東記上海麵

营业中

休息中

細個讀書時成日去世記食lunch, 放假得閒當然要去回味下, 當日中午去到依然十分旺場, 自己搵好位之後就叫阿姐落單, 人雖然多, 但阿姐好快已經送到來, 熱氣滕滕, 未食已經流口水!雞翼豬扒湯河係必點動作, 炸到皮香肉嫩, 非常juicy, 湯河同肉分開上唔會整到雞翼豬扒稔晒, 呢個位真係好好, 另外朋友叫墨丸河和上海面都好好食, 加配埋少少辣椒油真係正到不得了! 價錢當然比以前讀書時貴左少少, 不過仲係物超所值, 呢個味道仲要係由細食到大, 回憶真係返晒來!

主角炸豬麵，雖然脆皮較厚，個質地有d似手信既牛肉乾紙，當然呢個薄好多啦！豬扒無乜肥膏架，咬開就係肉，厚厚豬肉味香既豬扒！豬扒既肉汁經炸過後仲可以鎖住！質素好高既豬扒呢！

網上評價呢間上海豬扒麵10分出名，當日懷着好期望的心情去試試，但實際上令人10分失望，豬扒一早炸好，因為咁樣令到啲豬扒凍冰冰，豬扒除了夠大塊外，豬扒肉10分鞋口。講到啲上海麵重令人激氣，首先係啲上海麵又梅又爛，係我食上海麵咁多年第一次吃到咁嘅。佢哋招牌寫住上海麵，招牌有寫住分為米線、幼麵、粗麵。我朋友有叫個幼麵，但你估唔到所謂嘅幼麵保廣東式的幼麵，雖然這個幼麵麵質可以接受，但已經不是上海麵了。總括嚟講佢以賣上海麵出名，但兩樣都不符合水準。唔去幫襯絕對冇損失。

一場入到大埔，睇定有咩美食，見東記算高分就去試試，可能星期日關係，現場充滿等位人士，各舖位有自己檯椅，如想快點有位可坐隔離茶記位幫襯飲品就可以叫東記嘅麵，唔知係咪多人，做到啲呀姐唔得閒落單，同佢講野冇咩反應，落單後仲話要等四十分鐘，心諗有冇咁誇？！最後等左三、四個字就有得食叫左雪菜豬扒粗同雲吞豬扒粗啲粗麵煮到好淋，湯底同豬扒都係冇咩味，特登去食我覺得有啲失望😞，只係雪菜味道唔錯，雲吞如果唔係又係煮到個皮淋哂都ok嘅🙄⋯⋯

東記世記，新街市長期爆滿的兩家麵店，大部分來的都是來一嚐再嚐其令人欲罷不能的雞翼豬扒～我個人比較喜歡東記的雞翼，他們跟世記味道很像，但炸粉比較薄一點，所以沒有世記般厚，更愛這口感。每次來都是從雞翼豬扒雲吞中三選二，今天很想啖啖肉，所以點了碗雞翼豬扒上海麵。上海麵軟硬適中，湯很清，光是麵條就很不錯。再來主打，皮薄香脆，是那令人想念的味道！還有那醃過的味道，很香很撼動味蕾，冇得輸～～～今天同檯還有個從將軍澳遠道而來的阿姨，她說專程過來大埔找好吃的，果然是同道中人呢！

自出娘胎就住在大埔，可是卻從未吃過大埔名物東記炸豬扒原因是小妹住在市中心，步行到舊墟動輒要二十分鐘以上，重點是本人實在可以hea的話，不會郁所以舊墟對我有如過海一樣遙遠啊可是這幾天突然秋風到，感覺適宜遠行，終於把心一橫來吃一下是日東記對出座位爆滿，找座位時有位女侍應詢問「食豬扒麵？飲唔飲嘢？」回答了會點飲料後，便被安排坐到隔壁城仔記對出座位我們想應是如會幫襯隔壁，該店則會出租座位的概念吧後來該侍應也連帶銷售了奶醬多正正常常的奶醬多，多士烘底還可以不過單點飲品10-12元，加4元有多士做套餐，感覺好像比較伐算等了二十多分鐘終於送上麵食，米線算滑粗麵不是我喜好，試了幾條，感覺很飽肚有點油香再等了五分鐘炸豬排終於來了一上枱熱騰騰的確實很惹味，沒有什麼炸粉感覺，也很厚切香口帶點肉汁，近骨帶脂肪位置很不錯不過真的要趁熱吃，放涼了有點膩口再五分鐘後雞翼也到了本來主要想吃豬排，沒想到雞翼才是驚喜可能因為大小適中，炸得皮脆肉嫩，醃得也很入味而不過咸以30多元一碗麵，無論份量味道也很值的只是有了這次經驗，下次會早點去等位就是了因為三杯飲料加一塊多士的價錢，已經可以多點一碗半豬排麵了順帶一提食量不大的朋友

東記豬扒麵喺大埔墟街市非常出名，好早就會關門。大約四五點就已經冇得食。佢既即炸豬扒同雞翼真係冇得頂！一個豬扒麵大約＄33 蚊，麵可以揀粗面，油面，河粉或者米線。配料可以揀牛丸，雲吞或者出名嘅豬扒同雞翼！我就當然叫雙拼豬扒雞翼，豬扒好出色，夠大件，唔會多炸粉。我認為雞翼好食啲，因為雞翼裏面好Juicy，好多肉汁。單拼有成四隻，雙拼就有兩隻。真係好好味！我朋友就鍾意食榨菜，佢啲榨菜亦都好好味，唔會太鹹，配埋個油麵冇得頂！能夠30幾蚊食到即炸嘅雞翼同豬扒，好唔錯。

網上話哩間最出名係豬扒但其實亦可以揀雞翼所以我同朋友一人叫一樣而另一個餸 我地兩個都揀左炸醬炸醬好香 仲加左辣椒絲 好惹味豬扒同雞翼都超大份！ 仲即叫即炸！豬扒係滿滿一碗雞翼有四隻大雞翼我個人中意雞翼多d不過兩樣都好值得試

呢度嘅邪惡豬扒同雞翼， 久唔久就掛住佢 。上一次係幾個月前來食過， 今日再食都唔過份喇。東記喺新街市二樓 ，之所以叫做新街市， 係因為以前有個臨時咗N年嘅臨時街市， 新市政大樓起好，街坊都叫佢做新街市。佢地係臨時街市果陣我已經食過，不過唔記得咗係東記定世記(兄弟幫)。搬咗入嚟新街市， 東記有地勢之優， 上咗escalator 行入去過幾間就係。世記再要行入幾間。 我通常都會喺呢度食， 今日照舊嗌咗豬扒粗麵 ，叫咗先記得呢度啲粗麵勁淋， 但係次次都口快快叫咗，其實想試下米線或者米粉。平日兩點零鐘， 唔使等位 ，炸豬扒即叫炸，等咗十分鐘左右， 有得食喇。豬扒切開大概六件， 分開上，唔會浸係湯麵度淋哂。豬扒保持水準， 炸得好香，肉質夠鬆軟 ，又惹味， 啖啖肉 ，好邪惡。啲麵講咗喇 ，一咁淋， 啲湯都平平無奇， 喺呢度真係食炸豬扒同埋炸雞翼呢度冇嘢飲叫， 如果想飲，就要喺隔離茶檔叫過嚟啦。記得上次星期六嚟， 好彩揾咗一陣就有位 。但係跟住個豬扒同雞翼麵要等成30分鐘以上， 如果假日去食， 就預咗等咁耐喇。

其實之前都黎食過 因為呢間勝在大件夾抵食 於是再次幫襯 可惜大不如前 叫左個豬扒麵 豬扒就真係好多 多都會食唔哂 但好乾 食落好"蟹" 麵都係普普通通 總括黎講 而呢個價錢都尚可接受

以前學生時代成日同家人專登入大埔食豬排麵，今日難得得閒，就同家人入黎懷緬下。照舊，豬排粗麵，家人就叫左豬排雲吞粗。豬排依舊保持水準，外脆內嫩，可惜粗麵令人失望，林過頭，反而個菜芯好甜好林。雲吞就真係好普通，個餡好散。果然係豬排專家，得豬排好食......不過為左豬排都值得專程入黎大埔食嘅！下次食豬排雞翼雙拼先~

已經係第N次食佢既炸豬扒上海面啦我以前住西貢，依家搬到去黄大仙，都會山長水又遠咁過黎幫襯佢既炸豬扒上海面因為佢真係炸得好鬼好食，又唔會炸到好油好乾咁，食落口真係仲係有啲汁同酥既口感。總之好好食，一試難忘個種而且又大份，抵食又好食之選啦佢可以雙拼，我通常先叫一份炸豬扒，再併雲吞，或者雪菜。佢既雪菜唔係茶餐廳食開，罐頭個種，係新鮮做既，唔係度度都有得食架，都好好食。雲吞就係正常既上海雲吞呢間鋪唯一美中不足既就係佢無包餐飲，要飲嘢既，可以散叫隔離鋪頭既飲品，但要正價囉

大埔墟街市熟食中心有很多買相似東西的店子，除了魚蛋粉外，買炸豬扒雞翼上海麵的也有「世紀」及「東記」，兩者中我較喜歡後者。雖然「東記」也賣上海雲吞同炸菜肉絲等配料，但相信十個有九個都為了其炸豬扒同雞翼而來。今天也是食炸豬扒雞翼米線。即使不是淨食呢兩樣東西，只要你order的麵中有二者其中一樣餸，店家也會分開上，唔食將香口的東西浸到軟晒。呢店的炸豬扒夠厚身，真的是啖啖肉。而且質地唔會軟pat pat，唔計佢冇用太多鬆肉粉等添加物吧。雖然肉醃得不算好入味，但邪惡的誘人魔力仍非等閒。炸雞翼是雞中翼，同樣是啖啖肉，但稍嫌個脆漿厚了少許。唯一要扣點分是米線的湯無甚味道。不過，由於主角豬扒的實力頗強，加上價錢便宜，總算可填補這弱項吧。

好多人都鍾意食呢度嘅豬扒麵，貪佢大份又抵食，但我就鍾意食佢嘅雞翼麵同埋炸醬。佢d冬菜真係好好味。豬扒好大塊但我就覺得比較乾身，雞翼肉質比較嫩一啲，我比較喜歡❤️一碗麵雙拼＄34，咁嘅價錢都好難搵到架啦而家。

由於小妹家去大埔要1.5小時 仲遠過以前返機場✈️所以平時冇事都唔會黎 但工作需要就冇計😞既然入左黎緊係要睇下有咩岀名既野食啦------------------------------我1410去到都仲係勁多人好彩我一個人易搵位 但1410落單佢已經講定:冇咁快呀 要25分鐘😧結果我等左半個鐘 1440先有得食------------------------------單拼雙拼同價 如其中一餸係豬扒or雞翼就$34冇就$26 我要左菜肉雲呑 豬扒 粗麵🍆菜肉雲呑食得岀好油膩 唔會再叫🍖豬扒好香 好鬆化 果然係招牌👍🏻因為只有薄薄一層生粉 所以就算係即炸都唔太脆但好處就係冇咁吸油 冇咁油膩 仲好大塊😋🍜粗麵佢係上海式粗麵 唔係鹼水麵但煮到好爛 一咬就碎 少少彈性都冇😓------------------------------我應該會再食 因為真係幾抵食不過會試下牛腩牛筋😛(有充裕時間既話)