東海酒家 (已結業)

BB滿月,一家人食餐飯，諗住東海價錢較貴，質素都唔差，點知仲差過樓下稻香。 我哋叫咗個 佛跳牆全包宴 成4000蚊。點知來個變壞咗嘅佛跳牆湯，11碗變酸，得一碗正常，衛生超差 同經理講，佢話換個瑤柱羮俾我哋， 梗係唔得啦 瑤柱羹果個餐平千幾蚊！經理話叫厨房再做過啲佛跳牆， 我哋諗住算啦。點知嚟到碗碗都係冬菇水 質素超差！其他菜式質素普通。唔怪之得晚巿咁少客啦！以後都唔去！又貴又唔好食！

於25/9 去到青衣東海酒家食晚飯，一家三口一入門口見到一個玻璃櫃擺放咗數以百計大閘蟹在內，我心諗咁早食大閘蟹得唔得㗎！坐低諗住叫幾個餸食完就走啦！點知望望隔離枱，個個起度食緊大閘蟹，見到個副經理Alan 行過即刻問問大閘蟹質素得唔得，個答案大家知緊係得啦！我信就奇但又見咁多人食，於是叫兩隻試試，一試又真係得喎！仲係六十幾蚊一隻大閘蟹，又肥好肉又夠膏真係掂。食過返層味，噚晚再去，Alan哥介紹個大閘蟹套餐$388比我哋試試每個飱有兩隻大閘蟹，我叫咗兩個套餐三人食，結果飽到仲要包走一隻大閘蟹，三人行八百幾蚊埋單真係超值。個套餐其中一味餸是煲仔蟹粉法包多士，值得推介。服務又好，我哋食大閘蟹食完一隻蟹就換一次碟，清理枱面然後先再蒸一隻比客食，我都是第一次食大閘蟹咁樣比人招呼，食蟹d飱具又真係好靚。食完埋單多口問問Alan 哥，點解d大閘蟹質素咁高，佢話集團自家來貨。咁真係掂掂掂！

 趁假期偕小友回老家探探爺爺嫲嫲。同場還有同樣正值放暑假，越大越見可愛的小姪女....來到老爸的地頭"東海"，他每天早上都會來吃個一盅兩件的。今天早晨剛來過，相隔好幾小時後又再來食過，可真是為難他....差點時候來到碰巧未能遇上午茶時段，所有點心都仍收正價。不過為了要預留多點時間回家好讓兩件化骨龍玩一下，也就無法遷就得太多啦....肚子未算太餓，但以我們一家的規例，依舊是叫至滿檯都是食物。最後還是要包走那一大碟差不多沒有動過的福建炒飯....一囗氣點了一大堆東西 :椒鹽魷魚鬚上桌前已是冷掉了....試問這又會好吃得到哪裡呢 ? 外皮軟塔塔的，裡頭的肉又韌如橡筋....唉....黃橋燒餅當年這裡的一道掛頭牌的點心，但現在卻已今非昔比 ---- 外皮太厚又乾，餡料亦是糊糊的，完全分不清楚是甚麼肉或其他配料藏於其中....炸牛肉餃皮同樣不夠香脆。餃內塞滿了平常加入了馬蹄粒的"山竹牛肉式"餡料。感覺頗新奇的但絕對談不上好吃....煎蘿蔔糕吃得一囗是粉之餘又沒有臘味香。驟眼看上去好像完全沒有煎香過，入囗自然也是一如所料，是油淋淋的....肴肉只用兩個字便可概括這碟東西 ---- 那便是"太鹹".

今年仲未食大閘蟹. 即興係青衣城間東海叫最平的$348(兩位起)餐.呢間東海長期有位從未爆滿. 已經預咗唔會係好正. 個餐又最平. 心理自行調節降低要求.講下個餐包咩:蟹粉小籠包1隻鮑魚佛跳牆大閘蟹2隻 (逐次上)蠔皇海參花菇蟹粉蒜茸飽2件濃湯時蔬獵味粒蒸飯薑茶湯圓食物質素方面蟹粉小籠包: 無蟹粉味. 預咗.鮑魚佛跳牆: 超細飽魚仔, 可以啦, 個湯味係冬菇水, 好清, 唔飲曬無損失.大閘蟹2隻 (逐次上):超細隻, 2両吧. 咁細無咩肉無咩膏. 當係攝下牙. 蠔皇海參花菇: 海參有半條, 好爽, 無味. 花菇正常.蟹粉蒜茸飽2件: 飽已經涼咗, 林咗, 蟹粉好油有少少腥濃湯時蔬:芥菜, 一般獵味粒蒸飯: 味唔錯, 幾香.薑茶湯圓: 都OK, 三粒細細粒.服務方面態度沒什麼問題. 廚房一次過出曬同一款食物, 自然影響其他菜式上檯速度. 次序打亂, 食到中段要催.免加一茶芥. 算係咁啦仲想點.雖然主角蟹君唔出色, 但一分錢一分貨, 滿足我樣樣都想試下的慾望, 合格的了. $5XX果個餐就唔駛考慮.

整個青衣城裡,東海的價錢算是最高,如圖示的石鍋和牛飯,連加一差不多$100,基本上每份點心味道都OK份量正常。同價錢"吻"合，不過在賣相方面就係咪普普通通......石鍋和牛飯味道唔錯,不過因為個石鍋不斷令D飯好快變成鍋巴,質素影響左@@燒賣夠大粒,口感亦唔算乾身，尤其係外面黃色既皮,濕度OK!最推介佢個雪山又燒包，外脆內軟,又燒既比例又OK,莊本上我地次次都係每人叫一件!!!! 

青衣城有好幾間酒樓，不過除了稻香，其他都沒有幫襯過。今次選東海，純粹因為酒樓門外有壆位可以邊坐邊等(其實嚴格來說是不可以坐的喇)，等的時候比較方便。早上10:30取票，等30分鐘左右，尚算可以接受。酒樓的頂點$29，大點$25，中點$21，小點$17，茶芥$10位，另收加一。與屋邨酒樓杷比，價錢一定不算便宜。雪山叉燒包白雪雪，非常貼合其名字。樣子有點像鮮奶球，表層脆脆的很香口，包身有點扁，咬開便見內裡的叉燒醬流心，非常誘人，不過叉燒餡料有點少。馬拉糕看似簡單，其實用料多又要做麵種，是很考功夫的傳統點心之一。東海的馬拉糕雖然算不上很鬆軟，也不算細嫩綿滑，但至少無嘔心的倒汗水，亦沒有嚐到有麵粉粒，所以算是合格。韮黃鮮蝦腸粉，外皮做到透薄嫩滑，不錯﹗鮮蝦肉厚爽口，隻隻都要比五蚊銀還要大，可惜毫無蝦味，所以不能稱為「鮮蝦」，極其量只是雪藏貨。另外，腸粉裡面雖然放了韮黃提味，但份量較少，味道很淡。很喜歡牛肚，小時候以為牛肚就是肚腩，再大一點才知道牛肚不是牛肚，是牛胃才對。牛胃又分4種，跟許多人一樣，最愛金錢肚，因為它的口感最Q彈，不會只是一味爽口，煮起來也不易爛透。這兒的金錢肚算是入味，而且微辣

3:30 PM 去下午茶, 4:00 已有女員工二次迫客找數, 還威脅如4:30 PM 不計數, 單會用正價計, 我D野食叫了未來齊, 也未到 LASTＣＡＬＬ　所以吾找數住啦，　哈　！４：１５　ＰＭ　佢竟然關了我們頭上的燈　！我即向女經理　ＣＯＭＰＬＡＩＮ，　佢竟說D燈要休息。　咁叫解個場其他燈吾息呢　？！　只關我們頭上個D　？？　左右還有四張枱在食當中，　全場有十多枱未走，　女經理完全冇道歉，　４：３０ＰＭ　叫佢找數，　剛才說冇貨的蛋橽，已提醒她們兩次在電腦取消，　又冇取消。青衣城分店完全冇東海的好本色　！入了我的黑名單

家庭晚飯，四人去了東海點了近來做優惠的半邊龍蝦伊麵底($52), 但味道唔得，龍蝦肉唔新鮮仲有點霉，啲伊麵。。。。真係啞晒。。。雖然都唔預有好多，但都唔係少到得幾條好似拌碟咁呀。。。清蒸鮑魚就 ok 啦，算係有刷過個邊算乾淨啲乳豬唔錯($58)，唔肥，啲皮夠薄夠脆，好味炸九肚魚就唔得，炸漿太太太厚了，入面又油林林，食完一條都唔想食第二條了整體食物真係麻麻地。。。

不時同男友去青衣城食中餐，多數都會選擇稻香，但今日見稻香好似無咩啱食，咁只好周圍睇下，見東海有優惠，咁就入去試下，可能得兩個人，即刻有枱，吾使等。坐低後，睇下食咩好，見佢有優惠，當然吾放過香蔥農家雞(半隻) - 真係雞有雞味，好好味，雖然得半隻，但都好多紅燒煲仔翅 - 只係要左一份，但翅嘅份量都相當多，一梳梳的翅針，而且好濃味，吾使加醋都好好味香酥炸生蠔 - 一份有十隻，初初諗，應該會好細隻，但原來都吾係，隻隻都幾中等，而且吾會係麵粉多，真係皮簿餡靚。不過就熱氣啲，食完喉嚨有少少痛，或者下次要佢俾沙律醬，我諗會仲好味東海壽桃麭 - 因為太大個，都係只係要左一個，嚟果陣熱辣辣，麭裡面的蓮蓉餡與鹹蛋黃好似流出嚟咁。。。真係好味。。。食完之後好滿足至於服務，都吾錯，待應會有講有笑，傳菜又會好主動去問你要吾要飯等等。。。第一次食東海，成個印象吾同晒，好味，抵食，好滿足。。。。唯一美中不足，就係地方太迫，差不多係枱貼枱。。。坐得幾辛苦。。。

近日得知「青衣城」正有一個大型微縮情景模型展覽舉行中，一向興趣多多的自己決定拉著老婆仔陪自己一起去看。在觀看展覽前，當然要先行醫肚啦！於是便在這間「東海酒家」先吃晚飯，等吃飽之後，才好整以暇地慢慢細賞展覽場中栩栩如生的各個微縮模型。這晚酒家內正有兩批人在擺酒宴客，一邊是擺壽筵，一邊則是擺百日宴，一老一嫩，各自慶祝，相映成趣，但正因為這個緣故，酒家內可供客人吃晚飯的地方大為縮減，結果我倆才不過輪候兩張細枱吧了，竟然等了差不多半個小時才能入內用膳，可真令自己等得有點不耐煩。幸好這天晚飯所吃的餸菜水準還算不錯，等候得來都算有價值。其實之所以會幫襯這間酒家，其中一個原因是它為了慶祝三十周年，所以推出了多款特價菜式，看來頗為吸引、抵食。現時它推出的已是第三彈，特價的菜式包括「紅燒煲仔翅」、「香蔥農家雞」、「海蜇乳豬件」、「蠔皇原隻鮑魚花菇」等六款。既然這樣，反正「青衣城」內大部分的食肆在周日的晚上都要等候好一段時間才能入座用膳，那便幫襯它吧！在多款特價菜式中，我倆揀選的是「紅燒煲仔翅」（原價$180，現售 $48）和「海蜇乳豬」（原價$118，現售 $58）。「紅燒煲仔翅」（$48）：翅湯雖然稠

大家搬野搬到身水身汗，夜晚梗要整番圍，吃餐飽的補充體力，因要遷就行動不便的老人家，只能去青衣城搞掂。揀東海，是有點私心，因為我想食壽桃。都懶得去散點，求其點個套餐便好了，十個人食十二位餐，真夠飽足，我們選的，是365歡聚宴。由於是最平的一個餐，乳豬全體也沒有的，只是海蜇乳豬件，不過這份乳豬質素不俗，仍是熱的，皮脆也肉嫩，海蜇也算爽脆；翡翠炒蝦仁，用上西芹，和馬蹄，均屬爽甜，蝦仁同樣爽口，不過鮮味欠奉。接著來的發財瑤柱圃，髮菜口感很差，瑤柱也不香，最好吃反而是墊底的西生菜；香酥百花海苔，是熱是脆，但粉漿很厚，蝦膠不太彈牙，甚至混入了像鯪魚肉，好在還有我喜歡的紫菜在裡頭。之後的湯羹明顯有點「師傅到」，不太合心；清蒸沙巴龍躉，可能條魚較大，火侯控制麻麻，過老了；至於花膠筒扣花菇，花膠缺乏膠質，而且完全沒有味道，很一般。脆皮雞是相對較好的，雖然不會有什麼雞味，至少剛炸起夠熱，皮脆而肉也不會韌，即使雞胸位置亦然，算是這樣了。只吃了一丁點炒飯，普通，沒太多話可說，而甜品的紅豆沙，也是平庸貨色，重點始終在於壽桃，隻隻巨大，包皮尚且鬆軟，蓮蓉香甜軟滑，還有原隻大蛋黃，自然吸引。吃得飽飽的，還是早點埋單

今日去飲茶~首先唔講食物質素~只係講門口的知客就已經不值得去試。第一，門口的知客常常同d熟客似熟賣熟~熟客就不用攞飛等位，咁其他人咪有排等~第二，幫客帶位係她們的基本工作~她們竟然懶到一連叫五至六張票好似帶鴨仔團咁~入到去問你幾位就點人去坐~什麼服務態度全無~我已經不是要求她好好禮貌~但至少攞番少少工作應該的態度出黎呀。如果唔係請你返黎做咩呀!我自己入去坐就得啦~今日真的感到好嬲呀!大家去之前請想清楚~

秋風起, 閘蟹肥, 今年仲要豐收~~~往年都係諗住一年食一次, 但今年十月頭見到東海做緊PROMOTION, 一人餐有兩隻蟹, 蟹粉多士兩件, 蟹粉小寵包兩只,ETC我同朋友H就諗住叫多個餸就夠兩個人食..最後我地叫多左個籠仔蒸蝦同薑茶湯丸(因為一人餐得一客薑茶湯丸, 我地兩個都認為大閘蟹係好寒冷既食物, 薑茶有解毒作用, 所以叫我一客係必須的)講返大閘蟹, 佢地只提供公蟹, 因為D膏係林既, 唔係實既, 都係本人既至愛, 上枱的時候, 好熱可見係即叫即整, 唔算太細隻, 應該都有4両, 雖然係公, 但係打開都有勁多膏, 好似奶皇咁既色, 食落口真係似有淡淡既奶皇味, WARM WARM地, 正另外個蟹粉多士比蟹膏更加濃味, 我唔知佢加左咩, 不過將D蟹粉塗上多士一齊食, 一又林又硬既感覺好正, 好好味既呢.總結: LEE餐十月第一閘真係好抵食~~~~

是夜只想淺嚐大閘蟹，所以點了 蟹粉小籠包：每位一隻。餃皮煙韌，蟹味濃、肉汁鮮香偏鹹。 花膠燉桃脂：桃脂質地綿軟，呈半透明狀，口感像西米。主角花膠相對較為失色，吃起來竟帶有腥臭味 ! 江蘇大閘蟹：每位一隻，約三至四兩重。蟹肉雪白結實。蟹膏甘甜，但未見飽滿。 是夜眼見全場大閘蟹都是雄蟹，不是九月圓臍十月尖咩? 薑茶湯丸：一碗有三粒芝麻湯丸，外皮軟滑煙韌。薑茶的薑味濃郁，驅寒首選。 論食物質素、服務水平至用餐環境，大集團照理應有保証；但觀乎是晚表現，此店仍需努力。廚房質素是改善重區，除廚藝外，上菜餚效率真有好大進步空間 ! 全店不足半滿, 竟要用上近五十分鐘先可以上一隻大閘蟹，實難以想像。

既有的 Perception 會影響決擇，某程度上的固步自封是在所難免。想通了其實在 Perception 與重新接納之間存在很大的空間，嘗試拿出勇氣打破心裡的隔閡，退一步原來是海闊天空，雙嬴後的喜悅更形可貴。某天與同一屋苑的田友談及東涌的食肆，她對沮喪的我推介了青衣的東海嘆茶，聽後心裡在冒汗，事關老公和我因工作關係都多次惠顧灣仔的東海，經驗都不濟，對東海自然產生了 Perception 。當天早上，我們帶著一試的心態到達裝修束新的東海，前面還有三個輪候號碼，比預期順利，15分鐘便能入座，而且是被安排在落地大玻璃旁的座位，雖不是維港千萬美景，但充足的自然光線、地面公園的綠草如欣與對開的海景，光坐著已令人心曠神怡。點心紙的選擇不少，總體以傳統點心為主，也不乏創意的選擇。傳統的點心一直擁有江湖地位，講究的工序也是給食肆與廚師的考驗，雞扎是我的喜歡類別之一。賣相不算得上骨子，不經意流露著自家點心師傅的手勢。將雞扎的腐皮解開，東菇、魚肚、肉條、火腿條的基本食材均齊備。除火腿條外，其餘需烹調食材的質量都屬上品。東菇厚身富菇香與彈性、魚肚潤滑有口感、肉條鬆軟嫩滑，當然腐皮在吸取到所有食材的精華後更