杯中物

营业中

休息中

今天陪女朋友到旺角中心買嘢，行到1/F 角凹位時有幾間小食店，女仕購物中心無乜嘢啱我，剛好我又有點餓，我就提意她慢慢行，我先在這裡吃點東西等她。這𥚃有三四間小食店，雖然沒有舒適的位置給我座，但就有兩張小圓枱方便我們立食，之後我就選了這間《杯中物》來試，貪佢多圖片給我選擇美食，而且望落這店的食物又不太貴由$10起至$25 左右，我點了三樣小食加一杯百香果青檸水，之後店員就給了我一個有餐取的提示器給我，六七分鐘左右提示器就響起了我就馬上去取，首先我點了一個原味的牛柳粒，雖然沒有入口即溶的感覺，但牛柳粒味道不錯而且入口很嫩，第二樣選的是三重芝士脆味炸雞粒，炸雞的芝士味很濃，炸得也很香脆，最後我就點多一個芝士龍蝦汁雞肉丸撈面，這個撈面是我最喜歡的芝士龍蝦汁夠味但不鹹，撈落面度真是一流，下次就算不是陪人來買嘢，也可上來買一點吃。

如果你有去過旺角中心嘅話你會發覺佢近呢一年改變左好多變咗好似葵涌廣場咁行街之餘你仲可以買嘢食一睇就見到嘢食種類多多去到小食區發現依間係最多人買嘅我都買來試吓啦排隊俾錢叫嘢食跟住同佢哋個機你等左一陣啲小食就到啦呢個好好食呀係法式芝士龍蝦汁撈麵配蝦餅芝士汁超香濃跟住呢個係一口牛柳粒分量多啲牛肉好入味跟住呢個係芝士肉醬瘋狂炸薯條熱辣辣即叫即做醬油多薯條又夠脆最後仲叫咗韓式炸雞粒真係大大份同埋佢哋係有張枱仔喺鋪頭自己唔可以俾你放低慢慢企喺度食

旺角係行街買野，食小食既聖地，大血拼完左之後又想食到平靚正既小食，呢間一定可以滿足到你 唔好見佢地鋪位細細，選擇多的是一口牛柳粒 唔好睇相以為個色咁淡，感覺好似以為會失望，其實真係唔好睇表面 佢顏色淡唔代佢肉質會乾，食落肉質除左勁juicy仲好有咬口 重點，真心香，呢個價錢，呢個份量，呢個質量，絕對係韓式炸雞粒-美式甜辣沙律醬炸雞粒最緊要係要煮到外脆內軟，唔乾。因為我真係好怕d炸物炸完仲要乾憎憎 呢間既炸雞絕對有信心保證瘋味薯條-芝士芥末本小姐其實最鐘意呢味，因為個醬真係好正，甜甜地帶有少少芥未味，呢個味道到宜家我麵一直未搵到邊一個形容詞可以形容到 但呢味薯條，大家我有個小tips 就係要熱食，因為本小姐叫瘋多野食了，另外半盒隔到最後先食所以凍左。。。蝦餅芝士撈麵呢個撈麵根本就係飽肚系列 芝士濃，蝦餅外脆，蝦膠肉有蝦味 我地2個女仔一齊食，當晚餐都食唔哂 以上開飯食評，只係本小姐個人食後感

之前係旺中都食過呢間小食店，感覺上就係佢嘅食物選擇好多，而且每樣嘅質素都非常之高。今日同朋友去咗觀塘行市集，見到佢喺嗰度都開咗檔灘啊！於是梗係即刻買來試啦。佢有啲新嘅新年菜式全部都好有賀年feel。首先佢個和牛真係非常值得一讚，唔會好un，一入口係林林地，而且完全唔使加任何嘅醬汁， 因為本身牛味都好重，非常好食。另外佢有雞肉院都非常彈牙可口，配以紅梅醬，令到佢嘅鮮味更加提升。由於行市集嘅關係，個店主知道我哋未必即唔晒，專登好好咁送咗個食物盒俾我哋拎走一路行一路食。非常體貼

今日同朋友行旺角T.O.P，對於兩個細食到不得了嘅兩個女仔，掃街無疑係最有效嘅食法🤤🤤由T.O.P行去旺中一樓都係5分鐘內嘅事，個度有一堆嘅平價掃街位，揀左呢間買左4樣嘢，兩個人都係70多d嘅價錢，平到喊一口牛柳粒，肉身非常稔，雖然牛肉味並唔岀，但黑椒海鹽比例調得岩岩好，成功搶救左牛粒，推薦！芝士龍蝦汁撈麵配炸蝦餅，龍蝦汁非常之濃，但又唔會濃到cum住芝士嘅味，中和得來無違和感，蝦餅蝦味充足，唔似食粉。炸薯條屬正常水準，靠嘅都係個汁，但係冇蜜糖芥末味較出，佢有其他常見嘅汁自加，個人更喜千島醬芝士炸雞粒肉身稔，雖然有d細粒左d，但係整體都唔錯，炸粉夠脆，但芝士食得多真係唔得，後期轉左千島醬更加好味

✨中學回憶在旺中🤭中學時代(啫係一兩年前呢)周不時約埋三五知己行旺中🥰簡直係買平野之選 宜家仲開左不少食店令曾經沉寂一時嘅旺中添不少人氣呀✨正餐都無食 直接去掃街😎發現一樓好多食店都換左好幾手唯獨杯中物厄立不倒 let me try🤗有好多小食選擇 餐牌花多眼亂 價錢便宜難怪吸引這麼多後生仔女😛店舖得一個姨姨 效率很高 落order煮小食 樣樣快手👍🏻🔸 脆炸雞粒 $25雞粒肉質嫩滑 炸粉不厚醬汁係大阪燒醬 加少少紫菜 蒜粉 非常惹味🤤🔸 法式芝士龍蝦汁炸蝦餅撈麵 $20撈麵就普通料 不過龍蝦汁調較不錯味道香濃 加埋芝士粉炸蝦餅較薄 蝦味有少許🔸 芝士肉醬薯條 $15芝士同肉醬毫不吝嗇 落勁多肉醬味道酸酸甜甜 好開胃薯條未能炸到非常香脆 美中不足🍽 杯中物🔎 旺角彌敦道688號旺角中心一期1樓F87B號舖

睇來我真係好耐冇喺旺角中心食嘢，以前中學時期經常去旺角中心買衫👗同埋食撈麵🍜，好懷念果段時期嘅開心快樂。今次比我見到角落頭位置原來有個小食corner🏟，下午四點幾都幾多人了，就學下啲🙆🏻‍♀️妹妹仔買幾款小食自己食吓，買買下就買左四款，🤷‍♀️搞到啲人以為我好大食(咁事實又真係嘅)🤣 不過都要講返佢啲味道都唔錯喎竟然👍🏻，比我想像中還要好，而且真係新鮮即叫即整，之後會比一個🖱電子等候牌客人，如果攞得食物嘅時候會必必響架，而家啲科技真係先進了。不得不讚原味牛柳粒，咬落去質感好軟熟，面頭還有幾粒黑椒夠晒滋味。芝士流沙鹹蛋黃炸雞粒賣相好精美，厚厚嘅芝士醬鋪滿面頭，原來當中含有鹹蛋黃味道，唔好以為淋左醬汁之後會有軟林林嘅外皮，反而係有香脆嘅口感！芝士肉醬薯條即叫即整，啖啖肉醬。還有法式芝士龍蝦汁炸蝦餅撈麵喺出面真係未見過，估唔到龍蝦汁撈麵又真係幾正喎。仲有數之不盡嘅美食，行完街一定要過嚟試吓。

中學既時候最意約埋三五知己一齊行旺中, 到大學之後都甚少黎LU.. 除非另有目的: 夾公仔!! 今次我地黎到旺中都係以夾公仔為主! 但其實見到旺中已同以前既旺中好唔同! 多左好多小食店… 因為見到有間珍珠奶茶店幾吸引，係等野飲既途中見到呢間小食店既人流有增冇減就去試下啦!當日大概1:30左右到達 見到店外全部都係人係度等緊野食! 食物既種類非常之多!! 多到令人唔知點選擇好 我比’’瘋味薯條’’呢4個字吸引住! 因為好耐都冇係香港食過瘋薯喇!!<<蜜糖芥末薯條>> $15薯條先係$15 就有咁大兜!!! 而我最鍾意食瘋薯配上蜜糖芥末醬，所以我都係order呢樣!蜜糖甜甜地，芥末辣辣地，增加唔同既味覺! 而且薯條脆卜卜又香口，令人無法抗拒! <<三重芝士脆味雞粒>> $25炸雞炸得非常脆!!! 配埋芝士一起吃就冇得頂!!三重芝士有: 芝士粉&芝士碎同芝士醬!芝味無窮得黎極度邪惡!! <<法式芝士龍蝦汁粟米粒蝦餅撈麵>> $20去拎食物果時已經聞到好香濃既龍蝦汁味道喇! 食落覺得有小小咸蛋黃既質

邊逛街邊掃街係吃貨強項! 今日同個掃街控經過杯中物, 先被其黑底夠哂酷的餐牌吸引! 食物款式多, 價錢底。兩張大圓桌, 站著吃就是有滋味! 重點是環境乾淨, 衛生分數高架! 食物方面, 我同friend 點左椒鹽牛柳粒, 每一口牛柳粒極為軟熟, 黑椒味重, 惹味! 芝士流沙咸蛋黃炸雞粒d 芝士醬再加芝士粉同紫菜好正, 重點是外面香脆內裡肉滑的脆雞粒好好味! 芝士肉醬薯條也好好味, 脆薯條配肉醬, 吃時唔熱氣! 法式芝士龍蝦汁炸蝦餅撈麵都不錯, d 蝦餅好吃, 汁再多d , 仲撈得開心d! 行到累, 不妨食番餐, 補d 力再行過! 愛行旺中朋友更要光臨! 放工放學特登來都是好選擇!

果日同朋友係旺角行街， 見同朋友行街行到肚仔餓， 有啲啲口痕， 但又未至於好肚餓嗰隻， 於是就去我哋幾年前仲係小學雞時候成日行嘅旺角中心， 用少少嘅價錢換取一陣幸福快樂, 講緊嘅梗係去食掃街啦。杯中物位於旺角中心1樓， 商場畫咗個area出嚟係畀人食小食嘅，果到有高枱可以擺放食物， 咁叫多啲都冇所謂啦。 而且杯中物小食類型款式多， 完全體貼學生的荷包。 今次同朋友就叫咗少少嘢食。芝士肉醬薯條首先叫嘅當然係即叫即炸嘅薯條啦， 呢度嘅薯條係屬於粗身嘅， 唔似得連鎖快餐店嗰啲幼身得嚟又軟奶奶。 最正嘅係芝士醬唔單止有車打芝士醬而且更有芝士粉， 簡直係double享受。 配上甜甜酸酸嘅肉醬，唔會死鹹，而且又多多一層味道tim!芝士甜酸辣脆味雞粒雞粒size一口一粒， 醬汁甜甜酸酸， 配上少許芝麻在面頭，同朋友一路吹水一路有嘢落口都不知幾過癮。椒鹽牛柳粒唔想全部食炸嘢當然亦都有選擇， 就好似呢個椒鹽牛柳粒，牛柳粒香氣逼人，肉汁豐富, 係 屬於小食類別之中唔係加工食物之一， 都算得上係健康小食㗎。

作為曾經MK妹的我 旺中可以算是我最熟悉的地方..而家既旺中同我讀書時既分別就係多左好多間小食店🤤可以又食野又買野，夠曬方便～呢間杯中物可稱得上為小食之霸呀😆點解我咁講🤓你看看貼滿了餐牌，有好多種類既小食可以選擇🤗當中有些小食仲有好多款醬汁作配答叫好野食後，仲可以係附近既衫店行下😆因為當野食整好後，會有呢個燈牌仔振動作提示芝士肉醬薯條 🍟看到有芝士已經心郁郁了💗 薯條上面看到芝士士仲有芝士粉並配上了肉醬椒鹽牛柳粒🐮 食肉獸既呢個要必食呀～一口一粒，入口好鮮嫩又好ᴊᴜɪᴄʏ🤤黃金蒜香炸雞粒🐔呢家好ʜɪᴛ黃金野，就叫呢隻味..炸雞粒很脆，食落無成口油既感覺👍🏽雞也很嫩滑 法式芝士龍蝦汁炸蝦餅撈麵 🦐蝦餅有三舊，有粟米粒..芝士醬有好多可以撈勻一齊食

行緊旺中嘅時候覺得口痕，就去野食區睇下有咩好嘢食見到依間杯中物人頭湧湧，又多嘢食簡，就決定簡佢醫肚！見到樣樣食物都好吸引，最後就決定揀咗四樣嘢同我朋友一齊醫肚啦杯中物有依個震震牌，唔驚聽唔到佢叫我！呢款雞粒唔好見佢又芝士又甜酸味咁，個味道其實好夾，佢又新鮮整出來熱辣辣，又開胃又好食仲有芝麻係面挑戰你味蕾！薯條好多芝士粉呀，肉醬同芝士夠香，仲有4款醬比你加來食。一口牛！平時喺工展會啊美食展啊就見得多，不過佢哋成日都買成45十蚊一份，真係好貴。呢度25蚊就食到同嗰啲乜展乜展嘅味道都係差唔多，又香又有牛味。唔知乜嘢係法式味就比佢個名吸引咗叫來食。其實都係芝士撈麵啦有蝦餅又有粟米口感好豐富呀。本身嚟到諗住係小食，份量一定好少啦。但係我哋咁肚餓嘅兩個人叫咗四樣嘢食，都食到我地好滿足又平又大份又多嘢簡，下次行旺中要再食埋其他款式嘅嘢食。

今日知道呢間小食店係觀塘開左個市集，只限今個週末，所以就黎食下杯中物！店員即叫即整，今次佢地有3款新年小食推介，食物名都係過年好意頭來明名，分別有人人彈起既咖哩魚蛋（$10）；好彈牙爽口，咖哩味香濃；紅混雞球（$15）雞球肉鬆化，配埋紅莓醬汁更惹味！最後就到壯健如牛（$25），牛肉肉身好唸，肉既口感唔會太un, 熱辣辣幾好味！市集雖然地方不是太大，但又有好野食，讚！😋😋🥳

少女時代最鍾意行嘅旺中 今時今日竟然變咗掃街好去處 事緣收工想搵啲輕食填肚 老公忽發奇想話去旺中有好野食 抱住半信半疑心態跟住佢上到旺中一樓 原來其中一個角落變晒做立食小店 見到有間貼滿密密麻麻美食表 款式多啱晒我地 可以咩款都試下 兩個人揀咗4款小食作為今晚晚餐 比完錢會有個取餐器 振動嘅時候就可以拎野食 首先有老公最鍾意嘅蜜糖芥末薯條 薯條炸得脆身香口 每條長粗度都好平均熱辣辣加埋蜜糖芥末醬更加香甜惹味食完薯條即刻打開咗個胃然後就有炸物鹽酥雞粒 一啖一粒啱啱好目測一份大概有15粒 相當夠食 雞粒外脆內嫩 炸粉厚度適中 鹽酥香氣逼人 話咁快我地又清一碟再黎多個牛柳粒 係眾多口之中揀咗無添加原味一口牛柳粒以黑椒引出牛肉嘅油香 經過烹調後牛柳粒依然保持Juicy 肉質彈牙不韌而且牛柳粒份量足夠兩個人一齊分享係食肉獸必點小食之一 最後我地都係忍唔住要食澱粉質花多眼亂下點咗芝士龍蝦汁炸蝦餅撈麵芝士龍蝦汁覆蓋面層 旁邊有金黃色炸蝦餅 撈勻後整個麵都被汁包圍 濃厚程度💯栗米粒嘅爽甜與撈麵兩者互相配合 炸蝦撈唔乾身 內裡包含豐富蝦膠 再點埋龍蝦汁 味道啱啱好 認住小店個貓貓Logo下次就唔驚會去錯

自從T.O.P和旺中相連之後，帶動了旺中都人山人海呀，這天逛完街想找點便宜的小食，剛好見到這間。$10選5款小食，在旺角來說真的超便宜，看到在場都有很多學生光顧。下單後便有一個呼叫牌，當可以拿食物的時候，牌子就會響，不再需要頭望望等食物，雖然這麼多人，製作時間還是挺快的。餐牌上的小食多選擇。我點了一個鹽酥雞，一口牛柳粒，和芝士肉醬薯條。鹽酥雞即炸，外皮香脆，雞肉質鮮嫩。一口牛柳粒好juicy，比較厚實，可以配上不同的味粉，好惹味。現場都有很多不同的醬料，最適合我這些有選擇困難的haha。芝士肉醬薯條很特別，組合配搭讓味道有不同的層次，肉醬讓人想起小時候的味道，加上邪惡惹味的芝士，而且薯條軟硬適中，實為一客高質小食。總括而言，想不到這間小食店有如此高質的小食呢。