杭州酒家

营业中

休息中

今晚慶祝朋友生日, 去左呢間"杭州酒家"試下. 但食物水準差, 價錢又唔算抵食. 3 個人叫左:1) 老鴨湯- 味道OK. $128/half portion２）青瓜海蜇　- 好差！海蜇太稔. 份量少但賣$883) 馬蘭頭- 味道OK，但比較鹹. $484) 虀菜肉絲年糕　- 味道OK. $485) 油爆河蝦　- 味道一般．　$886) 生煎包- 失望．　$247) 高力荳沙　- 失敗！　荳沙味道怪怪的，有d油膩　$24/4 pcs8) 茶　- $10 x 3 = $30服務一般，都唔錯．但食物水準真係唔掂. 唔會再幫趁．

今日我地13個人第一次來呢度食lunch，被安排坐房非常舒服。食左個12人午市套餐，整體都非常滿意。其中我個人覺得最好味最有印象既係：糖醋排骨：其實味道幾似黑醋排骨，但呢個排骨炸得幾脆，好有咬感；老鴨湯：好香濃，見到d湯渣才知道仲有豬手，其他唔識，哇好補呀；醉雞：辣辣地，d酒好香，好好食；小籠包：皮薄餡又多，熱辣辣，正！糖醋黃花魚：好大條，d汁好濃好味另外我地仲叫左咸肉炒飯、杭州炒年糕和生煎包，全部都美味可口，連最後送既綠豆沙都好足料，味道唔太甜剛剛好。呢度真係唔錯，食物水準高，服務又好，環境裝修都唔錯，而且又唔算太貴，埋單時仲俾左好多午市同晚市既coupon俾我地tim。

我和一位朋友在此午飯，環境唔錯，但餐牌的食物選擇少，套餐又唔抵食，最後散叫兩個湯麵，一籠小籠包及一碟糖醋排骨，味道OK，但價錢要成$150，唔算抵食，一試無妨。

今晚慶祝父親大人節,去左mum 介紹既食店=>"杭州酒家"食dinner , 主打正宗杭州菜,呢間食店係上樓架,裝修幾簡單,啡杏色為主,人流唔係多...我諗都係得一輪客,唔似其他酒家咁一晚有幾輪客,不斷趕你食完就走咁~經過一輪既商討,我地5個人叫左1) 炸響鈴(其實係腐皮,炸得好鬆,好香口,不過portion太大,有d油膩)2) 南瓜烙(好好食,好多南瓜,不過用得太多油去煎喇)3)三鮮魚圓子(好kawaii , 魚圓子好似未經炸過既魚腐咁,好滑+清淡)4)老鴨湯(好好飲,因為佢應該最後加左d花雕酒落d湯度吊味)5)東坡肉(雖然唔食肥膏,但係佢d瘦肉唔似平時o個d 咁鞋口,肉質依然好滑,而且D汁既味道甜甜地,portion又細細盅,一人一舊剛剛好~)6)窩貼(size比平時食既大隻,係我至愛=>多白菜少豬肉餡)5個人食左$470~飽到頂住overall黎講d野都幾好食+抵食

今晚有朋友生日,去食左啦,好多菜係調味方面真係比較鹹,但好奇怪點解杭州菜無完蹄這道菜?記得之前曾到杭州一遊,那處的,真的是一試難忙.但以今天結帳一千二百元正,杭州菜來說又不太貴.我們點了很多道菜如下:１）烤麩----->不太入味２）梅菜扣肉------>黑梅菜太鹹,扣肉太乾,不是五花腩３）鍋貼----->全場總冠軍,皮薄煎得香脆,不油不膩４）三鮮魚圓子------>類似廣東魚腐，但並沒有炸過的，白色的圓子在上湯中浮浸，賣相可愛．但圓子過鹹，如味道能清淡一些比較配合整體材料５）醉雞－－＞味鮮及酒味不太濃，蠻不錯的一道菜６）糖醋排骨－－＞小排骨，味甜無醋味．７）百頁菜苗８）魚卷－－＞腐皮包裹著魚肉再炸而成，不油膩，還能帶出魚肉鮮味．９）砂鍋雲吞雞－－＞這是最後上的一道菜，整夜的菜餚味道均比較鹹，而這道菜的味道剛巧相反，淡淡的清雞湯，要細心咀嚼才能嚐得到它的鮮味．所以這萬萬不該是最後才出場，總廚應該在做菜之餘也應該考慮到餚出場的次序．甜品終於出場了１）酒釀丸子２）荳莎鍋餅３）高力荳沙４）雷沙湯丸５）煎八寶餅６）老闆還送了我們奶皇飽

估唔到第一日開張就幫趁,呢度主打杭州菜,所以先上八小碟(希望無叫錯):1)招牌醬鴨,高山野筍,青瓜海蜇,魚乾馬蘭頭,杭州燻魚,口水雞,香醉魚乾,仲有個唔記得~~~~好特別,作為前菜係合格,但好似咸左d2)水餃鴨~~~杭州菜特點係鮮,個湯好鮮甜,充滿鴨香3)龍井蝦仁~~~我個人至愛,蝦鮮而且爽口,夠清新4)東坡肉~~~燜燉豬肉點講都係肥膩野,有人叫呢d做’五層樓”/’扣肉’,但唔係咁多人食5)松子大黃魚~~~同甜酸魚相似,不過我始終喜歡清蒸魚6)蝦爆鱔背~~~味道過濃,蓋過肉味,不過肉質尚算嫩滑7)蔥燒海參~~~感覺同上海舖既紅燒海參相似,不過應該係用上遼參其他唔係好記得,不過甜品係酒釀丸子,我就覺得車品品做得出色得多