松屋日本料理 (已結業)

訂左枱都可以冇枱..咁訂來做咩?話說今日同女朋友行黃埔,突然想食松屋,就行去睇下6 點去到問個類似經理的人今晚8點有冇位佢話有,仲留左名, 電話book枱好...之後7點45分去到外面都有幾堆人等緊(都係等8點開始的time slot)差不多8點..個manager就開始叫人佢好take care大枱的人8個10個未得佢都會叫定佢地同佢地講好快得8點05分,我地仲等緊d人逐d逐d入晒去8點13分,d客入晒,我地依然等緊問個經理佢就話: 等一陣好快有之後佢就同個book 12 人ge 講 "d客埋緊單,好快" 12 個人都入埋去啦, 個經理就開始stay 係舖入面再冇理過我地完完全全冇諗過同我地交代其實8點個時我地見到有張2人枱一直vacant但外面除左我地已經冇2個人等終於,8點15分,有2個客突然出現,入左去,佢安排佢坐vacant左個位 (我當你hold枱15分鐘+跟book枱個時間先後入座)全場full晒,都8點3啦,8點埋單的客都應該一早埋完啦?真係火都來埋雖然我係即日book,都知可能會冇位如果你一早話冇位我ok但你又要話有枱你驚有人no-show你咪同我地講full左,不過

聽講呢間松屋食放題好抵食，同屋企人試吓。價錢合理架！每人百幾蚊就可以任食，對於我呢個平時食自助餐只係為食魚生同壽司．．真係覺得抵！見到D菜單即刻停唔到手係咁剔．．．我地三個人叫咗三文魚／壽司，吞拿魚／壽司，鮑片，加州卷，吞拿魚手卷，蝦，螺，串燒（雞軟骨)，多春魚，金菇牛肉卷，中華沙律，蔬菜沙律．．．．壽司夠大件，魚又唔會太薄菜單上面魚生ｏ個行我地剔晒，值得推介既係鮑片，雖然細細塊但好鮮味！蝦，螺，金菇牛肉卷，串燒呀都唔錯．．．．多春魚反而乾咗D中華沙律，蔬菜沙律都好味，中華沙律既海藻唔腥．．．．不過要留意，菜單ｏ個度寫沙律係一人份量，就算你寫數量係3(我地三個人），佢都係捭一碗（飯碗Size)沙律你，份量都係少我記得其實仲有湯麫ｏ個D食架，不過因為我地叫咗好多壽司，所以先冇叫。我地人坐低就叫咗壽司架喇，但係食到中段D壽司先黎．．．（魚生，串燒，金菇牛肉卷好快到，因為ｏ個時人較少)臨走前食咗個綠茶芝麻雪糕，芝麻幾好味，綠茶就唔係幾似我地差唔多６點鐘入去，７點幾就開始多人。順帶一提，座位可能會有少少迫。有機會我一定會黎食過．

為了補返慶v.day,原本諗住去mk果間,但係得9:00後先有位..oso轉場玩, 去左紅磡店食,wo,間野真係鬼鼠得很呀見到係openrice最佳食店, 都應該安全既一入到去緊係點左菜先, 點左之後佢漏左好多單,好多都冇黎羊扒太多肥肉, 雞腎又係太韌, 同埋好多串燒都係冇乜味,好彩台面有支味椒鹽三文魚刺身好食, 特別一提, 汁燒牛頸脊好好味, 同場仲有期間限定的食品, 翡翠螺, 辣味明太子讓雞翼, 炸年糕<<中間係芝士...超正南瓜,茄子,蕃薯,蝦天婦羅不過不失炸物水準都不錯, 炸餃子, 蠔, 海鮮卷, 豆腐, 特別推介芝麻雞翼, 十分香口煙肉車里茄卷,特別的味道牛舌,雞軟骨串,蝦串都一般剩係食串燒已經飽死了, 臨尾加個支豆送酒very good仲係有喜力任飲~!!@@雪糕任食~!!@@服務都ok, 最大問題都是漏單而已,整體來說是不錯的如果你喜愛食串燒上菜速度之高,不是一般串燒店可做到雖則可能是先焗後燒.......

刺身，燒物，Sushi，Tempura，雪糕，小食，拉麵。我最欣賞Ｄ串燒，燒得好入味，壽司就好一般，飯好實同埋落得太多醋，好酸。芝麻雞翼又係好好食，香口，少少辣，手卷都唔錯，雪糕：推介pineapple，芝麻排第二，紅豆排第三，最後係綠茶味。地方有Ｄ迫夾，service黎講都幾好喇！雖然等左好耐都未有我食，但佢地留意到時，就即刻整俾我地食。

琴日同朋友補祝生日...特登book枱去食啦...本來唸住好多野揀...點知...得個3張點菜紙...同埋2張點野飲同甜品...仲有好多我想食既野都無...如果咁既放題價錢...但係無乜野揀...我唸我唔會再黎law...我情願揀間貴d...多d野揀...又好味d既舖頭law...仲有...我地坐個位勁凍...同佢地d人講閂細少少個冷氣...最後都無閂到....

我同朋友去.今次係第一次係度食野款式其實唔係好多，得3張紙煙肉車厘茄.牛舌、雞翼也不俗雞軟骨腸，脆脆地，口感幾得意本人推介 ~~~ 燒羊架咬落裡面充滿肉汁，唔會乾爭爭魚生但款式不太多,好像是四.五款三文魚刺身真係好新鮮肥美重有和食蝦天婦羅, 非常有水準, 食得出係鮮蝦芝麻雞翼超鬆化仲有飲品是免費選擇多最後還有雪榚,最好係芝麻味招呼大多後生侍應,service好好

之前屋企人都係去開尖沙咀鋪,,,食到熟哂,,,介紹埋我地去食之後知道紅磡開左分店就去試下,,,之後就去親都去紅磡分店,,,鋪面各樣紅磡分店都比尖沙咀店好,,,闊落D,,,大D,,,舒服D,,,門口好日本feel,,入面燈光各樣都適合進餐,,服務態度呢,,認真講好難搵到第2間有咁好服務,,好禮貌,,好招呼,,時不時會同客人講下笑,氣氛十分輕鬆愉快,,,食都食得舒暢D!!食物方面,,,質素感覺上好過尖沙咀店,,,可能環境因素影響,,必叫:串燒: 雞軟骨, 白果, 大蔥都算特別,尤其係串燒茄子, 好好食,好香,新鮮熱辣上檯刺身: 特別係甜蝦,好正,,,三文魚,個人最愛,,,各樣刺生都好新鮮天婦羅: 一定要叫蝦天婦羅, 豆腐, 又香又好食!!最好食: 芝麻雞翼(轉左名好似叫餃子雞翼),,,賣相一流,金黃色仲有芝麻係面,見到都流口水!! 燒羊扒, 香噴噴, 唔太羶, 食過番尋味, 試過一次過食左13件!!讚!!其實好多野都好好好好食,,,而家周不時都會去食下,,,強烈推介!!

好耐冇食過放題lu......去朗豪坊睇戲，諗著食旺角嗰間，点知full晒，再問尖咀，又full，只得黃埔嗰間有位，都照殺喇！其實好耐之前 (都幾年喇)，食過中環分店 (依家執咗lu)，啲嘢食都o.k.架！間嘢主要食串燒嘅，可以一試！仲要包埋任飲，所以好抵食！ 刺身好新鮮，尤其鍾意食三文魚、鮑片 & 馬刀貝...... 炸物樣樣都有水準，即叫即炸，熱辣辣！ 燒物：老公勁推介羊扒，我就喜歡雞軟骨...... 菠羅雪糕......勁推介裏面有菠羅肉粒，正！ 總括嚟講，水準都唔錯！出嘢食算快！侍應收嘢都快！但地方就細咗啲......係open rice度，尖沙咀分店係熱店，有機會都想試吓囉！

每次食完, 總會再想下次是何時再去~無他, 因為實在太正太好味了~ 小弟對日式食品十分酷愛, 今次推介的就是吃日式料理為主, 位於黃埔花園的 - 松屋~先講價錢, 兩小時任飲任食只係$150, 說真的現在出面求其搵一間酒店食自助餐也不只這個數目, 但質素實在有很大參差, 但松屋在過去數月我平均最少一個月去一次, 食物水準也保持質素, 值得一讚~ 一坐低和經理打完招呼後, 立即order了刺身熱下身, 雖然唔算太多選擇, 但勝在夠新鮮和肥美, 個人最愛三文魚和鮑片, 正如附圖所見三文魚夠肥美, 比起酒店所起的好太多了, 鮑片雖然看不出, 但同樣極鮮甜好味~之後上的是小弟極力推介的羊架和牛舌, 小弟一向極少吃羊, 主要是怕那陣"穌"味, 但這個燒羊架實在令人喜出望外, 夠肉汁, 吃落十分有口感, 記得趁熱食保證令你回味無窮, 而那個牛舌更是令人讚不絕口, 每次都忍不住叫很多客 之後再來了一些食物, 例如金菇肥牛, 燒秋刀魚, 天婦羅 - 蕃薯/南瓜/茄子, 炸蠔和海鮮卷, 每樣味道都不錯, 尤其以天婦羅質素最高!而我覺得最最最正的, 就一定係蝦天婦羅和串燒菜肉瓜, 前者勁大隻, 食落爽口

一家人同我去預先慶祝生日,選了日式任飲任食先點飲品,除了罐裝汽水,重有幾款特飲如菊花蜜,玫瑰花茶,甘桔檸檬等等,算多選擇刺身,選擇比較少,沒有甜蝦和北寄貝, 每款叫了每人兩片,其中只有三文魚, 馬刀貝好爽口和鮑魚好一點, 刺身總括都新鮮壽司, 叫左甜蝦壽司都ok手卷, 叫左牛油果軟殼蟹手卷都ok串燒, 有牛舌好正,雞腎,雞軟骨,栗米,鵪鶉旦,蝦,鴨肉荵串,冬菇好鮮味等等炸物:天婦羅蝦隻蝦都幾爽,南瓜,蕃薯,,炸蠔就麻麻,係厚粉少少熟食: 芝麻雞翼沒有什麼特別,熱辣辣,豆腐炸得麻麻,其他如炒野菜等等都ok雪糕：４隻味都好好食，每隻都好夠味,尢其係芝麻～服務：服務員態度亦好, 收碟好快, 食物來得都幾快*總括來講食過這次,都會再去

小弟四圍食野就食得多喇~~呢個係第一個寫既食評~(因為之前太懶...)小弟係松屋既食堂fans~食堂即係每星期總有一次去食野~次數如飯堂~以前都係幫襯開尖咀店的...廢話唔講咁多啦~~(我做過飲食業,除食物本身外,對服務要求更看重)幾個月前黎黃埔店...食野同服務真係...唉...........所以一路都無返黎...好耐無食過松屋...咁係24號我有個朋友生日,果日下午忽然心血來潮又聽聞黃埔店換左人所以就帶生日果隻+佢老闆黎食野啦~~頂!!!伙記們的服務...搞到老闆唔捨得走...= =哈哈~~tum得佢太開心了~~同埋d食物質數幾級跳~~~第二日25號~~女友仔放工話想出街食~咁我又忍唔住...不如就食松屋啦~咁就過左去~一入到去~哈哈~熟識的感覺~熟識的味道~仲要係每個server既service都好好~(唔會用waiter黎形容佢地,因為佢係真係好主動~)仲有個經理服務真絕頂一流~我未見過有一個經理會可以做到每一個客走既時候會同佢傾多二句先肯走~~~佢係第一個!!!之後食物上台~好快手~一食~魚生: 好得~個切法令魚生口感好好~同埋好新鮮馬刀貝: 不嬲都係咁正~~大蔥吞拿魚腩手

聽說這餐廳的放題很不錯, 於是便和數個朋友專誠坐車到黃埔一試.餐廳位置較為隱閉, 找了半天還要問保安員才發現它的位置. 老實說, 門面不算光鮮, 感覺一般.閒日的晚上也滿坐, 坐位很窄, 店員服務態度有待改善. 點了各款不同食物, 主要是串燒, 味道是不錯, 不過若是要老遠從其他地方乘車來就不必了, 尖沙咀旺角銅鑼灣也有不少同類型同質素的放題餐廳. 手卷方面, 點了牛油果軟殼蟹和大蔥吞拿魚, 牛油果和吞拿魚少得可憐, 差點要拿放大鏡才找到它們! 我們點了一客中華沙律, 怎料份量不是一客, 而是一口! 一口便吃掉了整份放左醬油碟的中華沙律! 刺身不算新鮮, 這樣的價錢在黃埔之外範圍外也有不少選擇 串燒是有水準的, 特別推介雞腎和雞軟骨, 燒雞翼也值得一試 飲品和雪糕都是一般, 不能談得上好!每人 $168 另外再加一, 還要專誠坐車過來, 算不上有驚喜, 但如果是住在黃埔的朋友, 不妨試試.

呢個月第3次啦真係太瘋狂啦沒辦法真係好食雖然出銅鑼灣方便好多但這裡的服務人員同出食物的速度和熱度都好過銅鑼灣今次食第一個round即係6-8, 坐落都爆我們主打串燒牛俐, 翠玉瓜,羊扒,雞骨腸, 燒蝦天婦羅蝦都係必選仲有免費飲品包括柑桔, 菊蜜和日本啤酒任飲 紅豆雪糕幾時都咁好味芝麻綠茶就時濃時淡呢個價錢有呢d選擇真係極品

今日6 點倒去食 第一round 既時間去到果時唔多人 waiter 仲多過客一坐低就同我介紹有ｄ 咩野係包既但係冇茶 要叫佢 先有人倒杯俾我由於一開始冇咩人 好快就有野食刺身 三文魚幾好 但係吞拿好似差左d 有小小血水咁另外 仲叫左劍魚同立魚 都係ok 既壽師 一般la 冇咩特別但係d 手卷差小小 紫菜唔夠脆 小小un un 地串燒方面 幾好既 好多選擇 味道亦都唔錯熟食泥講 天婦羅 蝦好好食 茄子都ok 但係蕃薯就麻麻 好硬有個咩海鮮卷 可能我放係度耐左d 咩 個皮淋左 唔好食個炸蠔唔錯 餃子一般 但係就多油左小小 另外燒豆腐都幾好食拉面都有幾款 我叫左個叉燒拉面 一般la野飲好多選擇 有汽水啤酒 另外有荼同菊花蜜 柑桔蜜個柑桔蜜好濃 好甜 不過都幾好飲既 菊花蜜都唔錯最後係雪糕 有芝麻 紅豆 綠荼同波羅 食晒4 款 幾好食 不過有ｄ 冰埋單148+1 ok la 我走果時都幾多人 差唔多full同埋就係 個場d 檯都放得幾密所以 都有d 嘈...不過 服務都幾好 上菜 收碟都幾快