影片
港铁宋皇台站B3出口, 步行约3分钟
继续阅读
电话号码
23822973
附加资料
火锅新鲜手切肥牛专门店。
营业时间
今日营业
09:00 - 18:00
星期一至日
09:00 - 18:00
以上资料只供参考，请与餐厅确认详情
食家推介
打边炉唔使谂， 我会买3号或者4号嘅牛肉（ 牛颈脊） ， 看似价钱有少少贵， 但系质素绝对高。 基本我屋企基本上都每一个星期打一次边炉， 同埋早上系会用靓牛肉煮通粉或者乌冬比小朋友做早餐。 最钟意食牛柳边、大腩包、4号、再加埋黑椒牛筋丸同埋牛柏叶， 自制一个超级牛肉拼盘😉包装企理唔再讲， 老板娘解释永远都正确， 买咗好多年从来都冇试过一次系伏嘅， 完全高质牛肉⋯⋯识食嘅唔使问咁多、 未试过可以试多啲唔同嘅部位☺️唔系住开附近嘅可以一次过买多啲⋯⋯放定喺冰格， 随时攞出嚟都可以有高质牛肉招呼朋友一齐食😏已经帮衬咗超过10年， 佢哋起初系喺荃湾开舖㗎， 后来就搬咗嚟九龙城， 隔离另外一档叔叔嘅牛肉档都系佢哋嘅联营， 不过冇买开嘅就未必知。 通常我买牛腩就喺叔叔度买， 买打边炉需要唔同嘅部位切得靓啲呢同埋包装好啲就系返呢度。
继续阅读
小编都系听闻几出名，有日就乡下妹出城记，去咗九龙城，小编都只系第一2️⃣次去，九龙城系一个买火锅嘅天地，拣牛肉梗系要拣啲雪花多啲啦，雪花够多之余唔会好肥，亦都唔会好腻，好重牛肉味🐂平时都好多人去排队，但系当时咁啱系闲日冇乜人，去到即㓥即切❕呢个价钱真系超值，$400可以令你食到呕，呢个价钱仲要系最多雪花，亦都会有几个价钱可以比客人选择，当然小编会推介$4️⃣0️⃣0️⃣最多雪花嘅牛肉俾你地啦，食后感只可以同大家讲质感好滑唔会油腻，但亦都好有牛味👍🏻👍🏻-因为排队好多时都系几个钟起跳，大家想试嘅话其实WhatsApp系有得提早预订㗎😆
继续阅读
特别推荐大家✅牛颈脊(4️⃣:最多雪花)✅骟牯吊龙✅肉眼边✅封门柳《牛颈脊(4️⃣:最多雪花)》总共有四款牛颈脊，呢只4号系最肥、最多雪花❄️😍，不过都系最贵🤭，系我哋最钟意食嘅一款成块牛呈粉红色、好多雪花、好靓🤤，见佢咁多脂肪，但系佢唔系和牛𠮶只咁油腻，食落好软淋，有牛味但又唔肥腻，有入口溶化👄，超好食😭😭💰$430/斤 (图2)(1号: $250/斤, 2号: $300/斤, 3号: $350/斤 ~ 号码愈细愈少雪花)《骟牯吊龙》呢款牛🥩系依四款当中油香➕肉味相对适中嘅一款，油花唔会好多，唔会好油腻，食落会系鲜甜、多肉汁💦💰$500/斤 (图3)《肉眼边》依四款之中第二多脂肪😌，食落都好软淋，但冇牛颈脊咁入口即溶嘅感觉，牛味相对上会重d🐮💰$450/斤 (图4)《封门柳》相对上四款牛当中，最少脂肪既一款😎，佢牛肉味系最浓，虽然冇乜脂肪，但食落又唔会韧，咬落都几淋，好轻易就咬断🦷，钟意食肉味嘅朋友啱晒🤩💰$350/斤 (图5)*唔一定要买晒一斤，可以根据你哋自己嘅食量而买🤰🏻，我哋每款大概买咗💰$100-$200，每样都试吓✌🏻**都要预返少少时间排队，我哋sat 1230去到，1310先到我哋买🚶🏻♂️🚶🏻♀️🚶🏻***𠮶到嘅牛柏叶都唔错🤫
继续阅读
没有晚市堂食的日子，加上呢个星期急转冻，最舒服自在莫过于喺屋企围炉烚下烚下。打边炉最紧要系咩？除咗个炉，火锅料都十分之重要！讲到火锅料，梗系去火锅配料重镇——九龙城，买齐料开炉！肥牛作为火锅不可或缺嘅主角，一于去手切肥牛店拣下是日精选部位先。位于九龙城市政大厦嘅「李辉记牛栏」，一到冬天就人头涌涌，今日星期六嘅中午不例外。12点多嚟到，人龙沿街市内铺位大排长龙，足足转咗三个弯。可能近冬至嘅关系，个个都想买靓牛肉，一家人聚埋一齐食餐团年饭。队伍慢慢向前蠕动，开始同肉档接近，眼见一啲受欢迎嘅稀有部位，池板、肉眼边、挽手等，逐款逐款被贴上「 已售罄」嘅牌仔。「李辉记」供应一啲平常于餐厅甚少出现嘅部位，on menu 嘅部位多达十多款；单单牛颈脊就有4种，以雪花多寡分级数， 油花越多，价钱就越贵，唔同口味嘅朋友都揾到适合自己嘅。大概2:45，过咗两个多钟头，终于到我哋啦～「下一位，唔该！」肉档师傅面对咁长嘅人龙都有耐性，冇燥底。师傅先将牛肉上秤，再切至约2-3mm 厚，然后喺发泡胶盒内放入冰袋，细心地将肥牛铺整齐，以冰袋保持牛肉鲜度，认真抵赞 👍=========================牛颈脊①号＄200（一斤）个人钟意食瘦嘅，所以拣雪花最少嘅①号，肥牛带少许油花纹，轻灼后见到一丝丝半透明嘅油脂；肉质有咬口，软熟唔柴，带微微油香，但就缺乏了些少牛肉味。封门柳＄100（五两）封门柳系横隔膜下面嘅肌肉，油花较少，肉质软腍，有口感，肉味浓郁，推荐俾钟意牛肉味浓嘅朋友！黑柏叶＄50（四两）轻轻灼五秒左右即可，口感爽脆弹牙，灼耐咗小心过硬啊～大家对于今次收获十分满意，为咗屋企人食得开心，等两个钟都值得嘅。 「李辉记」其实有设立WhatsApp预订专线， 不过预订嘅客人太多已满额，下次一定要早啲book咗先！=========================李辉记牛栏📍 九龙城衙前围道100号九龙城市政大厦2楼M14舖
继续阅读
疫情关系晚市堂食只去到6点，加上2人限聚。天气冻冻地，最好就系打个边炉！适逢做冬，我同女朋友四出买靓料同屋企人打边炉。上网揾到九龙城呢间「李辉记牛栏」，出哂名嘅长龙名店，梗系要黎朝圣排队。其实为左唔洗排队我地都试过whatsapp预订，不过因为预订牛肉嘅人太多额已满，所以只可以现场排队。 星期六嘅中午，训饱饱嘅我地差唔多12点半先到九龙城街市嘅2楼。今日开嘅舖头唔多，但系大部分都明显地为左李辉记而来！唔知系咪撞左做冬，排队嘅人数竟然可以包围街市排左一个圈！既然我地都黎左，咁就加入排队嘅行列啦～ 等了又等，等到咁上下我就行上队头影低餐牌谂定买咩牛肉。可能时候唔早，一啲比较热门嘅牛部位例如挽手，牛抓边，肉眼边等等已经沽清。等到大约两点九，足足等左差唔多两个半钟，终于到我地买啦！「下一位要咩呀！」师傅仔问，为左唔阻住后边排队嘅人我地即刻答左谂定嘅答案。=========================牛颈脊 1号（越大号码雪花越多） 一斤 $200封门柳 $100黑柏叶 $50。见到师傅仔同隔离婶婶手起刀落，将磅好嘅一大旧牛肉切薄片，真系够哂薄呢，冇番咁上下刀功真系做唔到～放落盒果阵舖头都会细心地附上一旧冰包嘅盒底，防止系回家嘅路程牛肉因唔够冻而变色，影响卖相。 几个钟后终于番到去打边炉，牛肉依然保持鲜红色！牛颈脊够淋身，牛肉味就唔够封门柳咁突出，不过封门柳就比较有咬口，我个人就比较喜欢牛颈脊！黑柏叶够爽，最啱轻轻碌一碌五秒搞掂！今次嘅牛肉好满足，不枉我地等了又等等左两个半钟！下次真系要book定喇！ 李辉记牛栏📍九龙城衙前围道100号九龙城市政大厦2楼M14舖
继续阅读
您可能会有兴趣的...