林香檸手打檸檬茶 (AIRSIDE)

营业中

休息中

千祈唔好幫襯，超級呃錢呢間嘢令我寫人生第一篇食評。我叫走冰，店員話會咁用細杯，我都覺得合理，咁我唔想細杯，就話都係要少冰，咁我心諗應該意思係會俾返大杯我，最後佢竟然俾咗杯細杯我，仲要得半杯茶。然後佢自己都唔係好知公司要求總之呢間嘢，好鍾意用唔同藉口比好少茶，例如話因為唔要甜，所以份量會少啲（連嗰位店員都好似覺得太荒謬，講嘅時候面露尷尬笑容）杯嘢$28，淨係講茶嘅份量，正常人應該幾下嘅已經完，其實咁樣做生意，不如唔好做。

👍🏻好鍾意佢陣檸檬香，好清新，而且夏天飲真係好解渴。👍🏻而且，佢將甜度分咗好多級👍🏻啱我呢啲麻煩友🤣只想要極少極少極少極少嘅甜，所以每次都揀1分甜！😋👎🏻佢啲冰真係好多下😆所以建議大家記得揀小冰👎🏻如果你趕時間千祈唔好嗌😭因為佢真係等幾耐下，同埋我見到佢有好多外賣單，你唔好見到現場小人就以為你好快有，就太天真了！提外話🤣如果你有一日想飲佢，而你地咁啱又有三個人，我想講用某外賣平台叫佢係二送一，抵好多👻👻👻

利申：真金白銀用佐28蚊買，不是試食試飲剛巧經過Airside林香檸，一直都好想飲杯，次次經過覺得好有清新既味道!🍋可能周日既關係，店員人手不夠，我地都等佐好耐先等到杯野飲！🥲我地叫佐招牌手打檸檬茶，可以揀甜度，揀佐五分甜，冰度就唔可以揀，因為佢調較好哂～🤪初頭飲落覺得好多冰，好有檸檬清新味，反而茶味唔夠出，耐佐冰終於融佐少少，茶味有少少苦澀，總括黎講，只會試一次，覺得幾新鮮，但好似都係茶餐廳既凍檸茶好飲D，因為我鐘意茶味濃少少~🍋🩷

係其他平台買左杯檸茶07分落單，話17分拎得，咁10分鐘唔算多咪落單囉。我20分去到話冇，要我再等，終於等到差不多40分先有，睇返佢落單時間係22分？？22分？？？我自取時間明明17分，你22分先落單？30分鐘一杯野飲都算，你一開始話要30分鐘，我ok咪會落單囉，點知你係自取時間都仲未落單？？果15分鐘你真係冇時間接單就唔好接啦！去到見到收銀又唔係多野做，仲要愛理不理咁，第一次問佢佢係咩都唔講直接行開，真係冇下次！

2024年7月6號（約中午12:00）今日天氣好熱 去Airside深度遊 行街街行過戲院又唔想睇戲，又未餓打算晏啲去排新開既拉麵就滿心歡喜諗住買杯檸檬茶飲去到無乜人 原本想試鴨屎香 （但飲開有鴨仔送果間 ）因為成日飲所以就決定叫杯招牌檸檬茶試下同店員講少冰 （佢竟然同我講 叫少冰飲品得8成滿） 我心諗 咁都得？但因為飲開少冰 所以也要少冰吧承為29蚊三分鐘左右 可取飲品 點知 嘩 啜左兩啖 已經冇左一半 冰 成杯都係冰 一次好差既體驗 絕對唔會再幫襯 劣評

咁好生意就請多啲人手啦！想強調返員工態度好好！員工態度好好！就算好多單我見佢哋都好好禮貌！一杯野飲等40分鐘有啲恐怖囉，企咗喺到40分鐘，我見啲員工已經做到冇停手，所以做唔掂就要請人or cut 晒啲外賣app 同網上落單啦！辛苦員工比人鬧，啲客又等得耐！

【九龍城區】【林香檸手打檸檬茶】同電台識嘅朋友凌霄哥食完飯，行吓新開冇耐嘅 Airside 商場。仲記得以前喺會錄聲音同短片做節目嘅時候，都會嘗試介紹一啲新嘅嘢，如果 Airside 商場喺當時開幕，我估我哋都會去拍嘢。時移世易，而家已經好少拍嘢，可以輕鬆啲咁去行呢個新商場。行到五樓見到呢間手打檸檬茶店，之前我都講過自己對呢啲手打檸檬茶嘅睇法，我都唔抗佢嘅。而呢間亦都出過 job，但係我因為時間問題而冇報名，否則可能會早啲同大家「試」佢。而凌霄哥本身原來都中意飲，好啦，咁我就陪佢飲返杯手打檸檬茶啦。佢叫 $30 嘅「渣男手打檸檬茶」，甜度係「一分甜」，適逢佢哋一週年活動有「第二杯半價」，就加 $15 叫多杯畀我，不過味道同甜度都要一樣，夾埋 $45 埋單。味道上，我覺得檸檬味都可以，不過茶味就好似之前飲過另外一間好啲，只能夠講係唔差咁囉。。。（地址：九龍城啟德協調道2號AIRSIDE 5樓L501號舖）

林香檸手打檸檬茶今次order 左1杯熱和凍檸檬茶凍的要小冰但是也比較多冰，熱的少甜也很滿意。 整體真好飲， 酸味甜味調得 好好，好多檸檬，飲完幾個鐘頭內也有 檸檬茶味道在口腔內。落單姐姐有禮貌，會再飲👍

食完飯有啲口乾，所以揀咗呢一間檸檬茶飲店-林香鶐試吓。近排好hit呢啲大陸引入嘅手打檸檬茶，不過我真係好少飲。我係叫咗5分甜嘅，我覺得個味道還好亦都偏甜，我覺得可以叫3分甜都得。所用嘅係香水檸檬，好似係一啲新品種嘅檸檬咁樣，有一陣淡淡既草苦澀味。我個人都覺得幾香，幾有新鮮感。檸檬佢唔算打得太酸，或者已經落咗足夠嘅糖中和佢。👍🏻但係我唔覺得依杯特別話好好飲就只係一杯OK嘅檸檬茶，$32好似又有啲唔太值🤔🤔

Not sure what the negative reviews are on about. Boyfriend and I ordered one drink each and both were perfectly tasty without too much ice as some reviews claim. We ordered our drinks at 30% sugar and we also added lychee coconut jelly to our drinks. It was the perfect thirst quencher!

買左杯渣男手打檸檬茶，scum handmade lemon tea。成三十元正，$30 1杯。茶底嚡口無茶味，成杯茶充滿檸檬香精味，飲完成口檸檬味洗潔精，懷疑自己講野準備出番梘泡泡。飲完即刻胃痛同頭痛，維他檸檬茶好飲過佢。咁樣值$30，$3 都俾多你。最貴係個膠杯。 雖然知道國內好興，知道開黎香港都係吸返國內同胞，明明檸檬茶係香港地道signature drink，點知俾佢搞到不倫不類，難飲到飛起，可一不可再。

同平時啲台式飲料比較，呢間真係好多好多冰，飲兩三啖就冇晒，好冇癮嘗試叫佢少冰，但係佢話得返七八成滿，所以放棄咗，但估唔到真係好多冰。希望之後可以少啲冰，因為我試過其他手作檸檬茶都冇佢咁多冰。

之前喺旺角都有買過幾次林香檸嘅招牌同鴨屎香檸檬茶，覺得味道唔錯，今日行經Airside見到有就買杯渣男檸檬茶試下，點知飲咗兩啖已經無哂🙄再望下隻杯，成杯都係超大粒嘅冰，仲有幾片厚切檸檬，味道係唔差嘅，但未至於$30得兩啖初頭以為自己無嗌少冰所以成杯都係冰，但睇返之前啲評價，知道唔關有無嗌少冰事，根本就係佢地經營手法問題，就算大家想飲都千祈唔好幫襯呢間，呢次完全係伏中之伏，無下次😮‍💨😮‍💨

--近排係香港有一股好流行既熱潮～幾乎每個地方都會見到「手打檸檬茶」🙈我都吾例外～見到林香檸檸檬茶就買左杯檸檬茶試試先❤️果然而真係名不虛傳👍-🔅鴨屎香檸檬茶鴨屎香茶香味好清爽～飲落去唔會好澀口！檸檬茶酸甜度剛剛好～而且加入左新鮮檸檬果肉～清新解渴😎味道非常驚喜❤️林香檸❤️有自家果園～每日出品新鮮果實！收割後38小時內會運送到店內，確保材料保持最佳口感同新鮮感@linxiangning_林香檸手打檸檬茶 (AIRSIDE) (九龍城)九龍城啟德協調道2號AIRSIDE 5樓L501號舖#林香檸 #檸檬茶 #手打檸檬茶 #鴨屎香 #招牌檸檬茶

我叫招牌檸檬茶一杯，問可唔可以少冰，佢話會變8成份量，我ok，但估唔到佢係成杯都係杯，每粒立方體冰塊都好大粒同完整，我唸d茶係最盡得五份一杯。28蚊一杯買杯冰係完全唔值！同埋少冰都滿到頂，咁好似好呃人，仲要少咗茶底，兩啖飲完。茶味唔濃，有香茅檸檬味，以招牌黎講覺得真係完全唔推薦！唔知其他分店係咪都係咁既冰量，但airside呢間係咁飲唔出佢係茶底味係咩，味道好奇怪，不過我叫咗一分甜，理論上係茶味會比較出，但完全失望