天气最冻嘅一日去上户外训练班! 在学校附近食个早餐加油先!学校附近嘅不毛之地,呢间基本上系唯一嘅选择,但质素唔错!其实系一间可以拍怀旧电影嘅士多!家庭式!前舖后居,枱櫈都唔同式样,有户外位,但唔够10度嘅天气下,梗系入室内暖和啲!有电视睇下新闻,得一个男店员!招呼客人煮食物一脚踢!我叫入去话要餐蛋面+热柠水!佢话无柠檬,我改饮热华田!佢所有食物都系即煮!等一阵佢用托盘上菜,个餐蛋面卖相好正,煎到脆皮(但唔干)嘅餐肉,脆边但中间滑溜嘅煎蛋,出前一丁面质偏淋,汤底系麻油味汤底!但对我来讲淡咗少许!整体好好味!热华田味道正常!特别处系用一只唔系餐厅会用嘅杯,系好似屋企咁嘅有耳瓦杯!好妈咪feel!天寒地冻食碗热腾腾嘅面加热饮!好幸福!
继续阅读
1
0
0