東方(勝記)飯店 (已搬遷) 新店位置

21號晚同男友過左澳門玩樂一番後,凌晨2點幾先返黎香港因為係個邊冇時間食野,2個都好肚餓,而男友又突然好想食盅頭飯,咁就搭的的落元朗呢間老字號啦~雖然凌晨時分但鋪內仍然有一定既人流,因為呢度係司機大佬歇一歇既地方最衰電話已經冇電....影唔到相....我地2個人叫左鳳爪排骨飯：配料入味,但d飯就有淋左d...燒賣、牛肉：一般的味道~雞扎：最中意食塊腐皮同入面個舊好似豬皮既野,因為索曬d汁,但肥死...!!义燒包：食落又好似冇咩肥肉,可能我食左唔覺忘記食左幾錢,但$100一定有得找,2個都食得飽飽的~舊式既店舖雖然衛生環境可能不太好,但佢有佢既特式懷舊味道

身處元朗西, 夜晚想食些點心飲杯茶, 這裡可以的.食了很多年, 點心沒有多大進步, 盅頭飯只可以用填肚功能來形容. 千奇唔好用新明發, 林記, 明珍, 九里香等之高手作比較. 餸同飯勉強合格而已.稍可推介的是熱水, 咖喱魷魚及鵪鶉蛋燒賣.水的確夠滾, 沖出來的茶可以入到口.魷魚幾爽口, 出色在於咖喱汁, 夠香.鵪鶉蛋燒賣, 好食在整體水準中上, 但記住成粒食, 混出來的蛋香同肉味先至令成個進食過程完滿. 剩食蛋先會稍嫌硬身.整體水準與香港仔周記, 牛池灣志興差唔多, 但考慮到董事長 - 老闆老豆花名, 你間野租金比起後兩者便宜, overall 來說都不能給予2.9

繼上次食閉口羹,心有不甘,今日再度來勝記.懷著戰兢的心情來到元朗廣場,在遠處已看到中門大開的勝記~~~~頓時興奮莫名正值十點半,即使枱放有足足半條街,但搵位方面仍困難.最後在收銀前有半張枱多出,縱使此處是勁多人出入,而且埋單的人又下下站在旁,枱上放滿備用杯杯碗碗,環境情況如同川龍村茶樓差不多,只要習慣便成,叫了阿姐開茶後,迫迫地就開動了.阿姐會幫手開茶添水外,亦會幫忙送上點心,(雖然自己出去拎都得),她們得閒的話還不忘介紹你食乜,幾乎枱枱都叫人食蝦餃.沒錯,這裡的蝦餃味道實在不錯呀,餃皮略厚但又不失煙韌,而且蝦肉非常爽口兼鮮甜,12元一籠真的好抵食!之後叫盎頭飯食,有成四,五款,我都係要較'安全'的北菇滑雞飯,原來飯有分盎上$16及煲上$20.雞肉香滑,冬菇只有半件,菇本身好香,再有醬汁炆了一陣,加多份鮮味,是不錯的.可惜飯底好差,又濕又爛,好在本身都鐘意食淋飯咋之後聽到有魚翅餃叫賣,我當然不會放過餡中除蝦粒和豬肉外,當中以芹菜味最突出,淡淡清香,而且'魚翅'口感十足,較似以前吃過的味道.最後再食三味,蝦腸很差,蝦肉梅爛之外,連腸粉皮也是軟弱無力,夾多幾夾更全部溶爛但食得出腸粉皮內的米

同男友方先生最常去其中一處飲茶食點心的地方,無他的,都係因為價錢便宜味道不差~是日又開方生到此開餐,第一輪先黎燒賣牛肉蝦餃+金錢肚燒賣:粒大大粒ge燒賣,面頭d蟹籽唔算少,食得出爽爽的蝦肉,但又因有肥豬肉關係,食完當然有一d油膩感蝦餃:幾乎都係每一次都會點的一個點心,就係因為佢蝦肉夠晒爽,但今次... ...皮厚肉涵少,蝦肉仲要係梅的,嚇親牛肉:每一次食都覺得新鮮,但冇咩芫茜味反而陳皮味勁重,連牛肉味都俾佢搶埋金錢肚:調味料多汁濃,食入不失佢ge牛味,必食第二輪,蝦腸,叉燒包2樣同樣地失手,蝦腸d蝦同蝦餃一樣地梅 皮又厚,叉燒包唔靚,有d偏黃,而且唔"開口"第三輪春卷排骨同滑雞札春卷:只有香芋絲做內涵,皮脆芋頭絲夠香排骨:一上檯先見到一舊好大舊ge肥豬肉...雞札:最好食ge食舊芋頭,夠粉~2人食左$114應該仲有下次的

又到星期天，中午不想在家裡吃，又不想吃附近的茶餐廳或日韓料理，便跟媽媽提議去飲茶吃點心。但是，媽媽說星期天去茶樓不化算，點心沒特價不特只，還要付貴些茶錢啊。我便介紹她跟我去一間「庶民」茶檔，茶錢「一蚊位」，點心碟碟「十二蚊」。下午差不多一點半到達，不用等位; 但在這裡一定要搭檯，因為這裡都是一張張的「大檯」，平民化茶檔格局。坐下二話不說，人吃甚麼，我便照叫甚麼了，因為肚餓了: 燒賣: 每粒都有一隻小小的鮮蝦肉配以豬肉做餡料，蝦肉爽，豬肉會帶有肥肉，不健康但會令燒賣整粒更香、爽、滑; 標準之作。 鳳爪: 真係麻麻地。好明顯是製作不夠時間，煮得不淋，不夠入味; 皮是爽爽的那種感覺，就是沒有了「入口即溶，骨肉分離」的效果。 鵪鶉蛋燒賣: 這個很久很久沒有吃過了。鵪鶉蛋部分，不用怎麼處理也是最美味的部分。燒賣豬肉餡部分，跟蝦肉燒賣的差不多，標準貨色。 四寶雞扎: 四寶是: 中雞翼，經人工漂白，味道一般，肉淋，入口雞翼，出口雞骨，ok; 芋頭，已煮至淋酥，好味; 真珠荀，爽口，沒甚麼特別; 豬皮，爽口但無味。總體麻麻。吃完以上四碟，再追加以下兩碟! 山竹牛肉: 有牛肉味，有鯪魚球的質地，人們會推

參神完畢又飲完下午茶後打道回府, 茶餐廳後面就是這家街坊飯店,傍晚六時多夜茶時間開始,門外一籠籠的新鮮點心非常壯觀,而且還在陸續出籠,為食的我們又忍不住買點心回家當晚餐。幾位阿姐忙如蜜蜂,不斷為堂食及外賣客人打點,我也趁機將每個蒸籠打開玩尋寶遊戲,真好玩!! 大人喜歡的山竹牛肉波體積不小,牛肉裡混了不少馬蹄粒,因而非常爽口,牛肉好朋友喼汁以小膠盒個別包裝不怕途中打翻,小店也相當貼心; 鴨腳扎件頭更大,每份卷著一隻很大的鴨腳,肉餡材料跟燒賣餡相若,當中混了不少肥肉,甘香但挑戰你膽色! 所用芋頭切成厚條,可惜芋頭較硬未夠鬆化,稍為不足。 蝦餃皮顏色奶白不晶瑩,厚薄均稱,彈牙卻不黏筷,包得雖不仔細但總算摺口分明,所用蝦肉新鮮爽口,而且加入不少肥肉粒增添甘香,是近乎古法做法,只欠一點筍絲而已,還算不錯。元朗街坊一氣買了三籠燒賣,我也不甘後人的要一籠,燒賣肉餡有豬肉粒也有打成肉醬的豬肉,有著兩種口感;蝦肉切成大大粒同是爽口, 當中也加有不少肥肉粒,就算放涼一點也有些微肉汁溢出,出爐即食應會更妙,可惜今次沒有加入冬菇,又少了一種香氣。叉燒包及雞包仔外皮非常實在和有彈性, 不是鬆泡泡一陣風的外皮,做

好肚痛..但又唔想食m記..點心係最好選擇..一坐底有得食呢到食左最小5次..感覺良好..因為有feel..夠晒街坊一張張大圓枱...夠坐10個人..所以答枱都唔覺迫..可以見到一家大細亦會見到成班80後打完波一行10人黎食飯..所以飲夜晚唔一定係阿叔阿婆專利10點後先會開枱出街..所以越夜越旺..因為仲有班c機大佬炸雲吞..咸水角..春卷..豆沙角..都可以散叫..$3件....十分好..可以留返個肚食其他野食厭左基本盅頭飯..呢到可以淨飯 + 一款點心..都係$15亦有粥..糯米雞好香荷葉味..計埋點心..腸粉..呢到都係大路野..都有40款揀做到平靚正..又大件..成日幫襯飲夜茶..所以全部食物都試過晒呢到唯一唔好食既係蝦餃同鯪魚球..蝦餃皮"林"同痴牙..但入面既蝦係好爽..鯪魚球係好實..同埋唔覺有味茶位1蚊個..一大盤杯碗響枱面..坐底就自動波開餐喇..今晚2個人食左9様野..100蚊都唔洗..好滿足!!唔識路既好問人..因為就響元朗廣場後面架咋!!

係屋企附近，最鐘意外賣返屋企慢慢嘆~推介﹕燒賣，金錢肚，山竹牛肉，鳳爪不推介﹕蝦餃 (皮好梅)，腸粉(皮太厚)間鋪專做早什市及夜市，下午5點後會見到有春卷，咸水角，沙翁，炸雪吞放係門口賣，$3一件~有相熟的士哥哥話晚晚都去宵夜~哈~環境方面係港式大排檔水平~

打完波同個FD一齊黎飲夜茶. 11點店入面不算多人 , 而店外面都有7至8張TABLE有人由於很餓的關係 , 一黎就叫左兩盅排骨飯 . 味道香 , 但係飯就比較LAN之後叫左 差燒腸 , 蝦餃 , 牛肉 , 差燒包. 蝦餃皮較DRY, 其他OK !埋單盛惠 $75 ~ 賣既係平價點心 , 食物質素唔算高但物有所值 . 環境不太衛生 . 但我幾鍾意飲夜茶既感覺 .下次打完波又可以去了 !

唔想食叮叮果種點心但長返夜嘅我何來有閒早/午茶食特價點吖同女友車嚟食好開心呀佢因為好耐冇陪佢"飲茶"例牌點心各一籠隊多盅飯+ 腸粉滿足滿足

在大西北的"東方勝記",位如同安信兄弟沒有關係的安信街,每天做足二十小時,賣的是平價點心.假期的早上,相約兩位西北朋友飲早茶.當初有點顧慮,這些市井環境,兩位女生又接受得來嗎?原來J小姐以前也來過,我們坐在外面,左面的阿叔就飲杯竹葉青,右面的阿叔就吞雲吐霧.點心蒸好,全部放在店外,一籠籠點心疊到成座山,選擇也不少,也是一些我們平日吃到的味道.亦有一些懷舊的鵪春蛋燒賣.價錢街坊價,小點$9,中點大點同價$11,盅頭飯就$15.也是有什麼,就吃什麼.蝦餃眼見大大粒,很飽滿,可惜,一夾就爆.論餡料,夠爽,未算很鮮.金錢肚做得頗入味,牛肚軟稔,同碟的蘿蔔吸汁力強,也美味.鵪春蛋當然走不掉,春蛋大隻,吃落未算甘香.盅頭飯剛好蒸起,即刻順手來一個鳳爪排骨飯,飯粒分明有咬口,排骨有肉汁.這個飯份量不小,一人吃一盅也隨時叫飽.不要有料腸粉,反璞歸真來客齋腸,頗滑,如果加麻醬甜醬,就等於豬腸粉了.馬拉糕同其他酒家比略遜,香味不足.奶黃包也有同樣的毛病.幾味加埋,也不過$100,這餐早茶的食法很經濟,完全沒有任何虛榮感.始終我們坐街邊,不是去挑選那些星級酒家的"車tire"級數茶聚.說到此,月尾又有一間星

唔想去茶樓同人逼, 來勝記都唔錯茶錢仲係一蚊位小點 : 9蚊中大點 : 11蚊但初一到七, 各加一蚊OK啦腸粉皮太厚X春蛋燒賣, 還可以鳳爪, 唔錯埋單 $ 39, 價錢大眾化, 但味精幾多下環境, 街坊茶居格局, 唔好要求甘高

細個吾識食, 覺得盅飯係用黎飽肚, 絕對吾係美食。大大吓先對盅飯有好感, 今個星期仲食咗兩餐鳯爪排骨飯！嚟自勝記既鳯爪排骨飯真係好好味！排骨肉軟, 夠肥(算吾算優點?)鳳爪厚肉, 好味加埋甜豉油, 真係美聯髮彩, 冇得彈！對一群辛苦打工既麻甩佬嚟講, 夫復可求?分子料理同鳯爪排骨飯, 我一定揀後者！加碟叉燒包, 普通, 飽到搞出人命。

果度嘅客人大多數都係公公婆婆，覺得自己嘅存在有啲怪怪哋...坐低之後，佢問我飲乜，是但啦，要咗壼滾水就算，隨即問佢有咩飯食，聽聞呢度有舊式盅頭飯食...佢同我講冇盅頭飯呀，只有白飯，問我介唔介意嗌一籠排骨，再配個白飯，我諗住是但啦，咪話要囉，另外再整多籠雞扎...排骨 & 雞扎都幾好食，夠熱、入味，雖然話係配白飯，但始終唔及原盅蒸飯咁好食囉...唉，有啲失望... 但當我埋單走人時，竟然見到一大盆盅頭飯...早知等多陣先嚟食啦...激死啦

自從有次同男友半夜係大陸揼完骨係元朗發現依間飲夜茶既店舖後 , 就成日會來依度開餐 .好鍾意食佢既 x 春蛋燒賣 , 一來好味道, 二來依家好多酒樓都己經無得食 , 真係好難得食到架. 另外佢既牛肚都好好味 , 初時無留意依款點心 , 直至有次食過後(嗰次兩個人一次食咗兩碟牛肚, 因太好味 ) , 依家每次去都會點牛肚.其實佢其它點心都好有水準架 , 無論係點心或煎炸小食, 而且服務唔係差架 , 我哋成日帶狗去食 , 要求佢哋特別係門口開張台俾我哋 , 佢哋都會即刻開俾我哋架 ( 其實平時都夜少少既時間佢哋都會係外面開台做生意 , 但我哋去既時間都係早 , 佢哋未係咁方便開台架 ).最重要既係佢哋價錢平 , 兩個人食 , 食飽飽都係60幾蚊 . 抵呀