東南加 (已結業)

今日去花墟買水仙頭前o黎呢到食午餐.叫o左咖喱海鮮喇沙米線連熱咖啡.買完等o左好耐至有得食.點知食o左重勞氣!米線太淋,又冇乜海鮮,只係有D好細o既蝦,蜆,蟹柳同幾條魷魚鬚,連魚肉都冇,重要係雪到乜味都冇剩得雪味添!!差到食兩啖唔想食!個熱咖啡重差,冇咖啡香之餘重苦到震,加o左兩包糖同coffee mate都唔掂,係我飲o左咁多年咖啡以來其中一間最差o既!!以後都唔會幫襯!!

下午茶時份，叫了一個台式豬軟骨拉麵加凍檸茶。檸茶很大杯，抵讚。拉麵像一般的日式拉麵，有芽菜做配料。豬軟骨是甜甜的，那些連著骨的肉也挺好味，可能是因為那甜甜的汁醬的關係。但問題是，我叫豬軟骨拉麵，就是想吃那些軟骨，但軟骨呈乳白色狀，一看就知炆得不夠火喉（還是沒有炆？！）一咬下去，差點連牙都咬崩，硬得出奇的軟骨，叫人怎吃！好在其他食物水準不俗；保著一個ｏｋ臉。

話說在新世紀搵食，我的心水是越棧，男友的心水就是東南加。　據他說，千燒百味同樣都賣海南雞飯，不過這裡的飯是雞油飯。而雞油飯的精髓根本就是海南雞飯，當然要揀東南加。　對我來說，是不是精髓其實不重要，味道好吃就掂。一試男友的雞油飯，係幾香幾好味，結果我吃雞油飯多過紅糙米。海南雞本身ok，加上有菜有湯(永遠的配搭-西洋菜湯)，都算豐富而味美!　原來街坊餐很飽的!!不過還有下集....

要左一客馬來炒貴刁($26). 再加一杯熱飲(+$3)貴刁係即叫即炒, 夠熱辣辣, 配料有火腿, 肉絲, 蝦仁, 芽菜等, 份量幾足, 味道亦唔錯, 食到一半已好飽, 結果由媽子包底...雖然同平時食的馬來炒貴刁有點出入, 但都算食得過. 不過想問點解呢度的貴刁咁粗0既????

之前果次響觀塘APM間南香風味館......今次價錢一樣($42), 但冇尋日咁好味囉, 最初諗住呢間野係椰林閣集團都唔會差得去邊......好彩新世紀廣場Food Court晚市做緊又食又拎Promotion, 拎走盒惠康賣緊十四個九的咖啡, 唔係真係抵唔番.