來多碗車仔麵 (仁愛街) (已結業)

夜晚黑餓餓地，就去買左個外賣車仔麵來食。一直都好鍾意食辣野，見呢間D comments都唔錯，就第一次買來試下。叫左三樣餸，牛肚、豬皮同豬腸，揀河粉，餸既份量都唔少。加完辣椒汁之後成碗麵紅噹噹，佢既辣汁唔算特別出色，辣得黎唔算香，河粉亦偏碎而且唔夠滑，相對黎講，D餸就好好多。豬皮又淋又滑，係有一兩舊有幾條毛扣左分，牛肚不過不失，豬腸就真係亮點，整得好食之餘仲要洗得好乾淨！腸入便洗到乾乾淨淨，食都令人食得好放心，擺到明係用心之作。讚！

突如其來想食車仔麵，所以來到來多碗，晚上8:30 ，店內沒有人，在門口點了一碗兩餸麵，加一碟菜，一碗三餸面。講真，份量真的不多，由於減肥中，所以尚算可以。不然，份量就如宵夜或下午茶！至於味道，湯底超鹹，此外薯粉及牛肚沒有味道。性價比，其低！食後感-來多碗不如不來一碗。

對依間車仔麵極度失望車仔麵啲餸又少我想食既餸又無重點我點左碟最愛食鴨血點知一食到口就知道佢唔係鴨血囉擺明係豬紅黎，因為我本身唔中意食豬紅，所以一食就食得出係豬紅，食餘2塊，因為係超級無敵咸，我同我朋友以為食鹽落口呀😡😡😡（係豬紅就豬紅，唔可以呃人架麻）以後唔會再入去食。

今晚叫外賣！見佢可只淨餸幾好！點知仲伏，15$一碟菜心，點餐時有圖，都個圖只作參考，但都唔洗咁過份？其他野幾好食都無用！下次真係要考慮圖中隨便果係排毒封宿便！有興趣可以加我WeChat:f54028608

平時都覺得呢間分店同其他來多碗分店好唔同，次次去都有唔同人煮麵估唔到今次叫幾樣餸，其中一樣係牛筋，搵完成碗麵⋯得三粒咁多，真係thank you ，仲衰過買串魚蛋慳皮都唔係咁掛⋯

之前一向有幫襯官塘原店和红磡分店…其實以上两店的份量也不算多…呢次仲離譜…三餸面點了豬皮…蘿白…豬腸…另叫了两份凈魷魚…先講下碗面…豬皮比4塊（五蚊银大细左右)…蘿白比三舊…豬腸求其比舊…最離譜係兩份凈魷魚收$24蚊只比10條8條…真嚇我一跳…我就索性話…魷魚我唔要啦…退返比佢…負責煮面的嗰個講普通话既女人仲話…D魷魚好貴架…我心諗貴就唔好賣啦…怪唔得附件既車仔面店都人頭湧湧除了此家…做街坊生意何必賺到咁盡？跟住食完碗餸量極少既面速閃…以後不再幫襯…

今日被罷工，於是去SPK摺拉把温書，順道試下呢間新開咗一排的車仔麵店。車仔麵店總店响觀塘，但我未去過。今次第一次試佢呢間車仔麵，麵餅太細，車仔餸味道正常，但只係微温，辣醬惹味，但只有三個鐵兜分別裝葱粒、辣醬、較辣的醬响拎麵的出餐位自取，辣醬其實唔辣，屬於香口惹味，醬料味道比車仔餸更出色，店舖面積偏細，客人不多，但餸同麵的份量都唔算多，四餸36蚊，但我揀咗魷魚，所以加多一蚊，要37蚊，鍾意辣醬的朋友呢度的醬料值得一試。

今日妹妹在新蒲崗搬屋，我同媽一齊上去幫手，搞哂所有清潔之後，大約1-2點左右，決定去食午餐，在附近行左一陣，見到有一間車仔麵，價錢平民價，入去食，鋪頭唔算好多位，搵左位，要門口排隊叫野食，選擇都比較多，蘿蔔牛筋豬皮蛋米粉 蘿蔔好入味好甜 ，牛筋都比較彈豬皮都乾淨 蛋滷水蛋魚蛋豬皮豬紅烏冬 ，烏冬仲要係新鮮 魷魚蘿蔔豬紅豬皮面 仲要佢有秘製辣醬同魔鬼辣醬 ，鍾意食辣嘅朋友最啱係魔鬼 飲品方面： 加$7可樂忌廉雪碧檸檬茶豆漿都有 油菜就加$10一碟

呢間車仔麵好出名，而最多人食嘅肯定係魷魚。魷魚香辣入味得來又夠爽口，我次次黎都會叫。佢自家製嘅餸大多數都好好味，食得出好有誠意。我食過一次來貨嘅漢堡扒就真係差左啲。

叫了個紅腸，雞翼，魚蛋河粉，31蚊。2餸就26，3餸就31。其實都十分抵食，而且唔似附近幾間車仔麵店，係一個套餐，一定是3餸加飲品。這裡可以自由選擇。魚蛋4粒，可選辣或不辣。都算彈牙，而且有少少辣汁。紅腸，3片，但原來是不是炸紅腸，叫就放落水焯一焯，因為人多，煮的時間，一分鐘都沒有。雞翼，車仔麵必點。不錯不錯，有兩隻，味道也不錯，幾好食河粉的質地一般，沒有很滑。湯也一般。但31元真是算抵食，而且不用排隊，餸的選擇又多，加6蚊就有飲品。

由之前未開分店既時已經食緊來多碗，係人都知最出名係個辣汁，雞翼，豆卜，蘿白，豬腸，豬皮都係好入味，我自己本身都KEEP住有成日去觀塘同荃灣分店食，水準都KEEP得幾好，今日經過見近近地開左新分店就試下佢先，點知一試就中晒伏，雞翼完全唔係之前醃到好入味個隻味，蘿白有陣怪味，豬皮都係... 我自己好中意食車仔麵，來多碗本身我都係經常食，希望佢地會KEEP得返之前既水準.. 唔好搵到錢開分店，但D野食既品質又差咁遠