影片
天气咁冻 食完饭又心丝丝想食碗暇笠笠既糖水 所以order左2碗糖水叫熊猫送上黎屋企 我地分别叫左杏仁芝麻糊同花生栗米麦米 我地等左大概30分钟左右 好彩糖水仲系好热👍🏻本身我系好钟意杏仁既味道 但今次唔想食得太腻 所以加埋芝麻mix即刻变得好香又滑溜 但我觉得有少少偏甜 两者mix埋黎食原来咁夹 仲好养生养颜 正宗既黑白配 🖤🤍 花生栗米麦米方面 依款传统港式糖水好小甜品店可以叫到啦 麦米的口感系有小小弹牙+小小烟韧 有口感😋花生煮得又淋又香 糖水唔会太甜 岩岩到位 食完暖身又暖胃 ✌🏻
继续阅读
哗上次去食蛋白杏仁一pat野硬到咬唔开似系买剩野难食到唔怪得无咩客唉真想叫佢换左佢无下次佢D甜品又贵又细碟加个雪糕又话唔知要几钱我有FD问佢有咩味雪糕又叫佢自己睇餐牌服务态度不太好
继续阅读
今晚去咗呢间名店食糖水，出名嘅原因我估系佢分店多，其实佢啲糖水嘅味道都系一般啦，今晚叫咗热嘅芝麻糊同埋热嘅腐竹糖水，另外因为想食汤圆所以叫咗个六宝汤圆，顾名思义即系有六个味道啦。芝麻糊同埋腐竹糖水正正常常啦，不过想赞一赞佢嘅六宝汤圆，六只唔同嘅味分别有紫薯紫米、花生、红豆、绿茶、奶黄同埋芝麻馅，紫薯紫米同埋绿茶汤丸嘅颜色都好靓，味道都唔错，配埋姜汤一齐上，味道唔错。如果大家想食汤圆又觉得食得晒嘅话就宁愿独立叫一碗，因为咁样叫会抵好多。
继续阅读
乜大家食过硬嘅木槺布甸咩？佢竟然好意思话公司不嬲都系出硬嘅木槺布甸！系咪我对木槺布甸有乜错误理解？仲要一开始第一次问，个侍应叔叔话可能冬天个布甸先会硬咗，我就话 要佢硬起码要低过零度啦，点会关冬唔冬天事，今日先15度，佢就改口话系个雪柜可能坏咗。大佬你比得出咁样嘅解释即系你都认同木糠布丁唔应该系硬㗎啦，之后我再叫另外一个女人，佢就同我讲公司不嬲都系出硬嘅木糠布甸！之后就同我讲𠮶个叔叔系新来嘅，就开始过去闹佢，话佢新来唔好乱答。咁大佬你讲一次就算啦，佢就系我食其他糖水嘅过程不断重复 「你都傻傻哋雪到硬咗」，「你个脑就雪到硬咗」等等。我本身已经好唔gur,佢仲要咁样好似比说话我听咁，我想讲唔系𠮶个叔叔嘅问题啰，因为正常人对木糠布丁嘅理解都系软滑嘅啰！超级难食我食咗一啖就唔想食啦，佢哋话冇得退换。咁最后我都照俾钱走咗，但以后都唔会再食呢间咁嘅糖水舖。我都做过饮食业，但我真系未见过咁样打横嚟讲去处理事情。唔会再食呢一间野
继续阅读
松记嘅糖水/ 甜品一向都系多元化，选择比较多，适合年青一辈或者老一辈都啱食，但我每次去到都系有选择困难症😅芒果拿破仑 $40有时食芒果嘅甜品芒果会好酸，但呢度嘅芒果都几甜，唔会酸👍👍拿破仑嘅酥皮都几香几松化😋宇治金时 其实都几大杯，一个人都唔系咁容易食得晒，我外甥女最爱每次去到呢度，都系要拣呢个😂生磨芝麻糊 $16芝麻糊一上到枱都已经闻到几香，屋企人食完都话唔错。杏仁露 $16杏仁露一上到枱又系闻到好香，底下仲铺咗一层已蒸熟咗嘅蛋白，味道都唔错㖞。
继续阅读