松記糖水店

营业中

休息中

第一次見到咁的外賣,叫左五個外賣,三個芒果西米露(一個要奶)加二個幻彩明珠平日都返屋企好開心便食今次簡直一打開係O咀到呆左....一個係無芒果汁的芒果西米露,一個係得少少完全無芒果味的芒果西米露,一個係得奶味無芒果味的芒果西米露而二個幻彩明珠平日都見到滿滿的芒果汁,今次得少少少少.......一邊食得完全FEEL唔到芒果味最好笑打番去荃灣的松記,個女的問職員有否加芒果汁是否忘了,佢D職員話加左....加左的話樓下那些係咩野嚟????仲話芒果成本貴,所以落少少便算,話下次拎番D相佢睇,佢會為我加番多D我認為少左的芒果汁,好好笑喎,明明係你地話芒果貴所以落少少或唔落,但講到好似我好高要求,而你地做足左!!!!!!!!!簡直係離譜!!!!!!!估唔到越做越差,但要用芒果貴嚟話番我!!!我佩服你地,咁做外賣都得!!!!

飯後甜品是不少得的😂七個人食到咁飽都仲話要食糖水，好彩大家都仲識話叫四份黎share😂唔知點解大家都好想食榴槤，所以叫左兩份榴槤金磚。呢個季節嘅榴槤出乎意料之外嘅甜，食落有少少似加左香料既甜。不過佢都好大方俾咗好多榴槤蓉落去，咁嘅價錢真係抵到爛👍雪糕就普通，無咩太大特別。

與三五知己去左荃灣共聚晚餐，食完晚飯之後，仲係唔夠喉，仲有好多永遠傾唔完嘅話題，於是就去左路德圍嘅一間糖水舖繼續我地欲斷難斷嘅話題。呢間糖水舖，每次去，每次都大排長龍，雖然係咁，都無阻我地對呢間糖水店嘅熱情。邊傾邊等，原來都已經等左半個鐘，終於都到我地號碼，可以舒舒服服咁坐係度慢慢食慢慢傾。今次叫左4個甜品。家鄉糖不甩唔會做到太淋，口感軟熟綠茶奶黃湯圓做到皮薄餡多，推介！楊枝甘露我覺得都算叫多料，叫做每啖都有果肉，同埋唔會太水。Summer哈！我覺得個雪糕最好味，另外啲水果唔會太酸食下傾下，唔經唔覺又一小時，開心嘅時光真係過得特別快，不過天下無不散之筵席，期待下次再來。

跟朋友食飯，不就是明明都已經飽到頭頂了也要繼續下一輪。在荃灣食完拉麵不就應該好好的食一個松記。如果不要排隊的話就要早點去咯～其實我每一次都是食榴蓮東西，但我被鄰座的甜點吸引著了。超級香的椰味呢！！！ 然後就可以選兩種自己想食的兩種口味湯丸，我選了芝麻跟奶黃。不錯的～椰肉就沒什麼了，但味道很好！還是熱騰騰的。心心眼朋友叫了榴蓮啦～仍舊好食，仍舊出色。其實我都好喜歡食他的榴蓮PANCAKE，真心飽。就下次吧

平時一向入甜品鋪唔食凍野既我..呢日一反常態要左個summer自選兩球雪糕加雜果我要左曲奇同芒果~曲奇雪糕唔知點解食落有啲冰碎起入面，有啲奇怪相比之下我竟然覺得芒果既甜黎得直接 突然愛上左芒果雪糕至於水果方面，鋪頭似乎冇咩點樣挑選😂食落去淡而無味🤔可能因為個雪糕太甜啦，二果兩條貌似黑白配嘅棒棒較稔身，有點兒失望

女生總愛甜難得和朋友出來吃飯，總會吃完糖水再走，朋友指定吃summer雙球曲奇，三重心太軟加榴槤雪糕（+$8），榴槤雪山，再加榴槤酥配朱古力雪糕。不經意地很榴槤。平時只係食幻彩明珠，今次試左好多新野，不錯不錯，榴槤酥的榴槤肉，心太軟

今日去咗荃灣拉麵 荃灣而家都幾多野食下咁食完飯見時間尚早 當然唔可以浪費時間 咁我地就去咗搵糖水食下啦咁就去咗好多糖水鋪條街而我地最後就入咗松記糖水鋪正好今日係冬至黎, 朋友話冬至當然要食返啲應節既野喎, 所以呢我地就點咗碗湯丸食芝麻豆花湯丸黎芝麻味幾好 碗野又唔太甜 我地仲有叫咗碗綿綿冰每次食親爆珠都覺得好爽好好玩之後當然仲有碗招牌SUMMERSUMMER碗野款式多又有水果又有朱古力棒又有雪糕大滿足之選

荃灣區晚飯後節目必定是荃灣無人不曉的路德圍甜品時間, 不能要求坐得好舒服, 但求以真材實料之糖水為用了很長時間才成行的舊朋友飯聚作完滿結束.松記出名的Summer永遠會出現在枱上, 我偏愛清淡點的薑汁燉鮮奶, 天氣轉冷最適合吃點薑, 同枱朋友享用緊佢地嘅甜品時我的薑汁燉鮮奶新鮮滾熱辣地送到, 一看便是最正宗的, 而非薑汁+入燉鮮奶. 整碗熱非常滑&香, 奶味香濃, 略嫌份量不夠喉, 都是因為太好吃了!以後想食傳統造法的甜點都是到老店穩陣呢

叫左個楊枝甘露拎走 無諗過咁都中伏 成碗野淡到水咁 芒果係得超少 少得黎仲要全部都係勁細粒 打開個蓋見到成碗野都係白色的 我以為我叫錯 見到都唔想食 我仲要買左兩碗 食左半碗就倒哂 無心制作 浪費哂我d錢

〖松記糖水店〗我由孩童時候食到現在廿幾歲人，好有感情，每次經過都會走去食碗甜品。但每次去都會好多人，門口水泄不通。而每次職員都會俾張「飛」仔我，用來等位入座。今日八點就已經好多人在排隊入座，因的是高朋滿座呢。我和女朋友等了3分鐘就可以入內了，通常都不用等太久，因為它的客人車如輪轉。一坐下，我就點了我的最愛【芒果明珠】。明珠是大大粒的西米，這是我的理解，好有咬口，由於明珠是無味的，所以要配濃味的生果，芒果就最適合了。「松記」的甜品一向都無欺場的，廿幾元就可以食到大大碗的甜品，生果非常大的一顆。芒果香甜，糖水的甜度適中。女朋友點了〈鮮雜果馬蹄露〉，生果有奇異果、西瓜和少少芒果。以馬蹄露作底的甜品比較少見，原來跟生果都十分配，清新的馬蹄露，裡面有一條條的馬蹄肉。可惜的時我以為會有更多的水果，只有三樣就比較失望。基本上這裡的座位都好多，但因為人多的關係，大家就要坐得迫一點。上甜品的速度都幾快下，好快食完就會走，所以等位通常不用等太久。

以前出名既長沙灣松記糖水，係我中學時經常同好友食完飯再去食糖水，帶比我地無限美好回憶，但係荃灣呢間真係不那知所謂，叫左個幻彩名珠，啲珠得果幾粒，生果又吾生鮮，完全覺得自己食緊垃圾，啲職員又叫極都吾理你，到埋單果陣仲有個西面神坐陣，吾怪得成間鋪頭整衰哂啦，總之就退步哂，完全不知所謂

嗰日見到有新款嘅甜品，見到張相好吸引，忍唔住就試下。蜜瓜涼粉雪糕，一個甜品已經要用半隻蜜瓜來製作，都只係幾十蚊，蜜瓜都算甜，雪糕好好食，底下仲有涼粉，松記果然保持到一直平靚正嘅作風。

尋晚食完晚飯經過“荃灣甜品街”，可能因為天雨關係，見到松記竟然冇人排隊，即刻馬上同朋友衝入去食糖水！話就話冇人排隊，但係依然非常之爆場，剛好有兩個位，枱貼枱，同人左手貼右手咁，叫做攝入去坐好咁啦…我叫左個木糠布甸，配曲奇味雪糕，木糠同忌廉個比例都ok，因為太多木糠餅碎會令到整個布甸嘅口感冇咁滑，因為淡忌廉既關係，如果太少木糠又會唔夠味架，松記個平衡攞得幾好，坊間有d真係會食到成口粉咁架…朋友叫咗個榴槤奶凍，見佢讚到天上有地下無咁，我好奇之下都試左一啖個奶凍，又真係幾滑嘅…不過因為我唔食榴槤嘅關係，面頭果一大堆榴槤蓉我就真係唔敢試喇~PS：落單個呀姐都幾惡架，好有澳牛FEEL，不過D甜品確實好食，串都有道理嘅，下次再嚟一定要試下個芒果金磚！

松記糖水講真都食左好多年但總是食極都唔厭 出名抵食同一碗可以包含超多料超多款以聞名招牌糖水之一 Summer有兩球雪糕 好多味可以比你選擇內有超多生果，西瓜，芒果，桃等等仲有西米，大西米。。口感相當豐富芝麻糊 濃 香 滑豆腐花 香滑湯丸 煙煙韌韌 一流本人至愛既燉蛋蛋味重 而且較杰身 好實在 好足料

每次食完飯經過荃灣海霸街都會見到松記門口有勁多人等位，今次雖然多人但見有位所以黎試下佢芒果味棉棉冰，生果配料選左芒果同西瓜，配料方面有紅豆同爆珠，勁多料，一層層既綿綿冰入口即溶，口感勁豐富又夠解渴，又唔太甜唔會膩朱古力太軟好流心，賣相睇得出好有心思製造，暖暖既朱古力帶小小甜，配合埋曲奇雪糕，真係超好味！