東海粥店

营业中

休息中

好少係出面食粥，同事話呢間粥舖幾好食，價錢又平，所以黎試下😆舖頭都係果d舊式小店，店員都係上左年記，落單時直接向門口廚房大叫，唔洗1分鐘就黎野食🏃🏻‍♀️選擇非常多，有湯飯、粥餐、炸兩、腸粉、炒麵，仲有我最鍾意既蒸蘿蔔糕😍今次叫左個粥餐，艇仔粥+蘿蔔糕+豆漿艇仔粥🛶好綿，熱騰騰，好多料，唔會話好重口味，唔錯蒸蘿蔔糕略嫌唔夠蘿蔔味，食唔到蘿蔔絲，粉多左d，不過份量好大齋腸係我朋友個餐的，正正常常下次試下佢個湯飯同炸兩，見好多人食

媽媽喜歡在外吃得簡單些,於是這晚就帶我來了這家她每次一到佐敦附近便會到訪的一間餐廳。這兒感覺似是街坊或熟客的飯堂,因為很多都是不用看餐單就直接點吃的了。環境和衛生也一般,店員抹桌時只是隨便把桌上剩餘的魚骨碎撥到地上,不過既然是平食晚餐,也就不介意太多了生滾湯飯有不少配料選擇,另外也有粥品等。我們選了支竹,滑雞,魚皮餃和肉片生滾湯飯飯是大大的一碗,不太能吃的,可能叫少飯會較好湯沒什麼特別,有點味精的感覺滑雞尚算滑,不過多半是帶骨的雞件,肉不多魚皮餃比出面餐廳的小顆最後,我們還點了炸兩,還未算凍, 不過只是微暖,沒有外軟內脆的口感,偏淋身的,只是勝在份量夠多。

近排食韓燒，食到個人好熱氣！諗住食番少少清淡野清清腸胃！今天又來這裡食晚餐舖位較細，但好光猛，坐得比較迫，叫咗個鮮魚腩粥及炸兩大概5分鐘後上粥魚腩粥嘅粥底好綿，魚腩夠多。有成六七片，且大大片鮮味道十足，我喜歡加少許胡椒粉感覺成碗粥熱辣辣仲有炸兩通常上枱都已經稔晒，不過呢度嘅炸兩仍然有脆口感，加上甜醬和麻醬，灑上芝麻，味道十足！而且份量多，一個人分享綽綽有餘。呢度粥類選擇甚多，而且價錢相宜！可以見到阿姐在企擋食物即叫即做！

這是一家只吃粥和湯飯的小店，地方整潔，我最喜歡這裡的粥很綿，粥的配料選擇非常多，一定可以選擇到喜歡的配料，尤其是我這種㨂飲擇食的港女，如果外賣給病人食更加是不錯的選擇。而且價錢相宜，值得推薦。

今日口淡淡想食下粥，行過見到呢間粥店，剛剛炸緊油炸鬼，所以入去試吓，入到去叫咗一碗艇仔粥跟住同老闆講我要啱啱炸起嘅油炸鬼，跟住佢就話OK，無問題，好好服務艇仔粥太咸，油炸鬼炸得好鬆脆，而裡面好有內涵，唔同其他粥店空心油炸鬼26蚊，都算幾平見到有好多客人，叫湯飯，下次都諗住試吓

經常幫襯東海，原因就係抵食。$35兩餸湯飯再免費送菜。湯飯有三十種餸選擇，白飯仲可以叫多飯，啱曬大胃王。最鐘意食豬膶，生熟剛剛好，又夠厚切。但見得最多人食係魚腩，大大舊又新鮮。雞肉都新鮮, 有雞味, 雖然估佢都係用雪雞, 但起碼有雞味過家香雞/ 稻香啲雞。菜有菜芯生菜芥蘭選擇, 冬天仲有西洋菜雖然叫粥店，不過呢度啲粥，個人覺得麻麻地，食完好口乾，所以次次都只叫湯飯。

友人又嚟發神經, 要清腸胃, 食白粥. 頂!! 食咗第三餐喇….知唔知係粥店落單的秘技? 首先觀察一吓廚房, 有無預先做好了的”炸兩”, 如果無, 即是會即叫即做. 如果有幾碟已經做好的”炸兩”. 我一定改為: 腸粉和油炸鬼, 分開叫!白粥, $9, 都係..綿…綿..綿…. 暫時尚未試過一間, 連白粥都唔好食的粥店, 我諗都好難搵到, 連白粥都難食既店, 應該唔可能係自由市場維生吧.油炸鬼, $8, 未算凍, 微暖吧, 脆?? 好難囉, 食咗半條, 淨翻半條, 拿回家, 放焗爐後會好味好多.蝦米腸粉, $15, 應該係即叫即做的, 但唔知點解, 只是暖暖的, 入口唔滑, 也唔彈牙, 蝦米放得多, 唔算姑寒.鯪魚球粥, $26, 粥底, 是一般有味粥的味道, 你唔講我知, 我唔會食得出這是鯪魚球味的粥. 鯪魚肉比想像中要好, 彈牙度合格, 沒有腥味….應該係”沒有味”….. ok..啦….

匆匆忙忙得趕往佐敦辦事,轉角見到這間粥店,瞥了一眼懸挂在門口的橫額及價格,便不假思索得走了進去.原本沒有對各售10幾元的粥的與腸粉抱有太大期望,上檯後帶來了不小的驚喜.皮蛋魚片粥,粥底綿滑,配料也很足,皮蛋約摸有一整個,魚片也有七八塊左右蝦米腸,廣東人有句俗話"一熱抵三鮮",新鮮製成的總不會差到哪裏去,而且數量很多,再配上辣椒豉油,美味極了.

開完OT夜收工揾嘢食，唔食又肚餓但係夜孟孟食又食唔得太多，於是諗到去食個粥。入到嚟見到有餐叫，一碗碎牛魚片粥、一碟炸兩、再飲多杯豆漿，夾埋先二十六蚊。叫餐後唔洗三分鐘，食物已送齊到眼前。雖然啲炸兩唔係外軟內脆，但勝在份量夠多，摷摷碗粥，免治牛、魚片、薑絲，咩都有大量，都叫足料。食後感想，街坊粥店，想平平地食碗粥依間真係一流。

有湯飯,普通皮蛋瘦,艇仔,不過都係生滾粥最好味,魚腩,鮮牛肉,豬腰豬潤其他就有稯,炒粉麵,腸粉,腸粉係即蒸,例如鮮蝦腸,牛肉腸之類湯飯可以叫牛肉,蕃茄,粉腸,豆卜,生根,皮蛋,鹹蛋最鍾意都係生滾牛肉魚腩粥.

食了幾次了 , 第一次食套餐係豬雜粥 , d豬雜好新鮮 , 有鮮味 , 同埋"葉"得幾好 粥也煲得很好 第二 , 第三 , 第三都係食滾湯配飯 , 真係好食先黎 , 特登由荔枝角過來34元 3個料 送一個菜 , 我食開芥菜 , 三個料都係豬雜如腸 , 肝配魚腩 , 我覺得魚腩係必點 , 係鯇魚腩 , 兩大舊好新鮮 湯底好甜 , 最重要的是飲後不會想飲水, 應冇咩味精 應該會再去 , 值得推介 , 好有住家味

工作需要經常行過呢條街此店前身是強記燒味飯店都超過十多年歷史，亦都轉手現在變了東江粥店營業至今未到一個月我已經幫襯了四次除了一次食白粥，次次都食魚腩粥早兩天放工，又有少許肚餓突然想叫粥，就去到這裡例牌魚腩粥，仲有即蒸鮮魚片粉大約十分鐘，魚腩粥已到有五件大大舊鯇魚腩件件都夠鮮甜，有少許薑絲完全沒有腥味，完全吾駛落胡招粉粥亦大大碗，至於粥底稀杰適宜，認真夠綿成碗粥一個字形容（正）鮮魚片蒸腸粉份量就普通溥漙的魚片與腸粉分配均勻啖啖都食到魚片的鮮味而腸粉夠軟淋，皮漙得通透吾係貴喎，魚腩粥都係$22鮮魚片蒸腸粉$15比起附近出名粥店平得多值得推介環境雖然新裝修，但好簡陋全部圓枱圓櫈，不過上海街呢條舊街，餐廳簡單設計吾係咁重要最緊要價錢大眾化服務員都係幾個四十以上的阿姐招呼尚算可以順便比埋上次食部份相片大家睇