東海堂 (荃灣千色匯I)

营业中

休息中

今日有同事請食CAKE原來係近排新出既CAKE【NEW! 抹茶 · 二重軟芝士蛋糕 Cream Cheese X Fromage Blanc】arome東海堂推出全新「抹茶 ‧ 二重軟芝士蛋糕」，濃厚日本宇治抹茶配上兩種軟芝士 - 以白芝士 (Fromage Blanc) 製作濕潤軟滑的芝士慕絲，再以忌廉芝士 (Cream Cheese) 焗製蛋糕, 香濃郁醇，為味蕾帶來茶香甘醇且入口融化的食感。白芝士做成軟滑的芝士慕絲，再配埋忌廉芝士焗製的蛋糕，好軟滑同日本宇治抹茶🍵好濃抹茶味，都幾夾幾好食👍🏼4吋細餅仲適合任何時候同朋友一齊分享,一人一件細細件,唔怕肥

今日一大早俾屋企入叫醒,佢地話約左親戚們入荃灣飲茶,所以係無得揀的狀況下,我就去左,但飲茶真係令我提唔起勁🙈,路途中竟俾我見到,有野飲既東海堂,頓時覺得有種小確幸既感覺😊,其實我一早就知道東海堂有出野飲,但礙於有太多有品質保證既台式飲料店,就唔敢試新野,今日唔熟路,又唔知附近有無飲料店,見到就當然要捉緊機會啦,所以我即刻叫停屋企人,過泥ㄧ齊嘗鮮,我點左個宇治抹茶3.6牛乳,味道就不過不失,亦有可能我期望太高有小小失望,但牛奶係用日本牛奶,抹茶味都重,都算合格既,細佬叫左個曲奇冰沙,就同ㄧ般奶味重既飲料😣不過不失啦

屋企人生日，買咗個士多啤梨味嘅蛋糕，唔明白點解另一半成日話東海堂唔好食，我覺得佢嘅蛋糕質素好好，最鍾意係唔識去一個幾層榛子味嘅蛋糕。不過買比屋企人就買啲冇咁甜㗎，士多啤梨就啱啱好，男女老友都食得。

前日(25-9-2018 Tue)朝,老公攞出東海堂o既生日蛋糕,係沖繩菠蘿蛋糕,切開o既時候,感覺到佢唔同o既層次o既手感,由頂唔使用力切,軟綿綿,切到近底時有少少硬,我諗係咪有咩脆餅層?分o左出o黎睇,啊,原來係新鮮菠蘿肉.再睇清楚內裡構造,有層菠蘿果凍,食吓先,外層菠蘿忌廉好軟滑,味道淡淡;菠蘿果凍酸少少;蛋糕鬆軟;新鮮菠蘿肉唔酸.除o左果凍同朱古力做o既葉外,成個蛋糕o既口感都軟綿綿,唔太甜,而且感覺輕盈,爸爸都話好食.上次食佢o既蛋糕係情人節,o個個食評: https://www.openrice.com/zh/hongkong/review/%E7%89%B9%E5%88%A5o%E6%97%A2%E6%83%85%E4%BA%BA%E7%AF%80%E8%9B%8B%E7%B3%95-e2979727

賣相很可愛很有日式風格嘅一款冰皮月餅。品嘗了2盒2人裝冰兔月餅，一共2款口味，所以有4隻兔仔。2款口味包括綠茶朱古力同紫薯冰兔。細過手板，所以唔大隻。餡比較實少少，但唔算太甜，食少少OK。 2款比較起來，朱古力較香同好味。

首先我真係好鍾意去日本，所以個富士山月餅盒吸引左我，但我真心覺得成個節日都真係好唔環保，但係中國人嘅人情有一定要做，所以我揀咗個自己鍾意嘅盒一盒6個，佢話所謂嘅日式冰皮月餅，我食唔出有乜嘢唔同，清一色白色囉！咁係咪就叫做SNOWy?細心D睇原來六個都唔同味道，咁我老公就話好想試吓焦糖芝士，口味係新鮮特別嘅，幾香嘅焦糖味，凍冰冰好爽，但可能係太凍啊就好硬，可能如果在喺室溫放下，等佢可以軟啲嘅話就會似芝士餅。另一個牛乳芝士都唔錯。

番工好急，是但買左個好似幾好食既包。拎上手覺得化抹茶，入面應該係紅豆。直到食落口先知原來係紫薯燒。原來都幾好食，紫薯唔係太甜，都幾粉，不過覺得有少少唔夠多，如果紫薯饀多啲就好了。

由於媽咪嘅正日生日個日我收工好夜，不能和她一齊食晚飯。於是趁收工，東海堂仲未關，就靜靜雞買個蛋糕，俾個驚喜佢！本來想揀芒果味的，但媽媽好怕食濕熱嘢，最後就揀左過密瓜味的，加上屋企人已經食左飯，就買個細細個嘅就算。成個蛋糕整成密瓜咁，一切開，原來係多層嘅海綿蛋糕。中間有一層啫哩，而底部就係有一層消化餅碎，咬落就清香嘅一陣密瓜味，加埋中間啲啫哩同脆脆的消他餅碎夾埋，軟得來又有脆脆嘅餅碎，真係簡單得來不單調！媽咪由於健康問題好少食甜嘢都一次過食左兩嚿，其實一啲都唔漏㗎！好開心媽咪咁鐘意😃

路過見到東海堂做緊優惠，抹茶雪糕買一送一！見到個poster寫住用宇治小山圓抹茶整既，好似好威咁。不過我以前食過東海堂既日本沖繩紫薯雪糕，印象中好一般，所以對呢個雪糕都冇咩期待。唔知係咪因為咁，反而令我超級有驚喜！抹茶味好濃郁，有少少苦澀，同日本抹茶雪糕專門店比起差左少少回甘，可能係因為抹茶既比例冇專門店咁高？不過30蚊有兩支，真係非常抵！而且雪糕筒內都係滿㗎！食到我勁飽勁滿足不過呢個優惠好似唔係間間分店都有，想食既人要上網睇下邊度有得食

抹茶軟雪糕（$30/2枝）（特價）Matcha icecream夏天嚟講🏖雪糕真係必需嘅正係草根周圍搵雪糕🍦之際俾我地遇到東海堂買一送一$30/2枝真係冇理由唔食😍原本想食芒果味，但係只有抹茶做緊特價所以是但啦🤷🏻‍♀️抹茶味係弱雞到幾乎食唔出🍵大約食左一半後隱約覺得有少少茶甘味不過雪糕好滑，脆筒夠脆如果為左抹茶味去食可能會失望🍃好彩我地唔係😂純粹想食雪糕加上唧到好滿好大枝👍🏻除開只係$15一枝，好抵食😆

今次係想寫番個訂餅送貨服務既今次就訂佐7打既咸甜各半既散水餅東海堂既餅大家都知係相對較靚同有質數架啦而且亦都有好多款可以揀, 好滿意特登想係到讚一讚呢間鋪既店員, 做野好快, 同我mark單落單都友善且有效率, 解釋亦好清晰咁當然啦, 食我d餅既同事都好滿意東海堂d餅既質素haha另外因為用餅卡買, 有凸少少就叫多個抹茶千層自己番屋企食Um, 味道正常既, 但口感就差d, 比較乾身會比較推介番抹茶卷/抹茶皇冠

shopping經過見到，原來東海堂現在好多元化，有好多款式食物,飲品買，已經係晤止麵包，蛋糕，仲有飲品，同朋友叫咗杯oreo曲奇妙趣沙冰29元飲，簡直透心涼，不過就甜咗少少，但都好正

先前食完 lunch 經過東海堂, 見到 d 餅好吸引, 於是忍唔住發揮我為食嘅本性, 買咗 2 件 cake, 其中ㄧ件都算係新產品, 紅絲絨芝士切餅, 返到屋企已經急不及待去試, 件 cake 睇落雖然簡單, 但都好吸引, 紅色的蛋糕底, 上面係ㄧ層係軟芝士, 都幾厚嘅。第ㄧ啖食落去味道尚算 ok, 越食越發覺唔 alright, 超甜, 係甜到漏果種, d 蛋糕比較乾身, 可能佢唔似平時 d cake 咁, 中間係有 cream, 感覺無咁 dry. 對於這件切餅, 感覺好失望

4-2-2018 (Sun)同老公食完晏後,我去食龜苓膏,佢交完電話費後搵我,然後一齊o黎訂情人節限量$438.00o既日本白草莓蛋糕,因為呢個o係9-2-2018(Fri)前預訂,就有85折,$372.30.訂o左尋曰14-2-2018 (Wed)攞.尋日放工,我就去買o野兼攞喇,去到都好快有,返到屋企,食完晚飯,就同老公分三份,俾埋爸爸食.白士多啤梨內裡係純白色,唔多覺有士多啤梨味,只係唔酸;食埋下面o既蛋糕,白色o既係mousse,只有粉紅色o既至係蛋糕,加埋味道好清淡,成個感覺好輕盈完全唔膩,就算只有兩個人食都唔覺膩,果然係為情人節做o既蛋糕.抵食係2.8分上次食評: https://www.openrice.com/zh/hongkong/review/%E4%BC%B0%E5%94%94%E5%88%B0%E5%94%94%E5%B7%AE-e2890729

由於今日我們有大半日嘅時間都要喺荃灣做嘢，所以一早我們就喺荃灣千色匯嘅「東海堂」買早餐嚟食！我們買咗叉燒包嘅包質都幾軟熟，叉燒嘅蜜汁都幾香甜，而且份量十足！沖繩黑糖合桃提子包嘅包質好香甜鬆軟，合桃雖然碎粒，但份量亦都幾多，差唔多每一啖都有，而且好香甜濃郁嘅黑糖香味，真係好正呀！茄汁脆皮腸卷嘅脆皮腸外皮都幾爽脆，味道都幾香濃，配上微微酸嘅茄汁一齊食，感覺都幾醒胃，唔會有好膩嘅感覺！總括：每個包都有獨立膠袋包著，雖然會感覺有啲唔係太環保，但就非常乾淨衛生，令人客有食得相當安心嘅感覺！