東方小祇園齋菜

营业中

休息中

母親大人請客, 當然揀佢最鍾意既齋啦, 而東方小祗園就出名平實而好味, 服務好之餘仲可以慢慢坐1) 細齋 ~ 可以自選4款, 我哋揀咗咖喱齋/酸齋/鴨腎/腐皮, 其實4款都好好味, 但當中以酸齋同鴨腎最特出2) 羅漢齋炒麵 ~ 由冬菇/草菇/甘荀/粟米/雲耳/菜+炒麵組合成, 好大碟好多汁, 好味, 推介 !3) 紅燒豆腐 ~ 有豆腐/草菇/甘荀/小白菜/菜心, 組合同羅漢齋炒麵差唔多, 但都好好味4) 什菇扒菜胆 ~ 有冬菇/草菇+菜胆, 都係好好味整體嚟講, 水準保持到, 上菜快, 服務一流溫馨提示 : 最好先問問侍應了解每款餸菜既配搭, 唔係就好似我哋咁3款都係同一種汁同差唔多料喇.3人共消費 : $240

上年睇完蘇good就特登黎買豆沙油角,的確好食,d豆沙唔太甜,而且真係新鮮整0既,但上年真係好多人排隊,可能亞蘇效應啦!今年再去買,年廿五去買唔通仲早?今次竟然完全唔駛排隊,而且唔駛等出爐,咁d油角都仲有d暖意.味道同上年差不多,好味!

一行四人細菌黨聖誕期間先黎病再加上聖誕流流好食o既都深信fully-booked所以大家patpat痕就去東方小祗園食齋點o左份竹笙翅, 乾炒金菇河, 南乳什菜煲, 芋頭魚同椰汁焗磨菇蝦仁所有食物都唔會好似大家講咁油可能真係改善過整體黎講平靚正因為上面果五樣大家都想食所以飲恨食唔到男友想食o既琵琶豆腐

每次路過「東方小祗園」，便會想起小時候在堅道的「小祗園」和「甄沾記」，兩店在同一條街，相隔不遠。我最愛「小祗園」的涼糕，如菠蘿糕、馬豆糕等，而「甄沾記」則一定是吃其招牌椰子雪糕，椰汁的清甜，至今任何牌子的椰子雪糕也望塵莫及。兒時，祖父多次攜我到「小祗園」吃齋菜和吃涼糕，前塵往事，點點滋味在心頭，仿如昨天。其後「小祗園」消失了，在灣仔「東方小祗園」亦見到有涼糕擺賣，數次欲尋回兒時的味道，惟形神和質素都跟「小祗園」差天共地，始終是不同的店舖，而現在我會光顧的，是其小煎堆和椰絲糯米滋。可惜今晚祇得豆沙小煎堆，買了三個回家與家人分享。小煎堆外面沾滿芝麻，一口咬下，芝麻的香味已充斥口腔，軟糯的澄麵和糯米粉團，發揮了其獨特個性，煙煙韌韌，包著棗紅色的豆沙，幸好不是太甜，亦不太油，是一款我喜愛的中式甜品。

$10 的酸齋，份量是過得去，可惜實在是淡而無味，酸味沒有，甜味也欠奉，只是吃到滿口是油。印象中堂食小菜是吃得過的，但外賣齋鹵味真的可以不試。

今日放工同同事行過灣仔我即刻唸起有一間素食店舖賣素鴨腎,义燒我想食好耐,今日終於可以一嘗心願~佢吔既味道係唔同d,有少少醋味咁,又唔係酸味~有夠硬身~ 我見佢吔仲有糕點賣,下次試下先

又因為去開灣仔，就專登去東方買我最鍾意食嘅酸齋。今次食完眞係失望，其實我都好耐冇食過佢D酸齋，但我好記得佢個味道，因為我覺得佢係做得好好，佢嘅酸味你會食得出個甜酸恰到好處，而個甜味係清甜嘅，但係我今次食完之後…發覺佢個甜味變咗，甜得嚟好似落咗糖精咁、怪怪地WU…WU…WU…

去完灣仔圖書館, 經過呢間鋪. 個名同大澳個間一樣又有少少餓, 就買左個芋角點知拎上手係凍既一食落去仲成口油, 又淋又唔脆..裡面有d雜菜我個人覺得好怪...總之唔好食...

放學後正準備找地方吃晚飯,每次路過也會被齋鴨腎吸引,但因為要吃飯所以沒買.這次也不例外,但臨離開前卻見有爸媽最愛的紅豆糕,便買了回家給他們試試.紅豆糕 - 啡紅色,很大件,紅豆極多,入口淡淡紅豆,一流.味道不算很甜,而且雪得冰凍,感覺很清涼.另多買了一件馬豆糕給自己.比起紅豆糕,馬豆糕內的豆不多,椰汁味很香但口感一般.紅豆糕較為出色.已說好了下星期再買紅豆糕,順帶買點齋鴨腎也好.

阿爸買了一包芋蝦同一包蕃薯片。芋蝦$65，有12個。芋蝦做得非常實，芋絲與芋絲之間差唔多無space。食時要用刀柄pok碎佢。炸得很香脆，但就唔夠芋味。蕃薯片超好味！好薄，超脆，好似普通薯片一樣，不過就甜嘅。好香口，食到停唔到口。

今日同事買了一盒齋俾我食,下午那餐吃得太飽,於是外帶回家.試了酸齋,唔夠酸味.咖喱的齋無咖喱味.齋叉燒又唔夠甜品.好在唔會整太硬之餘幾好咬口.只是不夠味道好淡口呢整體感覺麻麻地,唔算十分好食,不用專誠去買呢

2008年5月14日，東方小祇園平時久不久有買齋食，一買又一盒，現在要25元，最愛齋鮑魚和酸齋，另一半也喜歡吃齋叉燒。D味係校得幾好。今天又買了兜粟米粥，13元，有D磨菇，味道比我常吃的護生惜福的濃（價錢也貴4元），都幾好嘅。

無餡$3.5, 豆沙餡$4外表像平日吃到的水晶餅, 只是外皮變了墨綠色,嚼久了有陣很淡的甘味.

齋鹵味都真係好一段日子無食，主要都係附近無檔正，今日黎呢頭打完機見倒好似唔錯所以試下，我剩係鍾意食甜酸齋同埋咖喱齋，所以每樣十蚊，唔知係咪物價貴o左，我個人覺得份量比較少，不過講味道還可以，叫做比七仔果d叮叮齋鹵味正。

路過東方小祇園，雖然不算肚餓也買了一盒雜齋($25)，每樣一些。最喜歡吃素雞，其他諸如甜酸齋、咖喱齋等質素平均，未見突出。以前試過超難吃得難以形容的素叉燒，自此但求像樣就算有水準，小祇園順利過關。只不過廿五元一小盒，再買也要重新估計。