外賣店，門口仲有幾個大花牌。 招牌主打海南雞飯同喇沙摻摻，喇沙有7款唔同餸可以選擇，餐牌仲有10款小食。除左主打款式，呢到都有其他飯類、湯面、撈面。我地揀左招牌無骨海南雞配油飯，同埋帆立貝喇沙摻摻🐔無骨海南雞飯，包埋一碗雞湯同3款醬汁大約有8件雞腿肉連雞胸，雞肉嫩、唔鞋口呢到可以加錢轉全雞髀肉🍜帆立貝喇沙摻摻外賣碗係分湯式，唔怕湯會浸到啲面發脹餸方面有3粒細既帆立貝、4粒連殼嘅細蜆、半粒全熟嘅蛋、幾塊魚片、幾粒豆卜摻摻 (油面+米粉)，可以轉面底喇沙湯底重椰味、唔辣，適合食唔到辣嘅人如果想惹味啲可以加辣小食方面叫左2款，2款都的的骰骰🐷沙爹豬肉串一口一串，沙嗲醬多花生粒⚪粟米墨魚餅一口一粒，連酸甜醬係車上忍唔住開黎食，每人兩啖已經食曬😂

平時甚少踏足大角咀。因為要做朋友的小助手照顧寵物，隨便買個外賣上樓食飽就開工。由於唔想食商場連鎖餐廳，大街一帶似乎有較多選擇。見呢間有賣東南亞美食，like FB又有九折決定一試。餐牌有飯有麵，價錢相宜，最多街坊捧場的海南雞飯只係$42。海南雞飯粒粒分明，用雞湯燴入飯粒特別入味。雞的部份有兩層疊起，全部已經去骨。雞皮爽彈，雞肉嫩滑。醬汁係整盒飯的靈魂，比足3種醬料，好多餐廳都做唔到。有齊薑蓉，黑豉油，辣汁。另外送的冬瓜湯味道自然，帶有雞湯香味，清滯消暑。薯絲炸蝦造型趣緻，用一條超長的薯仔卷住蝦隻。薯絲沒甚麼味道，主要依靠泰式辣醬提味，炸蝦就更為香口。剛炸起最好秒速返屋企食保持香脆度。香茅豬排喇沙摻摻配料豐富，有蛋、魚片、芽菜及豆卜。雙層外賣盒做左分湯，就算遲左食麵條都唔會淋。唔好比橙紅色的湯頭呃到，實情係一點都不辣。豆卜吸盡濃香的喇沙湯，椰漿味非常濃厚。摻摻係米粉混油麵，米粉吸湯能力好，而油麵就可增加口感。兩者混合一齊食別有一番風味。最後忍唔住再加左份串燒，一客兩串。雖然同新加坡串燒一樣份量唔大，但肉質幾好唔會乾。沙嗲醬有粗粒花生碎，比既份量亦大方。

呢度周圍真係好多雞嘅選擇😂，今次試下呢間新開既海南雞專門店，專做外賣。新開張嗰陣放工時間排晒長龍又成日賣晒海南雞，今次lunch time幫襯包保一定有雞食。海南雞喇沙摻摻估唔到有雞髀位，雞肉都幾滑，仲配左三種唔同嘅醬汁俾你點。麵底超大份，係油面加米粉。配半隻蛋，三塊魚片同2粒豆腐卜，湯底都幾香，我覺得可以加少少辣😆。沙嗲豬肉串燒要等15分鐘，好可惜拎返去食已經凍左少少，沙嗲味都幾正。粟米墨魚餅唔係好食得出粟米，幾彈牙，厚d會抵食d。個人認為主食好抵食，可以免費加底，大食既人唔好錯過，我冇加底都已經好夠飽！

Weekend喺大角咀搵完個朋友懶洋洋又攰攰地平時已經煮足星期一至五決定偷懶一下喺附近買個外賣返去食行過呢間果子外賣店發現都幾抵食$40左右就有海南雞、喇沙、摻摻等等嘅新加坡同馬來西亞飯麵仲要串燒、魚餅、春卷等小食好正啊！而且咁啱食飯時間 眼見都多街坊黎買飯或者斬料加餸 買海南雞生意好好要左果子無骨海南雞飯$42必跟油飯 超好食😋 海南雞雞肉嫩滑配上醬油、薑蔥、酸辣醬味道一流油飯份量都好多食完好飽啊！仲有個清湯 剛好清一清食完雞肉既膩感再要左個帆立貝喇沙摻摻$65帆立貝好大粒啊！仲有蜆 食落都好新鮮喇沙湯底唔辣有少少椰香味好想飲晒個湯xd油麵加米粉組成既摻摻份量唔少夾埋一齊食好正😋仲有半飯雞蛋 好飽肚😆見到小食都好吸引價錢又唔貴叫多左2個返去食絲綢春卷$16/2件份量剛剛好滿足我哋一人一個主食後 仲想食少少野既欲望xd食落香口 入面餡料好多 正！香脆吉列蝦$16/2件大大件炸得好脆 見到都流晒口水食完好滿足

外出食飯周圍都好多人，所以外賣買返去慢慢食門口都幾多人排隊買，所以就買呢間睇餐牌價錢都幾抵食海南雞飯跟雞湯$42香茅豬扒喇沙$50海南雞飯，雞肉超嫩滑， 飯底夠味，份量多跟餐嘅雞湯重椰子味，清清地感覺冇味精香茅豬扒喇沙麵底同湯分開兩層，唔會浸淋曬啲麵，食嗰陣先放入湯，份量足夠啱啱好浸過面，豬扒算大塊，但係唔係好厚身，重香茅味另外叫多咗小食一個春捲同粟米墨魚餅整體嚟講分量偏多，兩個人差啲食唔曬2個人 一百蚊鬆啲食飽飽

今晚同朋友喺旺角聚會，專誠去了鄰近租客喺富榮花園新開張的果子 買了外賣。果子在大埔近太和有間靚餐廳，現租了富榮花園開了間外賣店。現新張期間，like 社交平台享有九折優惠 👏👍海南雞 🐥好嫩滑，好耐未試過食到甘嫩滑的雞。雞唔肥，皮易分離，適合走皮健康人士。本身有幫襯過幾間出名既海南雞，可以話各有特式。雖然今次俾漏海南雞的三款醬汁🙈當係試真D雞味🤣。豬頸肉 🐷煎得好香好味又唔會覺肥膩👍 喇沙摻摻 🍜都有小辣惹味😋摻摎是米粉加油麵，啱心多的人又想食米粉又想食油面🤭海鮮摻摻主要是有兩個大蝦及有啲蜆肉，唔算多不同類型的海鮮。照計兩個湯底是一樣，但食落就覺得豬頸肉嗰個摻摻較辣🌶️惹味我較鍾意😋酸辣鳳爪惹味，有咬口，食唔停，送唔送酒都一流👍香煎墨魚餅調味較清淡，唔會燶及油整體來說不會太重口味，食起來的感覺是舒服的，辣度亦適中，不會噴火。#MagicCherry攻美食😋#飲食情侶🥰

今天來到大角咀工作，行過這間新開的喇沙外賣店，好像很吸引的，即管買了兩份外賣回家一試。海鮮喇沙摻摻喇沙湯底味道濃郁，味道也頗正宗，海鮮用料也很豐富和大方，有鮮蝦、蜆、魚片、半隻雞蛋，再配上米粉mix油麵，口感非常特別。海南雞喇沙摻摻米粉與油面盡情地吸收喇沙湯底的精華，味道又不會太鹹，值得一讚。這間的海南雞很有驚喜，海南雞的肉質鮮嫩，有雞味，而且配上用來沾海南雞的三種獨有醬汁，吃得很滋味。白雲酸辣鳳爪（6件）酸辣鳳爪夠酸，口感爽口，足足有六件，抵食。沙嗲豬肉串燒2串豬肉很新鮮，配上沙嗲醬，還可以。下次可以再encore！