松記糖水店

营业中

休息中

〄📍松記糖水店- 好耐之前我同朋友過嚟食叫咗朱古力雪糕配大粒西米露呢間糖水店嘅甜品性價比幾高西米露都好彈牙好咬 朱古力雪糕朱古力味濃我印象之中好似係20幾蚊一碗 唔太甜 幾好食😋佢嗰度甜品種類都幾多選擇～ 下次如果再去嘅話會想試吓其他口味🤪如果你係甜品控嘅話 不妨可以嚟試吓呢間！✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評外觀：★ ★ ★ ★ ☆回頭率：★ ★ ★ ★ ☆抵食指數：★ ★ ★ . 5

今日happy Friday 有半天假放平日，就是想去幫襯啲平時要排隊的店行到長沙灣就松記啦～～～睇吓冇人排隊嘅松記係點先平時夜晚經過，店外總有好多人等外賣或排隊等位但原來平日下午係好正㗎，座位任坐完全唔洗同人迫感覺同夜晚嚟完全唔同唔洗食完急急腳走近期愛上養生嘅中式糖水整返碗應該可能可以烏髮嘅芝麻糊先佢有得揀熱或凍，都係$15我點了凍睇睇～滿到瀉好滑有光澤個芝麻糊好香，稀稠度適中唔會水又唔係漿糊咁食得出佢唔係用生粉水去較稠度細心睇仲睇到粒粒磨碎了的芝麻微甜，而且加咗鹽，讓味道平衡，唔係死甜同區嘅芝麻糊，我暫時未搵到平過佢松記平，但係好吃已經翻兜過好多次佢其他嘅養生系列好似唔錯平日嚟真係唔同可以慢慢食食完坐吓先走完全好relax，侍應又唔洗咁趕

食過西環佐敦同呢間分店都係覺得呢間最好食我成日都黎食架 今日決定為佢寫食評 支持下佢 我每次去都係食同一樣野 summerSummer有西瓜蜜瓜芒果奇異果 好似仲有哈密瓜 之後就係大西米同埋兩球雪糕 仲會有芒果汁同埋奶 我就一定全部要晒嘅雪糕方面佢可以揀朱古力綠茶雲呢拿同曲奇我就最愛曲奇點解我會話呢間係最好食呢 主要係西米嘅分別 佐敦嘅西米好林似啫喱 完全冇口感西環嗰間嘅西米好硬 死實實嘅感覺但長沙灣呢間軟硬適中彈牙有趙口 好好食令我特登山長水遠都要返長沙灣呢間👍🏼👍🏼

今日時間尚早，於是與友人去食埋糖水先返屋企，講到係深水埗，長沙灣呢頭，識食的 一定會識黎松記食糖水，對我黎講無他的老字號，多款式，凍熱糖水，甜品都好齊全。我份人就好簡單，唔係點豆腐花，就係點綿綿冰，今日就點了個綿綿冰首先你可以點選冰既口味，我就通常點益力多及芒果，口感一流，一個字正然後就可以配塔兩款材料，可選oreo,可可米，爆珠，三色果（任何一款口感都超讚），最後就選汁，朱古力或士多啤梨汁。整個綿綿冰每次食完都會好透心涼，加上自己點選的配料，食冰之餘，又會食到其他口感，脆卜卜的如可可味，想有d咬感既可以點爆珠或三色田，大家真係可以試下而我朋友就是summer愛好者他最喜歡就是雙球都是芒果，讓他覺得最特別最正的就是那兩條朱古力，每次他都會覺得好好食，而硬要我食一條，我每次食左一啖後佢就一定會問，係咪好正呢整體來說，松記開左咁耐，水準依然都保持得到，的確係唔錯，可以例為我永遠的糖水食堂

到深水埗當然要去松記食糖水, 價廉物美 , 又多選擇, 有傳統甜品, 涼粉, 豆腐花, 明珠等特色甜品,  而且價錢相宜, 平時黎總系人山人海要排隊, 但現在這段時間, 星期日還是不用排隊, 由於太多選擇, 選擇困難症的我樣樣想試,  終於叫左椰汁西米露及幻彩明珠, 兩人合共$37, 與一杯珍珠奶茶相約.  椰汁西米露唔太甜味道岩岩好, 西米數量不少. 而幻彩明珠有西瓜, 芒果, 蜜竹瓜、涼粉、水晶珠，加了忌廉令甜品十分香滑, 這個價錢很抵食, 下次定必再黎可叫其他甜品. 

這天和朋友開車到深水埗吃這家開了多年，又出名的糖水舖。由於疫情的關係，不用排隊就能入座了。若是平時，肯定要等上一些時間。幻彩明珠幻彩明珠的材料很多，有各種的水果、涼粉、水晶珠等，加了忌廉奶， 十分滑，很好吃。核桃糊加湯圓合桃糊香濃，熱湯圓也十分好吃，外皮煙韌，裏面是奶黃餡，比較特別，朋友很喜歡。榴槤西米露榴槤肉放在中間，是榴槤空不可抗拒的，再加上西米露，口感不錯。但若果榴槤肉能夠多一點，就更加吸引了。

晚飯過後，與一大班老友去松記食甜品，由於冬天天氣寒冷，大家都主要叫了一些熱又滋補的糖水。紫糯米，啲糯米都好淋，溶晒！番薯糖水加湯圓，番薯好大舊，糖水薑味濃，湯圓就變得唔夠甜。芒果糯米飯，係店舖主打推介，芒果好甜，個糯米飯砌到一個心形🧡好有heart腐竹蛋糖水＋湯圓，不過不失，湯圓味道不夠。芒果撈，芒果夠新鮮夠甜，啲芒果汁好濃，正D24榴槤腸粉，腸粉滑，因為不是個個朋友都吃榴槤，那些榴槤的飄香好難頂反而榴槤西米露就不是太好，榴槤肉很少。芒果涼粉珠，配芒果加芒果雪糕，味道不錯，如果芒果汁可以再加多啲更加好！椰王燉桃膠，最滋補養颜，食完好鬼飽仲有個芋頭燉鮮奶，芋頭粒都幾大，不錯！整體上來講都不錯，只是地方比較迫，但一般松記糖水店都是這樣！

深水埗的松記糖水，價廉物美，很多人都知道。不過，若果你在晚上前去，每次也人山人海，必須等候好一會兒才有座位。想吃美味甜品，又不用久候，下次在下午時段去吧。這天我們在下午大約二時到達，座位很多。我們點了合桃糊豆腐花和薑湯芝麻湯圓。合桃糊不太甜，給人很滋潤的感覺，豆腐花和合桃糊很相襯，一起吃味道更佳。這兒的湯圓款式很多，不過我最愛的仍是傳統的芝麻湯圓。薑湯不太甜，正合我心意，在冬日吃湯圓，真是人生一大享受。這店的服務也很不錯，特別是在這不太繁忙的下午時段，糖水送上時，店員會親切地提醒我們小心燙。

一行5人去食糖水，落個summer ,幻彩明珠，榴槤班戟，榴槤雪山 同埋雜錦芋圓個榴槤雪山黎到一啲榴槤味都沒有問侍應 距話係個雪糕有榴槤味，但我地完全食唔到（利申個侍應態度串串地）甘我地都係覺得榴槤雪山個名應該會係有榴槤味先叫嫁姐，連我地個唔食榴槤既朋友都覺得無味，距仲要覺得我地好奇怪甘 距仲要細細聲甘走去同其他人講我地 跟住一齊係度望住我地我地最後碗野食左一半都無😟食個糖水都食得好唔開心，明明食甜野係會好開心嫁麻😪

佢朋友喺附近食完晏晝，就嚟松記食糖水。店舖空間都幾大，睇個Menu都有非常之多嘅選擇，價錢仲要唔貴。我叫咗嘅係宇治金時仙草凍，但雪糕就轉左香芋雪糕。入邊有仙草，紅豆，芋圓，地瓜圓等等。芋圓同地瓜圓食落口係暖暖地嘅，都幾煙韌。同埋成碗糖水都算幾足料～

今日同朋友食宵夜，天氣漸漸轉涼，真係好想食返熱辣辣、暖笠笠嘅甜品本身想食合桃糊，但係又想食紫米露，最後都係決定揀咗海底椰紫米露，佢放咗好多椰奶落去，紫米軟硬適中，成個甜品食落都唔錯，不過啲海底椰我覺得可以大舊d，好似太貪心🤣🤣我朋友就叫咗一個新甜品，叫做鮮奶燉花膠，好似好養生。製作需時都等左一陣，成碗野就好似飲緊鮮奶咁樣，都有啲花膠碎嘅，$48，可以落多啲料。我覺得都係食返啲傳統款式嘅甜品抵食啲！

今晚去咗食糖水，嗰啲珍珠依然好彈牙，之前食過很多次了，每次去食都唔會厭，因為有好多選擇，一直都保持水準，食得好開心，我好喜歡食甜品，所以要求都好高，但係這間糖水鋪我真的吃不厭！正！

是晚與舊同學敍舊，又到飯後甜品的時間，長沙灣這家松記可謂我們的老地方，選擇非常多，有傳統甜品亦有特色甜品，有中式亦有西式，而且價錢相宜，百吃不厭，可謂平民的甜品天堂，每次到訪總是坐無虛席。是晚我們共點了5道甜品。Summer $25抓緊夏天的尾巴，今次回歸summer！松記招牌之一，每隔一段時間都會想念這道甜品。我點了曲奇雪糕和朱古力雪糕，加奶。除了兩球雪糕，還有超級豐富的新鮮水果，包括西瓜、奇異果、哈密瓜、芒果和密瓜，加上透明明珠和忌廉奶，非常豐富。這兒甜品都會用上忌廉奶，可說是這兒的特色之一，有別於椰奶，別有一番風味。椰皇飄香 $48原隻椰青向來吸晴，椰肉美味，想不到內裡配料亦有驚喜，湯圓是抹茶皮加奶皇餡，還有海底椰、芋圓和西米，配搭獨特，口感豐富又清甜滋潤。榴連雪山 $28榴連雪糕伴椰汁糕、西米和忌廉奶，榴連味濃郁，椰汁糕和西米的質感都不錯，挺有咬口，淡淡的香甜，令整道甜品更有層次！蘆薈明珠 $25以蘆薈為主角的甜品很少見，配明珠和忌廉奶，感覺養生，嚐了一口味道也確實豪不遜色，可以清麗脫俗形容，值得一嘗。鮮奶燉蛋 $16芬香濃郁，口感軟滑，看似平平無其，但其實難得弄得出色，難怪友

平時只喺將軍澳食過松記，今次過嚟長沙灣發現都有松記，食完飯就繼續醫下第二個肚。次次都食炫彩明珠，今次就試下summer，仲喺松記嘅風格，價錢便，份量又大。整碗都喺生果，兩個大大嘅雪糕球（我揀咗一個芒果味一個曲奇味）仲有好多好煙韌嘅珠仔，曲奇餅干，加埋芒果汁（喺好濃郁嘅芒果汁）。整碗都有好香嘅生果味。食得好滿足。

夜媽媽又熱辣辣，最好就係整返碗糖水食下！記得屋企附近有間松記，於是就即刻衝落去😎其實之前都一直食開呢間，不過就係銅鑼灣，呢間松記糖水鋪我最欣賞佢既就係芋圓仙草凍系列！出面好多糖水鋪做出黎既芋圓好多都冇味，唯獨係松記最出色👍🏻每次我都係例牌叫個芒果芋圓仙草凍，店員會問你加唔加奶！記住，一定要加！加左同唔加真係好大分別，有奶香味，食落仲帶少少甜甜地！佢入面仲會珍珠同埋紅豆！你溝埋啲花奶一齊食，簡直一流🤤未食過既你，快啲去試下😎