東海薈 · 拉斐特 (青衣城1)

营业中

休息中

又到大閘蟹季節～搵到東海集團有大閘蟹4人套餐🦀 每人有兩隻蟹過下口癮又有其他餸食下幾岩我地！望望位置原來喺青衣城拉菲特婚宴場地，商場有免費泊車優惠，宵夜時段8點後有75折，即管一試！🦀大閘蟹•盛宴（4位) 🦀籠仔蒸大閘蟹8隻極品花雕醉雞京滬順嫂魚羮蒜片安格斯牛柳粒茄汁煎大花蝦濃雞湯千層菜苗酸辣肉燥手打烏冬蟹粉小籠包窩心薑茶湯丸（飲品要橙汁）折完後$1487 大閘蟹一共8隻分2次上，咁就唔會搞到啲蟹攤凍變得唔好食👍🏻 套餐標明大閘蟹每隻約5兩，第1 round 屋企人覺得細隻，所以叫職員拎個磅比我地（圖中4兩)員工解釋來貨計繩同蒸完會輕左，反映完第2round明顯大隻些，蟹膏蟹肉亦比較多，蟹膏金黃帶半透明較黏口，正😋其他菜式以簡單清淡為主，最濃味已經係蒜片安格斯牛柳粒&茄汁煎大花蝦，兩款調汁都好入味，反而我覺得上菜速度需要改善一下，九點幾都仲有幾樣餸未上，要吹佢快啲，最後輪到薑茶湯圓依然未見花雕醉雞，我100%相信漏單，見大家都食飽索性叫員工幫我哋打包🏠

好一般嘅大閘蟹餐，d膏唔多，大家千祈唔好為咗貪平來食啊！請唔到唔係真係因為學琴，每個人都要三百幾$400 ，不過以食大閘蟹嘅價錢黎講算係平少少，但又冇乜鮮味，侍應趕我地走，其他送又普通🙄🙄

６月某星期六，放假，到青衣城逛逛，順便吃午餐。媽媽想飲茶，在東海薈取票，叫號速度很快！但叫了號仍不能入座，還要等 <30分鐘，由午餐正價時段等到下午茶時段！點了以下的：#普洱茶，濃而不澀，味道不錯！#胡椒豬肚湯，媽媽點的，不享下午茶折扣，68元/份，份量挺多的，胡椒味很重，當湯水喝有點嗆！我們伴白飯吃，剛好！豬肚沒有腥味，不錯！#上湯鮮竹卷，比蠔油的清淡，挺好的！#臘味蒸蘿蔔糕，比煎的清淡，不錯！#紫薯煎堆仔，飯後一點甜，nice！

又到食大閘蟹的季節，上年冇食，今年要食吓。本來諗住飯局，難得經過有位，一家大小一齊入去食。星期五去都沒有折頭，雖然話85折一至五，不過都不傷我的意欲。先來魚羹，說真的，有點鹹，兩啖俾面。雞就不過不失，小朋友唔食大閘蟹就食雞。小籠包有湯，大細剛好。大閘蟹全是雌蟹，可能啱時令，蟹膏一般，全程沒有換碟。一人一隻，不多也不少。吃不出是和牛😓，吃吓便算了。湯圓好食，口感剛好，糖水有薑味、不過沒見薑。本身不是住在這兒，不知是否什麼級數，比下去服務還差過稻香和明星。下次再食大閘蟹，還是出去遠啲食好了。

來到10月，又是食大閘蟹的季節，今次選擇了東海青衣城分店，四個人去食，叫咗個大閘蟹四人餐，當中套餐主角包括每人兩隻大閘蟹同每人一件蟹粉小籠包🤗🤗🤗一咬蟹粉小籠包的時候，口中感到流出熱熱的上湯，加上有海鮮嘅鮮味，值得推介👍👍👍不過啲大閘蟹，有差唔多一半都是沒有或很少蟹膏🥲🥲，可能我哋去食嗰陣係10月初，未係大閘蟹最靚的時候，所以得一半大閘蟹有蟹膏🙈就算有蟹高的大閘蟹，都唔算多蟹膏🙈

東海薈 · 拉斐特 (青衣城) 📍地址: 青衣青敬路33號青衣城1樓117號舖☎️電話: 23178889❤️晚市8點後入座半價優惠❤️☀️薑蔥廣島蠔 $69有5粒蠔，份量唔算細，唔腥，薑蔥味道可以濃多少少。推薦指數：7/10☀️椒鹽百花釀鮮魷 $69幾香口，外脆内彈，又有魷魚又有蝦膠，抵食，如果椒鹽味可以重啲就更好。推薦指數：6.5/10☀️蟹粉蝦球燴豆腐 $79見唔到蟹粉，食落亦無乜特別，好彩蝦仁爽彈新鮮。推薦指數：5/10☀️椒絲腐乳蝦乾通菜煲 $49得好少蝦乾，通菜尚算鮮嫩無渣，腐乳夠味。推薦指數：6.5/10☀️白飯 $14呢度白飯係用砵仔蒸，幾有特色。

朋友經過呢間酒樓，見到有大閘蟹宴， 呢間未試過 , 所以約埋朋友一齊試食，星期一晚食，因為有 75折。10月6日致電訂位， 佢話要分兩場，一場 5:30 pm，另外一場 7:30 pm ， 因為大家都要返工，最後訂咗 7:30 pm 嗰場。 當晚朋友先到攞位，接待員竟然話，冇我呢個電話號碼訂位， 但係我中途同佢哋聯絡嗰幾次，前一晚我都再打電話去確定過，當我去到再問接待員，我發現我個電話號碼訂位紀錄係到，跟住佢話原來睇漏咗😩我哋 7人分兩枱，要坐門口旁邊。我哋叫咗個六人餐加一人餐。大閘蟹唔係好大隻，不過都算多膏。小籠包同其他食物味道一般， 拎到嚟都唔熱， 同埋啲單好亂，侍應唔知邊D到咗，邊D未到，要再三追單，等咗好耐先會有第二味餸。 隔離枱直情埋咗單，先發現糯米飯未到，結果外賣拎走。😩呢個糯米飯又淋又冇乜餸。最差個湯圓，又唔熱，又冇薑味，啲湯圓又麻麻地。D侍應真係要再培訓一下，啲單又亂，問佢哋，就幾個侍應係喺你旁邊，互相呱呱嘈。😒

跟朋友一年一度的大閘蟹蟹宴，今年選了在青衣城的東海薈，大閘蟹套餐包括 :籠仔蒸大閘蟹 (每位兩隻)、茄汁煎大花蝦 (每位一隻)、京滬順嫂魚羹、蒜片安格斯牛柳粒、濃雞湯千層菜苗、臘味飯、蟹粉小籠包 (每位一隻)、薑茶湯圓。餐牌註明大閘蟹每隻有五兩重，望落去，我估都應差不多有四至五兩重，我們二人共有四隻蟹，四隻都是公的，四隻蟹都只得少少膏，僅餘的蟹膏亦沒有蟹膏的鮮味，其中有一隻味道有點苦，大閘蟹可算是這餐的主角，但味道卻強差人意，真的令人失望。蟹粉小籠包的餡料望落去很橙色，但吃下沒有蟹粉味，但總算有些湯汁，都 juicy。魚羹有少許腥味，味道一般。雞湯菜苗及臘味飯味道正常。這餐覺得比較好味的就是茄汁煎大花蝦，蝦很大隻，肉質彈牙，醬汁酸酸甜甜，味道調得適中，兩者很夾。另外就是安格斯牛柳粒，牛肉味濃而且很淋。最後就是薑茶湯圓，我的朋友說味道正常，但我覺得不好味，因為味道很淡，不夠薑味，亦沒有甜味。如果衝著吃大閘蟹來吃這個套餐，我真的不推薦。正價是每位 $398再加一，我們是八點後入座有75折，幸好有75折，否則更不值。

1. 點心員整跌一隻豬手在枱布上, 沒有道歉, 只推一大堆藉口2. 點心不新鮮, 唔夠熱3. 地方細，未見過咁細嘅酒樓4. 牛肉腸粉有啲酸味, 粉皮太厚5. 潮州粉果逐隻叫, 人哋酒樓一籠幾隻, 呢度逐隻上, 價錢仲貴過其他酒樓不會再幫襯

星期六早上很多人飲茶，這家安排入座最快，於是試了一下，發現點心款式不算多，點了牛柏葉、奶皇糕、蘿蔔糕和炸腸粉，味道都不錯，尤其炸腸粉有點驚喜，如果皮更薄而在試菜時有一點熱但盡早吃下去，味道應該會更好！牛柏葉份量足而很入味，其他點心不過不失。雖然入座快上菜卻很慢，蘿蔔糕等了45分鐘也沒送來，後來追問才補送上，很可能漏單再補上，不過也明白假日酒樓人多容易有錯漏。整體味道、環境與服務都ok，有機會可再來。

非常不推荐！！首先，非常不卫生，地毯上好多残羹剩饭，餐具有明显污渍，桌布也是看起来很脏。进场找位也没有人来协助，根本找不到位置在哪里。然后，上餐速度非常之慢，等了20多分钟才来第一份点心，而且点心味道非常不好，感觉很廉价。最烦的是，结账速度很慢，对账单提出疑问后，服务态度非常差，一直说“别烦了，去旁边等，有问题再来”主要还很贵，叫了6个点心，每个点心小到需要用显微镜才看到，呵呵，就这样两人一共花费163。

第一次寫呢啲，唔止一個，好幾個服務態度極差。有老人家大多數都睇点心纸，咩叫公司净係用二維碼落單，問另一個又答二维码落單減二十蚊...問非所答，我要張点心纸睇吓啫。送点心姐姐是ok的。食物是好吃的。

黑雨為我帶來一日假，走去同媽嘆茶。在外等左陣位1:00鐘去都有7折原來。一眼就比咸蛋王千層糕吸引，一籠唔夠但胃食不下太多，但真好好食呀，外邊唔係周圍有架跟著又點左燒腩肉仔，鮑汁鳳爪，琵琶豆腐，蝦餃，小籠包子。全部食物都不過不失值得再去多次。

今日同屋企人同親戚嚟飲茶👈🏻都係平日👀不過就超級多人🥶一入到黎個感覺就已經係麻麻😅服務員只係帶咗位就算🥲因為分開咗兩張枱…老人家想睇點心紙跟住來點菜👵🏻咁我就走去問經理果d姐姐拎點心紙啦…俾佢一句得埋黎：你唔係唔識用電話落單㗎🤬態度仲要好差😒其實我識唔識落單關你叉事🤟🏻你係服務性行業我好聲好氣問你唔係想得到呢啲咁嘅回覆囉🥲你簡單同我講一句：點心紙係到慢慢睇就好ok😅….叫其他服務員問嘢又成日被而不見🤪講返正題👍🏻呢度叫咗點心起碼四五個字先黎到🥲咁都冇所謂嘅👉🏻因為飲茶係志在同屋企人傾偈食下野👀遲黎都唔緊要😒點心唔熱先係一個問題🤷🏻‍♀️真心講嘅係呢度食嘅點心係好食味道都算中上😋(完全唔值百幾蚊嘅叉燒dry🙃）點心可以一粒一粒咁樣落單都的而且確係好好👍🏻但係服務差已經可以同呢間酒樓講拜拜冇下一次🧐

門口帶位凶神惡煞！態度唔好，問非所答！手機落完單，才攞套餐單張！入座10分鐘，茶水都冇！冇服務，全部依賴手機落單，冇人手落單，為何還收加一服務費？食物唔差，但服務態度唔好，影響心情