東花房 (已結業)

昨天lunch2人來,叫咗 : 1) 白豚肉壽司-友人唔食生嘢,全部比我包辦-ok2) 番茄白酒煮蜆-d蜆size唔細,全部開晒,唔"un",有鮮味-個番茄湯底用上了車厘茄+正常去皮番茄,小酸帶甜,雖然食唔到有酒味,但good3) 芒果帶子蘆筍沙律-有蟹籽,蘆筍,薄帶子片,芒果片同芒果粒,青瓜條,生菜,紅蘿蔔絲-除咗個帶子無嘜鮮味同口感之外,其他材料全部好新鮮,而且個芒果仲好甜添-個醬喺好似d胡麻醬,唔"杰",不錯4) 西班牙海鮮燴飯-都幾大碟-d海鮮質素1般,無咩味,d蝦好透明吓-但要讚喺個飯,喺用野米嚟煮,唔欺場,煮得只喺有口感,不用咬勁,估計適合港人口味5) 芝麻豆腐糕(送)-ok,勝在夠滑- 中午入到去1個人都無,但食到中段,學生就嚟啦- 點解個subject會寫終於食到呢,喺因為此店個午市,越開越遲,以前想食咗幾次,有次直頭帶埋幾個友人,點知門口落半閘,好唔好意思咁同咗佢地去附近嘅稻x- 今次就到12.30pm,先致電confirm咗先- 其實我target呢間日本食肆好耐,因為佢喺半私房菜,元朗之友曾試過晚上嚟,叫老細介紹,比埋佢寫菜,當然老細會問清楚你想食d嘜,唔食d嘜.

聽人話呢度值得一去,本來幾日前想去食Lunch,不過去到仲未開門,所以尋日特登走去試吓外邊望落去以為好細,誰不知佢有個偏廳,老細話涼D,但係都係唔多夠冷氣.個老細見到我地笑容可躬,而且好主動,不過個人意見覺得佢個樣似古蠱仔,所以有少少得佢笑容鬼秘.座低個待應放低左二大碗前菜,仲以為佢送錯,因為實在太大了,原來係免費既,咁都定少少落左order,最先上既係花之戀同北寄貝手卷,無甚特別,標準日本餐廳質素,不過之後個白酒煮蜆就真係唔錯,因為煮到啱啱好,而且有酒味同鮮味,我地食到只剩蜆殼,乜都倒晒落肚之後上個中華冷麵同燒青魚,冷麵就略遜,因為太多汁了,但青魚夠大條,以為佢成條燒,我要反下佢先知原來係半條,而且燒得啱啱好,唔錯最後上個甜品,又係送既,係黑芝麻豆腐羔,都幾好大體上都幾好,不過偏貴

我差唔多每次入元朗都會去東花房食，因為鍾意佢次次有驚喜。我去個到唔會食menu 個d野，淨係同老細講我的要求: 有海鮮，有肉，有菜，濃味清淡各一半，香口kei唔要gum熱氣，係gum，唔該!"老細之後就會就我的要求整...佢呢d'期間限定'的私房菜通常都係fusion..中日西式咩都有..我試過有一款係有d魚包住d雜菜+唔知咩肉，再用d芒果汁一齊上....wa..好味到死!!同埋你叫佢上私房菜的好處係佢會就用餐人數去上餐，所以從來唔會有個d 四件大蝦五個人分的麻煩場面...雖然叫菜個時唔知價錢，但係埋單個時又唔會好貴，我識得勁豪都未試過每人比多過$160一般唔食海鮮的話，每人$60-80都無問題同老細記住扮熟，佢就會比10% off ka la!(p.s.個老細好好'嗲'ka)不過唯一唔係甘好就係東花房上菜真係比較慢，勁hungry 唔好去，但係如果同朋友一路傾計一路食，都無大問題kei...

我日日lunch都要去食蕃茄芝士海鮮焗飯~好好食呀! 不過d芝士粉過期左呀....老闆好好人呀~佢俾個雞尾飽我食仲送支芝士粉俾我仲有送多球雪糕,人地一球我就有兩球~哈哈

星期三去了東花房食，比平時多人，book 了位也要等5 分鐘左右可能因為咁岩有兩大棚人係處啦2 個人叫了雜錦剌身飯、酒煮蜆、三色烤羊架同兩隻大閘蟹雜錦剌身飯︰唔錯，都有幾多剌身，亦都夠新鮮，唔會話因為係雜錦剌身就好差酒煮蜆︰d 蜆好好好大隻，有... 60 cm 啦，不過唔係好入味，下次應該唔會再叫三色烤羊架︰其實已經食過好多d，不過真係好好食。有三種色︰芥辣、黑椒同炸，唔會好"蘇"，一定要試最後係大閘蟹(5兩左右)，今年係第三次食大閘蟹，頭兩次係美麗華酒店同屋企，相比之下，東花房既大閘蟹蟹肉方面無咁好味，只算係不過不失，但蟹膏就好好食，只係未起得晒，唔係太多膏。前菜(送的)大豆芽+千島醬沙律，我本身唔仲意食大豆芽，都覺得幾好食，千島醬沙律，d醬少少酸亦好醒胃，最後都會送甜品，食左芝麻糊豆腐，好滑又唔係太甜，另一個菠蘿雪糕，有菠蘿肉係入裡(聽老細講係自家製)由於上菜速度比較慢，每樣野之間起碼要等成10 分鐘，好在有電視睇下，是餐食左兩個幾鐘老細好健談架，基本上佢係咪都會比九折呢個位置，唔係熟客都好少會去，建議大家下次去田中呀、麻布呀都無位時，可以試下去東花房，無介紹錯架

朋友話好似幾去食~咁我地4個人就去試下啦~去到~其實都平日~不過都多人~沒人招呼我地~問佢有咩介紹~佢就介紹個咩付皮唔知咩~點知食哂野都仲未黎~我地問個老細~沒付皮啦~咩沒人同你地講咩~叫甜蝦~講真吉之島206隻仲好過佢~個個牛肉飯~成120蚊~的牛肉-.-係本地牛~唔好食~人地隔離叫的貴野就好服務~我唔會在去

又是我. 掙扎良久, 不知寫好, 還是不寫好.看完伊莎貝拉, 其實想吃葡菜, 但一時想不起路邊. 朋友想吃日菜, 麻布十番嗎?等二十張檯. 田中嗎? 七十七張. 躊躇一陣, 不自覺踱到東花房去. 朋友自然覺得很隔涉.給老細出了道難題. 菜式絕不能跟上週一樣.重遇芝士鴨胸豆腐, 是悸然的, 還是昔日的美味. 那一個以天桃盛著焗的松子木瓜雜碎兒, 是另一個出色的水果菜. 三文魚刺身較為失色, 脂肪略多, 也不算很鮮甜. 還有一個西蘭花甚麼的...兩個人, 呆在電視旁, 看畢金像獎全場, 幸而沒被趕扯. 如果．愛大勝, 可恨輸掉了剪接.

為期一個月的賀壽活動, 由best of the best friends壓軸.由舊址到新址, 由勝兵衛變成日本燒烤, 由90分至60分至30分. 那邊廂, 舊址靜靜起革命, 勝兵衛重臨, 改名為東花房.雖然餐牌上還有最愛的海鮮燒餅和芝士鴨胸豆腐和香橙帶子薯蓉, 但餐廳改行私房菜路線, 還是入鄉隨俗, 由老細發板.第一道菜, 炸腐皮包魚碎飯. 腐皮清甜, 脆而不油膩. 魚碎和飯味道不濃, 但襯托下顯得很突出.第二道菜, 炸南瓜蝦. 南瓜條外型十足薯條, 但甜味明顯較濃, 和蝦同炸好看又好吃.第三道菜, 提子汁X魚火腿卷. 魚微腥, 但還是好吃之作. (唔好意思, 食唔出佢係咩魚.)第四道菜, 芝士焗黃西瓜雜菜盅. 芝士是重點, 不可或缺, 否則過度清淡.第五道菜... “老細, 等咁耐, 坐飽喇, 唔食喇. ”“你地唔係仲有一個人黎架咩?”“都話唔黎咯, 咪講左囉”老細發福少許, 依舊多口, 還自誇不會老. 可是記性差了不少- 明明一個豆腐糕兩個芝麻雪糕, 重覆三次還是兩個豆腐糕一個雪糕. (最後又多送一個雪糕=D)得到Secret wish, 我也有我的secret wish呢.