松記糖水店

对松记糖水既 SUMMER 念念不忘，好耐之前食过一次就爱上！自此之后去得松记糖水都系为左 SUMMER，真系连自己都觉得夸张！SUMMER 系松记糖水极受欢迎其中一款甜品，由多款新鲜水果配上两款自选雪糕球，加上大西米，仲有鲜芒果汁同埋忌廉奶既配搭，实在令人回味无穷！原本仲想叫「鲜果雪糕窝夫」，无就转左「鲜果雪糕黄金酥」，可选芒果／香蕉，即叫即做需时约 10 分钟！之前无试过黄金酥，估唔到又几特别，睇个样似班戟，但系食落又好薄身好脆口，面层既朱古力酱配埋黄金酥好好味！…查看更多

一个小朋友钟意食芝麻糊，仲要大热天时钟意热辣辣既芝麻糊，唔要冻冰冰既芝麻糊，不过小朋友钟意就系钟意，旁人有时真系好难明！松记糖水既芝麻糊写到明系生磨芝麻糊，一直觉得芝麻糊既口感幼唔幼滑好紧要，松记糖水生磨芝麻糊又香又滑，浓稠度适中。另一个小朋友钟意食榴莲，拣左榴梿班戟配埋榴梿雪糕，好大阵榴梿味，无论系班戟定系雪糕都好榴梿，榴梿班戟入面仲有唔少榴梿肉，如果钟意食榴梿千奇唔好错过松记糖水既榴梿班戟配埋榴梿雪糕！…查看更多

明明铺头仲有大把位，出面有冇人等位，侍应居然走过来问：你哋走得未？真系啱啱食完1分钟都唔够，离晒大谱，第一次遇到咁样嘅餐厅，亦都系第一次觉得一定要写食评。嘢食都好一般，唔推荐，隔离仲有好多选择，可以坐低慢慢食。…查看更多

四个人去食糖水，入去之后前前后后半个钟都冇，已经赶人走。真系冇夸张，系一食完碗糖水，收走咗之后，即刻走埋嚟讲「出面好多人等」。我哋都明白嘅，谂住等埋朋友去厕所就走，去个厕所都系2至3分钟啫，而且都见舖入面多空位，估计都够即时入10几个客。点知个短发戴眼镜女侍应已经系度啧啧声，黑晒面望住我哋，态度真系好到不得了！埋单之后出去仲搞笑，舖头出面根本只有零星几人，总共大约6-7个人度，唔知系等外卖定等入去，但入面本身已经有几张枱执干净，点解又未安排人入去？究竟系咪真系出面多人等先赶人走？同埋个人理解食糖水本身系大家边食边倾下偈，而唔系好似食饭咁嗱嗱声食完就走。如果我已经坐咗1个钟可能系冇咁好啦，入嚟30分钟都冇就已经要人闪，而且糖水本身又唔系特别好食(我自己就嗌咗红豆沙，好唔好食睇下其他comment就知）。我谂入去食糖水嘅人可以比定心理准备唔洗谂住食气氛或者慢慢叹，反正我系一定唔会再帮衬！…查看更多

所有配料限量一折发售，连红豆数量都可以数到，物以稀为贵或者可能就系店家既营商之道，又或者怕食客太饱，又或者店家预防粮食短缺，总之大家想食个空虚就可以到此一游冰，用清水雪的冰，怕糖尿既人士非常岩食，仲要占成份糖水十分之九既比例，加上无乜几粒既配料，真系愈食愈瘦，愈食愈健康啊～~~~~~大家用雪亮既眼睛望望张相，现实果然系残酷，店家教埋您做人道理，强烈既对比或者系想大家找不同，食得又玩得，掂！！！！！…查看更多