村爺爺龍蝦湯.泡飯.燉湯專家

营业中

休息中

朋友到了先排隊，所以很快有位。湯飯不過不失，其他就用差或劣評分！當日點了殿．海鮮龍蝦湯泡飯，椰子花膠竹笙干貝雞煲，椰子螺頭花膠雞煲，另加小食黑毛豬併墨魚圈，墨魚手指併魚腐，雞翼及薯角。只可說湯飯D料算豐富，我食竹笙雞煲，所以另外2款不給意見了，有半隻雞，2條竹笙，2件花膠，一些干貝粒及幾粒螺肉(有點像鮑貝)，加了$10有菜，飯及飲品，此共$88，是否超值見人見智，我只覺得一般，當一試無防。至於小食簡直騙人，水灼4小薄片+3墨魚圈，因見墨魚手指有人推介，最終仲伏，去是但一間店都好過佢！（雞翼及墨魚手指併魚腐 係食了些才記得影相)

很多時路過>>>村爺爺龍蝦湯.泡飯.燉湯專家<<<，均見門外大排長龍，即使很想一嚐，但終歸因不喜歡排隊而未有試過。復活四連休首天中午，到達油麻地時，村爺爺門外竟然沒有人龍，難得一遇此情境，所以要把握機會，立即入內用膳。 各式燉湯、泡飯及龍蝦美食，任君選擇。 還在攬著背囊挑選食物的時候，侍應細心提示我可把背囊放在圓凳上，坐得舒展一些。 最終選擇了南乳雞翼龍蝦湯泡飯，是含半隻龍蝦的一款(HKD88)。雞翼是出乎意料的多啊，竟然有五隻，而且大大隻；南乳香味一流，外脆內嫩，令人非常滿足。半隻龍蝦內有滿滿蝦膏，香味四溢，而且肉質彈牙，果然是招牌菜。 龍蝦湯內藏大量海鮮，包括魷魚、青口及蜆肉等等，令味道層次更加豐富，伴著飯吃是一試難忘的享受。 飲品熱菜蜜(加HKD6)，是個滋潤可口的選擇。

一直都聽過呢間龍蝦湯好好飲，終於今日放工之後可以去試下啦～～雖然要排隊，但都好快有位，職員態度都好好，因為我同朋友一坐低就覺得個冷氣好凍，之後主動要求換位，老闆同職員都好好咁幫我地換左個位，我嗌左個龍蝦湯飯，個湯好好飲，一飲就停唔到口，而個湯都好鮮甜，為左個湯會再來食😍

放工時間，又係為食家族出動既時後，大皇話想飲湯，咁好喇就嚟咗村爺爺。平時呢間都多人排隊，但好彩，我地收工，收得夠夜，去到就無咁多人，好快有位坐。去到我地就叫左真盛村爺爺龍蝦湯烏冬，花膠螺片雞煲翅，南乳雞翼， 墨魚手指拼魚腐。先嚟咗啲小食，南乳雞翼，好香，好入味， 個墨魚手指餅都好彈牙，好香脆可口。等左陣，我最期待嘅花膠螺片雞煲翅就出現，呢個湯，真心正，足料唔左講，隻雞又夠嫩，又滑，一啲都唔嚡口。個湯有夠濃，又唔油。正！！真盛村爺爺龍蝦湯烏冬 ，真係超多餸，非常豐富， 半隻龍蝦，鮮青口，魷魚，蝦，帶子仲有豬腩片，湯頭濃郁鮮甜，食完真係飽晒！

聽朋友介紹來這裡吃飯，之前有不少明星🌟也來捧場！所以今天我們幾個人6點下班就馬上過去了！來到都有人在排隊，大約排了半小時左右就入去了！真的無介紹錯啊，超好吃好足料 ，湯底好濃，無味精味道！龍蝦🦞好新鮮，雞肉都好嫩滑啊！份量超多，哈哈～吃完出來還有超多人排隊⋯很厲害喔！下次再來吃其他招牌的～

超推介一間平民價錢嘅高級食材餐廳🍴今日睇openrice ，見到油麻地嘅村爺爺 龍蝦湯 泡飯 燉湯專家好多好評，就同朋友去試下。果然令我好驚喜！我地食左幾樣野：1⃣鮑魚花膠蟲草花雞煲翅🥘一睇個名已經覺得好吸引，呢d平時大時大節先食嘅煲，呢度竟然做緊特價128。個煲好大下，夠2個人食，仲可以要求加飯賺套餐添。煲入面嘅材料真係好豐富呢！雞係原隻送上，好大好新鮮，d肉比海南雞仲要嫩！服務員好細心，會提供濕紙巾同膠手套。撈起雞之後，可以慢慢品嚐個湯，可以分到4碗。雞湯味好濃，而且食唔出味精。入面真係有原隻鮑魚、花膠、蟲草花、杞子等等，抵過屋企自己煲呢！2⃣雞件蜆肉雜菌龍蝦湯泡飯🦞呢個我轉做手打烏冬底，都係非常好食嘅。佢材料好好好足夠，淨係蜆都多到數唔曬，雞肉舊舊係肉，仲要係靚肉添，記憶中都有10舊左右，菇🍄亦都有好多，令我懷疑佢點賺錢，哈哈🤣呢個咁豐富嘅餐只係58（我要左烏冬加左10蚊）不過最吸引我嘅，其實係另加35嘅半隻龍蝦，龍蝦好大好靚好多肉，真係好少機會可以係呢d地方食到龍蝦，仲要係咁實惠嘅價錢。3⃣墨魚手指魚腐龍蝦湯泡飯🍲呢款一樣好正！呢個材料係另外用碟裝的，不過因為墨魚手指魚腐都係炸嘅，怕

我地食一個雞湯，一個龍蝦湯，雞嗰個都還可以，龍蝦嗰個真係好難食，成兜係急凍貝殼類加半隻龍蝦滾出黎既水。如果真係要去食，都千祈唔好叫龍蝦湯。間野入面勁多風扇，吹到啲湯好快凍哂，仲難食。

聽人講村爺爺好好食，那天起附近買完嘢便同友人去食食😊出面排哂大長龍 好彩唔係等左好耐就入到去！ 同朋友揀左唔同套餐Share 叫左一個鮑魚干貝花膠雞煲翅($128) 同盛.村爺爺龍蝦湯泡飯($128)各自都有配左白飯, 唔鍾意食飯既, 有烏冬可以揀 , 超岩我唔鍾意食飯既人。另外仲叫咗兩款小食，灼墨魚圈 , 味道一般，唔太特別南乳雞翼炸得夠香口又夠南乳味 , 贊! 好, 講重點 , 先講鮑魚干貝花膠雞煲翅個湯好濃郁 , 好有燉湯既感覺 , 我同個朋友飲唔停口材料方面亦都好足料 ,里面除左有半隻雞 , 仲有鮑魚、花膠等等......隻雞好有雞味, 唔洗點汁已經好惹味超級推介, 同盛.村爺爺龍蝦湯泡飯除左有半隻龍蝦 佢d海鮮都好足料 ,海量既海鮮 ,好豐富！又係未食先飲湯 好鮮甜 好有龍蝦味！ 到個主角<龍蝦> , 雖然得半隻, 但都啖啖肉架, $128 黎講好超值仲有扇貝、蜆肉 、魷魚 樣樣都夠鮮味！

好清甜既花膠螺頭雞湯，足料到爆，一煲有成半隻雞，跟飯或者米線都一流呀，養顏補身之選😝想食村爺爺既朋友仔記得早啲去現場，尤其係週末，因為過左六點鐘就開始多人排隊。

呢間野想來食都好耐，但係次次見到甘多人排隊都止步了，（全因本人無咩耐性同好鬼驚排隊嘅人）今晚同同事就見隊唔係好長就排來食下， 叫左3樣野「1」花膠螺頭雞煲加餐$+10 有菜，飯，飲品「2」南乳炸雞翼「3」炸蝦蝦拼春卷「1」 嘅湯先係我最愛，鮮甜 ，雖然花膠味唔太出，但係$78係甘上下了，係值得去排隊食下

今日同朋友慶祝生日，一於去試下朋友們推薦我食嘅村爺爺泡飯先😎我同朋有一人叫左一個泡湯分別係花膠雞湯海鮮泡飯同村爺爺龍蝦泡飯🦞龍蝦泡飯佢配上半隻龍蝦🦞仲有青口同蜆，啖湯飲落鮮甜真係食得出有海鮮淆湯嘅味道👍🏻一入口第一下就已經同朋有講個湯真係好！好！味！🤤花膠雞海鮮湯泡飯落單嘅時候已經講明係無半隻雞嘅，但係個湯都好足味，花膠都好大舊👍🏻👍🏻👍🏻而湯底同樣都係配以青口同蜆做淆湯👍🏻👍🏻總括嚟講呢兩個飯嘅味道鮮甜，以平民價錢就食到高級水準，湯底就咁飲又得加埋個飯落去更加畫龍點睛👍🏻

第二次去食村爺爺，就係太掛任佢個龍蝦湯🥰我地兩個人叫左一份花膠魚頭雞湯，一份南乳雞翼龍蝦泡飯！首先講咗花膠魚頭雞湯先，個湯好甜，雞就唔係好滑，我係比佢花膠吸引左，不過成碗湯得三塊，個龍蝦湯，就非常出色，絕對有龍蝦嘅鮮味，溝飯一齊食簡直係一流！我會建議大家加錢要埋果半隻龍蝦！啖啖肉都非常鮮甜，兩樣嘢都係招牌菜，相比嘅話龍蝦湯比雞湯出色得好多！下次去嘅時候，我諗都唔會再叫花膠雞湯！等候時間偏長，可能因為假日啦，陸續都好多人入嚟坐低食！兩個人食咗夾埋$185 ，如果當午餐嚟講都算抵食

最近身邊朋友表示村爺爺的龍蝦湯飯非常足料，加上我是個湯底怪，之前食過，也常常掛念那大大片的花膠、螺頭等，所以今晚同男友再去，十分期待。門口依然有長長人龍，但等了一會便可入座：）我當然是點花膠螺片雞煲翅，大大片花膠和螺片，而且有半隻雞，一點也不膩，而且配上醬汁點雞肉，更加滋味！另外，男友就點了真·盛村爺爺龍蝦湯泡飯，不得了！海鮮滿滿，大大元貝、龍蝦是有膏的！而且充滿鮮味！而蛤肉也吃得出不是雪藏貨，但價錢只是$128？太抵吃！難怪店內見到這泡飯甚受歡迎！

係油麻地上完堂已經9點幾10點，見到平日大排長龍既村爺爺無人排，即刻拉朋友一齊去食雖然門口唔洗排隊，但入到去見到都幾多客，我地兩個人都要搭枱睇完menu,我地兩個都決定點大受歡迎既「極上海鮮龍蝦湯泡飯」～個餐一送上黎，就比佢d海鮮吸引住海量既海鮮，真係好豐富！雖然佢有大大隻龍蝦頭係度，但其實呢個餐係無龍蝦肉架。食海鮮之前，先試一啖佢既湯底，好鮮甜好好味真係感覺到廚師落咗好多海鮮去淆呢個湯底，撈飯食一流！講返d海鮮,好中意食佢既魷魚🦑，好淋又夠鮮味，唔會咬到牙骹攰. 佢仲有好多粒蠔，同埋又有扇貝、蜆肉樣樣都好好味，唔怪得成日大排長龍啦！d海鮮太惹味，不知不覺食哂成碗白飯，好飽呀下次再黎試埋村爺爺其他野食先！

聽聞這間泡飯店的龍蝦湯底很出名，剛巧經過這區，一如所願可以嘗試。飯店座位不算多，有20個座位，地方不算太狹窄，但必須要排隊等候入座，並沒有訂座或取籌。泡飯主要有龍蝦湯底及豬骨湯底，還有鹵水撈麵和日式咖哩選擇。 星期一至五六點前惠顧送熱飲。螺片鮮雞魚腩龍蝦湯泡飯 $68湯底味道非常好非常濃郁，中式的龍蝦湯味道比西式的龍蝦湯好得多。 螺片一塊，魚腩兩厚片，雞肉很多片，配上白飯泡湯，一人分量很足夠很滿足。鮮雞蜆肉雜菌龍蝦湯泡飯 $58湯底味道一樣濃郁，雞肉蜆肉雜菌份量適中，很好吃。湯底味道非常好，值得推薦。可是需要排隊入座，亦不可以坐太久。