松記糖水店

营业中

休息中

唔知你有冇一個想法係，無論點食飽飯之後都要食糖水！.重點係可以見多陣朋友仔！.觀塘既港記甜品都幾多人排，原因係佢有好多款甜品冰、西式、中式甜品都有！今次阿魚就食左拿破侖！重可以配一球雪糕！識食一定係揀曲奇味！不過都等好耐...拿破崙要等成15-20分鐘......但都值得既，拿破崙好脆！！！好好食！！！！.大家下次去可以試下食！！！.松記糖水店地址: 觀塘康寧道32-36號康華樓地下3號舖電話: 23823169

不能話食品全部唔好味，但就我點的紫薯芋圓，芋圓冇有達標，硬得之餘咬落去仲有種粉粉地的感覺。 其次，再講下服務態度，就今日黎睇服務員態度冷漠，要下單時呼喚店員也沒有反應。 除了叫野食我係全程冇講過野，態度也沒有針對任何人因為只係去今日一次，所以也只能粗略評價

愈來愈吾好食，以後吾再幫襯叫咗兩個楊枝甘露加個榴槤雪山，楊枝甘露又苦又唔夠香，冇芒果味差勁👎極度失望榴槤雪山，冇咩特別，一般般，好普通完全食吾反以前個種感覺希望日後可以加以改善。

一般的松記糖水中學時期經常放學去長沙灣食松記，哈囉同summer係必食，因為果時都只係$18，$22蚊，好似。食完飯，經過觀塘呢間松記，食下有冇當年既回憶XP。觀塘呢間吾見有哈囉，所以叫了Summer配曲奇同抹茶雪糕，另一半叫芒果明珠有芒果雪糕。甜品上左先忘記要多奶多芒果醬:[Summer內西瓜不新鮮，似雪左好耐。芒果明珠的芒果都ok，不太酸。兩個甜品都好一般，覺得以前好味d，除左雪糕都ok，其他配料大明珠、生果都冇乜特別⋯⋯下次經長沙灣再試下係咪店制作不同還是已經沒有了以前質素。

食完飯都會少不免食個糖水 而多數都係觀塘到食 因為食開又平平地 簡簡單單滿足～每次嚟都會食依個summer 兩個雪糕球 可以自己揀味 低下就有好多嘅水果 同埋啲珠 本身個人好中意食依啲明珠 加上有芒果汁 對於我依啲又敏感又想食芒果嘅可以過過口癮 加埋兩條黑白配 簡簡單單好滿足~~~而另一個嘅係雪曲哈囉 裡面咩都有啲 芋頭 涼粉 明珠 栗米 食落都幾得意幾新鮮 揀唔到邊樣嘅依個都幾唔錯 雜錦咩都有得食 最重要雖然有好多款混埋一齊 但係味道又唔差

今天來到了香港新派糖水始祖, 松記糖水。我們點了經典的幻彩明珠，和幻彩明珠加雪糕。我們在松記吃過很多不同類型的糖水，始終覺得原是你最好。我們剛好抓着時間的空檔所以不用排隊便能順利入座，我們出來的時候已見到門口有很多人在排隊，儘管如此服務員也沒有趕我們走，在香港我覺得算是這樣吧。他們用的涼粉比較企身，配上西米和水果其口感恰到好處值得推介。記得有一次在松記吃過傳統糖水，我並沒有作出點評這應該說明了一切罷了。畢竟我的最愛還是傳統芝麻糊。

食完晚飯雖然飽飽，但還是有空位留給甜品的~女孩子多出的就是甜品胃嘛觀塘糖水鋪都有幾間，而松記係我覺得性價比高既一間!黎親都食SUMMER，今日咁凍想食熱野所以叫左椰汁渣咋竽圓!叫完等左5分鐘就有得食~椰汁味好香濃~一匙筆落去，豆豆好足料而且煮得軟林起沙，仲食到粒粒粉粉既竽頭粒，正正!最重要味道亦唔會過甜~加埋竽圓煙煙unun，口感十足!飯後甜品真係非常滿足~另外抵讚既係可以八達通俾錢，對於我呢d成日冇現金係身既人黎講方便不過

I Had a barley rice , corn and peanut dessertIt was very nice This could be my 3rd visit to this place and the quality and the taste remains sameMy friend had an egg with ginko and beancurd It was okBut she also preferred minePrices are very reasonable and a clean place

在觀塘用完晚餐後搵地方食個甜品作為一天的完結，松記在觀塘已經開業多年也屹立不倒，證明了食物質素也有保證也許冬天時間，食甜品的顧客不多所以職員也要企門外拉客，見職員一番誠意便進此店款式較為普遍，多年來的餐牌都有8成沒有改變 芒果刨冰 $38 上層刨冰份量比較多，材料放在底部有紅豆，椰果 配上士多啤梨醬和芒果醬芒果不是時令非常酸三重心太軟加雪糕 $45 朱古力味雪糕內有朱古力碎，比較濃郁心太軟外的蛋糕不會太硬軟淋淋，內的朱古力醬溶灑味道賣相衞生服務抵食推介

和閨蜜吃完晚餐，有點 意猶未盡便來到松記食糖水比門外的海報吸引了，二話不說點了紫薯芋圓仙草凍紫薯香甜、芋圓有咬口但配上仙草凍有點奇怪閨蜜點的椰汁喳喳，有芋圓地瓜圓，閨蜜說芋圓好硬似未煮熟

幾年前食過松記嘅薑汁撞奶，攞到嚟嗰時好似腐竹蛋糖水咁稀，完全唔係凝固狀態。我問店員姐姐，佢話我哋嘅薑汁撞奶係咁㗎! 激到我死死下! 尋晚女朋友話要食糖水，我唯有去冒多一次險。餐廳都算大，但啲枱凳好迫。如果幾個大男人坐就一定會膊頭撞膊頭，其他枱嘅客人要出出入入都要讓一讓。熱芋頭紫米露($28)芋頭夠淋夠粉，紫米露夠多紫米。椰汁味都濃，而且唔算太甜。算係咁。熱生磨芝麻糊($20)一間糖水舖好唔好食，睇佢芝麻糊就可以見真章。首先稀杰度算合格，唔會太甜，而且冇燶味。唔會全碗係芝麻，一定會加粉，但唔會食到成口粉漿味，算唔錯。

今日同同事farewell, 食完夜晚梗係要返個甜品啦， 今次我哋嗌咗個鮮果雪糕窩夫同 埋雜果芋圓仙草凍， 顧名思義 呢款甜品就系要玩「雜」， 上層切粒芒果 西瓜 哈密瓜 同埋芋頭鋪面，下層整個 仙草凍 墊底， 水果同仙草凍混合嚟食 口感爽滑柔软有彈性，不會過甜。 之後我哋試埋個鮮果雪糕窩夫， 雪糕同窩夫融為一體，  味道好夾， 之後再加多塊芒果 擺入口， 好fresh呀!! 不過芒果嘅份量有點少， 但作為晚後甜品還可以接受 。另外值得一讚嘅係， 餐廳入面環境 乾淨， 服務態度唔錯， 值得再去食。

以前讀書成日幫襯松記，必食佢個幻彩明珠，勝在咩都有d，生果涼粉明珠都有。觀塘呢間開左一輪，食過湯圓，水準依然保持得好好，但今次食幼彩明珠就完全唔係個回事，難食左好多。明珠質地好古怪，好粉一d都唔煙韌，每粒熟嘅程度都好唔同。朋友叫左個紫薯芋圓，呢個味道就正常d，好多涼粉，但芋圓得幾粒太少，硬左少少，同埋切得太大粒，無咩芋香味。我覺得呢間舖得湯圓保持到味道，糖水都比其他分店難食，食過其他分店都未有咁大問題，質素好參差。

一班人去食甜品，有兩個frd叫做木糠布甸雪糕，結果木糠布甸變左木糠餅底，插都插唔入噶只!唔通係因為噶日布甸用曬，木糠剩太多?另外我叫左碗木瓜芋圓糖水，但係芋圓就係一舊粉，紅豆又煮唔開，珍珠又未煮熟，簡直係。。。宜家好懷疑呢間係唔係假冒噶，質素差甘遠噶!

薑汁撞奶水！！！態度差劣沒有差只有更差Order 左薑汁撞奶，竟然黎左碗撞奶水！同個阿姐講，問佢昵碗係咪撞衰左？佢可以答：「我地薑汁撞奶係咁㗎。」我即刻o嘴！佢仲問我「係咪唔接受？」我話「係咁？！你確實薑汁撞奶係咁！你有冇食過？！」佢繼續答：「我地不嬲都係！有冇薑味丫？！咁再整過law!第二碗上來，冇分別，另一個阿姐問「有冇好d」我話冇，完全唔係薑汁撞奶。佢依然答「不嬲係咁」！！！仲要話我第一碗時不停搞，我即刻答佢，我第一下畢上黎已經係奶水！呢間野d質素每況愈下，d侍應態度唔憂做！既然「不嬲係咁」，咁請繼續！松記老闆！我相信繼續下去，呢間店好快say bye bye