東京の味

今日下午自己一个人去食，烧烧下个火炉突然起火，好恐怖，个火系烧出个火炉40厘米高，chisin，跟住我叫店员黎，个店员懒懒闲咁话可能系啲肉太多油，真心咩，我从来都冇遇过甘样既情形。后来我话换位，佢换去隔离，我话我唔想坐个度，想坐远啲，佢就继续懒懒闲咁话冇野架，安全架。我后尾insist佢先肯⋯…查看更多

经过此餐厅多次，总想去帮衬，今日中午终于有机会一条冷杀上去。上到去已有两位女职员企喺楼梯顶等候客人即我😆，职员很有礼问我想食烧肉定火锅，我系冲著嚟食火锅的，贪够快。中午时分客人唔多，只得4-5枱客，心谂系咪伏咗，但都唔理了，既来之则安之。最后点了个$198放题餐，有两款牛肉（一般），一款豚肉（唔错），其他料及饮品自取。原来中午免加一兼有9折，时限原来去到3小时（以前90分钟），真系生意难做，以民生区呢个价钱任饮任食3小时，坐下食下啤下吹下水，系抵玩嘅！环境算唔错，窗边有卡位，但个地板有啲滑。自取食品同饮品都算唔错，一般蔬菜，丸只得贡丸（好食）和墨丸（唔得），有急冻蚝，鱼片（有骨），熟泰国虾（好食），泡菜，麻辣云耳等等，饮品有两款啤酒，两款清酒，汽水茶等等，自取食饭品区算企理的。肉类扫码落单，好快上枱。职员几好，有礼貌。希望呢间餐厅保持到呢个价位，益下街坊，依家香港饮食业难做，星期六中午咁少客，其他时段唔知系点，希望佢长做长有。…查看更多

烧肉最重要就系啲肉够靓。呢餐最开心就系呢样嘢！我哋拣咗$148烧肉放题，老板同职员主动提出帮小朋友度高，享用$88小童价！放题餐提供基本猪牛鸡同素食，全部都相当新鲜优质，可以唔用调味料，不过个胡椒都非常惹味。枱面酱料锦上添花，亦有另外收费嘅食材可供选择，饮品半价。我哋响非繁忙时间去，上菜速度快，职员礼貌友善，环境亦宽敞舒适。小朋友表示好似去旅行咁开心，仲饱到上个脑下次会试埋火锅，咁就可以食到自助区啲嘢！…查看更多

【深水埗区】【东京の味】喺夜晚行经长沙湾，想揾啲嘢食吓。咁我一条友又好难去食朱敏记大牌档嘅，但系见佢对面有间做日式烧肉同火锅嘅，就过去望吓。𠮶吓有啲肚饿，我见佢哋个火锅有任食，所以就放弃咗要叫定食嘅日式烧肉而选择咗任食火锅。餐厅有两边嘅，食咩任君选择。而任食火锅都有好几款，我就拣咗 $268 嘅「极上美国牛小排放题套餐」，系第二贵嘅套餐，有得食极上美国牛小排、澳洲谷饲牛肉、特选美国牛胸腹肉、北海道梦之大地豚肉、严选牛肉。而汤底我就拣「樱花虾豚骨锅」，樱花虾味都可以，个味系几出嘅。除咗可以任叫任食嘅肉类，仲有自助吧拎嘢食，估唔到佢地方唔大但啲选择几实在，有蚝，有蟹棒。嘢饮方面，日式、韩式都有选择，甜品有泡芙，面食都有几款，有惊喜嘅。佢哋九点后做紧八折优惠，所以就算加埋一，埋单都系 $241，解吓放题瘾系可以。。。（地址：长沙湾东京街31号恒邦商业大厦地下3号舖及1楼）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am深水埗区 #长沙湾 #东京の味 #东京之味 #极上美国牛小排放题套餐 #极上美国牛小排 #澳洲谷饲牛肉 #特选美国牛胸腹肉 #北海道梦之大地豚肉 #严选牛肉 #樱花虾豚骨锅 #1am1580 #1ambackup…查看更多

去食午餐火锅放题，价钱表面上十分平（50蚊起），但其实好多都要额外收费。 最搞笑系出面写放题专用既野，其实你好多系唔比拎，包括饮品，肉类，午餐肉等，好多要单点加钱！冇错，系要逐样单点加钱，唔系加钱放题。只系可以拎菜，而且系冇任何侍应讲比你知规矩，而出面所有食物柜都贴著一张写放题专用的标示，冇任何特别注明，连颜色都一样，点分呀大佬。最搞笑既系想拎泡菜时，侍应又话唔可以拎。原来泡菜唔系菜，完全刷新我认知！最正既系仲要个侍应成程望实你个煲有冇拎到其他唔俾拎既野。讲真食得放题就唔介意比多d少少钱，你未收返百几蚊任食啰，完全系贴钱买难受，平野冇好。…查看更多