東大門韓國料理 (已結業)

今晚去桌東大門食韓國燒烤，東大門好多都系四人以上既台，很多客都系兩個人，占住張四人台，其實有兩個位就用唔到，但又唔可以share一個爐，我地8點左右到，都等左45分鐘有多。我地叫左個四人餐，有牛肉，猪肉，鶏肉，魷魚同蝦，一D小菜當然唔小得，四百幾蚊。小菜無咩特別，不過不失。肉類系主打，但系我覺得系水平之下。可能做自助餐爲主，以量取勝，肉腌得唔好味，好馬夫。而且肉的質地都非常一般。食物價錢唔算貴，只系特別多其它收費，又服務費，又收10蚊一碟辣椒醬油，烤盤燒黑換一個要收11蚊，總之其它項目收成百蚊，好似有D取巧。

其實而家除左巨龜莊、新羅寶….總之唔洗自己烤既韓館,先至會去。但老公話呢間東大門唔錯。是但啦,橫掂今餐醉翁之意不在食。Early dinner未有人客,我地叫左四人餐,有basic豬、牛、雞。仲有牛肋骨、魷魚、四隻蝦。四碗大、白蘿蔔湯、前菜(阿姐捧住九款,叫我地揀六款,準備揀之際,佢又話,俾八碟你地喇,之後o個一碟,唉….唔爭在俾埋喇),hehe...所以我地有九碟前菜。前菜無乜什麼標緻,多數都係菜類。肉類,好欣賞佢,切薄片。香港人個性急,無耐性慢慢燒,燒得耐又燶晒。薄片肉,放落去烤板上,睇住佢熟,好快可以拎返上黎,又唔會燶,啱啱好。最好食係牛肋骨,同埋中蝦。牛肋骨好有牛香,不過有幾件韌；蝦係中size,燒完仲有成隻肉食,又新鮮。以前食過「漢和」、「漢陽」,真的怕怕那朕油煙味。估唔到旺角上樓韓烤....我諗係靠烤爐側邊氣窿散味卦,都做得幾好。叫餐都抵食。p.s. 酸梅湯OK,有酸梅味,沒有死甜。腐竹蛋糖水,味道似模似樣,不過好杰,感覺怪怪地。

大除夕果然係同朋友出黎慶祝慶祝啦~朋友都希望食韓燒,我又看見這裡的評級也不錯...都想試試...但除夕多數已訂位..於是小筆在同伴約定時間早一點上來..希望可以掽掽運氣...六時半來到....空置的位置很多由於同伴還沒來到的關係..於是領了籌...當時才發現,原來早一點到是有著數的!拿到了大號桌子的202號(前方就只有201號,還要是訂座的)..真幸運....七時半....人們都逼在一條小通道內等候位置(當時已經滿座,而有的朋友還沒到)直到8時半左右才有位置.....待客的態度也不錯...雖然面對鼓譟的客人.仍然冷靜面前...(樓上曾所說的201號客人,雖然訂座了也沒有位置,當時感到十分不滿,最後得到了調停)食物實在一般...小筆極不推薦秋刀魚跟八爪魚...不能入口....其他的也達到可以接受或以上水平.....如需要換鐵板,要先關爐10分鐘才可替換..而且只可以免費幫你換一次..所以也不建議各位換板...由於飲品要另加錢,所以我們都不叫飲品..最後結賬時每位只需付163元左右...價錢方面還可以接受....

第二次吃這個午餐韓烤了，很開心。點的當然是最抵吃的燒烤一人餐﹗前菜選了芽菜﹑大豆芽﹑白菜和魚片，前三者很爽口香甜，還帶著麻油香，又開胃又吃到爽爽聲，爽﹗上次吃這個魚片很淋劈劈，今次正常返，有咬口的，我還是喜歡將它放在烤爐上熱一熱才吃，更加香口。肉類就選了石斑魚﹑雞肉﹑牛肉和魷魚鬚，可能是我們手勢問題，而且個爐較了細火都好猛力，很多肉塊烤一陣就變得燶又乾，石斑魚比上次吃到的薄左，以雞肉就最好食，因為它是最厚的，烤成品都保持到肉滑嫩的，魷魚鬚每條都很長很肥大，牛肉是薄切大塊的那種。除魚柳是原味外，其他肉的醃味都是一樣。配套的蘿蔔湯清甜，但面頭那層油不算薄，白飯就煮得較淋了，最後的腐竹雞蛋絲糖水足料用，而且是少少甜，非常岩我，之但係離奇在有層油響面…這個小小餐，既可滿足燒烤慾望，又不用一味吃太多肉入肚，是個不錯的餐飲選擇哦。

今日同友人一齊去東大門食野.................首先今次係第一次去.....................因為放工所以遲到......但當我一坐底.......友人A,B&C已經開始話呢度咩野食到無咁我就拎起左張黃色點菜紙............上面有熟食有燒烤用料同打邊爐用料一開始叫左個春卷.................凍既.....隔夜既=.=......唉....之後再試蔥油餅........又凍又多油唉失望..............一見熟食唔多得就叫D野黎燒下.........點知.............得雞牛豬......選擇唔多就算啦.............燒到咁上下最不知所謂既四樣野...............韓燒正常會燒焦左個架.....會有人換的........點知兩小時內只能免費換一次.......之後每一換都要比$11 不知所謂此其一換個架要呆等20分鐘先比換....又話有煙....又話唔想煙到旁邊D客(大佬...食果兩個鐘....無左20分鐘....無野呀,仲有呀我地旁邊到無客...我都唔知佢點攪ga)不之所謂此其二又叫任食....哈哈

可能因為唔係假期既關係,,,等位等左五分鐘就有位,,,Lucky,,,一行四人行完波鞋街已經勁肚餓,,,一坐低即刻剔野食,,,值得一讚既係食物都幾快就黎到...而且仲有d熟食可供選擇,,,所以我地可以邊食邊燒黎等食,,,^^而且食物質素都算幾好,,,有兩個熱心既待應教我地點燒先唔會咁易燶and整燶塊板,,,因為換板要等10分鐘><食到有少少飽意我地就換板,順便當中場休息ma,,,haha^^最後真係要讚一讚個西瓜,,,好好味,,,而且d桌間開晒,,好似有間房仔咁,,有私人空間,,,P.S 其實唯一缺點係夜左既話有d食物會無左,,such as 蠔,,, 但好欣賞食完都無油凐味,,,整體而言,,,8分

如果大家想約埋三五知己親朋戚友同至愛開開咁食番餐，我勸你都係唔好揀呢間野...不過，如果你想貼錢買難受，呢間野一定係首選！誠意推介！尋晚..第一次來...真係大開眼界呢間野服務特色：1. 限食兩個鐘，同你準確計時，8:05PM入席，9:50PM已經好主動咁隊張單要你埋單，效率一流！2.員工服務態度富有特色：1. 無故黑面; 2.講野大聲;3.收錢唔講多謝... 最有特色莫過於當一個擬似管工級別的中年男人晌隊完張單俾我地0既時候，佢企晌我地張枱旁邊大大聲吩咐佢0既下屬要準時熄我地個爐(其實佢吩咐下屬準時熄爐係冇問題，問題係佢大大聲晌我地旁邊講，事實上同趕我地走有咩分別？當我地晌10:15PM左右走0既時候，仲見到有最少四成座位係吉0既...有必要咁冇禮貌咁趕客走嗎？就算係想趕客走都可以有禮貌0的卦？！)3.最富特色莫過於只限免費換一次鐵板，要換的話仲要熄爐等10分鐘！晌其他韓燒店簡直聞所未聞....嘩！原來話限食兩小時1小時50分鐘！至於食物..冇咩特別，種類比漢和苑少一半！下次都係去番漢和苑！

暑假最後一天媽媽提議去吃韓燒於是到旺角東大門其實要評韓燒的食物是很不切實際的因為燒的時間絕對會影響食物味道但我出馬, 燒出來的食物當然好味! 哈哈午市時人不多所以招呼也較為周到燒的食物有:牛肉, 肥牛, 雞肉, 豬肉, 石斑, 鱔燒的我不多作評論了其實大多都很好吃只是豬肉經常燒得太韌kimchi方面大多數也偏咸上次我吃過的, 很好吃的魚仔今次沒有白飯是用珍珠米飯味就沒有了,但是口感十足蘿白湯很甜媽媽說味道不錯但我不太喜歡腐竹雞蛋糖水找不到雞蛋,因為份量很少而且顏色跟腐竹很相似但整體來說味道是不錯的食物就說過了, 我比較想談的是座位其實座位讓人蠻不舒適因為腳不能伸一伸便會頂到爐底衛生方面, 油煙全部向下抽走吃完之後不會感到「一頭煙」但看著那可怕的爐底使人扣了不少分數果然有些東西, 眼不見為乾淨4人埋單也只是$38.5, 抵食吧!

食物:選擇小,而且一般,個鴕鳥肉都唔知咩黎,一生中最難食o既鴕鳥肉,,牛肉ok,個西瓜幾好.....系咁多服務:服務生態度麻麻,唔知系咪公司定得多呢d太多規矩,成日比人投訴,個個面黑黑咁,人多安排差,十一個人得兩個爐,座得好迫,而且燒o既時間一樣,.....同服務生反映,佢話公司規矩....我邊講佢邊走,要出動經理先肯加多個張枱同個爐........燶左只可換爐面一次再換要自行比錢換,個爐面ok唔太易燶,這個可接受.但換爐面要關火等十分鐘先可以換..........佢又話公司規矩,要等吸走油煙先換得.........二個鐘食咁都要呃你十分鐘,就系咁成班人停晒手系到十分鐘等換爐.......咁奇珍O既解釋~~呢我比十個"珍"重有廿分鐘已隊張單過來話通知你...................咁壓迫性好強,~~唉

好一般嘅食物質素最好味都係炸饅頭整體服務好好好好好好差只准換一次鐵板, (其實都可以接受)不過d waiter/waitress好大聲傾計, 重喺我哋張枱隔離話另一枱客好麻煩問佢哋攞多一張餐紙, 要收多十蚊!!!!!!!!!埋單一句"多謝晒"都冇, 離開時同四個waiter/waitress有eye contact, 但冇一個會講"多謝晒byebye"不過最難受嘅係有兩個過份熱心嘅waiter成日過嚟話"你咁燒唔好ga, 要一夾起d嘢食就即刻再落d生嘅食物至好~" "放多d喺中間la!"但我哋想慢慢食......而且因為我同男友食, 所以覺得有D騷擾......

東大門5抵食茶芥:$10唔包飲品d飲品又貴規矩多多,限時限刻食品選擇少

大約 6 點 9 去到﹐可能仲早﹐所以都唔使排。優點﹕每張枱都有屏風隔住﹐所以都好有 privacy。所有叫嘅野都有黎齊﹐仲黎得好快。小食有春卷﹐咖哩角﹐椰汁糕等等﹐仲有 d 韓式嘅前菜。當係 side dish 食都唔錯。汽水只係 $7 一灌﹐算係平。有支油俾你自己落落塊燒板度﹐見到呢度好多人都話唔夠﹐但我地就足夠有餘。成樽我地只係用咗三份一。亦無需要換塊燒板﹐可能係因為我地兩個人食得好快。一個鐘我地就已經食完﹐所以都無俾人催走。缺點﹕個火好似會無啦啦自己熄咗﹐或者自己變細咗﹐搞都要叫人黎開返。不過一噤張枱格離個制﹐佢地就好快有人黎﹐服務唔錯。選擇唔多﹐但就好岩食肉獸。泡菜酸辣湯比較似羅宋湯。如果用羅宋湯嘅角度黎睇﹐味道都唔錯。如果想食平嘅韓燒﹐要求又唔太高﹐呢間都係一個好嘅選擇。應該會再去。

繼4月約埋朋友1行4人試過東大門之後. 事隔兩個月又再幫襯佢啦.今次只係同1位朋友兩個人去. 食個半鐘.可能係因為係旺角鏹水事件+今日係閒日既關係, 東大門今日唔係好full, 我同朋友仲可以坐4人既包廂.今次試左唔少野, 包括1) 田雞脾2) 人蔘雞湯3) 泡菜辣湯3) 羊肉本人唔食田雞脾, 所以冇試. 但朋友話幾好,唔錯 所以食田雞既朋友都可以試下人蔘雞湯. 我覺得都okay啦. 似例湯+少少人蔘咁泡菜辣湯. 味道okay. 有d似羅宋湯, 但又有泡菜既味同辣辣. 飲落去個味幾特別. 羊肉好多人都怕 ''蘇''. 但呢個羊肉冇乜呢d味. 所以怕''蘇''味既朋友都可以食.可能因為而家夏天,同埋自己 o岩o岩係英國返黎未係好慣. 我係覺得今次唔係好夠冷氣, 有d焗. 我係出汗 orz -_-同埋如果夏天佢好似漢和同漢陽苑咁有任叫凍飲就perfect啦 !!!!!

有別於其他韓燒餐廳自助餐，此店的燒烤生料不是自己拿，而是在食物紙上點選。雖然不能先看D食物，但勝在方便，不需行來行去。燒烤生料約有三十款，唔算太多，連同其他熟食小點，倒是足夠的。海鮮配料來說，蠔及蜆較好。青口燒完太乾身；蝦亦細隻唔係咁生鮮。石斑魚(青衣柳)及白膳片都唔錯，可以一試。肉類配料方面，味道不過不失，較為喜歡的是牛肉及豬扒。至於熟食小點，不是試了很多款式，較有印象的是腐竹蛋糖水，幾足料及好味。餐廳效率幾高，食物頗快奉上。價錢$128一位連$10茶錢及加一。老實說，食材價錢本身不貴，我們亦食得唔多，以上價錢能包括飲品會更合理。

我最中意一班人去韓烤~見呢間野排位咁高~就黎開飯啦~嘩唔知係咪食慣漢陽苑,漢和既buffet呢度要落紙既...始終唔係幾開心囉~食物話好好味咩~又唔係啵~而且d野飲都唔包既食韓烤唔飲野下火又唔得...仲要等左好耐先有得食添一格格咁既位又唔係咁好坐...而且都幾大油煙不過d伙計成日較我地要點點先唔洗成日換板...你想換板呀?好似只係可以比你換一次嫁咋!不過下次唔會再黎啦~唔值..我覺得漢陽苑,漢和已經滿足到我了~