傑嫂食堂

营业中

休息中

今次同兩個朋友聚會，三個人叫咗幾樣嘢都唔錯🥰，有啲食物梗係要再次encore啦，間餐廳服務態度好親切，香港好少有咁嘅服務了👍🏼我聽餐廳職員講原來佢哋係有午巿，有籠仔飯，下次睇下就唔就到時間試下先🥴入正題🤭牛肉愛好者的我必點手切牛肉，同上次一樣無失望，好好食。蟹籽百花釀油炸鬼、魚皮及響鈴真係必食，完全忍唔到口🤤湯底試下新嘢，竹笙花膠雞子鍋好濃郁嘅雞湯味，花膠又多又厚，啲雞嫩滑，好好飲海鮮全部都好新鮮，下次可能又會再叫🤭

平時我喺香港好少會一個月返食同一間舖，何況我一個月食咗四次今次試咗佢哋嘢牛奶野菌黑松露煲極度推薦🫡 牛奶同埋黑松露嘅香味啱啱好又唔會冚過野菌嘅鮮味🐮 建議食之前飲啖湯先湯底非常滑仲有淡淡嘅野菌味慢慢滲出嚟最好叫埋黑松露牛肝豬肉丸熟咗之後吸收咗湯汁嘅肉丸，咬落去先係牛同豬嘅少少嘅鹹味同鮮味再加上咬落去就爆出嚟嘅 牛奶湯嘅甜味實在頂級仲有就係唔可以唔提起嘅香辣羊肉餃🐐 冇強烈嘅騷味又有少少嘅胡椒味，再加上外層嘅皮有夠彈（ 就算唔鍾意食羊嘅人都一定鍾意食）⭐️每次去到都要叫兩盤( 如果唔係就畀friend搶曬嚟食🫠）真係冇諗過喺香港都可以食到咁好食嘅羊肉餃🔥之後就係個海王燒賣，咁大個仔第一次見咁大粒燒賣🤣 擺咗落去個煲都唔會散開！食落去口感彈牙直頭建議攞嚟做乒乓波🤤食咗一定有好大嘅滿足感🫡最後就係海鮮嘅蠔啊🦪手板咁大隻! 食落去非常新鮮建議可以配搭牛奶煲或者蕃茄蜆煲🔥 講真淨係食蠔都可以食到飽份量又夠大，食完飲杯啤酒實在太爽❗️評價: 如果香港食物係有指標，呢間舖應該係喺金字塔塔頂🌟

天氣炎熱，路經荃灣二坡坊小店，就試下幫襯。可能是下午兩點半左右，所以食客不多，店內裝修雅緻，店員服務十分好。我們兩人叫了：#艇家龍躉籠仔飯$68，龍躉足有四大件，十分新鮮，炒飯乾身，吸了魚汁的鮮甜味，但不油淋淋。#自家制蕃茄湯韮菜餃及魚皮餃麵$52，韮菜餃的韮菜豬肉比例剛好，食得出是自家制的，比交來食品好得多，魚皮餃皮厚薄適中彈牙，蕃茄湯鮮甜無比，應該沒有味精，我們喝盡整碗後，並沒有口渴感覺。#醉雞$48，酒味香濃，雞肉嫩滑。餐飲（跟餐附送）是冰涼的竹蔗茅根水，真材實料，清熱潤喉。整體來說，十分滿意飽足。😋

前排同班朋友係荃灣尋覓緊晚餐食咩好，咁岩見到呢間新開嘅小鋪，menu望落好似幾正咁，見新開裝修環境又夠晒乾淨舒服，就決定入去試下。點知入到去完全係出乎意料！一入到去店員同老細都好熱情，態度超級好！！好耐冇係香港嘅餐廳感受到咁多嘅人情味😭少感動！仲要全部野食份量都唔少，望落賣相靚又勁好食，勁高汁！我地成班人食到Japjap聲🤤超級推薦大家一家大細或者成班朋友黎食，我地下次會再黎試下佢地午市D野食～

上次同frd係呢度打完邊爐已經想再嚟食，上個禮拜六今晚又嚟荃灣，順便就試埋佢嘅午餐，點知都係一樣驚艷，真係好食到喊出嚟😭嚟到我叫咗芝士腐乳滑雞籠仔飯，朋友叫咗醉雞麵（太餓唔記得影相），試咗佢一嚿雞，勁濃酒味但唔會苦，啲肉又勁嫩，唔飲得酒嘅人可能會醉😂😂但真係好正👍🏻之後我嘅籠仔飯到，個籠大過我塊面😂仲要原來係炒飯底🤯成個面都鋪滿芝士同雞，啲雞仲要唔係得啲骨，係好多肉🥹芝士仲係拉絲狀態，腐乳就可能因為撈埋一齊睇唔到😌最驚艷我個位個「炒飯」‼️‼️‼️‼️真係超級好食，有鑊氣，夠乾身，粒粒分明，軟硬適中，仲有好多蛋😍😍😍我直頭覺得$58呢個價錢淨係俾個飯我都ok😂撈埋芝士腐乳同雞，我一個女仔10分鐘食曬咁大碗飯😂😂如果我返工喺呢度附近，一定日日買🫡下次再嚟試埋其他嘢～

充滿驚喜嘅邊爐！！！強烈推介花膠雞湯底，足料無味精，仲有好多舊花膠添！佢啲牛肉同餃子都好正，粒粒餃子都好似手掌咁大，啲鮮蝦雲吞爽口彈牙！仲有響鈴好鬼正，可以兩食，點泰式醬汁又好食，浸落啲湯度都好食！！餐廳個vibe好適合一堆朋友一路飲酒一路打邊爐一路傾偈！佢仲有啲送酒小食，啲炸物都好好食，全部即叫即整！題外話，餐廳播啲歌好有feel，全部都係廣東歌！餐廳唔係好大間建議可以預先book枱！一定會再encore😍

連鎖任食bino間間都一式一樣，身為荃灣街坊 路過一間新開嘅餐廳，同埋見到menu啲食物幾吸引就同屋企人入左去試！今次晚市試左招牌濃湯竹笙花膠雞翅鍋同埋茄卜卜蜆鍋 兩個湯飲落都好鮮甜好足料！雞件超級嫩滑 卜卜蜆都好新鮮 一啲沙都冇 超級推薦試下呢兩個湯底！！！！！！至於食材，佢嘅小食、手打丸真係前所未有食過呢啲菜式，因為出面餐廳唔會有！推薦脆卜卜荔枝蝦球，即刻炸起咁趣同埋超級彈牙！仲有蟹籽百花釀油炸鬼，第一次食嘅新菜式，估唔到咁有驚喜超級脆口，估唔到打邊爐嘅小食可以咁有特色，街坊店果然係臥虎藏龍！至於手打丸，竟然打邊爐有海皇燒賣😂😂 但食落又係超級足料嘅蝦滑！鹹蛋黃墨魚丸都係必須要試，拳頭咁大粒！！呢間舖所有手打食材都做到好彈牙！好讚！呢啲小店好值得大家一試，而且價錢都好公道，人手野值得好好支持！

二坡坊開咗間binno/雞煲店 揀咗牛奶黑松露花膠鍋🍲個湯底高質到飲唔停口😋出面都有好多火鍋連鎖店 一直以嚟都覺得出面啲湯底好hea 冇乜味道 但估唔到今次會比小店驚艷到🥲啲湯超好飲今次都同朋友叫咗唔少嘢食 每一碟食材都好新鮮 除咗打邊爐例牌嘅料之外 仲試咗啲餐廳手工製邊爐料 同樣非常出色👍🏻餐廳環境都唔錯 坐得舒服 係同一大班朋友食飯嘅好地方 重點係我會為咗啲食物+湯底回頭😭有機會再試埋午市嘢食總括而言 非常推薦呢間小店😼

同其他火鍋店唔同，好多自家製食品！本身都係偶然上網search 荃灣火鍋店見到呢間新開火鍋店。入邊好似有好多特色嘅食物，包括餐前小食/火鍋丸類、餃子、雲吞/飲品好多都係自家製作。湯底都同平時火鍋店唔太一樣，比較多特別嘅鍋底味道，所以想試下。食完更加覺出面應該唔會食到一模一樣！位置係楊屋道街市附近，可能要細心搵搵但都容易，靠近公園位置。雖然店舖細細間，但係都有獨立廁所（餐廳出邊但係隔籬）呢個位都好加分！服務唔錯，雖然係新店，但店員都會經常留意鍋底夠唔夠湯，主動過嚟問！下次去開荃灣應該都會因為自家製嘅配料想再去食

我係邊爐控，就算而家出面有幾熱都會照打邊爐，無阻我對打邊爐嘅熱愛今次約咗屋企人响荃灣一間新開嘅小店打邊爐，地點都OK响二陂坊，行完街就去食，冷氣非常足夠，坐位都算寬敞首先湯底我叫咗個蕃茄卜卜蜆湯，好多蕃茄同埋好新鮮嘅蜆，蕃茄味超濃，啲蜆嘅數量好多又無沙好新鮮好甜，飲完碗湯就開始帶打邊爐打邊爐最緊要係有肉食，手切雪花肥牛好好食，每片都有雪花紋，肉質鬆化，充滿牛肉甘香🤤媽媽最愛食海鮮，所以叫咗蟶子、蠔、蝦及元貝，媽媽本身都幾嘴刁，佢今次讚不絕口話超級鮮甜無沙仲想encore打邊爐唔少得響鈴及魚皮，我覺得任何嘢即整係最好食嘅，炸到金黃香脆，完全無油味，就咁食又得，浸一浸食都得，中間保持香脆，入口有湯底鮮甜味，正🤤😋爽脆豬潤數量都幾多，食落有薑及酒味，口感好爽脆，一啲騷味都無，我好鍾意❤️仲有叫咗鱔片、牛骨髓及花雕醉雞，都十分新鮮好食，下次必定要再去食差啲唔記得咗，我哋仲叫咗一些小吃在打邊爐之前食，當要等齊人或飲返杯時最適合🥰藤椒魚皮/蟹籽百花釀油炸鬼/脆卜卜荔枝蝦球整體來說，𠍇嫂食堂的質素真的很高，無論湯底、小食抑或火鍋配料都相當令人滿意，服務態度也很好！必定會再去試其他湯底及嘢食🫶🏼

今日做完運動見有時間無聊行下睇有乜特別野食醫肚，一路行都係一啲連鎖經營嘅店舖未有令我心動，行行吓去到二陂坊遊樂場附近，意外發現一間小店，水泥外牆室內裝修帶有懷舊風，在餐牌上看見芝士腐乳滑雞籠仔飯想像唔到芝士同腐乳可以怎樣融合在一起？即管入店試試，當侍應送上原來份量都不少，芝士同腐乳嘅比例恰好，大家都沒有喧賓奪主，雞肉沒有嚡口份量也不少，炒飯底這個真是令我意料之外，桌面上還有自家製醬油提供，加埋一齊更加惹味😋配埋餐飲凍羅漢果茶$58呢個價錢性價比超高🤭食完個飯真係大滿足😍

上個禮拜收到風，荃灣開咗間新火鍋店，即刻約班為食朋友去試！結果...真係冇介紹錯，由湯底到配料都誠意十足👍🏻✨花膠菜膽魚湯豆腐鍋(廚師是日精選$218）湯底超足料！花膠同魚湯熬到奶白色，飲落超鮮甜，菜膽豆腐吸晒湯汁好正，傑嫂教飲咗個湯先，未打邊爐已經飲咗兩碗😆「好好味啊」小食：荔枝蝦丸 熱辣辣外脆內裡蝦膠彈牙，點埋個酸甜自家醬 ，好開胃蜜糖芥末午餐肉 估唔到咁夾！蜜糖芥末醬惹味，午餐肉煎到脆邊 蟹籽百花油炸鬼 油條釀蝦膠香脆可口海王燒賣有創意松露蟹肉餃🦀驚艶到我！咬開creamy爆餡料,松露+蟹肉鮮甜口感好似食緊西式濃湯好好味，一定要encore！ 手切原條🐟石斑（廚師是日精選 $168）魚片鮮甜爽滑！仲可以慢慢輪埋魚頭，平時打邊爐真係好少咁食😋（唔係成日都有㗎，不過可以同舖頭預訂海鮮）🦪生蠔 新鮮大大隻脹卜卜仲好大盤，淥完脹卜卜好有蠔味👍🏻豬潤🐽厚切爽口冇腥味 🌟💫手切雪花肥牛🐂 脂肪分布平均，食落好腍滑好有牛肉味，一睇就知道係好嘢，淥一淥已經好好食，好過食連鎖店好多免收加一，為返每人都係$300左右街坊價錢真心抵到爛！由湯底到手工菜都睇到心思同誠意，尤其肥牛海鮮新鮮好正！環

終於輪到兩個月前約的飯局 🤭  改了又改😆  朋友們揀左荃灣呢間新開既小店慶生🎂🎉🥰 很喜歡這裡的主題佈置，懷舊而不失時尚格調 🥃🍸🍹食物亦很有水準，在大集團吃過的手工菜，估唔到呢度都有👍  小店做到咁多手工菜，實在難得， 推介以下菜式：😋招牌雞煲 （個汁好惹味，配料：洋蔥，芫荽＆蔥亦非常足料）蕃茄卜卜蜆湯 （湯底用新鮮蕃茄自家調制，再配合新鮮大蜆好鮮甜，靚湯飲完一碗又一碗😍）蟹籽百花釀油炸鬼脆卜卜荔枝蝦球