來福樓 (已結業)

【首篇食评】已经帮衬过呢间小店几次，每一次都好好食，捧腹而走，但可惜可能系因为位置不算坐落大街，每一次去人客都很少，甚至我同屋企人去都可以包场😂😂眼见疫情已经维持多月，实在唔想咁好食既餐厅维持不下，就有想系呢到同大家分享一下有几好食！大家一定要试试！第一碟：湘式扇香骨唔好睇佢充满干辣椒就以为实好辣但绝！对！唔！辣！ 岩晒食唔到辣但又想试下呢类菜既朋友扇香骨— 顾名思义 每一块肉真系切到好似一片薄扇咁，肉质软林，容易入口一到食果阵大厨仲出黎介绍d干辣椒可以用黎送面食，别有一番风味！🥳第二碟：东星二食 — 翡翠炒斑球其实本身餐牌系用大龙趸，之前都食过系好食既点知今次落单时大厨心血来潮话用埋条东星斑黎整比我地食，果然水准一流！第三碟：凉瓜炆斑腩（东星斑）呢味𩠌好豪😂😂😂都系第一次食东星黎做炆斑腩😂😂😂好似讲到好夸，但系食落系连斑腩既鱼皮都系好食😂每一食完都好饱好满足，希望可以继续食到呢d咁有特色既菜式啦！…查看更多

朋友食过话好食 今次带埋我地几个一齐去食价钱适中 唔算太贵唔算太平服务态度几好夹埋朋友几个人 就可以食多几样𩠌一打开个餐牌 就可以发现晚市推介就见到唔系常见嘅小𩠌好多种冇见过嘅私房菜睇个菜名就觉得特别 每道都想尝试(⊙v⊙)最后叫咗好几道 其中柚子大虾球 海苔九肚鱼 王牌榄角骨 想再次番叫嘅！！！！！！！大虾球 🦐🦐🦐几乎次次去餐厅晚市都会点 多数系沙律味呀 酸甜汁呀 果d今次见到系有柚子 特别咁想食大虾球 炸粉薄 炸到外面松脆 里面虾仁仍然鲜嫩弹牙配埋外面个柚子汁 酸酸甜甜 柚子皮少少甘 带d清爽令依度炸嘅料理 一d都唔腻一口接一口咁食！！╮(￣▽￣"")╭海苔九肚鱼🐟🐟🐟我好钟意食九肚鱼 今次系海苔味每一条九肚鱼外面都包住紫菜去炸别有心思最令我惊喜嘅系 咬落去发现冇骨㗎❤️❤️平时啲九肚鱼有骨 骨唔够软嘅话即使啲肉有几嫩 食落去就好似有渣咁冇骨嘅九肚鱼 重滑过豆腐咬落去外面脆卜卜 带有紫菜嘅咸香味里面热辣辣滑捋捋 超好食榄角骨🦴🦴🦴榄嘅咸香味 深入旧骨度肉仍然好嫩 d肉汁锁住喺里面令人忍唔住送饭食份量都几足每人A A百五蚊有找 饱到好满足下次会再嚟帮衬٩(˃̶͈̀௰˂̶͈́)و…查看更多

很难得在香港看到有八宝鸭食，这是需要预订的，因为师傅需要时间预备单单煮已经要花一时时以上，加上当中不少材料要预先准备，简直是一道功夫菜，菜一上香气扑鼻，份量十足，当中有绿豆、栗子等等很多料，我都数不清，鸭肉亦十分入味，不会太油腻，看得出师傅花了不少心机，十分推介一尝，特别是做节一流选择。而且老板们用餐时亦十分热情的把𩠌菜分给食客们试，服务态度一流，而且风趣幽默。另外我亦点了海苔九肚鱼，本人本来不太喜欢食鱼，但都食过不停，一点腥味也没有，滑到好似豆腐咁，而且十分香脆，加上师傅把鱼骨都整条起了出来，一点鱼骨都冇，十分适合氹小朋友食鱼，不怕有鱼骨。还有奇味鸡煲和招牌榄角骨亦是非常出色，不过忘记了拍照就已经食掉了....迟点做节食饭亦打算在这订，因为老板说想要特别菜式亦可提早商量。听老板说房间有Ktv和电动麻雀枱机，朋友聚会感觉来此玩比去k房更好起码有好野食…查看更多

天气转凉好想食羊腩煲，行行下见到呢间有位又有得食，抱住试下嘅心态就坐底左😬第一个感觉系职员全部都好有礼貌，好nice，呢样系街坊中菜馆难得一见嘅，立即已经加分❤️一坐底就点左最想食嘅羊腩煲，跟生菜一碟，之后姐姐推介今日例汤系西洋菜煲生鱼，之后加多碟榄角骨羊腩煲份量都足，配料又多，汤黎之前先上汤渣，估唔到汤渣有惊喜，煲汤嘅肉好香好食，唔记得影相就食哂，不过个汤两个人饮真系太多，建议三人或以上先好点😅榄角骨上碟热辣辣，脆脆甜甜好好味，个人好怕食呢类骨会好韧，呢个完全无呢个问题，肉好爽口🤤食完饭仲送左件桂花糕俾我地食☺️总结：今餐饭食得好开心，因为职员都好好，会主动添汤，用餐中途听到有食客话有老人家黎，职员即刻就将最近门口枱转做大枱方便食客，今时今日咁嘅服务态度真系好难揾，值得一赞👍🏻…查看更多