板長壽司 (寶石大樓) (已結業)

晚餐時間又到啦～～經過花園街見到有板長壽司🍣 我最鍾意食佢既全日定食，今次就買外賣嚟食啦～（外賣有8折）今次我就叫左份「海膽刺身丼定食」刺身方面有三文魚、吞拿魚、油甘魚、梅真鯛吞兩片，仲有海膽和三文魚籽，食落幾新鮮，仲有麵豉湯和粟米蟹柳沙律👍🏻屋企人就叫左份「迷你牛肉烏冬壽司定食」，外賣就湯同麵分開上，味道還可以，壽司方面就有六件（三文魚、北寄貝、油甘魚、吞拿魚、兩件加洲卷），份量都算多☺️最後都叫左個小食，「南瓜🎃番薯🍠天婦羅🍤）好好味😋味道：4/5抵食：4/5

外賣自取壽司拼盤，全日定食都有8折三文魚盛 $125 有18件，兩個人都夠食，大件飽飽都OK新鮮的，有三文魚刺身、火灸的、軍艦的，4種口味。落完單，大約15分鐘就有，pack得唔錯有比好多芥末醬油及醬油兜。

夏天到啦又係食魷魚嘅旺季螢光魷魚我等咗你一年你終於又再出返啦螢光魷魚係啲好細嘅魷魚仔，裏面充滿咗魷魚膏所以一時落去就有種好creamy,好滿足嘅感覺呢度嘅螢光魷魚$30有八隻，唔使諗即刻叫，夠晒底食！重點係雖然而家係貴啲但係每一間餐廳都限量發售賣完就無🙈🙈想食好嘢就要早返嚟喇除咗螢光魷魚係季節之外，而家返長壽司做緊優惠，好多三文魚係咪都會有特價，壽司就賣緊$7 一件，而且三文魚醬油漬壽司同鵝肝壽司，係我每次去板長壽司都會必點一定要試

尋日同男朋友去行街，行去4點幾有少少肚餓，咁耐想行去花園街方向，見到呢家板長壽司午餐有八折，見門口個menu都啱食，所以就去左食啦。呢家板長轉左智能點單好耐了，唔知係因為疫情關係，就不嬲都係啦，部tab係有包膠的，但係除左呢樣野之外，佢的防疫就真係麻麻，至少應該提供濕紙巾比客人，又或者比啲酒精人消毒手。佢地你下午茶set同午餐的價錢都差無幾，而且午餐的比較啱食，所以揀左午餐，我地叫左個櫻花丼、刺身、燒三文魚定食。等左一陣就有刺身，有兩件油甘魚?!(應該係，除非唔係)，同兩件三文魚，唔算特別大件同抵食，好快就食完，28蚊抵唔抵見仁見智。櫻花丼都ok的，五十幾蚊，剌身粒都多款，味道都ok，不過男友食到中後段就變左食白飯。而我叫個個燒三文魚定食係比較好食，應該係加左啲漬物去燒，所以都有味，味道少少鹹鹹甜甜都ok，再加埋沙律醬，係幾惹味，而且魚肉都唔會好乾身同好腥，不過男朋友就覺得燒得比較濃，但係三十幾蚊算係咁。以下評分以5⭐️為滿分⭐️⭐️(燒魚救返)

我連板長都寫，係咪覺得我好癲？哈哈！其實我係想同板長平反下！我元氣同板長都有食，其實去元氣我真係貪佢個筋子壽司平，其實佢連舊飯都唔好食！你實話，唔係嘛！去元氣你都係道斟酌舊飯好唔好味？係咪同去食嗱喳麵話人哋啲豬腸係仲有屎呀？但我想講，板長個價位其實同佢差唔多，但佢有心做好多！時令嘅野佢有！獅魚呀！秋刀魚呀！連白子，重有其他，我都有係度食過！價錢重平出面一節，雖然嘀燒魚頭嗰嘀，冇出邊啲居酒屋燒得咁好食，但價錢搭救呀！同佢舊飯好食嘀！哈哈

周日又是hea 爆搵食團。因為琴晚無食野，今日晨咁早出嚟搵食。因為V仔生日月可以響板長食一遠八五折。不過板長好似一至三都有八折，個生日優優好似無咩用，不過有折唔用咩。好我地叫左一個貴啲嘅壽司lunch set 有貴價吞那魚腩三件都ok啦⋯⋯118一個都唔太便，再加兩個刺身一個係三文魚加油甘魚腩各兩件，呢個都唔錯。再另加左個油甘魚刺身，就差少少，明顯唔係好新鮮有啲梅梅地你明，不過仲食得不過有啲失望⋯⋯麗妹叫左個壽司加烏冬都不過不失喎。實價三百又八五折又減會員優惠，26x。滿足壽司怪嘅V仔。

星期三早上透過會員電話應用程式得知是日有會員8折優惠就找了同事陪我到此午餐，好在office 附近有板長，起碼間中可以享受會員優惠😝😝同事點了櫻花丼，感覺不錯，但始終不及在日本吃那麼新鮮和夠肉味~~~我點了特選吞拿魚壽司定食，看上去感覺幾豐富，魚生唔係好夠肉味，麵鼓湯內有蜆，這個值得一讚。見鄰枱小朋友點的食物得意，忍不住拍照留念，食物真係可以拉近人的距離，跟鄰枱的爸爸傾傾吓食物就傾埋小朋友升小，希望果位小妹妹升小面試成功啦😅每次去板長找數順便扣會員積分，上個月中在APM分店食生日飯儲到四十幾分，今次可以扣返40蚊，連埋會員折扣就真係好抵食

2018.8.30Lunch 太子板長壽司12:25路經只有幾位客人的板長壽司，不用等位就進去吧。點了一個$68（未連加一）的鰻魚飯 lunch set，基本上圖片與實貌相乎。先喝口味噌湯，hm…內有冬瓜（第一次遇到），味道正常湯味；沙律配芝麻沙律醬，蔬菜尚新鮮；鰻魚飯，肉質較軟、味道正常，而飯粒應該是混合米，吃上去顆粒大小比較不一，較多碎米，所以咬口一般。整體而然，這個價錢有一半是交鋪租，所以理解的，而店員服務也爽手、有禮，大致理想，下次不吃丼飯，改吃其他吧！P.S. 離開約1:15，店內大概有6-7成人客

之前見到竟然係旺角開多左間板長，就膽粗粗走左去試。點餐用平板，幾方便啦。就點左一個定食餐，幾件壽司再加個池魚拼盤。賣相都5錯，我就搵d wasabi。個wasabi超5起眼，一大樽。打開後我真心呆左，都有d懷疑。因為d wasabi係青綠色，係好膠的青綠色，一眼睇落就知道係膠膠地。5係我太誇張，我係壽司店做過，見過新鮮的wasabi。哇～下次我會再考慮下先入去，畢竟對我而言wasabi的質素也是很重要。

話說最近工作忙，今晚放工決定好好獎勵一下自己，瘋狂地獨享一盤包括赤貝、平貝及北寄貝的刺身拼盤加上一些壽司。本身對連鎖式壽司店沒有抱太多期望，刺身咪就係切好一片片放在碎冰上不過如此嘛，今日此板長壽司司傅令我改觀。見到壽司司傳剛剛做好一盤刺身拼盤，在出菜口停留時吸引了幾個店員拿出手機拍照，我認真看了一眼，不禁懷疑，一盤如此精緻華麗的刺身拼盤就是我點的嗎？到店員拍完照送到我枱上的一刻，我才知道，是我的！真的是給我的！實在太興奮了。這盤色、香、味俱全的刺身真是讓我心情大好，非常感謝司傅用心的製作。

訓醒之後，便乘車到太子吃中午飯，為一會的fitness 訓練作能量的準備。平日我是另一連鎖壽司店的愛好者，並以該壽司店為日常食堂。而今日朋友說有空時吃一下別的口味，其實亦無壞處。好吧，今天就來一嚐板長滋味！未到正式午市時段，店內人不多。即使我們只有二人，也能馬上安排到四人座位。該店以平板點餐，我便點了如下圖所示的壽司配烏冬中午定食。四件壽司再配以大碗烏冬，這種澱粉加澱粉的組合即便是成年男子也絕對夠飽。說回食物質素，胡麻豆腐和日式沙律的味道是意料之內。而主角壽司，魚肉新鮮、甜蛋鬆軟、天婦羅蝦新鮮熱辣，配合醋飯的酸味，皆達合格水平。唯魷魚缺乏鮮味，略有不足。另一主角烏冬，其口味適中，不濃不淡，牛肉份量正常，口感鬆軟。要說不足之處，羅白未有煮到透，略為失色。而我人對於稻庭烏冬這種幼身烏冬帶有偏見，因為幼身的烏冬比較不彈牙。最後評論一下職員質素，我座的位置可以看到一點點內場廚房，所以也說一下廚師吧。眼見內場廚師炒得非常落力，猛火快炒有鑊氣，即使不是面對觀眾或客人仍會有拋鑊搶火的動作，可見其認真程度。相反，外場職員亦很有意思。我多番請求職員給我七味粉，皆未有回應。但是對於廚房出餐，他們卻非常積極

有二女—男侍應，男好似高級小小，全部都態度懶散，行路帶位都死死吓咁，講野更加係担心佢係咪需要氧氣！－坐低問人有冇會員，冇咪問吓詳情咁la , 個男既勁冇耐性，未問完就走（並非有野做，係走埋一邊吹水），我登記會員時有Ｄ問題，再揾個男既問，今次好似比佢教訓咁，連隔離枱個客都扲曬頭！女的侍應食物落枱求期放低，張枱明明冇野阻住佢落壽司架！唔跌落地就當放咗。叫佢加水好似好離奇的表情！埋單冇散紙比1000，男侍應話：冇散纸呀！（唔好意思／唔該都冇囉！多謝更加係天荒夜談！）結果佢仲係要找小左錢｜！不求要Ｄ咩高級服務只係基本禮貌姐，真係譚仔呀姐都好佢地多多聲！

system at this restaurant has changed. if you still have the old membership, you can download the new app and login with your membership. instead of ordering from their iPad, you'll order from your phone. but the layout has changed and needs time getting used to. however, food ones out fast and delicious.

此的板長寿司，我可是頭回到此樂的呀！嚐嚐此的＂黑醋豚拖羅寿司＂👍豚肉嫩嫩的，還帶有丰富的肉汁中也沒把黑醋味給奄了的呀！此也真不錯的呀！＂火炙醋鯖魚寿司＂，此做得真不好的呀！👎魚應該是不鮮的呀！😮