林香檸手打檸檬茶 (士丹利街)

营业中

休息中

新開張，諗住試下。叫左杯招牌手打檸檬茶，佢冇得少冰，話預定左，甜度可以揀。見到佢地職員整一杯手打，落得勁少茶（我諗一包紙包飲品都冇），都覺得奇怪。拎到上手，佢係幾貼心加左張紙係頂，預防漏瀉，但係杯野飲左10啖都冇，就飲完左！成杯都仲係冰！雖然茶底係好飲，有澀味，有d似茶記既茶底，手打檸檬都可以迫出檸檬既香，但份量少而且飲完成杯都係冰真係有d過份，有d厄人既成份！建議佢地一係大杯d，一係有得揀少冰。

今日同阿女去中環上工作坊，天氣咁熱又口渴，咁啱見到呢間飲品店新開，以香水檸檬做主打，好似幾特別，就入左去買杯黎試下😆同個店員傾計，佢話佢地用既香水檸檬係佢地自家農場出產，加上茶都係佢地自家調製，未試過可以試下佢地既招牌手打檸檬茶先招牌手打檸檬茶 $28好香好清新既香水檸檬味，我先生就話普普通通，但我同阿女都好鐘意飲，仲要返到去加左幾次水都仲飲到浸香水檸檬味😂😂冰係固定份量無得調節的，聽講係黃金比例🫢