枇杷樹 (已結業)

和朋友在太和附近搵糖水食，決定前往枇杷樹。店舖不是對正大街大馬路，雖然不是很顯眼，但也不太難找。店面小小的，只得幾張枱。枇杷樹除了售賣糖水，還有小食，價錢合理。糖水款式都算撲實，不太花巧。我點了雪糕黑白涼粉，雪糕有幾款口味揀選，大路的呍呢嗱、朱古力、芒果、抹茶、忌廉曲奇等等，餐牌沒列明，要問店員才知道有什麼口味。朱古力雪糕夠大球又夠冰凍，不易融化。黑白涼粉足料又夠爽滑，好消暑透心涼！朋友要了榴槤忘返，椰汁紫米露加入榴槤肉，榴槤香甜，紫米露的椰汁底香滑，紫米的軟糯度恰好。簡簡單單來食碗糖水，都好滿足！

今次同友人食完晚餐之後，去咗枇杷樹食甜品，叫咗港式甜品—楊枝甘露。一嚟到嘅時候，就見到啲顏色好靚，望落好吸引，仲有啲碌柚粒粒喺上面做點綴。食落去嗰陣，芒果10分香口，而唔會太甜，好快就食曬！裏面亦有芒果粒粒，增加口感。總括而言不錯！

𝟚𝟛.𝟘𝟡.𝟚𝟘𝟚𝟚📌枇杷樹 (大埔)大埔汀角路15號常安樓地下D舖🔎#hkfoodieat_大埔 #hkfoodieat_太和💸人均消費: $60內🌿評分: 4/5🈚️加一服務費餐廳分類🔖 #hkfoodieat甜品🍧同莊員食完開sem飯又唔想咁快散住就打算食埋糖水先🥳呢間糖水舖地理位置都唔算好就腳🙈由太和站行去都要大約9分鐘左右🙌🏻不過食飽飯同朋友/另一半散吓步行嚟食糖水都係唔錯嘅選擇👻呢間甜品店舖面比較殘舊而且冇乜裝修🔨店舖總共有兩層不過座位唔算多🪑即使地理位置偏僻但九點左右都全場滿座🎊 相信佢嘅甜品都有一定質素🍧𐂂 榴槤·丸子 ($45)甜品嚟到嘅時候其實唔係好聞到榴槤味🤣不過開始食嘅時候就聞到陣陣嘅榴槤飄香😻內裏的榴槤蓉非常之多😈丸子煙韌軟糯而且份量都好足🍡西米都完全熟透唔會食食吓食到生嘅😹不過個人覺得價錢略貴😣性價比唔算太高💸𐂂 楊枝甘露·丸子 ($47)(男友表示榴槤好臭搞到冇乜胃口🙁)好足料🤪丸子同西柚粒都好多😋裡面都仲有芒果肉🥭整體嚟講都唔錯🙌🏻價錢尚可接受的(有女友請😼)

係大埔搵糖水鋪搵到哩間枇杷樹，餐廳除左甜品之外，仲有咸點食，想醫飽個肚都有選擇🥰叫左兩款都係榴連既甜品。-榴連雪花冰配料有曲奇碎、玉米片、爆爆珠，珍珠，撈埋一齊又幾好食，但因為榴連加入雪花冰，榴連味不太重。-榴連小太子相比雪花冰榴連味重，入面有舊榴連好好味！

一直聽朋友講呢間甜品店好多選擇！第一次黎 店員都十分親切 …Menu 中西式都有 好多選擇👍天氣咁熱 我簡左一個新品❤️椰皇椰子凍 朋友就食魔鬼冰！ 椰皇椰子凍 好好食 好清甜 好解渴👍魔鬼冰份量十足 配料好新鮮 配上脆皮朱古力醬 好好食👍👍眾買多左2個外賣返屋企俾男朋友嗌左一個榴連pancake同椰皇椰子凍·甘露榴連pancake食得出好新鮮 pancake皮好軟熟 榴連好香 好食椰皇椰子凍·甘露 店員話係另一種食法，係椰子凍上面加左楊支甘露 好特別 唔會太甜！有下次

進到鋪頭，職員幾有禮貌和耐性安排坐位，人手不足都沒有催促點餐。就揀左椰子雪花和XO醬抄三寶。椰子雪花寫住有蜜瓜，但上枱係哈蜜瓜.... 我讀得書少，又唔係無讀過農務系，算數....XO醬炒三寶上枱，一眼見到的係3C炒芽菜，以為自己叫錯，或以為禾稈冚珍珠，抄下先，原來真係XO醬炒芽菜（加3C配菜）。其實小炒我都唔預份量會多，但無諗過四十八塊錢係食一斤芽菜和3C。芽菜與3C, 20:13C之一雞腎C係一口蘇味。食左一陣，芽菜出晒水，變左湯水浸4C。感覺這是一個聚腳點傾下計還好，但唔好預食物質素了。其實要甜品就專心做好做甜品先了，又要攪埋小炒，似呃錢多過有心做好間鋪，到頭來兩面不是人。以前彩虹只係埋甜品，一樣可以街知巷聞呀。

呢間糖水舖附近有各式餐廳，食完附近一間法國餐廳之後就搵到呢間甜品舖。餐廳有兩層-太陽·芒(芒果雪糕、珍珠、椰果、爆珠、粟米片、可可米)$50雪花冰好綿，加上有五種配料，一次過滿足曬不同口感，珍珠煙韌度啱啱好，唔會過腍或因未煲熟而令珍珠中間好硬。另外，粟米片同可可米都好脆口，可想而知保存得好，冇受潮。-鮮雜果西米露$45鮮雜果有芒果、火龍果、菠蘿、西瓜，重有仙草，生果的確新鮮，唔係放咗好耐嘅感覺。西米露有椰香，唔會過甜。

價錢適中 糖水好夠料 中式同西式全部都有 仲有小食都 好好食 鋪頭出面有咪錶泊 車位 好方便 你太和 鐵路站好近 可以叫外賣 客戶服務好好 中式糖水同西式糖水都 好多料 標價實碼 值得一試 讚

在大埔食了晚飯後，行經往巴士站附近，突然間，想食碗中式糖水，見到這間糖水舖，見到餐牌後，便入去試試是否好食，職員很有禮貌地帶到樓上，我便點了一碗合桃杏仁茶，味道不錯，這間店舖除了中西甜品外，還有小食及麵食等，值得一試。

呢一間真係良心小店啊！好足料，店員好有禮貌大家可以留意下黑板上邊嘅字，有啲歌詞嘅甜品名好搞笑，好有創意希望佢可以長做長有，會多啲幫襯！之前食過一次，店員將多咗嘅桃膠請埋我食，真係多謝晒！