林師奶美食工房

营业中

休息中

充滿人情味道的鄉村餐廳,店主在門外親切招攬入內食自家製手工茶果~我選了蘿蔔茶果,茶果外皮煙煙靭靭內裡咸香味十足的蘿蔔絲再配上蝦米及香蔥,味道確實可以😋<$15/件>同行朋友選了鹽焗雞髀,份量都算大件,餐廳好細心詢問切件上還是原隻上,完全感受到對客人的尊重. 味道都係鹹鹹香香的鹽焗雞👍🏻<$42>另一位朋友選了炸豬扒麵（麵底可選福面,公仔麵或米粉）,豬扒是即叫即炸<$48>我們到餐廳的時間大約下午四點半左右,餐廳老闆還送了一碗例湯給我們品嚐. 老闆還說飲不完也有沒有關係, 她們應該準備清洗廚具差不多準備收工. 我們第一次來,下次行山時也可以選擇此店再食下午茶😝林師奶美食工房地址：林村放馬莆地下4C號舖（林村牌坊附近)

每次去林村許願樹都會嚟幫襯林師奶，佢嘅混醬腸粉好嘢味，豆腐花又香滑。最正係即叫即蒸嘅傳統客家茶果，咸甜任揀，十分軟熟。回程仲可以買埋林師奶嘅自家製菜甫，唔使浸水，炒蛋一流👍🏻

今年大年初三赤口，去左林村許願樹許願，成個林村都好多人，去完願梗係要去醫肚，就入左林師奶美食工房！我地食左熱豆腐花，豆腐花冇石膏粉味抵讚，又滑又香，豆漿仲好有豆味！ 咁累咁凍真係好啱食!另外地仲嗌左花生茶果! 蘿蔔絲茶果，同埋雞屎藤！全部都係即叫即做，食住豆腐花等就啱啱好!林師奶嘅茶果即叫即包!個皮做得相當煙靭軟糯唔黐牙!而且厚薄適中，花生餡非常多，好好食！蘿蔔絲茶果就第一次食，有驚喜，蘿蔔絲加埋左肉碎同蝦米，有鹹香味。唔知係咪新年，加左價喎，15蚊一個！ 另外雞屎藤，造型跟平時見嘅唔同，係一粒粒湯丸型，味道一般，但造型可愛!

每年都會去林村許願樹許願🙏🏻🍊今年新年無得去，留到暑假先去！真係好，一啲都唔逼人！今年嘅許願樹鋪咗草地，仲有好多隻龍/鹿做裝飾。每次去完林村，我地都會去幫襯林師奶嘅茶果！🔸蘿蔔絲茶果(💰12)(9.5/10)😍🔸眉豆茶果(💰12)(9.5/10)😍林師奶嘅茶果即叫即包！超大個熱辣辣！個皮做得相當煙靭軟糯唔黐牙！蘿蔔絲之間滲透肉碎同蝦米嘅鹹香。超多餡料！蘿蔔絲爽脆！真係超好食！$12一個性價比超高！茶果做到咁真係極致！😆眉豆都一樣好味！全部豆都好淋好香！👍🏻👍🏻🔸凍豆腐花(💰15)(8.5/10)👍🏻豆花做到咁冰凍，又可以保持軟滑，唔會雪到硬！自家製能夠掌握豆漿同石膏粉嘅份量！仲有少有嘅薑糖水添！林師奶仲非常貼心，會問你想要超級凍定少少凍！又會叫你小心睇車！仲有任食白飯同湯嘅多餸飯，如果我住附近，呢度應該會成為我嘅飯堂😂Overall評分: 9/10❤️

去到林村都係得幾間餐廳, 但求醫肚就揀左呢間~ 不過覺得餐廳好既位係對住山境食(^_^*)豬扒飯@$50估唔到既係豬扒同飯係分開上; 平時怕豬扒好硬, 佢又出奇地幾脆咖喱角 (5件) @$30新鮮熱辣既咖喱角餡料十足~~~ 牛蒡糕 (6件) @$38見到話自家製既糕點就叫泥試下~~ 牛蒡糕又真係幾特別!! 唔會太甜~ 淡淡的清香味~ 食落口黏黏地~ 係飯口甜品之選（＾Ｏ＾）