影片
招牌菜
车仔面搬左之后变左我的私人饭堂我唔知点解会话唔好味, 但我认同系贵左d, 但绝对名码实价; 至于服务态度嘛, d 伙计系睇生/熟客有分别的, 我通常去消夜, 服务态度无得顶, 有讲有笑.推介:1) 抄公仔面 - 系唔会觉得冲的公仔面, 入味而且好有镬气, 40蚊唔叫抵食, 但绝对值回票价! 2) 抄花甲 - 好新鲜, 个汁可以送几个白饭3) 车仔面 - 分5,6,7蚊, 必食有红肠(诚意之作, 有煎过先放汤!), 猪肠(有酒味及好入味!), 鱼肉茄子, 沙爹sauce(应该系自家制, 有鱼仔及干贝) - 记住问佢要辣菜圃放左面到一齐食, 好好味!4) 鱼粥 - 食得出系新鲜鱼, 有时佢好人俾多个翼位我, 30蚊一锅, 抵食! 配有炸云吞皮, 自家制!5) 抄面 - 早去先有, 迟去就买晒, 好味, 即抄!6) 鸡蛋葱花抄肠粉 - 即制, 好味! 有分大中小size, 不过都几贵, 小的也要28蚊.7) 煲仔饭 - 排骨系新鲜的, 有先调味, 火喉控制得很好, 要饭焦有饭焦, 要d饭淋d都可以做到, 劲好味, 约38-48蚊.
继续阅读
数天前和我堂弟一家人来这里吃晚饭点了两个云吞面 (48@1), 三个车仔面 (所谓既招牌车仔面) (58@1)加两CAN 可乐盛惠 $ 2XX在这里质素的店里, 实在贵得惊人.不过看在他的奖项名气份上.....也算了等了一会儿, 食物终于送上.份量 - 小味道 - 普通价钱 - 贵 环境- 差实在是名不副实. 这样的价钱竟有这样的质素. 也算了.问题是......... 职员不停的介绍车仔面. 却没有价钱写在旁边. 等落单以后, 才告诉我们这样可怕的价钱 =.= 也太不可思议了吧?
继续阅读
今晚试完 以后唔会再试.. 觉得佢只系做游客生意好呃钱!!! 边度会有1间茶餐厅买细油炸鬼要20蚊!!! 条油炸鬼用咩油黎炸呀?!以为自己睇错...粥好普通.. 夏门炒米.. 无味可言...
继续阅读
呢排天气冻, 经常去食宵夜粥套餐暖下身有几款粥拣, 试过艇仔, 唔系几掂, d料唔够多反而个皮蛋瘦肉粥几惊喜, 粥就预左有d稀架啦但大大碗又多皮蛋同鸡丝, 加点姜丝真系好暖身连埋油菜同野饮, 埋单30有找如果黎食车仔面, 就必点猪红同萝白猪红好重胡椒味, 萝白唔止胡椒味重, 仲好甜, 如果煲耐d更好, 呢家都系稍嫌硬身个辣汁几好食而且辣味适中我都觉呢到d车仔面几贵特别系俾𩠌好神经刀, 时多时小, 三宝7蚊先得两件, 真贵环境认真麻麻, 呢到班哥仔侍应有时心情唔好发下老脾大大力掉野, 见惯见熟半夜人小食都几好, 迫人就咪搅了
继续阅读
同朋友讲起好想食炒出前一丁，朋友话去呢间极之好。未去时好怀疑，因为之前系度食过车仔面，唔多掂，可以话系难食，搞到以后唔多想再去。晚饭时间行到入去大把位，我地上左上层坐，两边墙贴满晒饮食周刊的剪报，好多都是推介呢度的炒出前一丁面。而且呢个菜得过奖，应该唔太差。我地叫左两样野share食。首先上菜的系「XO 酱花枝片炒出前一丁面」($45) -- 净系睇个样都食指大动，未拎上台已经闻到阵辣味。食落有少少辣，花枝片唔韧，口感几好，配菜都唔少，有大葱、洋葱、甘荀、芽菜、红椒、青椒同埋粉蛋丝，丁面其实都唔算油，可能因为我食过d仲多油的炒丁面，我觉得呢个做得真系几好。之后上菜的是「招牌黄金鸡翼炒出前一丁面」($45) - 呢个仲好味 ，因为无咁辣之余，仲可以食到出前一丁果种炒味。黄金鸡翼放左系丁面的面，排成一个十字，可以睇得出系有舖排过的，鸡翼炸得好香又唔会太油，佢层皮香脆得来又唔会炸到一大旧。虽然份量都几多，太美味的关系我地好快清晒两碟。呢度其他野食唔敢推介，呢个炒出前一丁真系值得食。四十几蚊一个炒丁面系比其他茶餐厅贵but 好味好多。至于侍应的态度，就如同之前的食评所讲一样，会同客人吹下水，讲下笑，搞下烂gag，我觉得咁做都系想搞下气氛，不用太介意。
继续阅读