東海堂 (港鐵觀塘站)

营业中

休息中

今早要去接肥髀放學，時間上有點趕，在地鐵站內呢間麵包店買麵包醫肚！麵包店不大，乾淨企理，當時過咗繁忙時間，店內無乜客人，麵包款式幾多，都係西日式麵包，所有麵包已預先包好晒透明膠袋，我揀咗一個攞去收銀比錢！八達通比錢方便紫薯包🍠🥖（$9.5）預製麵包唔熱，啡色長條狀賣相幾好，不過麵包咬落有點乾，唔夠鬆軟，粉紫色紫薯蓉嘅餡打得幾滑，味道偏甜！無乜紫薯味道，整體只是一般！店員有禮斯文！服務正常麵包水準一般，價錢偏貴！

餐廳環境 (3.5/5)不是新式東海堂裝修，但環境尚算整齊乾淨餐廳服務 (4/5)店員快手，有笑容食物質素 (4/5)東海堂係連鎖餅店中我比較欣賞的，食物質素穩定，款式創新選擇多，而且通常唔係得個樣，今次嘅蛋糕亦無令我失望餐廳類型外賣抹茶黑糖竹炭切餅($26)抹茶+黑糖 都係我最愛仲要係東海堂岀品 我當然係忍唔住要試！好大件！自己一個食完真係飽飽地因為同黑糖竹炭夾埋一齊，所以抹茶味唔算好濃好突出。如果你追求濃濃嘅抹茶味，可能呢款就唔係好啱你喇。但我自己幾鍾意佢一層層不同口味交疊，口感比較豐富，而且係脆脆餅底，食落更有層次唯一不足係海綿蛋糕有點太乾身，如果juicy一點就perfect池喇

時間上有D趕訂唔切蛋糕～所以即場係地鐵站買咗個生日蛋糕～選朱古力正路上個個都鍾意食如果訂嘅話選擇多好多～現場其他蛋糕都好大個成2磅幾～生日蛋糕多數都好甜唔係特別喜愛～所以簡咗依個細細個～一人食細細舊就夠剛剛好～一睇賣相就知超濃朱古力味啦切開有濃濃朱古力香味～要快D食唔係溶晒～朱古力加士多啤梨本身都係勁夾～士多啤梨略酸好彩mousse比較甜可以中和返東海堂D蛋糕一向賣相都算靚又多款簡～唔會話擺好耐～都算新鮮嘅

今日係東記買左個蛋糕，好耐之前食過，覺得幾好，今日食番，又覺得一般般。成個蛋糕用一層芒果肉砌成，入面有D奶凍、蛋糕、忌廉同芒果醬，切開之後有點流心嘅感覺。不過個人覺得奶凍比例太多，反而有D失色。芒果肉都尚算新鮮，唔太酸，亦唔太甜。

東海堂一向行日本路線，無論麵包，蛋糕都用日本風格黎develop 同包裝。成日覺得好似高級一點，又好食一點。個人就覺得係平價又好味既糕點，同frd慶祝生日都一定係買東海堂既cheese cake. 又有d面子之餘又唔會太cheap. 朋友生日，人唔係太多所以就買咗三個東海堂嘅蛋糕慶祝下。你三個蛋糕味道都唔錯，分別係白兔啫喱杯啦，草莓撻，同埋洶湧芝士蛋糕。我覺得最好味嘅呢就係紅腫芝士蛋糕唔會太甜仲有啲日本芝士味添。

假期天，同家人喝完茶，回家前就到東海堂選幾件甜品作下午茶。每次經過東海堂的餅店，總被美美的甜品吸引着。今次選了紫薯杯,紫薯tart及芒果大福。紫薯tart $21紫薯蓉實在美味，甜度適中，能吃到陣陣的紫薯味道！紫薯杯$22紫薯會共有四層最抵的是紫薯mousse，接著是朱古力蛋糕和cream， 頂部是紫薯蓉。 整體味道不會太甜，紫薯蓉最突出。芒果大福$27內裡有很大片芒果，味道香甜，包着芒果的是甜甜的mousse,很soft很滑，外皮軟糯且薄，不过吃一個會有點飽滯。後記： 西餅的價錢與服務質素不成正比， 餅店中有兩位店員笑容欠奉之餘，服務態度很一般，破壞了整体的形象。

由於晚飯後散完步才回家，回家的路上見到蛋糕🍰，很想食甜品，所以買幾件西餅回家。士多啤梨🍓是我的最愛，上面有一粒士多啤梨，中間有一層士多啤梨片加啫喱，蛋糕是粉紅色的。吃上去，有又忌廉，又有蛋糕，又有士多啤梨，多重口感。紫薯🍠也是我常吃的口味，外面是紫色的紫薯泥，里面有蛋糕，底層是撻，撻底鬆化，紫薯甜甜的，很匹配。提拉米蘇亦是我喜歡的，雖然平凡，但是可口。有少許的酒香，有軟軟的蛋糕，很快就食完。雖然不是很特別，但是吃完甜品，心情份外開心。

今時今日西餅店不段求變，早前不斷唔見有限量版，還見過只此一店售賣、某些限量版或季節限定，今次要介紹一個很窩心的紫薯之戀蛋糕，東海堂標榜這是日本食材蛋糕，宮古島紫薯茸鋪在最上層，還有一層層朱古力蛋糕，夾著黑蜜忌廉、紫薯忌廉，最特別的是最底層的日本玄米茶奶凍。所以這個可以蛋糕續層食，不同口味夾得非常之美味，而且紫薯也是冬季大熱，亦有明星吹捧紫薯是有益補身的食品，所以大家不妨一試，一個＄238（大）或$168（小的-手板咁大）。

今日喺東海堂買左西餅做下午茶，我試左栗子慕絲蛋糕（$20）同新出嘅豆乳卷（$20）～栗子慕絲蛋糕賣相精緻，蛋糕中間夾住栗子碎，口感豐富。栗子慕絲栗子味濃，又唔會過甜，抵讚👍🏻而且栗子、栗子慕絲份量一啲都唔孤寒，每啖都有栗子味。美中不足嘅係忌廉太多。.想試新出嘅豆乳卷好耐～期望太高喇..😢說好的豆乳呢？蛋糕只係普通海綿蛋糕，冇豆乳味，中間夾住好多忌廉，有舊淡味嘅豆乳布甸。🙈蛋糕最上嘅cream，隱約有啲豆味👎🏻。但總結黎講東海堂嘅蛋糕一向好有水準，期待下次有新蛋糕😋

每朝番學都趕唔切起身，所以無時間整早餐食，屋企人有好早去咗返工，所以都無人幫我整，趕住出門口，唯有喺車站附近間東海堂度買早餐食一直都覺得東海堂嘅麵包都有啲水準，雖然佢同另外一間係同集團，但係唔知點解係呢個品牌嘅好味啲，眾多選擇之中我就揀咗以下呢個「沖繩海鹽芝士洋蔥包」 $9.5因為之前去旅行去過沖繩，所以一直都覺得嗰度啲嘢食好好味，亦好記得沖繩嘅鹽同埋嗰度嘅雪糕，竟然見到有個包係用沖繩鹽做材料，所以特登買來試吓麵包食落都好鬆軟，雖然入面無餡，但係佢上面焗左既芝士再加洋蔥， 食落好香，即時唔駛有餡都好好味，食飽又要番學嚕

說起生日蛋糕，東海堂必然是我的首選。皆因佢多款選擇，會根據當季當造的水果推出新品，款式精緻朋友選的正方形蛋糕很特別，這是買完3小時沒有放進雪櫃的樣了，還是那麼挺身蛋糕是由海綿蛋糕，忌廉，少許士多啤梨醬造成，一與以往好吃

這個栗子西餅很漂亮，像啡色旋轉塔一樣～ 西餅圈圈足足有十幾環，在鬆軟的栗子容中間，以忌廉作夾層中心，忌廉較為淡口而栗子味較濃，最底層有一層曲奇餅底。為了減低漏膩感，忌廉起了中和作用。粟子批頂層有一粒栗子，賣相可人。我建議可以加入一層紫薯，再混入紫薯粒粒，口感更粉稔可口，中心可以用脆脆混合忌廉，口感更豐富。 另外，我也買了士多啤梨西餅，粉紅卷蛋加上鮮紅士啤梨幻想真是天作之合。實際上，品嚐後只屬一般，沒有想像中吸引，蛋糕只是染了粉紅色，鬆軟但無味；士多啤梨是日本產，可能未熟透關係，酸中帶少許草青苦澀，不像廣告般一食傾心。

生日月, 感謝朋友 A小姐 請食飯之餘也送我生日蛋卷 ~東海堂 ＊ 京都宇治‧丸久小山園 の 濃厚。宇治抹茶卷 看見它的包裝都顯示出一本尊貴的氣派 宇治抹茶卷的賣相平實, 深與淺的草原綠色在交替, 通常抹茶是配紅豆但它是單純地食抹茶香, 蛋糕的鬆軟, 中央慕絲更食得到原始抹茶 的濃郁甘香, 少甜更有滋味 ~本篇完 ~

秘書生日， 食完lunch 趕去買個蛋糕同佢切下，因爲秘書話低調，所以買個細細的就算了。成日覺得東海堂嘅件裝Tiramisu 味道獨特而好味，今次仲有一個蛋糕咁買，咁就呢個啦！蛋糕面舖上朱古力粉， 有芝士味mousse，唔太甜，中間有唔同質地的蛋糕，又夠軟綿綿，底部較濕。一件都切到六件幾大件的。 啲個Tiramisu條裝唔係成日有的，係特別時段先有，見到就要買啦，好味又抵。

東海堂的蛋糕一向都精緻吸引，今次主打的美人之赤莓簡直令我目不轉睛但價錢差不多要＄300 多元，一直都不捨得買。剛好有親戚近日結婚，派了東海堂的餅卷，立即拿來加錢換購美人之赤莓蛋糕。 整個蛋糕很精緻，捨不得切開它。 草莓很甜 x10000000 從沒有吃過那麼鮮甜的草莓 但其實數量也不算太多。下層的草莓只有半邊蛋糕很綿密，粉紅色更吸睛，內層有cream 和jelly，還有果jam,不會太死甜，恰到好處！ 足足吃了兩件也不會覺“流“