東屋台 (珀御)

营业中

休息中

最近不停食吾同既餐廳 而依間🙈系同事推介去食 一去到先發現主要系外賣無得坐系度食 但難得去到甘遠推介既小店 就企系度叫左一個餐來食 雖然價錢上勉強小貴 但味道好好食 😍😍😍！而且野飲放成個檸檬 真系估佢吾到！下次都會再來 食其他野～

小妹在想下午茶吃什麼好，剛好途經這裡，見門口幾多人排隊買外賣。之前都有聽聞這裡的大阪燒非常出名，所以叫左個基本款既章魚大阪燒。小妹十分喜愛櫻花蝦，所以都叫多左個櫻花蝦大阪燒。另外聽人說過一粒檸檬好正，特別是配桂花烏龍茶底，所以我都想試下。很可惜桂花烏龍茶底已經賣晒，可以選擇有四季春茶、桃香烏龍、玫瑰烏龍、茉莉綠茶。我問店員配什麼比較好，店員指每個味都差不多，我就選了桃香烏龍茶底，好像特別一些。這裡是即叫即做，要等15－20分鐘，唯有在附近的商店行下。幸好店員做得算快，不用15分鐘便有了！聞到陣陣好香既大阪燒味！的確大阪燒都幾足料，最喜歡是木魚片超多，這才有大阪燒的精髓！章魚燒內的章魚粒都幾多，配上一些粟米粒和椰菜，口感都幾豐富。稍嫌有些wasabi既味道比較重，應該是落了山葵，不太習慣。相比之下，我更喜歡櫻花蝦這款，個底既配料差不多，沒有章魚，但內裡有一些帶子粒，啖啖料，真係幾好吃！反而這款的山葵味不太明顯，較合我口味。很喜歡個底煎到有少少脆脆地，好香。到了牛丼，我叫了個細size，飯盒份量的確比較輕怡。牛肉配上洋蔥煮，日式的煮法，味道比平時的日式店吃到的偏甜，但勝在牛肉的份量算多。白

來到附近，當然是慕名而來到這裏幫襯幫襯，店舖主要以外買為主，只有幾個位置可供立食之用。因為太多人要懲罰呢間店，所以叫咗外賣都要等咗半個鐘先有得拎。可能呢間店太有良心喇，我叫咗嘅章魚大阪燒超厚，雖然味道唔係話超級好食，但質素都唔算差，醬汁唔錯，肯落多，所以好夠味。章魚又夠多，每啖都食到幾粒。粟米，雜菜都好豐富。另外，我好鍾意佢啲木魚，因為佢特別闊身，第一次呢個size，感覺特別有咬口。呢度可以再幫襯，難怪呢度長期都有人龍出現。

因為喺屋企附近又再次幫襯，照舊大碗牛肉飯牛肉份量勁多，章魚大阪燒依舊好味👍👍今次試到上次無貨嘅鰻魚飯真係物有所值，鰻魚夠厚又軟又滑，未食打開蓋見到已經覺得好正飲品就試咗片片橙熱情果+桃香烏龍，熱情果拼橙汁味道好醒神，我揀咗桃香烏龍做茶底，淡淡桃嘅香味加少少烏龍茶香，整體感覺上好清新舒服今次雖然等得耐咗，收銀已講明今日牛肉飯等得比較耐，但都係值得嘅……至少有良心又保持到食物質素同出品嘅小店係好難得

終於有機會試到……大阪燒粉漿夠薄餡料勁多，（試咗章魚同海鮮口味）椰菜絲亦好爽口，好味👍👍；牛丼個人認為味道好過吉××無咁多味精同勁多牛肉，（大碗）抵食之選；蝶豆花飲品酸酸甜甜清新開胃，推介總括嚟講係好味嘅，而且平日等得唔算耐15分鐘已經有得拎，同埋禮貌都唔錯，值得一試再試👍👍

最近都好落力懲罰黃店，東屋台有兩間分店（柏御and龍門居)，前排喺龍居居店食過章魚大阪燒已經覺得好高質，前日再去柏御試下其他美食。芝士奶蓋香桃茶 - 茶底採用冷萃技術，果然好濃茶香好出，奶蓋奶味香濃好滑，好正。海量海鮮大阪燒 - 真心勁多海鮮，裏面d蝦好爽口，大阪燒最重要係d醬，佢落得好重手，外脆內軟，正！屋台牛肉炒讚岐烏冬 - 好食，唔會炒到太油，好足料，每啖都可以食到牛、洋蔥、椰菜、冬菇，讚岐烏冬彈牙，味道好好。總括出品有誠意，小店大排長龍仍能維持品質，值得持續大大力懲罰。

Sorry，標題上寫呢間日式小店，實際上間鋪既嘢飲係台式，只有部份小食先係日式。小弟一直住係附近多年，見到呢間不起眼的小店實在未曾幫襯過，因為附近餐廳實在太多，而且呢間要立食，可以想像到舒適度唔及unun腳坐低食。今日特登過去試下，見到排隊人數已達到50+，不過我唔趕時間繼續排。去到點餐大概花咗一小時，跟住店員提醒食物到手最少要等半小時，其實都唔會有問題，如果唔ok 先前既一小時會變成沉沒成本。果然等多半小時，食物就到手。店員都有say sorry話唔好意思等咁耐 ，坦白講好少聽到有餐廳會同客人道歉。純茶四季春茶，飲杯唔到頂既原因係小弟太熱，忍唔住邊行邊飲，所以唔係話間店偷工減料。如圖所見，成個茶包放埋落去，好似無咩邊幾間會咁沖……不過茶味夠，只係唔夠凍（定係我等咗個半鐘太熱呢！？）牛肉炒鳥冬鳥冬彈牙、唔易斷，值得一讚！係其他鋪頭食多數斷到一節節，證明呢間貨源好。一開盒面個陣係類似大阪燒，好香口。而鳥冬底部充滿牛肉汁，唔係只得油。餐飲只能散叫，無得以優惠價加配，令到預算大增。但小弟會繼續懲罰你，加油！

今日突然之間好想食大阪燒，於是就下午茶時間來咗主力賣大阪燒既東屋台。佢哋嘅大阪燒係即叫即整，所以需時會比較長，需要有啲耐性。我需要從櫻花蝦大阪燒同海量海鮮大阪燒中二選一。最後1️⃣海量海鮮大阪燒($40)勝出。整個大阪燒嘅尺寸約有3寸大，以蔬菜為主，海鮮嘅份量也相當足夠，但他的照燒醬比較偏酸。作為下午茶份量剛好，但如作為午餐，這份量應該唔夠飽。除咗大阪燒呢度仲有賣，牛丼，鯖魚丼，鰻魚丼和咖喱飯。仲有10幾款台式飲品。

見到有新開餐廳，放假就落去試下！未開之前以為凈係得外賣飲品，原來有埋食身賣。雖然鋪位望落好似好細，但入面都可以坐到十零人，我lunch時間黎到都坐滿晒，而且keep住好多人買外賣走～野菜黑咖喱雞肉飯 $38日式咖哩口味偏甜，入面既蘿蔔薯仔都煮到腍晒，同埋切到細細粒容易食。雞肉既份量都唔少，不過一樣係細細粒，食起來就冇好豐富既口感。但整體味道都唔錯既，食緊日式便當咁～照燒鯖魚 $25另外追加的日鮪魚，味道不驚喜不意外，都係照燒醬甜味，肉質都好腍，冇乜魚既質感，下次未必會再嗌。海量海鮮大阪燒 $40本身就係想試呢個大阪燒！係章魚同海鮮之間揀左海鮮，大量紫菜同魚絲係面～切開全都係椰菜，正正！除左菜，都食到啖啖海鮮，果然係海量，唔係幾粒就完！個味道非常之咁合我口味，不過唔夠粉漿痴埋，食落有點鬆散，但對味道影響不大。本身想買埋野飲，冇珍珠但有芝士奶蓋，一樣都好吸引，但食完已經飽，唯有下次再試！

最近發現屋企附近開左間小店😚😚😚終於有小店出現唔想再食連鎖店了。。。。。佢地既大阪燒真係好好味👍🏼😋😋😋試過海量海鮮大阪燒同章魚大阪燒兩款既餡料都好多🥰🥰🥰🥰唯獨份量就真係細左少少😢😢😢😢希望之後會出唔同size la太細份唔夠飽 唔夠喉如果有大size應該會滿足好多😚😚😚😚另外仲order左杯passion fruit 四季春但價錢就有點貴 但味道係唔錯既👍🏼👍🏼#東屋台

最近有小店新張，終於唔使食連鎖食店，試試究竟龍與鳳，牌頭比較日本式🇯🇵，姑且食一食先首先見，名物大阪燒，名物台式茶今次叫咗海鮮燒芝士大阪燒$48 賣相比較特別，上面只有芝士，正常大阪燒係一定要有木魚碎Anyway, 可能係HK🇭🇰style, 切開食一食吓！wasabi 醬味大佬呀，係全世界食過咁多年大阪燒，都未食過呢隻味！非常刺鼻，唔該下次係餐牌注明一下裏面海鮮比較硬，內頭有：貝柱、蝦仁丶八爪魚，重點係等咗半個鐘頭先有得食另外還有點了杯芝士蜜桃茶, 都係麻麻地，芝士感覺太多奶油，冇乜芝士味茶味太淡(餐牌重話係4倍茶底)重有點了鯖魚定食，都係麻麻，好似罐頭魚咁🐟總結：價錢太貴，質素太低，如果平𧗾下會好D，其實我真心希望小店可以加油💪🏼

呢個新樓盤終於都有第一家檔口開幕，又近屋企 點都支持一下喇~~唔好睇呢間舖頭細細，宜家潮流興立食麻 但店舖內都有一d高櫈比食客坐，不過天氣太熱，門口太寬既關係留唔到食客堂食 (可能都係一個策略) 。我都唔例外原本想係度食，但等等下唔對路，急轉外賣講返d野食先，今日order左。。。 牛肉炒讚岐烏冬 (HK$48) 足料 好夠味，好好食，d牛肉唔會鞋十十，烏冬亦都彈牙，不過就油左d 。 火灸厚切鰻魚丼+玉子燒 (HK$78) 『抵』 賣相+真係厚切，仲要呢個價位~ 未食都覺得好過大型連鎖快餐店個d 鰻魚飯， 得果兩片仔，就收客人幾十蚊個飯，簡直係垃圾 講返盒飯先，真係好得 鰻魚好香，魚身雖算不上超厚，但都肥美有口感，仲有少少焦香，鰻魚汁配飯真係無得頂 Cappuccino (HK$38)落order時見到有部咖啡機，所以才order一杯試試，果然不錯，值得值得總括黎講，始終整幢大廈新落成，環景當然乾淨企理。如食材及品質都能keep到呢個水準或更好，不愁無生意。p. s. 位置位於馬路旁，仲可以偷雞停車攞外賣添！夠晒方便

呢間新開的小店聽聞係龍門居果邊的分店。座落新屋苑商場地下，裝潢都幾高級咁!食物的種類是外賣小食類多，所以台內的坐位都唔算多! 不過要讚的一個位，就是每張枱也安裝了一個USB 插頭，方便大家叉叉電。見有位坐，我點了一客火炙芝士海鮮大阪燒和叫了一杯十勝紅豆牛乳沙冰享用。可能新開關係，都好多人走去門口睇下個餐牌。較多人選擇叫外賣，所以都要等一等個大阪燒先出到。紅豆牛乳沙冰較快上先，可以飲下凍下。平時飲紅豆冰成日都會出現奶還奶、紅豆還紅豆，味道比較稀。東屋台的紅豆牛乳沙冰就比較香濃，混埋底層的紅豆食口感更加豐富呢! 大阪燒都幾足料，不過份內就應該唔夠一位男仕食了。成個餅啖啖都係肉，味度十分！！！下次可以搵多幾個人一齊試多幾份LA~

家住食店附近，見證它裝修到如今新開張，是日與朋友經過，決定一試。店內的坐位比較少只有bar 枱與數張枱，就算堂食也是用外賣盒裝著，所以和朋友決定外賣食物在家享用。鐵板燒是即叫即整，我們點選櫻花蝦鐵板燒，味道很讚，有帶子在內。 😃另外還點選 溫泉蛋牛肉烏冬，一打開蓋子，外表令我想起那連鎖吉x 家😂，但整體都不錯，牛肉juicy，烏冬彈牙再拌上芝麻醬，感覺清新。兩樣食品共$83。總括而言，會再encore。