影片
相关文章
几年前食过林昌记，当年味道依旧好，之后好少系香港，渐渐遗忘左林昌记，近排返黎香港后，突然醒起，就去左红磡，点知原来执左，查openrice见到观塘有，早两日去食，点知好失望。1）鱼蛋质感好粉：叫左咖哩+原味，奇怪既系，咖哩味既鱼蛋质感好鬼粉，又鞋口，原味质感反而好佢少少，但都系有啲粉，店面宣传声称含鱼量高达9成，但食落，老实讲，楼下街市卖既鱼蛋仲好食过佢= =唔明点解差成咁，按道理，咖哩鱼蛋应与原味鱼蛋口感一致，但今次久违一食，质感有异，鞋口又粉，含鱼量绝对少。总-极之失望。希望佢地好好整顿一番，可以再现从前既鱼蛋（爽弹又滑既质感带有一道鱼香味），可惜目前变为记忆中既味道。好想比负评，但算啦，希望佢地会改进，下次有机会再试多次，如果质素都系咁差，咁下一次就系负评了。。。
继续阅读
以前在尖东返工经常食，后来公司执左就冇经开果头啦。今日偶然发现观塘都有啦！虽然刚刚食完午饭但都忍唔住想去食。都系之前嘅老细，餐牌同之前差唔多，多左饭盒便当外卖供附近返工人士选择。见人未算多我就嗌左炸金蛋，比其他贵d，24蚊系十粒，外脆内嫩，点d沙律酱好解腻，宜家仲有茶黄俾大家试饮，如果食完觉得济可以饮下～温馨提示：如果赶时间嘅话就唔好试金蛋啦，制作需时，同埋要系十分钟内食晒，如果唔系会影响口感架林昌记嘅鱼蛋fans快d去食啦～
继续阅读
白鱼蛋（$24/16粒）卖相：🐧🐧🐧🐧味道：🐧🐧🐧🐧白鱼蛋用纸兜盛载，再放进外卖胶袋内，并未配有盖子盖好。白鱼蛋大小划一，尺寸为一口大小，外型白滑小巧，颇为讨好吸引。味道方面，白鱼蛋口感弹牙爽口，鱼与粉比例刚刚好，能尝出鱼味，咸度适中，十分不错。外卖等候时间：🐧🐧🐧🐧🐧在平日下午时段下单，无需排队，即叫即有。🐧❤️结语：1.5 蚊一粒、一口大小的爽滑白鱼蛋，性价比还好，可以一试。
继续阅读
试业中的林昌记位于日升中心一楼，有午餐同小食卖，⚠️要留意返只得外卖无堂食⚠️今次叫左2款小食，分别鱼蛋同海鲜角原味鱼蛋 16粒/$24口感系爽口弹牙，鱼肉味重，有98%系鱼肉制造，食得岀系真材实料，如果想买回家食，有得买冷藏真空包装的鱼蛋，无记错的话都系同一价钱😎相信咖哩，香辣更野味！推荐度4/5海鲜角 8件/$24呢个更好食，香口又有口感😋 全由八爪鱼🐙，墨鱼🦑，海鱼🐠制造，真系可以食到粒粒墨鱼🦑口感同样有弹牙，食落其实同墨丸几似，但就系外层加粉浆炸，更加香口，再配上千岛酱，酸甜酸甜，好match好好食😋😋推荐度4.5/5林昌记 (观塘)观塘骏业街56号中海日升中心1楼C号舖
继续阅读
林昌记位于中海日升中心一楼一个小小既铺位，只有外卖不设堂食，相信都系主打做附近返工嘅人嘅生意。舖头好早就开始营业，今日上去买早餐人流唔算多，唔使排队，可能系因为疫情关系同埋仲系试业中啦！早餐有三款套餐，头两个都系粥，我就要左C餐 虾子炒面配六粒鱼蛋 $36。舖头讲到明鱼蛋98%都系鱼肉，令人感觉好期待呢☺️ 返到Office打开，个炒面嘅份量都几大，我原本预计会见到一粒粒嘅虾子，但呢个原来系虾仔炒面！见到成碗都充满着细细只虾仔，同炒面嘅味道好夹，满口咸鲜香味。而且平时我好怕啲炒面炒到油笠笠，依度嘅炒面系比较干身既👍🏻 味道亦都唔会太咸，very good🤤另外舖头嘅招牌鱼蛋系细细粒既白鱼蛋，超级弹牙。个咖喱汁味道都几香，我朝早一早就买都入到味～舖头仲有原味同辣味选择～下次屋企打边炉都可以过嚟买啲鱼蛋了😎总括而言呢个早餐质素都几高，对得住$36嘅价钱。美中不足系唔包嘢饮，即使你肯加钱 舖头都冇供应😥 有时食完早餐好怕个口有浸食物味 扣少少分🤏🏻
继续阅读