東海堂 (港鐵深水埗站)

营业中

休息中

五月中的週日同老媽子慶祝牛一, 家族傳統因為老媽子超喜愛食栗子, 所以由從前在美心西餅那裡開始, 買得最多的要算是”栗子蛋糕”了, 以前的栗子茸是差不多1CM.厚的夾心層, 裝飾面則是甜忌廉加雜菓, 但其實雜菓面的雜菓同普通的雜菓忌廉蛋糕無異, 好難理解雜菓同栗子點解會”夾”呢? 來到最近十多年開始見到這栗子蛋糕有外觀上的一些轉變了, 有時候做成一個栗子慕思面再加一層栗子茸餡, 有時則一半栗子慕思一半蛋糕, 睇餅師心情, 而近幾年又開始咗另一輪日本餅外型的熱潮,尤其是這店, 今年就在這店試訂了一個"栗之噴泉"重量1.9磅, 喜歡食栗子茸的必定喜歡這蛋糕, 現在的栗子茸一般都不會好像以前那樣用甜忌廉混合, 用的只是淡忌廉口感清新一點之餘, 飽肚/頂肚感覺也會少一點, 這蛋糕的質地感覺到的平時這店的其他的雜餅落的乳化劑少一點, 好多時乳化劑多的餅會食到超鬆化的蛋糕, 最容易感覺到的是一般麵飽店賣的紙包蛋糕, 離題太遠了講番呢個蛋糕, 中間栗子夾層還有栗子粒粒, 不過這店的栗子忌廉就似乎沒有落櫻桃百蘭地酒, 少了一份酒香氣味, 但完全不影響這栗子蛋糕的味道, 我們實在大愛這蛋糕不消兩日已將之

外層舖滿粒粒蛋白蛋糕，內是鬆軟的蛋白蛋糕，配上以北海道3.6牛乳製作的幼滑忌廉，輕盈柔滑，香濃不膩。內含的奶凍層結合面層白朱古力片，很是特別兼令人陶醉！ 面層還夾雜白色朱古力脆波。

肚餓要食蛋糕，蛋糕要食香蕉蛋糕……一片個別包裝，側邊睇……好厚身！從包裝膠袋裏取蛋糕出來，聞到好香香蕉及牛油味，摸上手還是油笠笠，食進口濕濕潤潤，滋味無窮……尤其是當自己正在肚餓時！成份……說是無E都沒有人信 m(._.)m

東海堂呢個同宇治cross over既抺茶系列一直都備受關注(起碼有我), 4款產品已經陸續試左3款(包括cheese cake, jelly cup, motcha tart), 都帶比我一d驚喜, 每次經過東海堂都會望下個抺茶系列係咪仲係雪櫃, 好驚會完左>~< 好彩so far都仲係度!!  今次終於有機會買到期待已久既抺茶卷!包裝已經註明「濃厚」, 又有個第1位! 真係令人好期待! 不過個容器有少少麻煩, 唔似平時既蛋糕可以2邊開, 只係可以打開上面, 要拎個咁soft既卷有d雞手鴨腳... 未見到真身之前, 仲有張銀色紙包住, 出面再有張白白地透明既紙, 老實講, 個包裝有d唔方便開, 亦唔方便再收好放入雪櫃...YO! 蛋糕現身!   因為天氣比較熱, 一打開中間既mousse已經溶溶地, 所以個roll都平平地... 不過重點係--食! 放入口, 個mousse好滑, 而且唔係好甜, 不過略欠抺茶既澀味, 但個蛋糕鬆軟配合creamy mousse一齊食仍然係非常唔錯!可惜為左之後唔洗減得咁辛苦, 都係食一小塊好了

自從東海堂出左出左宇治line之後，我已經成日都好想買好想食! 終於有機會比我買梳乎厘cheesecake喇!一返到屋企就即刻拎义食左先放入雪櫃，以為梳乎厘應該係soft既，不過芝士蛋糕成份高d，所以都幾firm, 不過放入口好濃茶味，相對無咁甜，係個茶味cheesecake... 好食!唯一麻麻就係好易碎，建議用把利落既刀切，無咁易整到d cheese周圍都係，最後成個蛋糕幾乎係我一個食晒

東海堂又有新搞作，今次係抺茶！一見到，毫不猶疑買左個返屋企，好興奮梳乎厘芝士蛋糕。用上宇治抺茶，好濃郁既抺茶味。軟芝士蛋糕，放入口慢慢等佢融化，整個口腔瀰漫住抺茶香，食到停唔到口 底層係竹炭蛋糕，比抺茶既蜂芒完全蓋過。唯一挑剔既地方係淨係食竹炭蛋糕既話，冇乜味。只係＄98，真係物超所值。抺茶紅豆杯，上面既配料全部都普通，但抺茶mousse好出式，又係濃郁既抺茶，帶少少甘。再落好似啫喱既texture，就冇咁濃，但加左D奶香同好滑。

打開盒子，滿目淨白，似雪蝶蹁躚，賣相無疑很討女孩子歡心。去年尾大人的生辰蛋糕之一，東海堂近月「重點」推介──北海道芝士蛋糕 ($158/一磅)。弟妹一嘗大讚，我有點意外。看過宣傳照再看實物，你會驚嘆理想與現實之間的距離，以及電腦軟件無所不能。當然，百多元的蛋糕不是不可口的，店子強調用料「矜貴」──採用「純天然」芝士與北海道 3.6 牛奶製作。餅面鋪滿雪花似的美麗的白朱古力薄片，接著是一層幼滑忌廉，然後是厚厚的忌廉芝士，底餅則是黑朱古力曲奇 (Oreo？)。只是──白朱古力片薄則薄矣，可以削細碎些麼？忌廉，我最滿意的部分──不似某連鎖店的天使蛋糕般輕柔 (註：那是香蒂莉忌廉 Chantilly cream──淡忌廉加上白砂糖打發而成。另可能加添了…… )，卻比普通海綿蛋糕的甜忌廉滑溜，厚度適中，乳香怡人，入口不膩滯。主角忌廉芝士，貫徹日式芝士蛋糕「特色」──芝味相當「溫和」，滿足不了嗜酸嗜濃郁芝味的我的味蕾。黑朱古力曲奇餅底，壓得不甚理想，一切，便告餅屑四散。個人向來對 Oreo 沒多大好感，覺得它不單「硬甜」，而且「搶味」 ，還是搭配傳統牛油消化餅底更對胃口。總括而言，表現及格以上。一

是日在下生日,阿娘問我想食乜野蛋糕,我話:東海堂五重朱古力那個,她就買回來了當晚我吃過了吉列豬扒飯和龜芩膏,真的還太飽了,所以等到11點半才準備切蛋糕,還會幫我唱生日歌,許願後吹熄蠟燭,就開始切生日cake了,切下去中間部份有點硬,好多朱古力都沾在刀上,很難切,中間有粒好像是灑上金粉/金(薄)的朱古力脆脆,外型好像一粒松子(松鼠很好吃的那個),外加一條朱古力彩帶,拿走那個要小心,因為它固定在蛋糕入一層的地方,我的那顆就這樣掉在地上了,切開了蛋糕,可以見到清楚5層的分佈(最底層比較難看),由上而下一數,第一層是朱古力慕斯,第2層是朱古力蛋糕(即係黑森林啦),第3層是朱古力軟心(比第一層硬一點,比第一層朱古力更濃郁),第4層是法式牛油蛋糕(我初初以為是班尼斯,但參考完官網後發現是法式牛油蛋糕),第5層就是朱古力脆米層,少少薄薄的,其中第4層是令我比較深刻的,因為切下去就是它最硬,也一直在猜這層是什麼,總括來說,真的朱味好濃,而這個價錢比其他同size蛋糕貴10蚊,我覺得是因為頂部那顆東西,彩帶不太好吃,但那顆脆脆還算好吃的(掉在地上也還是照吃了,因為感覺很矜貴),我們3人就吃了半個,真的很

同事生日，就拿個蛋糕和叫點小食，在辦公室為他搞個小型生日會。蛋糕是東海堂的北海道芝士蛋糕。為什麼揀這款? 因為我吃過，覺得可靠。面頭的白朱古力片甜到入心，北海道牛乳香滑，亦有芝士香味，味道很對辦，餅底更是用上Oreo的餅乾，肯定好吃。壽星都吃得滿意。再次祝5月份生日同事生日快樂，工作順利！

2010年 ，對香港人來說，算是悲喜交集的一年，但傷心事總掩蓋著開心的。不管怎樣，傷心的已成過去， 2011年已經來臨了 !!正所謂「新一年，新開始」就在倒數到“零”'那一刻，我們把蛋糕大刀切下去迎接新一年的來臨 》蛋糕的第一層係朱古力芝士慕思....軟軟的‧第二層是黑森林.....真好,沒有我討厭的紅莓係裡面第三層是我最愛的----特濃CHOCO ^^ ,香味久久不散....第4層是海綿蛋糕,沒什麼感覺,因為第三層的濃郁已蓋過了"最後一層是最多人喜愛的脆脆.....

這天7時多OT後出ssp找爸爸, 經過mtr站東海堂, 喔見到小妹最喜歡的提子麥包, 面頭還有燕麥呢~~~ 袋裝麵包照價再減$2, 即是$9.5 ~~ 買1大個可以分幾餐吃了~~~ 可能是已經隔過夜, 麵包鬆軟程度略差1點點, 如果沒有預先切開1片片就沒乾得那麼快的。 雖然如此, 麥味夠香也夠多提子乾粒粒~ 很不錯呢~~

上個月 美心出了2個芝士系列的包.剛推出的一星期更以折扣優惠吸引顧客不久 我便見到東海堂有個新包包喎- 芝士6兄弟!yamasaki 以芝士聞名既bakery都係出芝士3兄弟咋嘛!東海堂竟然可以出到6隻唔同既芝士wor! 犀利!咁大既gimmick竟然都好似冇乜宣傳? (可能我唔知啦)連網頁都冇記載....咁至少都應該放係當眼位置卦? 但係佢通常 我次次見佢都係放係最底...好低調呀.不過同芝士有關既包包都逃唔過我既金睛火眼既xDDDD我一向都唔鐘意東海堂既包.一係就太乾身..一係就俾膠袋內既水蒸氣焗到腍哂.而今次呢個芝士6兄弟就係前者喇, 乾 爭 爭 !我仲係冇水既情況下食哂呢個包.包身乾係其次. 最失望既D芝士!6隻芝士. WASABI芝士 咖喱芝士 車打芝士 Mozzarella CHEESE, 同埋面頭既芝士. 好奇怪. 佢既WASABI芝士. 勁大陣WASABI味 好哽喉!咖喱芝士仲犀利 真係辣架! 成個包感覺好唔和諧.即係食食下特然間會勁辣同埋勁哽.因為呢2隻新奇既綠芝士同橙芝士既味道太出, 其他既芝士顯得很淡味.同埋 我搵唔到6隻芝士..圖3有好多黃色芝士, 根據東海堂既

香蕉疍糕$12喺好耐好耐以前，大約十幾廿年前係好鍾意食（東海堂）嘅香蕉疍糕，嗰時買親都係一條Loaf咁買嚟食，有牛油同肉桂香味，香蕉味清香，質地鬆軟，食過香蕉疍糕嘅，都知道裏面會有啲細黑毛，好似啲鬚根咁，當其時喺疍糕裏面生得好密吓依家多咗分店，再食番，完全係兩回事，鬚根零落，冇乜香蕉味，冇肉桂味，質地實，都唔知放粒堤子做乜，個receipt 已經改咗，冇以前咁好食，真係食唔番……

回家路上經不住誘惑，買了一件北海道牛奶蛋糕，小小的一件要$20，不便宜。這個芝士蛋糕賣相不錯，但味道不甚受我喜歡。面層的白巧克力味道蠻不錯，只是蛋糕層太膩了，也可能與我不太好牛奶有關。反而餅底用了巧克力曲奇又不錯。幸好只是小嚐一件，沒有買一整個。

紅荳綠茶飽loaf$10(原價$12，優惠券減$2)張優惠券就到期，搵啲嘢買吓先，啲錢就係咁樣冤冤枉枉洗咗去打開個袋已經聞到綠茶香味，飽好鬆軟，裏面啲紅荳仲好濕潤，所以綠茶同紅荳真係無敵組合，食吓食吓唔識停，成條差唔多冇晒