松記糖水店

营业中

休息中

一大班人嚟下場嘅落腳點，真係唔係為咗食「甜品」而嚟😂不過當日23.15左右都仲有人潮啵～呢款：幻彩明珠，都算係乜都有嘅最重點，精品糖水。雜果新鮮，奇異果超生🥲全部生果都好大舊，食嘅時候，幾位食有雜果糖水嘅朋友，食嗰陣匙羹都整跌生果🫠雪糕明珠所謂明珠，係大版西米，唔係周圍有得食，佢煮得好煙韌，索到甜味。佢哋落奶都唔吝嗇，好重手，加上成碗明珠，略嫌膩。自家芋圓啲珍珠😩😫唔知未熟定煮完雪凍咗，硬挷挷。食擦膠咁喎。芋圓都ok, 煙韌，不過無乜味。（真心唔係自家製就好食😂）芋頭西米露芋頭應該係「生水」先整，唔粉無芋頭味，同埋係後加落西米露到，好唔一體，又係得奶味。總結，其實全部都好平$3x-4x, 有個地方坐吓算係咁，食物都唔係入唔到口。一句：下場選擇ok ge

買外賣 唔suppose會即時打開黎睇下內容。返到屋企打開，得半碗🤷🏽‍♀️😖 我以為倒瀉，但個膠袋好乾淨無瀉過出黎。 唔會再去。哈囉入面：4粒椰汁糕，4.5粒涼粉，其他野係豆/西米，但個分量勁似人地堂食食淨嘅.. 係一個食完唔會令人開心嘅糖水🥲

天氣開始熱，又到食刨冰的季節，照舊叫了芒果綿綿冰配益力多糠珠同三色蒟蒻，再加個西瓜燒仙草。綿綿冰的份量明顯細咗，我記得以前D刨冰高好多嘅，同埋D冰嘅芒果味好似無以前咁有芒果味。西瓜燒仙草就好似差唔多。

加左2蚊比外賣，total成$57 既鮮芒脆脆金鏄， 連個外賣盒都無吉洞透氣， 點脆脆呀！ 一心黎支持， 食左咁多年， 真係好失望。 又貴！ 不知所謂老老實實， 唔係第一次外賣呢個甜品啦， 今次真係忍受唔到！香港甜品要爭氣啦！2蚊外賣盒仲要係因為當中有球雪糕， 多左個細盒， 所以叫呢個甜品要加2蚊。 個"脆脆" 成pat野咁企唔到， 因為淋左， 呢d外賣menu有良心既就cancel佢唔好比人叫啦， 做飲食係要做d食得既野比客人食！ 良心呢？另外叫左2個芝麻糊， 一攞上手。。暖既， 唔熱， 湯丸好水。 加成5蚊1粒湯丸， 比d誠意啦！

今日食完飯去左松記食甜品 我叫左個蜜瓜布甸😋😋😋 好好食👍👍👍 布丁好柔軟滑嫩 而且又香又甜 難以抵抗既味道 而且夠哂涷 唔錯唔錯 配埋爽口既蜜瓜 簡直係一流。😋😋😋

琴晚食完飯想食下甜品 就決定去松記食下甜品😉 我叫左碗芝麻糊 加兩粒奶皇湯丸😍 真心好食 芝麻糊質地濃稠，芝麻香味吸引。奶皇湯丸既皮滑溜 奶皇味好濃 唔錯既湯水 幾滿足😋😋 中意傳統甜品既你都可以黎試一試😉

今日叫咗四個甜品，一個芒果紫米露，味道唔錯，但係紫米太少，芒果份量亦唔多，另外叫左個豆腐花，糖水太甜，另外叫咗個補腦合桃糊，亦都糸太甜，最後叫左個糖不甩，煙煙銀銀，可以接受

經濟學果然有趣，如果在附近開了同類型店舖，但因為同類型店舖經常大排長龍，反而讓同區同類型店舖生意亦都一併上升。講緊就是大埔附近剛剛開了鮮芋仙，但經常大排長龍，有時亦都因為鮮芋仙10時左右已經落閘，我們到了松記糖水店買外賣。不過大概10時左右，很多款式的甜品都已經賣光了，因此我就勉強點了個雜果大明珠，有西瓜、芒果，不過香芒的味道激胃酸，很明顯不是時令的水果，因此吃到非常酸；大明珠就好像珍珠奶茶那種質地，煙煙韌韌，不過這種大明珠就是夠韌夠彈牙。

我自己就好中意食甜野嘅，亦去過其他松記到食，但平時就外賣多，唔知係咪呢排都夜買，覺得啲西米露無乜味今次係堂食試吓外賣舖頭無嘅嘢，點知我覺得伏哂自己😥 叫咗嗰芒果涼粉嘅物體，我可以用難食形容😅 芋圓大粒又無味，真係好失望，都唔知自己食緊乜😅

今天吃了晚飯，心血來潮，想去吃一些甜品，恰巧看了松記，二話不說就立刻進去了，松記我進來了!二人之行，想了很耐，最後都是點了雪糕木糠布甸和海底椰紫米露，雪糕木糠布甸，很久沒食，雪糕是曲奇味，正常味的，但吃木糠布甸發現不對勁，因以往是軟身的，但現在是硬身雪糕狀的，沒有忌廉的，有點失望，或是我記錯了吧？海底椰紫米露不錯吃，海底椰很軟糯，不會很硬身的，紫米也是很有咬口，不會很爛，加上了椰奶令人很想再吃多口!不錯的!

本身係大埔超級城同朋友食飯 點知間餐廳限時90分鐘 食完就好快俾人趕走 所以即刻搵個地方食糖水下場繼續傾計 於是嚟咗呢間松記糖水.坐咗一陣已經成日發現有烏蠅喺度飛來飛去 跟住再望下發現舖頭牆上面有好多隻烏蠅停咗喺度啊 真係好恐怖 仲要啲烏蠅唔係好細隻係都幾大隻㗎 呢啲衛生問題係咪可以報食環呀 .講番嘢食先 個楊枝甘露一啲都唔係expect嘅楊枝甘露咁嘅顏色 似普通一個西米露跟住個芒果紫米露質素正常 紫米露可以再結小小 太稀了由於一路食啲烏蠅都喺度飛來飛去 所以快啲食完快啲走啦 永遠冇下次

每次去松記，可謂小妹必點既甜品(除左冬天會點薑汁撞奶)！除咗CP值高，就係鍾意佢多生果👍 西瓜🍉、哈密瓜🍈、奇異果🥝、芒果🥭，仲有涼粉底，水晶珠，西米，奇亞籽，加埋芒果汁同花奶，真係多款選擇集於一身，而且非常搭！每次點都係真材實料，份量一如既往，水果叠得高高，滿到涼果咁滯，要伴混來吃哦。水果絕大部份都係帶甜多水的，間中奇異果就太生帶酸。涼粉加埋大小西米珠同奇亞籽就有出多重口感的效果，而且涼粉清熱，奇亞籽營養豐富有益，絕配呢👍

松記好耐之前食過，都覺得ok，琴晚同男朋友係大埔食完飯，一心想去食個甜品，叫左一個鮮果芋圓，同一個雪糕三重心太軟，點知就出事！心太軟唔好食，舊雪糕無綠茶味，得陣雪櫃味，無改錯名，係三重，不過係三重難食到鮮果芋圓，其實唔好食我都算，最多下次唔食呢個，但係！！食到有啲生果係臭既，即刻lur出黎，不過都中招，返到屋企屙左兩次，今朝又屙左兩次，好明顯係啲生果變壞左啦！！！有無攪錯，拎啲變壞既野出黎賣，嬲到要寫個食評永遠都唔會再黎食！一分都比多佢！

2020年3月12號去左朋友屋企食飯。食飽例牌要食個糖水先散場。咁朋友就話係糖水就附近松記。本身諗住叫鮮奶燉花膠。點知冇曬。跟住問佢仲有冇黑糖薑母燉花膠。佢一話有就落左三個。個黑糖薑母燉花膠勁重薑味。勁辣！但佢夠辣都仲有少少腥味。一定要熱食。凍左應該唔食得。雖然佢只係54蚊。但花膠得一細粒。唔算抵食。所以唔算推薦。但你想食熱既都係唔錯既選擇。朋友叫左個琉璃之戀。名就好好聽。但食落又冇乜特別之處。下次睇下啲人叫咩我先再叫先得。

2020年3月22日因為行完山，食完下午茶，冇野做。所以約左幾個朋友上去個朋友屋企食飯！食飽飽就係度吹水。吹吹下就成11點幾。就諗坐出去食埋個糖水就散場。跟住朋友話大埔糖水，一係去食松記。一去到松記。冇人等位。直接入得。一坐低諗好叫野食。差唔多叫乜冇乜。之後叫呀姐比我地諗下。最後叫左5樣野。水準非常一般！芝麻糊豆腐花朋友話難食朋友話下次可以試下彩虹。係我地岩岩食完無耐。呀姐就黎收野。好似想趕我地走咁。跟住到我地想埋單走。佢地又掛住食野。要企左係度一陣先過黎收錢。